YuKiLamHK's Profile

上網見人食呢間fusion菜，覺得都幾得意，所以就同朋友仔特登過嚟食一餐。由於我鍾意海鮮，朋友就係食肉獸，所以兩樣都有揀啲。首先要大讚吓個前菜，特別係「牛蒡」做得好好味Appetiser 叫咗赤貝，配上啲蔥，唔會腥之餘仲好鮮甜跟住叫咗個三文魚子檸檬萵筍，第一次食呢個配搭，覺得好新鮮另一個小菜焦糖南瓜，就係健康之選，令到本身唔鍾意南瓜嘅我都食過返尋味Main course叫咗炭燒鰻魚，店員喺肥厚多汁嘅鰻魚上面，用炭燒灼鰻魚嘅魚皮，食落加添咗淡淡嘅炭火味，真係幾特別另外亦叫咗外型好特別嘅和牛三文治，配上特製醬汁，牛味非常濃郁，係必食推介甜品方面叫咗抹茶蛋糕同埋蜜瓜糯米糍，抹茶蛋糕正常水準，而蜜瓜雪米糍就好特別，值得推介好希望香港多啲呢一類有心思有創意嘅餐廳…Read More

黑松露滑蛋炒蝦仁蝦仁肉質頗有彈性，滑蛋超級滑，喺我喺屋企點都煮唔出嘅樣子。配上黑松露嘅香味，成件事好夾。秘製蟹黃醬海皇炒飯呢個飯鑊氣好夠，啲飯應該係好似中學家政老師教，用隔夜飯炒，炒完係呈一粒粒嘅狀態。本身個海鮮飯有魷魚、元貝、蝦仁等高級食材已經好鮮味，加埋蟹黃提鮮真係無得輸！脆米金沙炒翠玉瓜份量好足，翠玉瓜清甜配上鹹蛋黃味道又幾有新意，加上有啲脆米口感都幾特別，餐牌標示呢個菜係自家研發，我最欣賞廚師會跳出框框，走出comfort zone 去試新嘢！…Read More

天氣開始熱，有時唔想食得太heavy ，食下面食吓鍋貼會比較開胃。見到有set meals 可以試到多啲嘢，所以決定叫一個麻辣撈面set, 跟咗三隻生煎包，加枝豆漿，再加個蒜香牛油雞翼。另一個set 就叫雲吞擔擔麵，三隻鍋貼，同埋凍檸茶。兩個set 兩個人share 食，都好飽好滿足。可能因為生煎包及鍋貼都啖啖肉，特別欣賞鍋貼，皮薄肉厚多汁，無咩可以挑剔。另外最欣賞就係麻辣撈面，好香濃好開胃，一啖一啖唔覺唔覺就食晒豆漿同凍檸茶都好飲，整體來講係簡單好味嘅一餐！…Read More

今日好開心嚟到呢間寵物友善餐廳。餐廳有室外同室內兩個部份，室內室外環境都好靚，好有東南亞風，好適合搞私人party帶寵物嚟嘅朋友就可以喺室外用餐，呢個安排亦都可以提升餐廳衞生情況我哋叫咗幾個菜開心share:牛油果三文魚他他配香脆多士 欣賞佢有啲魚籽提鮮，多士非常鬆脆蜜汁燒焗花雕醉香雞 醬汁、配菜有心思，香雞亦煮焗得外脆內軟松露野菌帶子意大利飯 難得意大利飯香濃但唔漏白鱔串 白鱔燒得香口油分重，下次會叫兩串特色飲品：Lychee Soda Bufferfly Soda…Read More

經歷完疫情之後，好多好好味嘅拉麵店都執咗，同屋企人一直喺度搵緊一間好味嘅拉麵店，今日終於比我哋搵到啦！一碗好嘅拉麵，除咗啲面OK之外，個人認為最緊要係個湯底。呢間Tori MaMa品牌嘅拉麵湯底係自己熬製，有濃郁嘅雞湯，同埋都有清澈嘅雞湯俾你揀。屋企人揀咗好creamy 嘅香濃雞湯底，好適合補充蛋白質！配合香脆嘅炸雞扒，真係好正！飲完個湯之後，將日式芥末撈落個面度食，又係另一番風味！一個拉麵有多種層次，真係好令人欣賞我揀咗清湯底，配合近期喺日本好流行嘅蜆肉，加上香煎雞扒，仲有原隻嘅流心蛋，真係世一！未離開餐廳就已經諗緊介紹朋友過嚟食希望喺唔同嘅locations開多幾間分店，方便我可以成日食啦…Read More

呢一餐算係價廉物美，而且餸菜嘅選擇好豐富，唔單止係清湯牛腩，仲有其他小菜可以選擇。但我哋最欣賞嘅都係清湯腩，果然係招牌菜，非常清甜嫩口，係必食推介！白蘿蔔非常清甜，我係食唔停口醉雞亦都夠滑夠香嫩，淡淡酒香幾啱我口味。白灼蕹菜比較清淡健康，但係加上地道嘅腐乳醬，用嚟送飯一流。咖喱牛腩嘅咖喱汁微辣好香，薯仔紅蘿蔔都好入味，又係好適合送飯。飲品方面跟餐加錢，母親大人飲熱檸蜜養生，我就覺得配上凍檸樂最過癮！…Read More

好難得搵到一間近鬧市，有靚海景，又好chill嘅地方飲茶🫖叫咗平日會食嘅點心：蝦餃，燒賣，懷舊灌湯餃，叉燒包，蘿蔔絲酥餅，排骨陳村粉，韭菜金錢蟹盒。有幾款點心特別好食並值得一讚嘅：懷舊灌湯餃個皮唔厚之餘，入邊嘅湯好多好正哦排骨陳村粉係我媽咪最欣賞嘅，因為個陳村粉好入味 我就最鍾意韭菜金錢蟹盒，個殼脆卜卜，入面嘅蟹肉同埋韭菜同埋蟹肉嘅配搭好新鮮叉燒包係令人喜出望外嘅，因為入邊唔單止有叉燒醬，係真係有叉燒粒！個皮亦都好甜好香口加埋個無敵海景，我應該會再返去…Read More

經過旺角通菜街，見你好多人食呢間生煎包，估計應該都好味，所以同朋友一齊試吓。首先任飲豆漿確係抵讚！豆味好濃，有啲似屋企自家製嘅豆漿，問吓店員點解咁香濃，估唔到真係自家製生煎包新鮮出爐夠熱又多汁，我鍾意蟹粉生煎包，好鮮甜。朋友唔食蟹就食原味，除咗要小心爆汁之外，真係冇得彈！麻醬手撕雞絲粉皮，好啱初夏嘅天氣，麻醬香濃，雞絲夠滑，整體來講幾開胃鮮雞湯小雲吞，唔好俾個名呃到，啲雲吞都幾大粒好有肉地主食揀咗擔擔麵，味道適合本地人，仲有啲好似櫻花蝦嘅配料都幾特別！…Read More

屋企人好鍾意食辣嘢，但又喜歡留港消費，好唔容易搵到呢間過江龍重慶米線，俾佢過吓口癮Omg, 個藤椒腰花米線好正。唔算好辣，幾啱香港人口味，店員友善介紹個腰花係自家特製，特別爽口！下次會再挑戰加辣！由於我有少少口喉嚨痛，唯有揀四仙米線，加兩粒蝦滑。估唔到個湯底好味，係真材實料，坊間嘅連鎖米線係冇得比。小食方面，我哋點咗：香辣木棉豆腐味道偏向甜，作為小食頗開胃。牛肉餡餅啱晒唔太食辣嘅我，餅皮香脆牛味濃，可以encore。鍋巴土豆值得一試，因為喺屋企係整唔到外皮咁脆嘅薯仔，加埋個source, 有特色得嚟都好好味。飲品方面：我點咗小吊梨湯，幾清甜，潤吓喉嚨啱啱好。朋友係咖啡愛好者，點咗生椰拿鐵，好有東南亞風味。…Read More

今日奶到旺角食台灣菜，估唔到細細間店，煮出嚟嘅菜式都好地道。我哋兩個人下午茶食唔到好多，叫咗一個主食：麻辣牛肉牛筋麵，意想不到嘅係啲牛肉牛筋好入味好腍，食得好舒服好滋味。另外叫咗台式炸大腸，雖然要等15分鐘，但係新鮮炸出嚟特別香口，等待嘅時間係值得嘅！見到餐牌寫家傳鹽酥肉，雖然平時都係食炸雞，今次諗不如試吓特色小食，估唔到呢個小食係最好味嘅！啱啱炸起外脆內軟多汁，真係好正最後我叫咗一杯金鑽鳳梨汁，朋友叫咗珍珠奶茶，感覺好滿足！…Read More

天氣有啲凍，所以好想食雞煲，但係又想坐得舒舒服服，所以朋友就搵咗呢間專係做雞煲嘅商場餐廳。朋友好食得辣，所以我哋叫咗中辣。店員好好人，幫我哋煮個雞煲煮到大概九成熟先俾我哋，等多一陣食就啱啱好，好香辣、啲肉又好滑食完雞煲之後，加入香濃湯汁，我哋已經準備好打邊爐啦！由於已經食咗好多肉，所以我哋淨係叫咗最愛嘅牛肉，以及一個蔬菜拼盤，鴨血、冬瓜、薯仔等。冇諗過食雞煲都可以好健康飲品方面有好多選擇，但係我想飲可樂，朋友想飲啲啤酒。下次可以試吓佢哋秘製嘅黃酒，冬天飲應該好唔錯…Read More

朋友生日約食飯，平時食開商場嘅餐廳感覺有啲悶，所以今次有少少新意去The Pearl 呢間酒店餐廳。The Pearl 令我諗起細個讀書時讀到的：「香港有東方之珠的美譽。」希望呢間The Pearl 唔會令人失望。一到埗店員安排坐吧枱，環境有啲懷舊，一排排酒樽好靚好奪目，就好似香港嘅夜景一樣。講返嘢食，我哋叫咗四個菜，各有特色：吞拿魚牛油果泡沫他他配自製羅勒油呢個菜好開胃，吞拿魚配上個醬汁好夾，好味程度係，就算後面我哋食到好飽都會清晒成碟菜。Parma ham salad平時喺街食開嘅Parma ham份量一般較細份，但呢碟量好足, Ham 嘅鹹香加埋哈密瓜嘅清甜，又係好開胃。香煎牛封門柳呢個朋友食咗一口就大讚話好好味！份牛扒處理得好好，火喉又啱啱好，入口嫩滑牛味重，再配上香滑薯蓉，口感好好，真係物有所值。和風醬油大蝦煙肉扁意粉平時好少食和風特色嘅意粉，味道比我預期之中好，算幾有驚喜！Crimson Sa MuRai清新之選Wandering Voyage味道香濃…Read More

話說本來買咗機票去台灣，點知颱風所以成行程取消。朋友即刻話介紹我去仔食吓啲地道台灣美食。餐廳環境舒適，設計簡約，店員十分有禮，熱心介紹佢哋嘅小食同飲品。由於係下午茶我哋唔算太餓，所以我哋叫咗：招牌炸雞半隻：即時炸起，皮脆肉嫩，搣落去仲有黃油滲出，真心超高質滷水拼盤：拼盤當中最欣賞蘿蔔同埋豬耳，蘿蔔香甜多汁，豬耳肉厚有口感炸杏鮑菇：出奇的多汁，仲有唔同嘅口味嘅粉粉可以揀，芥末味有新鮮感流淚糖心蛋：醃製過非常入味台南蝦卷：好味平時酒樓食嘅蝦卷，唔會乾身，蝦味重百香果梳打：偏酸，感覺開胃佛手柑梳打：微甜，感覺清新真係冇講錯，成個感覺就好似去咗一轉台灣夜市咁滿足…Read More

由於要喺屋企照顧小朋友，好耐都冇得去旅行。突然間想食啲地道韓國菜，搵咗附近諾士佛台嘅#狎鷗亭居酒屋#鐵板燒LA牛肋骨好有家庭小菜風味，牛肉肉汁香濃，用生菜包住嚟食（可以加蒜頭，以及辣椒）勁惹味，配搭燒酒簡直一絕#純豆腐辣湯呢個辣度好啱本地人口味，少少香辣激活咗我嘅味蕾，用嚟送飯好正#八爪魚併無骨炸雞無論賣相同味道都算係韓國菜天花板，色、香、味俱全的一道美食#Saero燒酒無糖燒酒，適合keep fit一族臨走時店員話：星期一至六開 17:00-03:00星期日開17:00-02:00適合三五知己一齊去飲酒食醉…Read More

平時都係我帶朋友食好嘢，今次到「舌尖上的小小姐」帶我去太古食法國菜😋我哋分別各自揀咗一份午餐share開胃菜1：冷切拼盤 （估唔到有驚喜，啲ham 味道香濃但唔膩，芝士比較乾身味道濃郁，越食越開胃。） 開胃菜2 ：火灸吞拿魚（吞拿魚質感較腍，魚味香甜，配上香脆松子，口感既清新亦有層次。）主食1: 盲曹 -橄欖油涼拌手指馬鈴薯 （條魚肉質細膩鮮甜，煎香咗唔會腥之餘仲幾香口）主食2: 梅格茲香腸燴貓耳朵面 -甜椒、黑胡椒、鼠尾草（飽肚之選。貓耳朵細細塊好有嚼勁）甜品：朱古力撻（朱古力香濃）飲品1: Apple cart （甜甜地，酒香清淡）飲品2: Lillet Fizz （少少酒味，加上鮮檸檬，感覺清新）要讚吓個主食portion 好啱本地人，真係好夠飽！…Read More