fi仔's Profile

呢間放題近期好出位，市道超差佢生意都keep住紅紅火火，今日收工特意去食，大約7:50pm到達，系統未開始叫飛，個姐姐話叫我地8:30pm返黎開始哎飛。我同老公就去在同層個玩具開倉到具野比小朋友，我地8:24pm行返去，見到佢叫飛叫到過左成9張檯，我都有少少火滾，好在佢都即時安排我入，開心都未黎得切，惡夢就開始黎了......個員工帶我地入座，我地一袋二袋大玩具，張二人位細到爆，都算，張皮凳全是油，明顯無清潔上家用完餐之後個衛生問題，我同老公一袋二袋唔敢放低，立刻叫人抹啦，佢好hea咁抹左幾下又走，我再叫人黎，又係抹幾下又走，前前後後清理3次，都係好污糟，我叫佢比濕紙巾我自己搞。（下圖已經係清理左一兩次之後嘅畫面）搞定張凳，張檯都好大獲，人地上手d火鍋汁成檯都係，好我都自己處理，平民放題話平唔平都$4xx 人均......忍！（下圖都係已經俾佢抹咗幾次之後嘅畫面）湯，我地要龍蝦頭湯同椰子雞，都好出色，我比個like先，食物，我中立講真係平，簡直成個超市搬入餐廳入面一樣，種類同選擇性好高，特別甜品我覺得真係叫應有盡有。主題係任撈海鮮，查實佢都係比個小鐵筒你去拎，都限際到大家狂拎而做成浪費。海鮮主力有幾款蝦，有幾款蜆..沙白果d..花蟹都有，望落ok不過我食左一隻青口同蜆都有漂白水味。熟食都好多野，有鵝肝多士、有乳鴿、有蒜蓉燒蠔、仲有期間限定一人一隻大閘蟹，可以話好有性價比。不過我行到甜品區，好多小烏蠅係牆到，都有少少唔開胃。大致上我同老公都好斯文，食幾多拎幾多，唔會佔便宜，不過正正因為咁，我覺得成餐唔太enjoy..比得4xx人均，我希望食精品，唔洗大包圍食好多，我情願環境衛生食物美味，呢到我都幾confirm不會回頭。…Read More

今日經過修頓球場見到呢一間白雪雪日本餐廳， 門口出邊個海膽濃湯麵poster好吸引到我，上網check吓，知道原來佢哋喺日本過江龍，嚟咗香港都有三年，全球都有分店，香港店仲要係堅持自家製麵，覺得幾特別，就決定行入去試吓。經過一條長長哋嘅走廊，見到玻璃窗入邊有台製麵機， 仲俾我見到有個師傅喺度整緊麵添（唔知係唔係日本師傅？）😜毫冇懸念我揀咗呢個海膽系列，佢有沾麵同撈麵，我自己就比較想食沾麵。上枱一刻覺得啲擺盤都好靚嘅，與圖片相符！蟹子超級多差唔多佔咗大半碗，海膽有成五六片喺紫蘇葉面， 顏色都好新鮮👍👍👍啲叉燒粒都好吸引，因為全部都係用火槍燒過好香❤️最值得大讚嘅係個海膽湯，因為真係好濃，海膽鮮味好強烈，點個麵落去食超級掛汁，麵條好彈好爽，我覺得如果粗身啲更加好。食到最尾當然要加啲湯啦，最後我都成碗飲晒，好滋味😆另外叫咗一個佢哋嘅自家飲品焙茶latte， 呢度都幾好唔會太甜唔適合香港女仔。個樽仔都好靚，飲完可以帶返屋企循環再用。😉😗唯一想講一講個冷氣真係好大，吹到寒底的我都有少少凍。臨走見到佢哋兩張餐牌有兒童餐，$89有拉麵食，仲送盲盒玩具同埋甜品，下次可以帶小朋友過嚟食，佢地應該會鍾意☺️…Read More

平時真係好少同老公食好嘢，今次係因為結婚周年紀念就到至有mood出嚟行吓街。行海港城行行吓突然之間落大雨，有冇帶遮𡃓，所以就決定留返喺個商場度消費😂咁啱見到呢間餐廳喺地下，有靚景望住（雖然落大雨）但一樣有氣氛。同埋見到個餐牌上面餐廳主打係炭烤嘅肉類，我哋兩個都超鍾意呢個style😍所以就揀咗佢😜我地好貪心，要咗一個牛扒嘅拼盤 Charcoal Grilled Selection 入邊一共有三種唔同嘅牛扒部位，當然全部都係炭烤啦！入邊包含菲力牛扒、西冷同埋和牛腰肉，超級豐富！其實放埋一齊都唔算話食得出好大分別 腰肉會硬身少少，菲力我覺得最balance同埋最有肉味。有肉當然唔少得有菜啦佢連啲菜都屬於炭烤嘅有烤粟米同埋西蘭花，但最好食都係個烤薯仔！脆卜卜，老公難得闊綽開埋支紅酒飲🤩好耐冇試過咁盡興。…Read More

放暑假真係成日都要諗嘢同小朋友做，搵地方同佢哋去，今次決定帶小朋友到香港離島區玩吓。以前細個入嚟長洲，覺得都係黎食吓啲海鮮或者街頭小食，好耐冇嚟至今日至發覺呢度都變咗好多，多咗好多靚嘅Cafe同餐廳😀一家大細本身一早食咗早餐先出發入嚟，見到咁多餐廳都有啲興趣試吓！老公揀咗呢一間茶啡寄，餐廳外牆白色好乾淨好有文青feel，我地叫咗一個芝士泡菜豬頸肉牛角包窩夫，成個餐送到上嚟真係覺得好足料，大大份。沙律菜都好多，完全有一種大件夾抵食嘅感覺。泡菜豬頸肉加埋啲芝士，又辣又邪惡，跟埋個窩夫食好香口！大熱天時天時食多兩啖沙律菜好解暑💕💕💕另外仲叫咗一個芝士甜辣雞扒牛角包窩夫， 有我最鍾意嘅太陽蛋👍仲有超多薯條！小朋友就追住啲薯條食晒🤩雞扒都煎好香口仲要好厚！最後叫多咗個全日早餐，簡簡單單好精緻，個滑蛋都做得好靚呀！😍所有食物都高質，冇諗過長洲小店可以做到呢個水準👍👍…Read More

又黎到等女時間，最近報咗學習班係南區，多咗時間喺呢邊出沒。等女期間最頭痛都係要揾地方hea ，嘅然係媽媽me time時間當然要對自己好啲啦😜最終揀咗嚟呢度食個包飲杯嘢！coffee shop 屬於商場open area比較開揚，加埋旁邊有精品傢俬舖做pop up 又可以望下嘢打發時間😂menu 上選擇唔算好多，都係以麵包咖啡為主，我今次order嘅係個煙三文魚牛油果酸種麵包同埋芝士bagel 💕首先個食物質素真係幾好，包好脆，食到唔停口🤩個芝士bagel 都好味， 入邊有一粒粒芝士，少少咸香又唔會漏。最後加埋杯薄荷梳打，媽媽表示非常滿足，不過呢一餐都都唔平，三樣嘢食嘢飲加埋都要$200+ ，算係好奢侈，只能第一次就算。…Read More

最近見到有人係網上分享呢間餐廳，一間號稱會令到I人極尷尬嘅慶生地方。剛好極內向嘅同事生日，我地就訂咗上星期五收工同佢賀一賀佢☺️果然，收工過到去係好多人，可能星期五啦，出邊啲位都full晒大把人喺度飲啤酒傾偈幾熱鬧幾有氣氛🤩一入到餐廳已經keep住聽到熱情滿分嘅生日，歌，仲有一班好開心嘅員工，舉起氣球又跳又唱，令我諗起另一間好出名慶生嘅火鍋店😂本身我睇好menu想點呢到好出名嘅青口，可惜一落單發展全部口味都售罄好sad🥹所以我建議真係坐低就可能快啲order 青口先啦。頭盤先點咗個三文魚他他，佢跟咗兩塊脆餅，我覺得可以跟sour dough開心啲。之後點咗焗田螺，呢個我唔食嘢所以冇comments 😏煮飯就揀咗牛扒，生熟度控制得好好，pork ribs都一樣唔錯，係個醬汁濃得滯，又酸咗少少影響咗個口味。蒜香意粉都唔係我杯茶，但同事都大讚好食。終於嚟到萬眾期待嘅慶生環節，真係全部員工開開心心喺個廚房度跳出來，拎住個生日蛋糕，唱晒生日歌咁！我個同事個樣立刻變得非常尷尬🤣但我個內心知佢係開心嘅！😊❤️😊❤️…Read More

好少會發脾氣，亦都好少會咁唔大方！但呢次用餐體驗真係可以講係嬲到震。😡😡😡😡😡😡話說今日喺南岸商場食飯，8:15左右入座，其實一般餐廳嚟講都唔算真係好夜啫？一入去店員已經吹我哋落單，我哋都冇問題嘅，好配合，馬上點咗三個食物：有牛扒，有豬扒同埋叫咗碟菜。食物我都唔想討論了，其實食扒都要啲時間架，已經滾水淥腳咁倒入口，食到咁上下店員已經吹我哋賣單，我哋都好配合，冇所謂嘅！去到最後9:30左右個服務員直程行過嚟問我哋食完未，我哋禮貌地回應話差唔多，話口未完我睇住佢將我先生嗰碟食物馬上收起，講緊嗰度仲有食物未食完，而佢隻手仲拎住刀叉架！真心覺得超級冇禮貌，一句唔好意思都冇，其實公司冇比OT錢你哋咩？唔係應該俾個客人好好地食埋先咩？到底呢間公司嘅指引係咪因為冇錢比OT費，所以啲員工1分鐘都唔可以留多一陣？我哋都唔係有心阻大家收工架！至少都俾我哋食埋個食物飲啖水先得唔得呀？😡😡😡😡😡😡Total 其實買單都差唔多$700，食得一個鐘，咁樣趕客法唔怪得知香港飲食業口碑越做越差，非常希望呢間餐廳嘅管理者或者老闆睇睇呢篇文章！係我哋親身嘅經歷！嬲到震！😡😡😡😡😡😡😡😡…Read More

大陸好多餐飲品牌攻港，好多都主打平靚正。今日同老公拍拖試下呢間綠茶，齋聽個名以為係日本嘢或者係Cafe之類，點知原來係浙江菜。餐牌上選擇唔算多，不過見到張張枱都有個紙包雞咁嘅物體，我地都好奇叫黎試下，就係佢品牌個招牌菜之一 - 龍井烤雞！呢個係成餐飯入邊我最喜歡💕好香同埋個皮好香脆，肉質非常之juicy 👌佢地上菜係先show一下原隻雞比你望一眼，之後會拎返入廚房幫我地剪開，所以張相賣相不佳，但味道絕對唔錯嘅😍之後叫左個蘿蔔牛腩煲，相較之下顯得無乜特色，仲要少少過咸。另外比較難忘係個香炒菜心，係凍嘅🥲唔知係一早炒好放到凍矖，定還是係浙江菜特色，非常奇怪。不過不得不提個上菜速度係快到我驚訝，一落單唔洗三五分鐘就上菜，快過茶記。食物除左個雞之外，都無乜邊樣好好味，食過即忘，個都叫可以一食。…Read More

的左個女去上堂後，就到媽媽一人Me Time一下，今次自己一個自私食，黎到呢一間新開無幾耐ge壽司店，可能新張關系無咩人，但望下個Menu發現有套餐都好抵食wooooo！平時同老公食Omakase都想主攻一d以壽司為主的set，但香港好少有，通常都配好多熟食同和食😮‍💨今次發現到呢間都幾開心，好多不同件數套餐可選，全壽司宴好適合我！我食量大約10-12件壽司都飽晒🥰所以試左佢地個* 豐盛壽司定食(9貫)，除左壽司，佢仲有d沙律菜同茶碗蒸提供，最喜出望外係臨尾跟多個切魚生飯仔！好抵好抵！壽司9貫分開兩輪上晒，如果可以一件一件上就更Happy (扮晒食貴價Omakase嘻嘻 ~) 呢個價錢有如此質數，仲要有海膽軍艦，真係極高性價比。下次帶老公黎佢一定好開心，質數絕對不輸出面千千聲d Omakase！🫶🏻👍🏻…Read More