LuciaChun's Profile

全港最出名的清真餐廳，一直未來過，宜家趁宋王臺站開通，特登同朋友來試。不愧是名店，不接受電話預約，只可walk in，而且要人到齊才可進店，超過五個號碼要重新取號。徬晚六點幾到門口已有很多人排隊，等咗二十五分鐘終於落座。點了二人套餐，當中包括鎮店之寶牛肉餅。一咬落去勁多汁爆出來，皮好薄但可以鎖住汁，牛肉好足料，味道不錯。名不虛傳溫馨提示，小心燙口！咖喱牛腩粉絲湯：牛腩幾入味，咖喱味幾濃。麻油雞：雞肉幾嫩，但味道偏淡。下次可以試吓蔥油餅和餃子！…Read More

每次到西營盤必食的甜品！每次過來門口都有人排隊，疫情期間亦是如此！最出名係雞蛋糕同桑寄生雞蛋茶，但桑寄生我麻麻，每次必點雞蛋糕！雞蛋糕係全蛋製成的傳統中式蛋糕，無奶無牛油，材料簡單，但做到幾十年如一日的好味卻實屬難得，入口滿滿雞蛋的清香味，不會太淡及太甜，味道剛剛好識食一定要點蛋糕邊，不過唔系每次都有。芝麻糊係用真材實料磨成碎粉製成，不是用粉開，無顆粒質感，口感夠順滑，不太甜，有芝麻香味！紅豆沙溝綠豆沙，煲得好淋，起嗮沙，但偏甜少少。…Read More

路過呢間貴麻橋咖喱屋時被菜牌吸引，好奇“咖喱”与“生咖喱”的區別，於是找一天同朋友來試味！一落座先同老闆瞭解兩种咖喱的區別，原來咖喱是馬來式咖喱，椰汁味較濃。生咖喱雖雖然也是馬來式咖喱的底，但味道更接近印度咖喱，少椰汁味。馬來咖喱唔系我同朋友個菜，於是點了“生咖喱牛利”加薄餅。雖然點了小辣，但辣度完全超過預期，很適合鍾意食辣的朋友。辣中帶小小甜，以為系椰汁，但老闆話因為加了生果一起煮，所以有生果甜味。幾特別！…Read More

呢間廚十三酸菜魚有幾間分店，全部去過，味道服務都差唔多，但最鍾意係尖沙咀分店。在太子集團中心18樓，環境幾好，坐窗邊可以望到海景同中環灣仔主要建築物，天氣好時坐呢度好舒服！聽講晚餐好多人排隊，而且價錢唔平，所以每次同朋友都是中午來食午市套餐，比較划算！單人套餐88蚊，一份酸菜魚，可配米線或米飯，再送一罐汽水，份量足夠！基本上我同朋友每次都選米線，因為米線浸在湯裡可以吸收湯的味道，同魚、配菜一起食，好好味！呢間係香港食過最正宗最好味的酸菜魚有加一服務費！…Read More

天氣轉冷一定要食煲仔飯，之前聽人講呢間新匯江美食中心的煲仔飯好有名，所以約了朋友來試吓。夜晚八點半到，門口依舊排嗮隊，等咗十五分鐘終於坐低。餐廳地方好大，普通茶餐廳裝修，人好多。侍應人少忙不過來，所以態度一般般。點了加大鴛鴦雞飯煲仔飯（田雞、滑雞）同沙爹粉絲金菇肥牛煲，煲仔飯果然名不虛傳，熱辣辣，好入味，飯焦脆啵啵，肥牛煲沙爹味好濃兩樣野，加一碗老火湯，總共$186。因為份量好足，兩個人食唔嗮，打包返屋企又食咗兩餐先食完，真系好抵…Read More

隱藏在深水埗的小菜煲仔飯餐廳，鋪頭好不起眼，但听同事話味道不錯，所以同朋友一起來幇襯吓。呢間餐廳可以自來料加工，朋友係旁邊魚檔買咗斑腩交俾老闆蒸，火候同時間都掌握的啱啱好，好味老闆係臺山人，所以招牌菜是“臺山黃鱔煲仔飯”，睇相已經覺得好好食，但朋友唔食黃鱔，冇辦法，只好叫第二樣。老闆介紹我哋食“油鴨髀煲仔飯”，果然冇介紹錯，米飯粒粒分明，帶著油鴨的香味，嚼起來Q彈，最鍾意煲底飯焦，脆啵啵！下次一定要揾同好一起來食招牌黃鱔煲仔飯…Read More

之前來飲午茶體驗唔錯，加之睇到晚市鮑魚雞煲有優惠，所以特登來幇襯晚餐。本來以為雞煲是有爐有煲，食完鷄可以加湯打邊爐，但我想錯了，雞煲衹是一道小菜，食完冇得打邊爐……鷄同鮑魚係整好之後擺落個煲度，而唔系直接系煲度整，所以上檯時唔夠熱，呢點需要改善。不過，味道唔錯，雞肉好入味，鮑魚有六至八隻，兩個人食啱啱好！花膠雞湯料好足，好濃味，五星級推薦最難得系服務態度非常好！因為新開張，老闆同侍應都好虛心聽取食客意見，最後送咗紅豆沙，全日無加一！下次可以試試燒味…Read More

呢間甜品店已光顧過好多次，疫情期間入店好嚴格，一定要測體溫加掃安心出行，二者缺一不可！咁樣好似麻煩D，但好處就系可以營業至淩晨一點。現今情形下可以開到咁夜的甜品店好少見，所以好適合兩三個朋友一起宵夜，服務態度都OK夏天來呢度都是食凍嘢，尤其鍾意食幾樣榴槤甜品，味道幾好，榴槤味幾濃！宜家天氣開始凍，就試下中式熱甜品：糖不甩味道太甜，不鍾意！酒釀桂花芝麻湯丸唔錯，既有酒香又有桂花香，味道幾濃，熱辣辣，好適合冬季食…Read More

新搬來荔枝角，到處搵新店試菜。每次路過呢間精品粤菜馆都被菜品海报吸引，所以特登同朋友來試試。週日中午12點到，裡面已經坐滿人，門口也有人排隊，睇陣勢就知一定冇來錯！比起一般的粵菜酒樓，呢間的點心同環境都精緻好多~最驚喜係小籠包，餡料多汁，皮薄而精，夾起時唔會破，味道正宗過很多上海菜館呢間餐廳有幾樣造型可愛的點心，很是吸睛！最後選了小企鵝~後來發現衹要有小朋友的餐台，小企鵝是必點菜品，原來小企鵝是陳皮豆沙包外形超可愛，味道中規中矩！…Read More

知道屋企附近新開咗呢間茶樓，特登同朋友過來試吓。環境裝修雖不如大集團連鎖酒樓咁豪華，但都算OK。新開張期間有套餐優惠，同朋友揀咗個午市皇牌套餐：乳鴿、藥膳雞腳、牛肉球同排骨炒河。份量幾大，兩個人食唔嗮，味道都幾好最好食係乳鴿，一試便知是新鮮出爐，鮮嫩多汁，體型都算大。同行朋友評價話質素拍得住沙田馳名乳鴿！藥膳雞腳，很濃當歸味，個湯幾好飲，唔怕肥的朋友不但可以食雞腳，還可以飲埋湯，一舉兩得睇到鮑魚雞煲優惠價好誘人，已決定同朋友再搵時間過來試:)…Read More