ipisabel's Profile

中環Lunch time搵食真係好難，無論咩價位嘅餐廳，12點後都要等位，就算訂位都唔容易！朋友12-2Lunch time，要爭取時間，我就先去鮨樂攞位！好彩我12點前到，可以直接入坐，遲小小都要排隊等位！餐牌上嘅魚生飯盒同壽司定食都好吸引，我同朋友都好貪心，又想食Toro，又想食Uni，我仲好鍾意食三文魚籽。我傾向食壽司，因為怕肥唔想食咁多飯，同埋可以試多幾款魚生，但係我又唔食三文魚喎，於是响特選三色丼同特上鮨樂壽司盛定食中徘徊，最後店員話可以叫師傅將三文魚壽司改成白身魚，咁我就好滿足咁點咗特上鮨樂壽司盛定食。壽司嘅質素同價錢成正比，好味但係預期之中嘅味道同質素。襯核污染水未排之前，盡情享受吓日本料理！…Read More

我第一次去志蓮淨苑同南蓮園池，估唔到响鬧市中會有咁古色古香嘅地方，好似穿越到唐朝一樣。我哋四大一小，一行五人專登嚟食素。我哋點咗：菠蘿咕嚕麥纖香煎蘿蔔糕素菜包芝士香草卷香菇菜苗餃金孢籽扒時蔬個菠蘿咕嚕麥纖嘅麥纖仲脆嘅，吸咗啲酸甜咕嚕汁，好好味！差唔多係我一個人清晒！個五福拼盤點咗個小嘅，都食唔晒，份量好足！不過其中一個朋友可能係無肉不歡，食極都唔飽，我哋之後去Happy hour仲要點多份雞翼食🤣🤣🤣🤣🤣…Read More

首先經開飯平台落order外賣自取有8折，叫了一份大嚿米線套餐，加埋凍奶茶先$62，碗面大到兩個女人仔share都食唔晒！好抵食！大嚿米線裏面有：豬肉、牛肉、雞肉、豬膶、微辣肉燥、魚旦、牛丸、魚片頭、芝士腸、火腿、豆卜、蘿蔔、生菜、酸菜肉碎及飲品，凍飲仲唔做加$2添。今次order咗巴蜀酸麻辣湯中辣同凍奶茶少甜。酸麻辣湯底同X哥味道都幾似，中辣冇X哥嘅中辣咁辣，我仲自己加咗好多麻椒油。凍奶茶味道正常！總括嚟請，我會再幫襯外賣！1.價錢實惠2.份量好充足3.味道ok4.環境睇落乾淨5.門口可以停到一陣車，極速攞外賣…Read More

我深深體會到，事情真係唔好睇表面！😌我經常去太和街市買餸，街市裏面都有成十間食檔，午餐時間都有唔少學生哥坐响檔前嘅凳仔堂食，我多數買外賣。一直都唔敢幫襯呢間日本魚生壽司店，怕唔新鮮肚痛！但係我太膚淺喇！見個鹽燒左口魚飯，$49咁抵食，諗住熟食安全就試咗第一次，然後就變咗常客！個鹽燒左口魚飯真係好好食，推介！燒過嘅左口魚嘅魚油香好出，同啲醬汁好夾！份量一個女人仔食啱啱好！我仲要係堂食，完全唔介意同後面買餸嘅人碰撞，就知道真係好食啦！不過我都係建議外賣返屋企慢慢嘆會舒服啲！😅今日我買咗自選魚生飯，有拖蘿蓉、三文魚籽、赤貝同甜虾，仲有五件壽司。食外賣都要有儀式感，擺好盤同大家分享！除咗紫菜碎之外，魚生飯都會放飯素，如果想口味正宗啲，我建議走飯素！至於壽司係精緻型，手握壽司並唔係機握大舊飯果種。呢個午餐我總共只花咗$108，魚生食得出處理得當，完全冇腥味，味道當然同高級日本餐廳三百幾蚊一個魚生飯係有距離，但係絕對唔會比商場裏面間迴轉壽司差，仲要比樓上果間連鎖外賣壽司店好添！…Read More

今次係我第二次幫襯！🧋姪仔响附近上堂，細佬唔得閒我就幫手接送吓啦！揸車帶住個細路同唔識中文嘅姐姐，搵嘢食最緊要係可以停埋一邊。上次覺得杯珍珠鮮奶茶走糖幾好飲，今次再叫多次，點知個妹妹同我走糖之餘仲走埋茶，都幾好笑！🤣🤣🤣🤣唔緊要嘅，小朋友覺得杯黑糖珍珠鮮奶好好飲先最重要，連佢減緊肥嘅阿媽都忍唔住偷飲咗幾啖！仲話啲珍珠好正好彈牙喎！整體嚟講，下次再幫手接姪仔放學時，我係會再幫襯嘅，飲品味道真心ok，價錢又合理，可能假期order太多，啲妹妹忙中有錯啫！不過珍珠奶茶🧋走糖走茶，又真係幾反白眼嘅🙄🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣…Read More

我住响西環，每日都會經過第三街！阿元來了開咗大概只係兩三個禮拜，但係對我嚟講，簡直係西環奇境，我從未見過西環有餐廳可以咁人潮洶湧澎湃㗎！每當午飯時間經過，啲人多到企埋出馬路，下午茶時間都座無虛席，而晚飯時間呢，索性截人關閘，門口貼咗張橙色紙，寫住「賣完了！」。我諗可能裝修比較有特色，我時不時經過都見到有小朋友「螺」爸爸媽媽要入去食嘢，好得意！其實响阿元來了裝緊修時，我已經有留意第三街呢度會開間台灣嘢，不過作為空姐嘅我，經常流連台灣各大小夜市，最初又點會有期待吖，到而家見到場面咁噓陷，唔試吓，又點對得住自己個胃呢！況且又可以多個話題同朋友傾！言歸正傳，呢日行過嘅時候大概係下晝三點幾，我哋兩個人，好快就可以入到座！門口個四眼叔叔好殷勤，仲有個操台灣腔嘅姐姐帶位。咦～原來唔止帶位姐姐操台灣腔，連廚房個肥哥哥同整珍珠奶茶個妹妹都操台灣腔，即時加分啦！Open Kitchen 個裝橫整到同夜市嘅檔攤一模一樣，我開始滿有期待，覺得可以食到台灣味道！點菜紙上嘅選擇雖然唔算多，但好多嘢出面好少見，譬如四神湯、雙旦煎、麥克雞塊、甘梅地瓜等等⋯有煩台灣腔姐姐好有耐心咁逐一解答。最終我哋點咗魯肉飯、蝦仁煎、鹽酥雞、皮旦豆腐同四神湯。點菜紙上寫住，每叫一個正餐加十蚊就有嘢飲，出示學生證仲有九折，都真係幾街坊價！第一道上枱嘅，竟然係一隻放响鐵板上嘅雞翼，正想話我哋都冇叫到雞翼時，就發覺原來隻雞翼係假㗎，只係用嚟扎住張單嘅模型！真係幾可亂真！好盞鬼好跳皮！魯肉飯終於出場啦！一條條嘅魯肉正站在珍珠米上同我打招呼，唔肥唔瘦剛剛好，味道比我响台灣食嘅有過之而無不及！其實我响台灣見到嘅，都係肉燥飯居多，一條條肥瘦肉分明嘅魯肉，已經買少見少㗎喇！我俾滿分！個皮旦豆腐最有趣，正路嚟講，皮旦就係皮旦，豆腐就係豆腐，邊諗到會有人咁有創意，將佢哋搞爛混埋一齊，老實說，賣相真係麻麻，不過味道出奇地夾，我哋清晒！輪到個四神湯，台灣腔姐姐放低時講咗一大渣藥名，我淨係聽到好似有當歸同薏米，就眼所見，浮咗幾舊豬大腸！我本人都好食得肥膩吓，尤其是豬大腸越肥越香，唔肥就唔好食！個湯飲落藥材味唔太濃，但充滿豬腸嘅獨有香味，我鍾意喔！鹽酥雞亦都好精境喎！首先佢嘅顏色唔深，呢個好緊要，一間餐廳係咪有良心，係咪用心制作，睇佢嘅油炸出品就知！顏色唔深代表冇用萬年油，代表呢間餐廳寧願不惜工本都唔想食壞人！讚！至於味道呢，佢嘅調味料唔太咸唔太辣，啱啱好但係又好香口好惹味！旁邊條金不換本應係裝飾，但係唔知點解又好好食喎，真係奇怪！塊雞外脆內滾，證明係即炸！入口唔肥膩，墊底張吸油紙唔太油，即係廚師好有經驗，油溫控制得好好！最後係個蝦仁煎，食開都係蚵仔煎，蝦仁煎其實第一次試。隻隻蝦都好大隻，有成七八隻咁多，真係冇欺場。因為我鍾意食海鮮，蝦同蚵仔我覺得一樣咁好食，裡面有旦有A菜，充滿濃濃台灣味！食飽飽見好多人周圍影，我都唔執輸影埋一份，呢度裝修真係好有心思，外面平台有個幸福里公佈欄，又有霓虹燈加檳榔攤，牆上用油漆噴滿廣告，真係好似置身台灣嘅民居！…Read More