kenngyk's Profile

食開金源其他送，不嬲都正正常常但今日突然差左好多晚餐叫左個咖哩牛腩飯（$65）外賣一打開已經呆左，得紅油完全咖係咖哩應有既口感同色水而且全部都係油，點食呀無下次差左好多…Read More

下午1點左右落黎食飯，叫4-5個點心加個蒸飯，叫左之後5分鐘出左兩個點心之後停晒，過多15分鐘第一次追單，男職員hea應一句就去廚房，無回音。第二次追單，另一男職員睇都唔洗睇就話蒸緊。今時今日咁既服務態度真係好差到15分鐘後再追老闆娘，原來漏單，同屋企人o晒嘴，眼見成班人好似第一日番工，乜流程都唔識，感覺上似第一日開鋪。結尾2個點心都係無黎。結論，又話疫情下餐飲業點樣拉客，做好服務，呢間就擺明倒自己米，無下次，完！…Read More

老實講，呢間餐廳並非本來慶祝情人節的首選但２～３星期前打去該餐廳已full booking，見呢間餐廳評分都高，價錢亦可接受，於是一試要搵一日上去俾$500 deposit，而當日會減$100book左8:30pm, 8:15上到去已可入座一入黎已經要讚!座得舒服, 店面細細, 但2人會俾4人檯, 唔怕檯貼檯同陌生人一齊坐咁尷尬!而且考慮到情人節, 餐廳仲特地拎個花桶俾我地插束花係檯面!!好貼心!!!擺設如上, 送左2盒朱古力, 仲有2張卡, 侍應表示下年出示有5折(雖然係抵, 不過有幾多人下年會黎同一間餐廳呢.....)情人節特別餐前菜方面, 豬肋條真係好好食!海膽蟹肉意大利飯，海膽不會過濃過淡，飯粒軟硬適中芝士龍蝦＋美國牛柳，龍蝦肉爽口，新鮮！牛柳可自行加黑椒調味，味道更好！芝士蛋糕＋朱古力蛋糕無跟餐野飲, 於是叫左一杯有酒精, 一杯無酒精既飲品女友點的Flavor Mojito(草莓)真的太搶喉，我都覺得頭半杯都過濃酒味，但當冰溶了，味道卻是非常地好Berry punch，酸酸的非常開胃，圓球為莓類的冰塊，有心思！食物飲品味道驚喜不算大，中規中距，但勝在侍應非常有禮貌收碟放餐都會講聲唔好意思，阻阻你，而龍蝦上菜時亦特別提醒蝦槓部份已打開，平凡中見細心等升降機離開既時候，女友打算門前拍照留念，店員見到亦主動幫我地影難怪女友一進升降機便讚呢間餐廳服務好！…Read More

吉列牛呢種食法應該算係韓燒,日本菜,西餐當中突圍而出既生力軍早已聽過呢間吉列牛忌廉烏冬專門店當日2人同行7點去到, 雖有訂位, 但客人只有約6成, 就無表明訂位自動坐下店員有提醒用餐時候1小時15分叫左個 $246既set, 吉列牛定食+咖喱忌廉牛肉烏冬+汽水(可補差價轉其他飲品)配菜有沙律, 車厘茄及豆腐, 但一式用上胡麻醬, 甚沒心思吉列牛肉汁尚算豐富, 但外層炸得不算脆, 失分咖喱忌廉牛肉烏冬賣相特別, 但內裏亦一如其名, 只是普通日式咖喱價錢不算貴, 轉飲品及加一後只需$300以下以每人$150的價錢我覺得可以一試但會否回頭再光顧就見人見智了…Read More

當然不是第一次吃沾麵早一兩個月前才食過近鵝頸橋那間的沾麵, 十分有驚喜, 可惜再看openrice時發現已結業神山麵屋的沾麵選擇不多, 最多人揀應該都係「聲稱」限量發售的豚角沾汁麵店員表示要等15-20分鐘, 而實際上都真係需要咁耐後尾才覺得奇怪, 之後再講簡單講下:湯汁濃, 稠身, 味道本來中規中距但竟然係唔熱, 有食過沾麵都知, 麵係凍凍地既, 靠個湯加熱個湯唔熱已經係一大敗筆, 另外, 開首提到的沾麵店係有熱石提供, 等湯變涼後可再度加熱而呢間拉麵店係無既...麵身較硬, 喜愛與否就因人而異豚肉唔錯, 份量多之餘亦唔會太肥太瘦 但流心蛋控制得唔夠好, 我果隻好流心, 但同行果位就無流心效果講番等15~20分鐘點解奇怪麵係凍既, 即係一早整好放涼, 豚肉,蛋都入味, 亦不是即煮, 而湯亦唔熱, 而且不可能立即整好咁究竟要客人等咁耐既原因係邊? 真係一個迷…Read More

今日2人同行太古城, 購物完畢已下午6點半於太古城內的touch mon kiosk查看附近餐廳見到一間個名幾特別的日式食肆, 更不是在太古城商場內, 要行出太古城, 轉入住宅區內一入座點左2個1人餐, 好快就黎左個酸瓜螺肉, 好食開胃!但開左個胃, 到黎下圖壽司已經等左5分鐘....帶子同甜蝦都新鮮, 但帶子不夠爽口再到黎下圖起碼超過20分鐘....2人已餓壞醬汁味道甜甜地不錯, 但牛柳偏鞋口, 如嫩一點就更好了本來仲有一碗腐皮烏冬但無影到, 麵質一流, 大家可以一試呢個係豬軟骨拉麵, 豬軟骨夠淋, 入味, 湯底有黑蒜, 但並無特別估唔到食完仲有每人一個黑芝麻雪糕!埋單~$330, 算係一個太古城附近不錯的選擇!…Read More

女友生日飯，當然要選好一點的餐廳Openrice上見到這間環境不錯，價錢亦適中，於是早一星期訂了位於K11旁的酒店餐廳（訂位是英語對答）入口稍為隱蔽，是位於車場入口的踏入升降機，按下38樓的按鈕，升降機迅速往上，很快就看到維港的景色我倆已大讚漂亮，畢竟香港夜景聞名於世，看到亮燈後的建築群確是很感動，尤其是今次在高處！一入座已有驚喜，訂位時沒說明要窗口位，只說是慶祝女友生日，想安排玫瑰花雪糕（稍後再說）不知道是運氣好還是窩心安排，竟然安排到店內唯一的角位！背後是一整幅落地玻璃，直望夜景！旁邊還有梳化可放隨身物品，其他位置當然沒有這待遇！旁邊亦一直沒人坐，感覺超好！在場所見，侍應只有兩位外籍小姐，親切，由始至終帶有笑容，雖然人少，但上菜速度卻是剛剛好！餐單貼心的寫上中英文對照，值得一讚（很多高級一點的餐廳的菜單都沒中文，其實英文再好，也不懂專有食材的英文名稱不要為難正常的香港人吧）點了餐，很快便來了麵包及牛油/蕃茄醬等，味道固然不錯，我覺得真正的用意是等待前菜時不用你眼望我眼，可邊吃邊談天跟麵包一起來的還有這個，牛肉包著一點火箭菜，配上沙律醬，算是附送的小前菜令人驚訝的是火箭菜沒苦味，令不愛吃火箭菜的我倆大呼出奇飲品方面，點了芒果特飲及草莓特飲草莓特飲較酸，像是各種莓汁的混合體第一道前菜是蟹肉雙重奏，我們是被餐牌上「以冰水晶球奉上」這句吸引在場所見，很多客人都有點這道菜這是真真正正用冰造的容器，未吃已讓眼睛享受一番材料為蟹肉，蟹膏，木瓜粒，蕃茄粒，芒果粒生果粒的清新中和蟹膏的濃，是不錯的醒胃前菜另一前菜是煙燻澳洲牛里脊肉，餐牌上說是得獎之作老實說，味道偏淡，牛肉亦很難切開，比較失色主菜來了！是烤鱈魚，這道菜值得一讚鱈魚肉質夠滑，魚味濃，菊芋像是灑了避風塘炒蟹的配料上去，感覺新奇那隻蝦是驚世之作，肉質彈牙，充滿香香的蝦味！黑松露片意大利扁麵，點菜時侍應告知會有一點辣而結論都是真的辣，但沒有麻辣感，一邊飲飲品一邊吃還是可以的味道其實很豐富，而片裝上碟的黑松露坊間較少出現，但味道沒有黑松露醬般濃當天的主角，rose ice cream，如預先預訂，可以叫餐廳準備生日牌上甜品時，廚師會在旁製作，簡直是視覺的享受！結論：只是一頓正常自助餐的價錢，便可享受到一流的夜景一流的服務以及優雅的進餐環境，性價比超級高適合慶祝周年紀念，生日等！…Read More

2人同行D2 place打算先吃下午茶再逛手作市集我們被門前那tea set照片所吸引，進了位於3樓盡頭的一間餐廳，點餐入座$138只包2杯English tea，其他飲品(例如咖啡/朱古力等)須再加$5/杯性價比低之餘，食物品質更是非常非常有待改進，逐層說吧底層為咸點，6件迷你多士餡料有蛋沙律，塗上類似肝醬的，以及大蝦各2件蛋沙律食到有松露香，但沒有黑色的醬(是白松露？)肝醬多士只吃到咸咸的，而大蝦多士算是較可取，味道較好多士塗上些少蒜蓉醬，但多士整體沒什麼溫度，亦不算脆，似是預備了很久沙律竟然沒有黑醋／任何醬汁，餐廳的老闆都習慣乾吃嗎？實在令人無言...第2層是失望的開始宣傳照上的3大muffin變了3個小蛋糕，不，是小蛋糕形狀的「脆蛋餅」，意外吧？！(openrice上其他食客上載過有muffin的圖片, 應該是剛巧當天食材有變動?)看似鬆軟卻沒有一絲鬆軟口感，換來是沒有任何水份，鬆脆不堪的「食物」不知道店方知不知道雪芳蛋糕應有的口感提子鬆餅，比以炸雞聞名的連鎖快餐店還要差而且.....沒錯！又是脆的，我已經在質疑廚師是否懂得什麼是提子鬆餅後面的oreo蛋糕，說實話，沒吃過一個蛋糕比這個更詭異蛋糕部份味道沒什麼特別，但底層的消化餅底竟然厚達指尖一節，令人大開眼界而且牛油份量過多，油份多到。。。。最頂層有3個生果撻，２個泡芙，一個焦糖燉蛋，3杯奶凍(令人奇怪，為什麼寫明for two的tea set會出現不能平均分配的份量?)生果撻吉士醬過多，餅底脆如餅乾，不合格之作泡芙是超級市場買到的冷凍食品，不合格之作奶凍表層為漿狀，藍莓醬太酸，芒果醬更是濃縮果汁，不合格之作焦糖燉蛋稍為對版，但只看以上已知道實在差到不行，不值１人$70的價格…Read More

星期六入迪士尼黎到晚餐時間，本來想食好D去大街餐廳，但價錢太貴而且不值，平均$200仲要得碟意粉無野飲，無沙律，仲要排長龍......由於時間關係，決定轉去皇室宴會廳園內餐廳充足，上次就試過去大冒險家餐廳與今次比較，大冒險家餐廳較平民化，$100內已有交易而今次用會員卡９折後人均$110~130(以金卡為例，單數月份更有75折就更抵)，但質素就較好焗白汁龍利柳飯，味道濃郁，醬汁亦夠多而且捧到座位仍是熱辣辣！雜扒套餐，有牛扒雞扒煙肉腸仔豆類等等醬汁另外裝起，是小小的貼心表現質素不俗，份量很足夠，可選薯條或飯…Read More

星期日12:20pm左右到訪地方亦不難找，地鐵站出口已看到該大廈我們為第一組食客, 因為12時才開始營業點餐完畢，侍應會先上麵豉湯，味道個人覺得較淡，麵豉份量可加多一點海鮮雜錦炸物拼柚子麵定食(柚子麵/沾烏冬2選1)觀看之前食評，食材有稍作更改，應該因時令改變今次有蝦，蠔，薯容餅，海鮮餅及芝士福袋所有炸物可見到為即炸，上菜時熱騰騰。炸粉不厚值得一讚付上一小碟薑蓉，蘿蔔蓉，蔥粒，黃芥辣作調味，十分貼心第一次品嚐柚子麵，雖然為冷麵，但亦食到陣陣柚子香古今二卷物盛可於金龍卷及火龍卷2選1，而下方就是我們選的金龍卷因餐牌沒標明食材，故點餐時詢問店員，可能因不少顧客問過，故被問到時店員亦背誦如流卷物味道不俗，用料亦很充足，不會出現「飯多餡少」的情況…Read More

夏日炎炎, 識行一定係行商場無他嘅，鐘意有冷氣嘆，唔洗行到身水身汗一路想試log on cafe, 今日就黎呢度食晚餐平均一個餐around $80~120連飲品2人同行, 先叫All Day Breakfast有pancake, 黑松露炒蛋, 意大利火腿扒, 沙律食得出用料好好，配pancake嘅唔係一般糖膠，而係蜜糖，健康之餘亦別有一番風味！黑松露份量及味道都好夠，食到尾都仲食到黑松露獨有香氣意大利火腿扒口感及味道都似煙鴨胸，油脂較多，但變相唔會un龍蝦汁海膽帶子意大利麵，本來想試另一意粉，唯已售罄第一口已食到龍蝦味道，唔會「得個色」海膽唔腥，亦用上可作刺身食用既帶子，表明用料品質高帶子開中間一刀煎香，但個人口味黎講，希望可作濃少少既調味炸雞配蜜糖芥末醬同黑松露醬蜜糖芥末醬味道唔「出」，稍稍失色相反，黑松露醬有驚喜，味道岩岩好，配炸雞一流加錢配既宇治牛奶抹茶，賣相幾cute ，味道中規中距…Read More

本來打算到長洲一天遊但因落雨, 就改為去中環行街盡快搵個唔洗淋雨既地方食飯, 就當然係IFC啦!黎到3樓, 發現有十數個人係正斗排緊隊, 難得係IFC, 價錢又夠「貼地」, 我地一於加入等叫籌行列!2人入坐竟然剛好分配到卡位, 坐得非常非常舒適! 喜出望外!亦唔洗介意附近檯食客既目光, 哈哈~一早已知道正斗出名雲吞麵, 所以叫左一個細既雲吞麵俗稱細蓉, 麵就唔會太多, 但叫埋3個點心, 2個人分剛剛好1.湯底清2.麵爽口, 坊間好多食店既麵難以咬斷, 所以一食實在喜出望外3.雲吞蝦爽口彈牙, 可能係我食過最爽既雲吞!蜜汁叉燒腸粉, 稍稍令人失望好食既腸粉應該皮薄餡靚, 但同其他食評意見一樣, 呢度腸粉皮極厚, 亦唔滑黃金流沙飽, 包皮鬆軟, 流沙部份做得唔錯, 食到細粒既蛋黃好食!牛肉球原來係即叫即蒸, 上菜雖然稍慢, 但值得等待其他點心可以一早蒸定, 但牛肉蒸過火就會老所以一上檯會見到表面係紅紅地, 肉質幼滑, 唔似普通食店咁已經蒸老晒但似乎呢度用醋代替喼汁, 本人喜好食喼汁既酸…Read More

無預先安排既晚餐我地選擇左就腳既樂富, 我地唔算好肚餓, 想揀間唔太heavy既食店, 今次就揀左茶木其實之前我只試過佢地既甜品, 今次係第一次試正餐!大家今日都未食菜, 一於先黎一客「牛油果明蝦意式沙律」上菜時另附上一小碟醬汁, 應該係醋沙律菜底亦已加上沙律醬, 所以唔會乾身!牛油果為角切形式, 能同時享受軟滑口感同特別既味道! 蝦夠大隻, 有3,4件除左上述材料, 仲有紅椒,黃椒, 火龍果! 值得一試!排隊等入餐廳期間見到肉燥飯賣相唔錯一於試下佢!係幾款肉燥飯當中, 我地揀左「香煎沙朗肉燥飯」肉燥份量夠多, 唔會偏咸, 實在意外地出色沙朗肉有3塊, 唔會un, 但稍嫌平平無奇, 可以係調味上多下功夫, 另有半隻蛋及青瓜拌碟「綜合鮮果茶」, 話明綜合, 材料一定係多包括青檸, 西瓜肉 , 梅, 橙汁, 茶...酸酸地幾開胃!作為夏天特飲正好!…Read More

2人同行, 12:30pm約係旺角食完午餐再開始一天嘅玩樂之旅無謂行得太遠，目標設於港鐵站附近見呢間鐵牛台灣牛肉麵有不少好評，一於決定試下入座後先要於落單紙寫好想食既野，再到收銀處付款，之後職員會將餐送到。呢個方法唔錯，避免落錯單又可以減少排隊人龍招牌紅燒牛肉麵，湯底有香濃香料/藥材味，等於日本拉麵一樣湯底味道正是麵類精粹牛肉有4大塊，麵亦夠多，相信女士們未必可以食晒小香腸肉燥乾拌麵，個人感覺麵嘅質感同湯麵有別不知是否有湯與否影響口感，乾拌麵口感如同營多撈麵一樣小香腸已放涼為一敗筆，如果可以加熱奉上會更好，另外，肉燥亦不夠多但總體上也是很好食！百香果QQ冰茶，內有百香果及珍珠味道正常，與坊間飲到的台式飲品一樣珍珠口感不俗，但建議用大珍珠，能更食出QQ口感雖然當天是星期日午餐時段，但人流十分少，裝潢及氣氛竟然給我咖啡店懶洋洋的感覺如果與久未會面的朋友前來，一個牛肉麵，一些小吃，一杯台式飲品相信已可閒談一兩小時…Read More

成日都覺得，香港好多食肆提供既日式食物質素都好高壽司，刺身，拉麵，串燒都可以整得好好食唯獨鰻魚飯不能登大雅之堂，因為始終不及日本(當然我未係香港食過幾百蚊既鰻魚飯)但食過三河屋，真係可以改觀曾經係荃灣某同樣出名鰻魚飯既餐廳食過，質素只係一般所以今日都只係抱一試無妨既心態黎到三河屋下午12:30到達, 一坐低就已經感受到「昭和風」，好似身處80年代既格局, 陳設公眾假期既今日, 仲要食飯時間, 竟然餐廳都無好多人到食完走人, 餐廳都只係維持6~8個人左右, 好清靜, 好有日本既小店感覺!!!!!正!!!!!!2個人叫左鰻魚飯(附麵豉湯), 大阪燒餅, 日式漢堡扒先黎主角鰻魚飯, 一上檯已經香氣撲鼻重點之一, 碟飯係新鮮即叫即煮, 非常熱! 唔會係整定係度放到凍晒!魚肉唔爛/un, 好新鮮第二, 醬汁份量適中, 味道剛剛好第三, 飯真係夠多, 2個人share都夠食!唯一美中不足可能係無用傳統四方形既日式容器, 否則, 感覺再豪華D(不過呢度唔係sell豪華XD)日式漢堡扒, 好有家庭既感覺味道好溫柔, 唔會過咸小弟鐘意食好粗肉粒感覺既漢堡扒, 當然因售價所限, 呢度就唔能夠做到lu大阪燒餅, 質感真係燒餅, 實左少少預期會係大阪燒咁有好多生菜, 普通左少少, 呢個大家可以唔洗嗌留肚試下其他野總結, 2人埋單只係$168, 一個人$80真係好抵食!基本上一碗鰻魚飯已值回票價!…Read More