Salinasal's Profile

今次係第二次幫襯，有啲覺得好食嘅菜式就重複再點，然後再點一啲上次冇試過嘅。龍蝦腸粉係其中一個重複點嘅菜式，因為上次亦都覺得好味。龍蝦成本貴，龍蝦肉比較少亦都係明白，但係腸粉就建議比多幾條，最少我可以enjoy下D龍蝦汁。另外今次重複點嘅，係wagyu beef 同 halibut, 唔知係咪因為OpenRice八五折優惠，兩碟菜式嘅份量都比上次細 ( 見圖）。另外兩款今次叫嘅帶子串，同埋魷魚，建議可以不點。都係果句，總體味道是不錯的，但係每樣嘢嘅份量，真係太細啦！🥹…Read More

經過咗好多次，今日終於買來試，買咗佢哋嘅A餐，包括有粟米魚餅，溫泉蛋魚餅，同埋一舊三文魚唔知乜嘢。只可以話，完全沒有魚餅嘅感覺，只係一堆粉，最後嗰舊三文魚唔知乜嘢，只係食咗一啖，就掉咗。收人差唔多$80呢三舊嘢，其實真係幾呃錢。真心：大家唔好嘥錢試。…Read More

其實呢個標題，已經代表咗好多嘢，好彩後來有兩台入咗，感覺上冇咁孤單。一坐低佢問你飲唔飲茶，其實日本餐廳，你一坐低比杯茶俾你，係基本嘅，佢咁問得我，一定有奇怪，原來茶錢$30位。嗰刻我已經O晒嘴，然後佢俾個餐牌我睇，餐牌係個tablet, 非常難睇 (係，我係老土啲，鍾意睇一本本嘅Menu）。 跟住朋友嚟到，我哋嗌左a la carte同埋一支清酒，我哋決定唔要茶，佢俾咗三杯熱水我哋 😆。食物水準一般般，其實服務係好嘅，建議千萬唔好嗌壽司，尤其個軟殼蟹手卷，幫我哋落咗半支沙律醬。完。…Read More

可能帶住有點高嘅期望，所以有少許失望。一直人氣高企，亦都好難先book到位，今晚終於試咗，入到去感覺非常舒服，一間法式小屋. 再望Menu，今晚沒有我好想食嘅razor clams, 而主菜只有三個選擇，包括鴨胸（我不吃鴨），steam beam with lentils (未食之前感覺已一般）, 同埋一款耳朵意粉（個人唔係太喜歡veggie pasta), 所以。。。最後嗌左幾款前菜，影咗兩張相，之後就冇乜特別啦。我嘅結論係，選擇太少，味道太普通，我哋三人買單大概每人$800 （包括四款前幾，兩個主菜，每人一件madeleine 同一支Prosecco). 之後唔夠飽，去咗附近食咗幾串串燒😝。除非佢嘅Menu有一個好大嘅update, 如果唔係應該未必會再去了。…Read More

附上圖片是3人前的燒肉拼盤，數得出有十二塊，刀工非常好，紙咁薄。盛惠$428，沒有任何配菜，亦沒有白飯，都唔緊要，店員推介話係上等牛肉，可惜真係食唔出，味道極為普通。另外叫咗個人蔘雞湯，冇影相了，因為樣子只似一般餐廳附送嘅例湯，唔好叫人蔘雞湯啦，因為沒有人蔘，而且應該係雞絲湯先啱。大把韓燒日燒餐廳餐廳比佢出色，而且性價比俾佢高好多，只此一次。今時今日做餐廳咁冇誠意！已經少機會出街食飯㗎啦，今日比佢浪費咗我一次出街食飯嘅機會。…Read More

今晚去了另一間不到位的日本餐廳，才發現沒有為魚治寫一個回顧似乎欠缺公平。光顧魚治是兩周之前，已經介紹了給好幾位的朋友，個人亦想在嚟緊的週五再食，但係已經滿座。總體來說，食物新鮮，創意和誠意兼有，服務周到，清酒的選擇也非常繁多，對於一些特別喜歡飲清酒嘅朋友，喺呢度你可以逐杯逐杯單點，慢慢試，價錢公道，最重要亦都係果句”value for money”, 一間係我買單之前已經諗住下次要再嚟嘅餐廳，我誠意推介給大家！ …Read More

I have been to this restaurant for Christmas celebration dinner and then again for new year lunch with colleagues.Both visits were impressive with superb food quality. We can totally sense food are all prepared with heart by the Head Chef and his team.Services team are friendly and seamless. Ambience is cosy. Will certainly visit again! Below pictures are from the dinner and the lunch. …Read More

見到雜誌介紹，加上OpenRice嘅食評唔錯，所以就去咗試晚餐。叫咗一個set A，總體食材可以接受，除咗個預先醃咗嘅牛肋骨，完全食唔到肉味。最冇誠意嘅係飲品方面，啤酒機未可以用，只有罐裝啤酒供應，埋單先見到$68元一罐，雖然係我事先冇問，但係咁樣收費，似乎猖狂咗啲，而且係佢自己未有生啤供應。點罐裝啤酒之前仲有一個小插曲，我哋問佢有冇sake, 佢話有，然後攞一支出嚟話$800一支，問佢有冇其他選擇，佢攞多幾支出嚟，話全部$800一支，完全冇介紹係乜嘢sake。唔緊要，再問佢有冇house sake, 我哋可以點一壺，佢話有，然後攞支紅酒俾我睇，我睩大對眼問呢支係紅酒嚟㗎喎，佢話係呀你要house呀嘛. 我暈咗。。。…Read More

Our company organised an event there last Thursday. We had the whole venue for this private event. Overall service and food quality were below par. Very bad experience overall.1) Champagne/ white wine and red wine well all served by the same type of wine glass2) we were not presented what we are eating so we had to “guess” from reading the menu3) food portion were small and tasted average4) the chef did not come to greet us at all EtcEtc …Read More