Foodie.jody的个人专页

懷舊的上海店俾人印象係好食啲，今次就試下呢間！叫左個二人餐：1主菜+1小食+湯宮保雞丁 好多雞件同火腿片，仲有爽既蝦仁同脆腰果，辣辣地好香又好餸飯！食到停唔到！加左$25轉左湯要雲吞雞好抵丫！大大煲有四隻足料菜肉雲吞，仲有雞腿肉，娃娃菜，好似多左一款湯加餸咁！我最期待就係食豆沙窩餅我覺得整得好食間鋪先似正宗上海野，黎到熱呼呼，脆皮加上唔太甜嘅紅豆蓉好正丫仲食咗小籠包雖然賣相唔係話超靚，皮亦都唔係超薄，但係睇吓裡面係好多好多汁㗎！皮係正常唔係厚硬，肉都唔係肥豬肉食到飽哂飲埋杯八寶茶，好香的菊花香味，飲完覺得清哂唔肥膩，仲可以添水飲多幾杯㗎！…查看更多

星期六晚突然想食台灣嘢，行過寶琳見到好似好吸引又唔太多人排隊就等下啦！ （之前見過好多人排架）我叫左個鹽酥雞扒肉燥飯一黎到見到雞嘅份量都幾多，一大碗飯，肉燥睇到都好想食果然無失望，肉燥唔太肥很滑，好多汁到可以撈哂成碗飯！反而雞扒就夠哂咸但唔夠脆如果炸得鬆脆啲熱啲就好喇！ 不過$58有呢個份量超抵啦，淨肉燥飯都唔平架嘛！跟餐+$8 配呢杯桂圓杞子菊花冰茶，幾清新既感覺，唔錯！比起其他嘢飲飲落無咁有罪疚感友人叫的養身清燉牛腩麵湯底有啲藥膳味麵都幾彈牙 同埋份量都幾大蘿蔔炆到林哂喇牛腩都係不過個人認為有少少蘇味…查看更多

去完台灣旅行仲好回味，返到香港都想食台灣嘢 行過旺角見到賣牛肉麵，口水已流咁上去試下佢嘅下午茶餐～叫左個黑糖珍珠奶茶同埋普通奶茶黑糖個賣相幾好 但飲落完全唔夠黑糖味 珍珠又唔係咁煙韌好失望個奶茶就好淡，加上冰塊就淡上加淡叫左古早味牛三寶麵 （牛鍵、牛筋、金錢肚） $48個碗係好細既，每樣餸都係得一舊，連麵都只係得幾條，女仔食都唔多夠飽，莫講話男仔。下午茶呢個錢我都明唔要求得咁多，份量少唔再講，不過食落去都一點台灣風味都無，個湯底似係加味精，認真無下次…查看更多

呢間甜品店咁出名，成日都經過，但無特登去食...星期五晚食完晚飯想食下舊式甜品就去幫襯下~~補腎合桃糊 $25生磨係幾滑既，好大碗都算幾抵，不過味道無想像中咁好，太過甜喇蛋白燉鮮奶 $26唔錯既，不過唔係真係咁特別奶味可以再濃d🤔…查看更多

週末去左觀塘行街，下午茶時間肚餓，我記得之前呢個商場都有好多野食就過黎睇下，希望唔洗同人迫！行到去門口，見到個餐牌好抵，平到咁心諗信唔過，但職員好有誠意咁出黎介紹拉客，就試下啦星州炒米 都幾大碟，唔會好乾，小小辣，幾惹味鹹魚雞粒炒飯雞粒都幾多，熱辣辣，味道正常大食既我見到薯條雞脾餐咁抵忍唔住後加埋，勁熱丫隻雞脾，好脆，粗薯條好少有得食，好好味丫呢間真係好抵食，廿幾三十蚊一個餐幾好食仲有野飲，抵到爆可再encore …查看更多

其實我一向都喜歡尋找一些低調得黎又有格調嘅小餐廳，當然食物質素也要有水準，今次呢度我覺得fulfil到我要求～雖然店內得數張台，地方不大，但整體氣氛很好！燈光色調亦係我喜歡的雞肉藜麥沙律😋好fresh好開胃，仲好大碟～啲菜都好新鮮Mussels係有種魔力，每次係餐牌上面見到佢都想點去嚟食叫左呢個creamy sauce好夠味！都有好多隻mussels係有水準的！Signature甜品！！留意左佢好耐，餐牌上面佢個名好長，pear in white wine with pistachio, choco chips.... blablabla 好長換言之即係有好多唔同嘅食材佢都整成呢一道甜品成碟野都好精美切開之後就係咁，中間有雪糕架！！非！常！好！味！個梨依然鎖住好香嘅梨味～然後又帶有少少酒味！入面冰凍雪糕加晒分！仲有啲開心果碎同朱古力碎一齊食！好夾好正～真係好欣賞諗到呢味甜品果個人我係咖啡愛好者，叫左杯ice brewed coffee! 好香啲咖啡味，唔會酸，冰嘅份量亦剛好，飲完覺得好滿足朋友叫嘅Adffogato 到好好！佢隻咖啡豆好岩我地口味是夜同朋友一路食美食一路談心，超好嘅地方～同埋啲staff超nice!! 落order果時好friendly亦都俾到好好嘅 food recommendations! 推介～!…查看更多

雖然打風，不過仍然無阻礙到我哋出街食飯嘅興致！ 成日都好想試吓呢間shine, 因為佢嘅餐廳情調好好，又好多推介野食，樣樣都好吸引一入到去燈光柔和，果真是浪漫情調，好適合倆口子撐枱腳又或者三五知己傾計Butterfly flower soda 呢杯玩gimmick!! 轉色果種變幻真係好靚kiwi cucumber yogurt 呢杯大大杯都真係飲唔哂 相對因爲飲落好fresh會淡dd,如果喜歡濃味的就叫另一款喇 我地兩個人今日都好肚餓 叫左好多野食黃金蟹餅配菠蘿莎莎 外面好脆，裏面蟹肉都好足料，一點都不馬虎， 最重要係有蟹味無蟹殻！正！燒日本m4和牛薄切 5成熟啱啱好 唔會太韌 又好有牛味 加上芝士片好香濃 好味丫！四式芝士南瓜意大利飯睇到拉絲嘅芝士，就知道有幾足料！ 裏面亦都有啲芝士粒，意大利飯都好有彈牙口感，如果南瓜粒再林少少就好！carbonara Creamy sauce 加上濃味嘅芝士片，有少少黑椒味令煙肉更可口，份量都很適中Tiramisu presentation 好靚丫！士多啤梨好甜，蛋糕濕濕地甜甜地唔錯丫！成餐晚餐上菜都好快，服務態度好好，好豐富好滿足…查看更多

數年前去東京旅行，網上好多谷友推薦食「磯丸水產」，於是膽粗粗走去試。哇，真係好正，好多新鮮嘅海鮮俾你燒，每台都有個爐亦都有專人服務重要好·好·味！近排係openrice見銅鑼灣呢間焱丸水產好受歡迎，唔洗去到日本都有得食，所以黎幫襯下餐廳環境好好，好精緻嘅日本格局，好鐘意呢個裝修點菜就可以睇ipad叫幾個冷盤先～質素都都中規中矩，刺身都新鮮。海膽都幾甜喎之後就係勁擦磯燒海鮮豪不留情呀，有蟹蓋啦、花甲啦、扇貝啦、蠔啦個蟹蓋！！食到想尖叫！！同我係東京食嘅一樣咁出食～幾樣材料吊味更加帶出蟹膏嘅香味必點必點～～～～…查看更多

不嬲呢條街都係搵食嘅熱點，依間「鱈卵屋」幾吸引我，因為佢係香港嘅一間專食明太子嘅餐廳😍多士拼盤其實快樂真係好簡單，好味嘅多士已經可以扶擄我呢度一款係蒜蓉多士，一款就係明太子醬多士明太子醬多士都幾有創意味道都幾好，但蒜蓉配多士真係無敵架相比下明太子多士就無咁吸引牡蠣明太子奶油鍋見到餐牌一個鍋做緊推介，雖然望落好似好肥，但食落真係好，隻蠔連埋啲creamy汁好香真係好好味上面仲有一大匙嘅明太子，攪淆佢煮滾後每啖都有明太子粒粒嘅味三色刺身見個個都有叫呢一個三色刺身，估計應該係餐廳嘅名菜之一，唔執輸都叫一碟黎試吓。其實佢分別有油金魚、吞拿魚同埋三文魚刺身，而每一種刺身都用咗明太子嘅醬汁去到調味。估唔到原來啲味道好夾啵！我特別鍾意吞拿魚嗰個明太子蛋餅蛋餅其實係一啲好難做得出色嘅菜式，呢度嘅蛋好滑，我諗都有用奶油去烹調，中間釀左明太子，簡單得來味都幾特別！燒鱈魚不嬲都係我嘅至愛，比我係餐牌見到佢，又唔係好貴，就梗係要嗌黎試吓啦估唔到呢間鋪頭嘅鱈魚竟然拍得住外面鐵板燒果類嘅質素入口即溶架！好高質！海膽鱈卵碗呢個好特別嘅係有個叫做「鱈卵碗」嘅嘢食，趁佢期間限定有海膽，我當然唔會放過侍應好有心咁樣介紹幾種唔同嘅食法，我哋跟住來做，每種食法都有佢嘅特色，好玩又好味海膽好甜炸雞沙律呢一碟係比較失望嘅一碟，佢嘅炸雞啲粉好厚，炸得唔夠脆，偏淋。可以唔叫。Kettle beer第一次見人用茶壺黎都裝啤酒，仲要係一個紅當當嘅茶壺好可愛，見到都好開心！栗子蛋糕呢個甜品好香呀！一入口成陣栗子呢，好有驚喜佢完全係日本蛋糕嘅感覺不過食到好飽所以我地只係四個人share一份～下次我要獨吞成份我覺得明太子嘅朋友點都要黎試吓呢間餐廳，因為佢用明太子做出咗好多唔同種類嘅料理，同埋佢仲係一樣特別嘅地方，就係可以買手信走，例如 自家製明太子醬餐廳好有諗頭呢！…查看更多

前果排都係尖沙咀食串燒，食到上左癮，同朋友係呢間搜羅唔同嘅串燒店今日呢間好隱世😺😺😺😺😺😺👆就係呢條巷行入去店內裝潢簡單，黑色為主，都好match食串燒嘅格局！🍺🍢🥓🍗🍠🌶🌽🌰🍢🍘🥃🍻🥓🍖🥖🥔先來個生蝦🦐🦐🦐🦐🦐🦐🦐🦐🦐估唔到串燒鋪有我超愛嘅生蝦！即點味道一般，欠左啲蒜頭～粟米🌽🌽🌽🌽🌽🌽🌽🌽🌽🌽好甜呀好甜呀正！燒雞翼😋😋😋😋😋😋😋燒得好出色！食到醬汁味道好香又味道剛好，加埋芝麻好香後面個車厘茄串就係清新之選🍅🍅🍅好多汁！串燒店必點嘅牛舌！佢唔算好厚，咬落去有驚喜好彈牙大愛❣️❣️❣️煙肉蘆筍串又一推介菜～蘆筍好嫰好爽，平衡煙肉嘅油膩薯條呀🥔🥔🥔🥔🥔🥔係好粗好香薯味嘅薯條～個醬汁係佢自家製，又幾好味啵重點係有黑松露！！正！超巨型雞肶🍗🍗🍗🍗🍗🍗🍗啖啖肉！啲汁好似瑞士汁咁好味呀🤤🤤🤤🤤🤤呢隻雞翼真係諗起都想再食加多寶食咁多串燒一定要飲涼茶竟然有王老吉個friend加多寶！加分！食到好飽好滿足，呢間係我覺得好高好高水準嘅串燒店，每款串燒都燒得出色而且選擇超多，好值得再食！同埋啲侍應都好好服務…查看更多

其實我好鍾意飲茶，周末好鍾意周圍尋覓好嘅酒樓嘆個靚茶果然，今日竟然比我係愛東村搵到筍盤點心紙簡單清晰不過點心種類唔算好多但你估唔到嘅係，呢度竟然有日本刺身壽司食！！！！真係要比10個趣好滑嘅腸粉仲有入面竟然有好多好多叉燒 十分滿意十分滿意！（註：食咗少少先記得要影相）鮮蝦春卷個皮好脆但係唔會見到張紙有好多油！另一個重點就係入面啲蝦肉好飽滿，一個字，足料！芋蓉包，呢個包係出面比較少見！我非常之鍾意食芋頭㗎，所以一見到呢個包就忍唔住想叫！而且佢個外形都好吸引入面好多芋蓉餡啊！唔會太甜，芋頭味好香好香好香！（台灣有個牌子嘅芋頭蛋糕好出名，我認為呢個包比嗰個出品更加出色！喜歡芋頭嘅朋友一定要試吓！）黑椒牛肉炒烏冬夠晒火候～分量又大都只係40幾蚊抵食之選！！坦白講，今次嘅飲茶體驗真係好滿意！雖然餐廳處於屋村商場，但不得不承認食物質素好高興下次來要試吓去啲日本野…查看更多

同朋友興起想食越南野，係openrice搵到尖沙咀呢間餐廳。本來呢間鋪門面比較細，唔係好起眼，但行行下見到地下有個spot light graphic轉下轉下，好搶眼先來個：大娘小食拼盤（$148）小食拼盤樣樣有啲真係好令人歡喜兩個人分簡直係perfect池，可以每款都試齊粉皮好味道！個粉皮做得好薄，而裏面啲餡又好豐富，咬落去口感一流至於春卷亦都皮薄餡多又夠脆牛油雞翼冇得輸啦，坦白講雞翼點整都贏蝦餅入面係蝦膠，個人比較喜歡泰式蝦餅～叫左個主菜：大娘王牌烤乳豬（$238）上枱已經嘩嘩聲！啲皮卜卜脆，肉質都好嫩見到一層層好分明，不過怕肥我都係咬起左啲肥油肉嘅部分味道好好！不過我同朋友兩個人食，好漏啊越南滴漏咖啡（$48）首先係俾個杯上面有個filter，見到佢一滴一滴有啲咖啡落個杯度滴到咁上下就拌勻杯咖啡，因為本身杯底有煉奶個過程都幾好玩最後店員會拎個冰杯來，然後將攪勻左嘅咖啡到落冰杯，即成味道零舍不同，越南咖啡好香，煉奶好滑，我飲開齋啡所以覺得呢杯較甜，不過慢慢等啲冰融化之後就無咁甜，味道就越來越好大娘真多冰（$38）朋友揀嘅，班蘭葉和綠豆粉製成粉條，有去皮綠豆，好香嘅椰漿，我試左一啖，正！小插曲：有個店員有廚房行出來，隔離枱有食客問佢攞杯暖水，但重複左兩次個店員都一副唔明白嘅樣，原來佢係呢間鋪頭嘅大廚！係正宗越南人，唔識聽廣東話嘅證明呢度啲嘢食真係有越南人主廚夠晒正宗！下次再黎試吓佢啲越式湯粉麵先！…查看更多

呢間鋪頭係筲箕灣嘅老字號麵包舖，佢位於筲箕灣街市尾嘅一個轉角位，位置唔太顯眼，但往往買麵包嘅人龍會吸引到你嘅留意「L」形轉角位鋪頭，兩邊陳列左林林總總嘅新鮮麵包。我係側邊企左一陣，生意非常好，好多街坊都一買就買上好幾個麵包🍞🥐🥖見到一盤盤麵包排山倒海咁出爐，一浪接一浪仲有嘅就係呢度好受歡迎嘅「蛋撻」，每次熱辣辣出爐都轉眼間就賣晒麵包價格都好親民，細包（菠蘿包、雞尾包、細麥包、咸包⋯⋯）賣$11元4個！即係平均一個包唔洗$3而餡包（腸仔包、豆沙包、腿蛋包、餐肉包⋯⋯）就賣$13元3個！都好抵呀。我買左菠蘿包同我至愛嘅「蛋撻」！（$17/ 半打）鴻昇嘅「蛋撻」我由細食到大，係我至愛嘅蛋撻鋪頭，喜歡佢曲奇皮好香牛油味又鬆化，蛋滑嘟嘟食極都唔厭！呢啲平凡又好味嘅老字號麵包店係香港真係愈來愈少，希望佢仲可以長做長有，就算10年、20年、什至30年後我都仲可以番黎呢度買我喜愛嘅「鴻昇蛋撻」…查看更多

登龍近年有翻天覆地的變化，要食拉麵的話，呢條街就已經有3-4個選擇。今次揀左霸嗎拉麵，以為會係一個驚喜，點知極度失望。拉麵質素非常一般，湯底仲有啲腥唔新鮮，總之一啲都唔覺得係日本拉麵應有的水準。希望店舖可以做好品質管理。另外，點左餃子做小食，失望程度同樣爆燈，不試也罷。總之，餐廳想趕上日本拉麵的熱潮，都要確保食品的質素，要知道香港有太多唔同特色的拉麵店，要站得著腳，真係要花點功夫喺食物上，虛有其表不是長久的方法。…查看更多

阿爺話夜晚晚飯想食燒鵝加料，我呢個乖孫就梗係四處去物色啦，其實燒鵝呢樣野呢週圍都有，出名既好似合鏞記丫金牌丫一樂丫裕記等等都有試過，但坦白講都係不外如是，或者呢D名店都係留晒D好野比熟客，我地呢D一年頂多幫襯一次半次既只係食埋D下欄貨式唔忿氣既我，今次就去左又係以燒鵝做招牌菜既強記去斬半邊燒鵝加料。燒鵝食落去無甚驚喜，咬落去並冇一種預期中既爆汁juicy感覺，而且肉質諧烚烚，以差唔多三百蚊既價錢真係食番燒鴨好過，結語係可一不可再。…查看更多