zerozero17's Profile

係長沙灣靜中帶旺既街道上開左間新餐廳，決定要同朋友一試！聽店員講呢間匠一麵屋既湯底係日本師傅親自監管製作！令我對呢間小餐廳又增加左幾分好感呢間拉麵店主要都係得幾款拉麵可以簡，menu簡潔，仲十分細心，可以簡埋走其他配料，我就簡左濃厚魚介拉麵走筍，朋友就簡左豚骨炙燒叉燒拉麵，再叫埋個列脆口餃子先上左個餃子，店員特別介紹呢個餃係即叫即包，雖然餃子比較細隻，一口餃既感覺，但皮脆肉香，叫四隻絕對唔夠～兩碗拉麵既湯底都非常特別，魚介個款就比較清甜，拉麵爽口，我同朋友都一致認為個溏心蛋係好出色，整得好入味，真係拍得住係日本拉麵店既味道！豚骨湯底就比較濃烈，叉燒表面既炙燒處理得好好，好香炭燒既味道！…Read More

早排同朋友試過呢間既煙三文魚蟹肉波波今日路過荃灣就決定要再食多次係楊屋道街市行過去好快就搵到成間都用左好多貓貓既裝飾物由咕𠱸到牆身既畫布都係貓咪圖案首先叫左份好掛住既煙三文魚蟹肉波波佢係一粒一粒咁放係一隻湯匙上面個擺盤已經好吸引三文魚都係完整一大塊咁包住啲蟹肉蟹肉既質地係纖細鮮甜 同煙三文魚放埋一齊好夾同時又豐富左個口感炸雞翼係用小鐵筒黎裝 好match店鋪既風格啲雞翼都係單骨 女仔食起上黎好方便每一隻都好入味 辣度十足唔會炸得太乾 仲有肉汁肉好嫩滑 個外皮雖然唔係炸到卜卜脆個啲 但唔影響口感即點即炸 上枱個陣仲係熱辣辣最後主菜就要左烤美國安格斯牛板胛扒餐黎講大概二百幾蚊就有 價錢合理叫左7成熟 出黎既效果保持到肉質嫩滑仲保留到啲肉汁分量夠兩個人share 而啲薯蓉亦幫呢道菜加左不小分入口即溶 怕肥都亦唔住食多幾啖薯仔迷就唔好錯過中意飲酒既朋友不妨點一杯黎配呢份扒又會係另一種享受係平日既晚飯時間好快就坐滿8成客想試既朋友就最好訂定位…Read More

今次同朋友食既餐廳地點好方便 係皇室堡地庫 好易搵食飽仲可以去宜家 GU行下由於好肚餓既關係 一坐低就已經叫左四道菜檳城炒貴刁配料十足 有蝦仁 蠔 魷魚味道夠濃 份量夠兩個人share啲河粉唔會有炒得耐就爛開一折折既問題辣度適中地道串燒拼盤啲雞肉鮮嫩多汁 中意食牛既可以揀哂全部牛都得每塊肉都好入味雖然串燒選擇唔多 但個質素真係唔錯而個醬汁酸酸地好fresh 個人覺得可以再濃味啲叫左咁多肉點都要有啲蔬菜平衡一下份通菜可以選擇配馬拉盞 或者蒜蓉以$64呢個價錢黎講 不過不失仲叫左一份薯仔薄餅會有切粒既薯仔係入面而唔係得啲薯泥豐富左個口感 而且一碟仲要有7 8塊塊塊都好厚身食哂之後個肚已經full 左50%呢個份量$28係好抵食 下次再黎一定要再食雖然我地兩個人處理哂呢四道菜但都仲有胃口食埋佢個甜品 椰汁千層糕 糕點既賣相同擺盤都唔錯口感煙韌 係味道比較淡食到8點幾 個場都仲係好full 出面有人等緊位建議週末黎食訂定位就穩陣…Read More

韓國餐廳愈開愈多但性價比高既買少見少同朋友兩個係銅鑼灣行完街就想搵個可以飲下野 又醫到肚既地方Google 完就搵到呢間距離地鐵站十分鐘左右既路程係cubus 21樓 既韓國餐廳環境好大餐廳有兩面都係全落地玻璃 景觀唔錯想一班人朋友黎聚會又或者兩個人靜靜咁二人都可以考慮下個人覺得佢地既拼盤最抵食 又唔洗左諗右諗食咩好我地叫左烤雞八爪魚拼盤同兩杯果味啤酒桃味同芒果味初頭個幾啖酒味比較重愈飲就愈有果味上菜隻碟差唔多有半張枱咁大成個拼盤有沙津 紫菜包飯每一個都好似乒乓波咁大有滿滿既紫菜包住主菜烤雞 八爪魚 同埋薯角薯角新鮮炸起 舊舊都好脆好香口唔係'林'哂個啲個拼盤有幾款唔同既醬汁比你搭配個人覺得啲雞肉可以唔洗點醬 可以保留反佢既原汁原味 肉質彈牙外面層皮夠脆 連平時唔會食雞皮既朋友都話好食老闆等我地影完相之後就幫我地剪好八爪魚好貼心既一個舉動呢個價錢同服務值得同朋友再黎食過…Read More

元朗一向都出名有平靚正餐廳今次又搵到一間充滿instagram影相好正有格調既西餐廳 🍴位置都好方便 附近都好多餐廳西鐵一落行幾分鐘就到本身就係比佢門口個menu吸引左$388 食到二人套餐仲有好多野食簡重點係見到有豬手簡 都好抵所以就決定入去試下新餐廳 daily餐湯 個日係忌廉南瓜湯成個湯個感覺好濃 材料好足南瓜同忌廉既比例剛剛好跟湯個餐包 都幾特別幾鍾意餐包個黑醋醬汁 前菜就簡左哈密瓜巴馬火腿配火箭菜哈密瓜夠甜 配巴馬火腿超正唔會太咸中和返個味道再黎意粉/飯就簡左蟹肉冬陰公意大利飯 蟹肉份量都算多 冬陰公味既意大利飯又真係第一次試果然無令我地失望 特別得黎都幾岩香港人口味 唔會辣又保留到冬陰公既香味主菜真係要贊 我地二人簡左蜜糖烤德國豬手配燒菠蘿德國豬手焗得好香脆 豬皮仲帶有微甜既蜜糖味服務員仲好貼心咁等我地影完相先幫我地切埋 要加分豬手既肉相當淋 易入口呢個二人套餐價錢食到咁正既豬手相當難整體來講 呢間餐廳比我嘅印象十分之好有服務之餘 店員貼心有禮 食物嘅水準都係相當之好用心經營嘅餐廳值得一去…Read More

心血來潮想食牛肉麵又冇可能即飛台灣去食好彩係香港都唔難搵到啲有質素既牛肉麵呢間鋪係台灣老闆打理聽到係當地人已經係一個信心保證另一個賣點係佢地個湯底係用10斤牛筒骨熬最少30個鐘 冇添加任何味精間鋪一到晚飯已經坐滿人咁濟首先叫左一份牛筋麵肉既量好多 好足料食之前習慣先試下個湯湯底既牛肉味好濃郁 有小小辣飲落去唔覺油膩 忍唔住係咁飲停唔到啲麵好入味 有咬口有少量蔬菜同蔥做配襯視覺效果滿分另一個阿宏蔥油拌麵都係吸引我地黎食既原因蔥同油香令人食指大動 好香好惹味而個口感唔會好油另外仲叫兩個小食豆干好入味 如果配飯食會仲正個百頁豆腐就淡味左小小呢個價錢黎講個分量少左啲但整體黎講值得再幫襯…Read More

火鍋同燒肉有選擇困難症既我就最岩去呢間餐廳啦食完韓燒仲嘆埋火鍋今次食材用料仲要係堅·韓牛啊同朋友放工後去食 就簡左晚市九點半後入場 又嘆到燒韓牛同韓式邊爐 位於旺角地鐵站左近 好方便呢個價錢好多地方都做唔到值得一贊地方都夠大 唔算太逼 環境都算食得幾舒服吸油煙機個方面都做得算唔錯最驚食完成身韓燒味 呢到食就唔會有太大呢個問題我地就簡左頂級韓牛餐個餐仲會送埋刺身 三文魚同八爪魚同埋會跟餐有個頂級韓牛食肉同脂肪既雪花比例好正然後跟餐又會送埋熱啦啦牛肉湯 個湯有驚喜另外仲可以任點唔同既韓牛咁多種類別 個人覺得牛仔骨就最正有入口即化既感覺 肉質好軟綿綿極力推薦要點任食黎講 呢間真係最抵食仲要可以任點海鮮 我地就叫左好多蝦同帶子 青口等全部都好新鮮飲品種類都多選擇 大部分都係韓式罐裝果汁好可惜既係今次試唔到佢個火鍋兩個女仔淨係食韓燒都已經飽哂唯有下次黎再試埋韓式火鍋…Read More

講到荃灣有名既丼丼屋非呢間莫屬地理位置近於荃灣市中心入夜之後都仲有好多人幫襯夜晚客人一個接一個 就一定有佢既道理好彩事前book左位 所以去到都唔洗點等同朋友各叫左一個大丼飯我就叫左四重爆丼 朋友就叫左爆火山丼首先講左大丼飯先大大碗上面一半都鋪滿哂海膽！！仲有一半係鋪滿鮮三文魚籽 仲有碎拖羅等～鍾意食海膽既人一定要叫！超鮮甜！而鍾意食三文魚籽多既人就一定要試我朋友叫個碗啦！滿滿都是三文魚籽 所有食材都非常新鮮滿到都好容易跌哂落台～跟餐仲有附送碗味增湯 都不錯不錯！想試新鮮丼飯 價錢又比較親民d偶而想黎過下食刺身癮既朋友一定要黎試呢間～可惜今次一人一碗大飯就已經飽哂如果唔係會想試埋其他小食～！…Read More

放假同朋友行開尖沙咀發現有間幾特別既burger店 地理位置黎講都幾近西鐵站 P出口行幾分鐘就到 好方便間餐廳雖小 但見去到見啲位都坐滿哂人好chill既感覺 service好好 叫左唔夠十分鐘 好快就上哂菜同朋友兩個人叫左份沙拉餐一份漢堡包 另外仲單點左個漢堡包同埋一份雞翼小食先上既沙拉餐 原來都幾大份下燒雞蘋果沙拉 另外沙拉餐就跟枝冷壓果汁 聽落都覺得好健康 味道都幾好食好fresh既感覺 蘋果爽甜而且份量都算大 兩個人食完都覺得飽飽地至於漢堡包方面我地叫既係安格斯牛堡有齊新鮮甜蕃茄 酸瓜 芝士 超厚既漢堡扒麵包都焗得好好味成個漢堡巨型到好難一口咬呢個價錢抵食 跟餐既薯條整得一d都唔馬虎 建議一定要跟餐叫可以試埋佢個香脆薯條另外水牛城雞翼都好抵食$38 四隻 同係外國食到既味道十足有埋鮮蘿蔔條同青瓜條點埋佢個沙拉醬係一流尖沙咀有平價有水準burger餐都好少有推薦推薦…Read More

今日朋友就特登帶我黎試正宗既印度菜餐廳環境好大 個設計好簡潔又不失異國風情目測店員應該都係印度人menu係有中英對譯 唔擔心會睇唔明花多眼亂既狀況下 單係薄餅既款式已經多到唔識揀唯有叫店員介紹一下佢地既皇牌最後決定要一個雞肉瑪沙拉同一份原味酥餅等左十分鐘左右已經上齊菜 好快手個咖哩有驚喜係上菜個陣就聞到淡淡咖喱味道個人覺得個辣度可以稍稍再濃啲如果唔太食得辣既朋友 可以一試呢個啲雞肉好滑又冇骨 好入味香噴噴既薄餅好有牛油味 有酥酥既口感拎上手食個陣又唔會有油林林既感覺咖喱同薄餅真係絕配既組合另外叫左一個泰國菠蘿炒飯做主食一開始以為係有半個菠蘿做碟個種飯既配料比較簡單 菠蘿粒同蔥花為主飯比較重香料味 未必個個都岩呢種味道個份量夠兩個人share…Read More

老友突然心血來潮想食台灣野 咁就搵呢間大家都就腳既餐廳試試店鋪用左暖和既燈光配木質傢俬有一種休閒既感覺 可以放鬆同朋友食飯傾計再加上一啲台灣特色既小擺設成個環境設計好用心小食我地就叫左一份黑白墨魚卷同溏心蛋 作為一個蛋控點都要點一份黎試下溏心蛋睇落簡單但實際係揀蛋到煮既時間都好考功夫而呢間既蛋就冇令我失望啦主菜方面就決定試佢地既招牌菜 黑麻油雞同胡椒蝦啲大蝦完完全全咁吸收哂啲醬料外脆內軟 肉質彈牙而黑麻油雞一黎到已經聞到陣陣既麻油香味 每件雞都好入味 又唔會有好油膩既口感每舊雞肉唔會有煮得好老既口感同腥味亦都唔會見到有啲細碎既骨頭係煲入面細心度滿分值得一讚係員工既服務態度每上一樣菜都會簡單介紹一下佢既煮法 用咩食材 好有心下次再約大班朋友黎一定要試埋佢另外兩款招牌菜檸檬辣蝦同奶油蝦…Read More

廟街呢到除咗有好多本港風味嘅大排檔其實都仲有好多唔同嘅日本餐廳大概7點鐘黎到 店入面已經坐左幾桌客人短短半個鐘就差唔多坐滿成間鋪咁濟好幾桌客人都係一早預約左我地點左最受歡迎既兩款丼瀛龍蝦雙層爆丼同築地壽司杯每份食物師傅都係即場新鮮整 大概十幾鐘就陸續上菜丼瀛龍蝦雙層爆丼上層係龍蝦刺身飯 單係有帶子三文魚吞拿魚呢幾款都值回飯價下層就放咗健康彈牙蒟蒻麵配濃郁海膽醬汁龍蝦比想像中大隻 有手掌咁大上菜個時亦都已經挑肉拆殻 整成方便入口既size大大粒既龍蝦肉 口感豐富性價比高 對得住268呢個價築地壽司杯總共有七樣嘢食有五款唔同食材既迷你壽司杯 一隻鮑魚 同一份壽司卷 一次過可以試到海膽 三文魚 魚子 活蝦等等壽司好有心思咁放咗係個木製層架上面呢個擺盤呃like一流佢地9:30之後仲有做半價優惠絕對係係廟街食宵夜同朋友敘舊既好選擇…Read More

新港城中心自從裝修完之後多咗好多唔同嘅食肆進駐咁岩行過千色嗰邊就發現呢間新開嘅泰國餐廳12點去食已經開始有人龍既出現叫左一個扎肉米粉同蕃茄芝士焗豬頸肉飯呢個米粉嘅配料好足 有豆卜蘿蔔炸豬皮通菜 炸豬皮浸到半軟身再食好正但食個陣夾左第一下就發現有發泡膠粒係出面食嘢都好難避免呢啲情況唯有自己小心啲焗飯嘅味道都唔錯 係飯比較濕 口感一般另外再點左兩份小食 一份炸雞中翼同泰北豆醬通菜 菜嘅份量都夠兩個人去share單骨雞翼配泰式辣椒醬好夾 價錢少貴…Read More

成日去銅鑼灣唔知食咩好 今次終於有好推薦啦呢間餐廳好適合情侶去 地點又就腳地鐵站一出就係 完全唔洗搵 好方便高級餐廳既格調 餐廳環境氣氛超級好 餐廳有兩層 下層主要係飲野為主 上層就係食野為主當日都好多人選擇去個到慶祝生日服務員都非常有禮 細心介紹當日美食推薦我同朋友兩個人就叫左 兩個set dinner 西班牙黑毛豬餐($558）火炙A5和牛配牛肝菌意大利飯 (498) 呢個set dinner相當抵食 有哂餐包、沙拉、小食、開胃甜品、主菜、餐湯、飯後甜品 餐飲 每一環都唔馬虎上菜安排時間妥當 先上左餐包 餐包仲附上簡介 介紹麵包既製作的健康材料 令我地食得安心 麵包都聞落好香小麥味最值得一贊既係帶牛油都特別加有好香既黑松露配麵包食一流餐湯 我地就一人簡左蕃茄蘋果蟹肉湯同黑松露花膠燉湯各有特色 蕃茄湯完全係用鮮茄新鮮製作 加入蘋果榕更香甜 加上啖啖蟹肉 至於中湯 就好香黑松露味 店員有話係燉左幾個小時以上難怪咁好飲 加上花膠又養顏 好岩女仔飲沙拉都好好食 一個叫左煙三文魚凱撒沙律同夏威夷香蔥吞拿魚鮮蝦沙律 兩樣材料都好新鮮 味道都無得挑剔然後就上左個開胃甜品 青檸雪芭 非常開胃等左陣就上左主菜朋友就叫左西班牙黑毛豬七成熟，應我就叫咗火炙A5和牛配牛肝菌意大利飯 上菜前，服務員仲特登表演左如何火炙A5和牛 場面相當吸引 令我地食慾大增和牛仲有入口即化既感覺兩款肉款主菜都好出色 食到清哂碟 意大利飯又唔會太油膩 加左少少忌廉去煮令到更香口仲有好香牛肝菌嘅味道而黑毛豬煮得仲一啲都唔老 七成熟剛剛好以佢嘅配菜焗薯都絕得好有水準 睇得出係新鮮嘅好材料最後就係是日嘅甜品 仲特登俾我哋揀咗一人一款甜品係足材料既桂花糕同好濃咖啡mousse 最後仲有餐飲 我地就叫左一人一杯熱檸水絕對推薦比所有情侶既好地方 適合所有紀念日既慶祝活動!…Read More

尖沙咀搵間環境好 價錢合理既餐廳真係唔係咁容易，不過 今次朋友極力推薦呢間餐廳 相信一定唔會輸 結果一去到餐廳門口已經覺得地方好大 似係一個環境好舒適的小角落 呢個小角落應該都相當有名 一到晚市 就已經好多客人 好彩地方夠大 唔洗等位 店員已經安排我地就坐menu上既食物想相當吸引 最令我注目既係新鮮既生蠔竟然只係$9隻 精選生蠔 半打起叫 咁我地就決定試下最普通個款生蠔 叫左半打果然無叫錯 就算係最普通個款生蠔 都好新鮮肥大相當清甜 抵食之選！！配上辣醬同檸檬汁 味道更可口 再黎我地就叫左個沙拉拼盤 ($128)睇圖就知呢碟沙拉份量有幾大 相信都夠三至四人份量一邊放滿煙三文魚 另一邊就係Parma Ham 中間就係鮮蝦沙拉菜都好新鮮 燒海膽芝士多士 ($68）呢個相當有驚喜 芝士原來同海膽都咁夾焗埋放上多士就更加惹口 難怪餐廳都話係推薦菜色 一定要試！熊本霜降西冷($198）都不失我地所望我地叫左五成熟 口感剛剛好唔會太硬 易入口 牛肉香撲鼻 重點係塊扒都好大塊連薯菜一點都唔馬虎 薯角都煮得好好食未黎過呢間餐廳既朋友 一定要帶朋友去試尖沙咀地區的小角落 竟然搵抵食 好味 環境又好既西餐絕對要推薦比大家！…Read More