SOYO L.'s Profile

一直心心念念倆口小吃既刈包，今日專程約友人一齊去食。大約下午3點去到，見到門口放著與倆口合作的產品展板，今日落雨天，人唔多大約三四檯客人。坐低後掃QR Code落單，竟然見刈包售罄 😭😭😭 提供時間寫2:30-6pm，但3點去到都冇貨，博一博問一下個妹妹侍應，妹妹都好有禮貌，佢請示一下男店員，男店員就話賣晒。一場黎到真係好失望🥹，都唯有落單叫左個下午茶套餐Double芝士豬柳盒子吐司 ($55)+熱鮮奶咖啡(+$28)吐司有用牛油煎香，入面夾住一塊豬柳漢堡及滑蛋，上面再有芝士同芝士醬，配菜有少少沙律菜及芝士年糕，整體食到最後個包會有d油膩。縱然係咁，如果合作產品賣晒，我覺得門口既展示牌都應該在產品上貼住售罄丫，而且個牌係冇價錢顯示，檯面都只有一張本身cafe既自己menu，要客人坐低掃qr code先知價錢同賣晒，呢方面真係要改改，如果唔係會有種用合作做招徠氹去食野既感覺。唔怪得Openrice上面呢個分店冇人share刈包既資料，可能大把客人同我一樣食唔到失望而回。另外提提，個合作商品刈包同抹茶忌廉芝士壓餅係要$88/86，免費配既飲品好似得簡單既茶款，飲咖啡或其他款式要加$28up。…Read More

星期日下晝三點多到達，不停有客人到店幫襯，人流爆🈵店內有數個座枱位置，近門口亦有企位，門外也有一個小吧枱位，還可以在店內拿坐墊到門外樓梯坐，十分有趣🫢。雖然天氣好熱，現場也見有客人在樓梯坐著邊飲咖啡邊聊天，好chill✨ 幾位咖啡師做到冇停手，仍然十分友善有禮貌🫡 因為實在太多人，所以叫咗外賣拎走，叫咗Ice Latte，咖啡師推介咗兩款Nutty或Fruity嘅，最後揀咗呢款，真係非常唔錯💓呢度專賣咖啡沒有其他甜點，欣賞佢哋專心做好咖啡，會搵個平日再過嚟坐低慢慢品嚐😉…Read More

提起新蒲崗嘅出名既糕點舖頭，唔少得常溫🫢 🌟拿破崙：見大家嚟到都係試拿破崙，買咗一個支持吓，拿破崙整體都係脆口，甜度冇想像中甜，味道較清淡，我覺得值得試一吓，但係$29下次未必回購，反而會想試吓其他款甜點多啲。🌟荷蘭撻：從來未食過荷蘭撻，撻上面係蛋糕，蛋糕同撻融為一體質感相若，蛋糕中間有個窿係由忌廉填滿，然後少少黃梅醬喺底，再用蛋糕放番在窿面頭，蛋糕上面再有少少黃梅醬。個人好鍾意食撻，呢個撻嘅質感唔係脆身，反而有啲似蛋糕鬆鬆地，如果下次口痕想食撻都會再回購😙試咗以上兩個甜點，整體都係唔會太甜，怕甜點膩既人即管可以買常溫既甜品試試，對我嚟講就不過不失，沒有想像中咁驚艷，但經過開都會買嚟支持吓✨…Read More

咁岩遇到Gelato雙球買一送一，見未食過即刻試試🤩🌟花生醬：非常濃花生鹹香味，鹹鹹甜甜十分驚喜，我哋最鍾意呢隻🤤🌟鴛鴦：係豆腐加黑芝麻兩溝，黑芝麻味好濃郁而豆腐味清甜，兩者互相配合唔錯。🌟開心果（需要+$5）：開心果味好出，鍾意開心果嘅人，一定要試吓。🌟腐竹糖水：唔太食得出腐竹糖水味，不過味道清甜，用黎balance其他味道岩岩好。Overall隻隻味都唔錯，下次會再幫襯試埋其他味道💓…Read More

呢間餐廳咁多人推介，特登同朋友過嚟試下，咁岩今日有d雨，去到唔駛等位就直接入座，埋到兩人高檯位置後，女侍應特意拎圓椅比我地擺袋，很貼心。兩個人各自都叫左海防蟹膏湯檬粉及金邊粉試試，配料有番茄、2隻蝦2粒肉丸3片札肉、少少蟹膏，個湯色水幾靚以為會濃味，但食落冇咩特別，唔覺得鮮，亦冇番茄味。反而最好味係嗰兩粒豬肉丸，食得出係手打丸，味道都好香👍🏻 飲品叫左椰汁冰咖啡同越式奶咖啡，椰汁冰咖啡椰香好出，好味👍🏻 越式奶咖啡叫左正常甜，嚟到係少甜既程度，對我地嚟講岩岩好。整體嚟講，海防蟹膏湯作為招牌，我地都抱有期待嚟，但食落普普通通略有失望，有機會下次再試試其他菜式。 …Read More

星期日1點同朋友經過門口見有幾個人排隊，5-10分鐘度入到去，裝修都幾光猛乾淨。雞球便當嚟到覺得份量比想像中大，比起雞球，應該叫大雞塊，炸雞淋了甜咸味的滷汁十分滋味，部分位置淋醬後仍然能夠保留脆的質感，口感十分喜歡。配菜方面有炒雜菜、粉絲及粟米粒，好味而且有花功夫，起碼唔係白烚菜。飯量加左大，仲可以免費加飯好貼心。湯麵湯汁較甜，朋友很喜歡，附送一串豆皮十分特別，吸滿湯汁好食。炸雞排厚肉且不乾柴，枱面仲有三種調味粉提供，我地最鍾意紫菜味。雞扒份量非常多，所以食到最後可能會膩，同朋友交換餸菜就Perfect。加左一個地瓜球小食，味道香甜好食，但好像內裡中空位置不大，粉糰層比較厚。講真今時今日呢個價錢，有咁大份量又好食，我地認為呢間餐廳高質素，會再經常嚟食。…Read More