kuromi8888's Profile

冇食左一排，今日專登搭車落筲箕灣食格仔餅，不過已經唔會再嚟食，以前係勁香脆，粉唔多，但依家係勁粉，加左好多梳打粉去發，排左15分鐘，應該係即整啩，攞左即食，唔知點解外面係濕嘅，完全係食一舊粉，食左一半就掉咗，搭車走，條脷係乸住乸住，証明真係落左好多梳打粉係咪老闆賣左個名比人接手？唔見老闆喺舖，btw 銅鑼灣都係勁難食，做好係勁難，做衰真係好容易唔會再幫襯…Read More

第二次嚟食，上次只係食非潮州菜，今次真正試左佢地嘅潮州菜色，老闆人好老實，有禮貌有誠意，地方都好乾淨，價錢好抵食。講番食嘅，叫左4樣嘢。1. 韭菜豬紅，份量好多，味道適中，啱我2. 蠔餅，又係好大份，蠔肉好多，蛋香，唔油，食哂碟底一滴油都冇見到3. 鵝片，切得比較薄，味道ok，我覺得可以滷水再重d4. 糖醋伊麵，其實唔係伊麵，係幼麵，但好正，完全唔油，香脆，麵冇皂水味會再encore，已經諗定下次食乜，反沙芋、潮州蘿蔔酪、椒鹽九肚魚(眼見好多客都叫)、潮州炒蜆肉.....推薦支持，個人覺得好食過duck記。…Read More