Carcar chan's Profile

同朋友經過呢間新開茶餐廳，位置吾多，但野食好足料。個西多士有3層包，每層都有花生醬😍😍沙嗲牛肉面既牛肉食落吾un，而且好入味。吉列豬扒黎到超大塊，同埋都多汁仲有例湯跟，飲落冇味精，而家好多料😋值得推薦黎食…Read More

早幾晚同屋企人去幫襯，店員服務態度極差之餘，食物性價比亦偏低，百幾二百蚊既野食整到好似出面幾十蚊既水準咁，完全係比錢買難受。餐廳環境一般，餐具有粉粉污積，一句講晒冇下次！…Read More

黎到會每人有一碗味增湯送上，但味道一般。主角天丼送上，估吾到都幾大份，分別叫左海鮮同海老，海鮮會多左魷魚同蟹柳，而海老就多左南瓜（好似係），有飯素同天婦羅醬汁提供比食客自己落。味道方面，炸物炸得岩岩好，而且粉漿吾會好厚岩岩好，飯量適中。價錢方面，午市套餐會便10蚊，所以更加抵食😋…Read More

同男朋友求其簡左間野食，入到去鋪位細細，位吾多。叫左個慢煮燒牛肉湯河同招牌法包，湯河黎到，首先試左佢啖湯，甜甜地非常好飲，牛肉因爲慢煮既關係所以好嫰，比起好多越南餐廳既湯河好味。至於法包既材料有扎肉，肉批（即係搞爛左既豬耳同豬頸肉混埋一齊）同埋蘿蔔青瓜等，再加上蛋黃醬，食落同會有爽脆既感覺，而且法包既鬆脆適中，再加上青瓜令整體吾會膩😋😋😋…Read More

買左個沙律芒果班戟同埋原味格仔餅，第一次食芒果班戟加沙律醬，以為食落會好怪，但原來都好夾，芒果可能吾當造所以食落有d酸，但加埋沙律醬中和左酸味，而家芒果量都算多。原味格仔餅既蛋味香濃，而且醬同糖既比例好好，吾會食到好甜或者漏晒出黎，值得一試再試😋😋…Read More

同朋友食完飯就執左T parc 飲野，我叫左杯凍既奶蓋玫瑰伯爵茶，賣相就幾靚，但味道一般，雖然店員係茶上鋪上大量玫瑰花，但其實玫瑰花味一點都冇。奶蓋方面，個人覺得佢既奶蓋味吾夠重，而且吾滑，相比起喜x同茶x味，我覺得佢比較遜色。…Read More

前排天氣好凍就同男朋友執食煲仔飯。6點左右執到已經見好多人食緊煲仔飯，我地叫左個豉汁大鱔煲仔飯如埋窩蛋牛肉飯。呢間餐廳二人同行會送油菜一碟，而且每人有一壺湯😍湯黎到，都幾大壺，係紅羅白豬肉湯，飲得出冇落味精，好好味。飯方面，煲仔飯有飯焦但又吾會過燶，個人好驚食太燶既飯焦，一黎會苦，二黎食到好un胃，呢到就岩岩好。男朋友覺得呢到既豉油都好好味，我都覺得佢既豉油味係吾同d，飯既材料好足，成餐都食到好飽。…Read More

同朋友約左食拉面再係利東街影下相，7點左右坐低都仲未要排隊，過左10分中左右就開始要排隊等位。我同朋友都叫了一碗豚骨叉燒拉面，我簡左適中既面條硬度。呢到既拉面都會有炸蓮藕，比較少有，而且亦炸得幾樂味，流心蛋則有一隻😍個人好中意食流心蛋，但有D拉面店只有半隻,呢到有一隻非常開心，隻蛋都算幾流心。湯底我覺得咸左少少，係豬骨湯底，吾算太特別，至於面條軟硬到都ok，叉燒都幾好味，但吾太有驚喜。另一朋友叫了迷你石鍋特濃龍蝦海鮮泡飯，一上時見到真係好迷你，但聞落濃蝦味真係好濃，我試了一啖湯飯，味道吾錯，滿滿龍蝦味，其他材料仲有魷魚同蝦。最後叫左個炸芝士蝦球，一咬落去有汁滴出黎，同埋可以食到拉芝士，玩味十足，味道亦不錯👍🏻…Read More

夜晚7，8點黎到呢間鋪頭，簡左個兩人餐220蚊冇加一，可以任簡兩個包/治/甜品，店員通知北京填鴨包已經賣晒，男朋友就簡左個咕嚕雞包，而我本身想簡食陀地西多亦都冇晒，唯有簡鬼老西多2.0，小食就簡左鹽酥菇。鹽酥菇非常好味👍🏻吾會好油，食到停吾到口。咕嚕雞包有一塊炸雞同一舊菠蘿，食落甜甜地咸咸地，但個人吾係太中意熱食菠蘿，所以覺得一般。鬼老西多係即叫即整，所以要等一段時間，上面既雪糕好似係即打的，同平時食既雪糕味道吾同，個人覺得非常好食，而且好有心機，雪糕吾會太甜，同底下面既法式多士非常配，多士中間的材料亦吾係茶餐廳既花生醬，而係類似吉士既餡😋野飲方面，係meun見到短笛咖啡呢個飲品，因為未飲過就試下，咖啡上面有拉花圖案，但所用既杯不同於一般咖啡店用既杯,而係細細杯既玻璃杯，咖啡冇落糖，對咖啡冇咩認識既我吾知係米呢款咖啡吾會落糖，個人都係比較喜歡較甜既咖啡。…Read More

假期黎左荃灣行食左呢間餐廳既weekend brunch,簡左個安格斯牛扒片軟包配炸洋蔥圈，另外再加錢似玫瑰泡沫咖啡。咖啡既圖案拉得好靚，雖然玫瑰花瓣細細片，但玫瑰味已經好濃好適中。主菜黎到後先知原來係包夾住牛扒片上，味道好夾，包非常軟熟，而牛扒片吾會好軔，容易咬開，亦都好juicy 😍 洋蔥圈都好好味，因為好怕洋蔥味太強會覺得苦澀，但佢炸得好好吾會太厚粉，食落亦甜甜地。同行既朋友則叫了甜品，感覺比較失色，睇落好似普通切餅，只係裝飾較靚。…Read More

番番下工有病人請食布甸燒，有原味、抹茶同朱古力味。上層係芝士蛋糕，下面係布甸，芝士蛋糕嫌芝士味不夠重。布甸方面抹茶味最出色，味道最濃但吾會苦，而原味就普普通通，朱古力味不夠濃，感覺上同芝士蛋糕不太襯，但總體黎講味道都吾錯😋…Read More

行過見到晚市價錢ok就同朋友入左去食，叫左個壽喜燒湯面加蒸餃子既套餐，套餐仲包一杯飲品同一款小食，價錢$68，但飲品只得可樂同黑糖檸茶/水簡。主食黎到後，餃子皮好爛，感覺蒸得太耐，而且餃子上面既醬亦怪怪地，食吾出咩醬，但寧願佢吾加，至於面就普普通通，面質好似上海面咁，小食簡左黑椒雞翼，係成個餐最好食既食物，而飲品簡左黑糖檸茶，個人覺得普通檸茶好飲好多，我同朋友都覺得野食好一般，均表示吾會再黎食🤦🏻‍♀️。…Read More

朋友生日所以訂左個雪糕蛋糕，食落酸酸甜甜咁都幾好味，係莓味雪糕黎。上面既心形同波波食落都幾難食，完全吾知食緊咩黎，一個要399蚊，個人覺得食佢一球球既雪糕仲好味。…Read More