Jacky85265's Profile

喺社交平台見到八木橋有買一送一優惠嘅片同相，D相睇落又OK，所以立即Book時間去試吓一去到門口，見到入面無乜客，但門口無職員帶位，只能企喺度白等。入坐尚算順利，我地揀咗$398套餐牛肉係超級薄，薄到一落鐵板就要拎上黎，好似打邊爐淥響鈴咁，煎一秒都已經鞋過石頭！另外D牛肉同吞拿魚刺身幾乎全部都一開二/一開四，全部好似放過入碎紙機碎咁。上圖，D牛肉片煎兩煎真係成塊碎紙咁我食燒肉嘅次數真係十隻手指數唔哂，未見過咁差嘅質素。可能你會問：買一送一，仲想點？我就覺得，佢出得優惠就係想吸引人，相信睇優惠去幫襯嘅人都係第一次去，咁就應該做得好D留個好印象，而唔係拎個客$478， 要個客食碎紙牛肉。仲有，塊鐵板煎一次已經又黑又燶。可以叫侍應換鐵板嘅，我當時唔該前唔該後，佢輕佻地答一句：可以～我心諗咩野態度？唔知仲以為佢係被逼喺度做義工，係唔係怪我叫佢換？塊板垃圾咪要換囉，我好想成日有條友埋黎阻住我食野？另外，呢間餐廳係用手機App下單。看似好方便，但廚房出單部機會Jam紙，出嚟同你講再落過單。唔知呢間餐廳有D咩係做得好，可能燈泡無燒，張凳無爛，個爐無爆炸已經要感恩！唯一無切碎過嘅，我諗係蝦同蜆，因為佢切唔到另外我都有食天婦羅，粉同料係炸到分開，而且一啲都唔脆，非常失望。甜品方面，個雪糕櫃收得好隱閉，唔知仲以為係唔拎得嘅添。入面得「黑牛」雪條同埋雀巢雪糕 （雲呢嗱、巧克力、芒果味），係咁多！無其他！接近$500嘅一餐，俾D咁嘅野我。（買一送一係咁架啦！）好彩係買一送一，每人4舊幾水就話，我一定唔會黎。公道講句，睇其他食評，我見係有其他選擇，但我當日眼見就得咁多！點解人地咁多選擇，我就唔清楚喇走嗰陣，拜拜都無句。不過幫襯完，無禮貌已經係意料之內，唔緊要唔緊要。最後，講完缺點，都有D優點嘅...um.....燈泡無燒，張凳無爛，個爐無爆炸…Read More

本身已經想試呢間餐廳好耐，今晚如願以償。女友事前打算訂座，店員表示呢排晚上walkin都可以，但20:30 last order。於是我哋19:40到餐廳，等位大約5分鐘，有一個好舒服嘅4人位可以放袋，我哋都非常滿意。另外，未開始食都已經感受到店員嘅禮貌招待，一定要讚。呢間餐廳用手機落單，我地嗌咗炸魚狗腸、炸魚無薯條、黑白鴛鴦春卷(爽彈魚麵+魚湯)、魚米粒粒、芝士魚餅、菊檸稀茶、洛神花山楂雪梨茶。黑白鴛鴦春卷-麵底、湯底我哋都選擇咗魚麵同魚湯。魚麵口感彈牙，魚湯非常清甜。黑、白春卷各有千秋，一共6條，非常足料。賣相一般，但非常足料，口感一流。睇落係意大利飯，但係其實全部都係魚粒，口感彈牙。可是食到一半會覺得有點膩，喺呢個時候飲一啖黑白鴛鴦春卷嘅魚湯係一個唔錯嘅解決方法！炸魚無薯條，顧名思義佢係一堆炸魚，口感比一般薯條彈牙，黑松露醬嘅沙律味比較重，黑松露嘅味比較淡炸魚狗腸-成碌都係魚，無特別魚餅無驚喜, 一般野店員為我哋端上佢地自家製嘅辣醬，我地唔食辣但都接受到嘅辣度，而且有魚香味，好特別，值得一試。飲品方面，洛神花山楂雪梨茶味道偏淡，還可以；女友表示檸菊稀茶難飲由於餐廳係用QR code落單，同時都可以用apple pay/ credit card俾錢。所以食完野就可以拍拍囉柚走人。…Read More

昨日黎過，今日再黎試試星洲總廚嘅海南雞飯 配雞油香飯，三色奶茶。照舊QR CODR落單，今次唔洗麻煩店員幫手，我用手機落單，可以自己揀走芫茜/選雞胸定雞髀等等我揀咗雞胸飯一到，見到黑醬油已經加分，因為我食海南雞飯係喜歡點黑醬油。雞胸唔算好嫩，但都好好食，雞皮頗厚。然而，成個餐最好食係個飯，粒粒分明，每一粒都係黃白色，帶油香味。老老實實，呢碗飯唔洗餸都可以食到，因為佢本身已經好香。…Read More

今日第一次黎到星洲總廚食Lunch平日下午二時許，本應午餐多人時段剛剛結束，下午茶黎講又太早，但餐廳都有8-9成坐滿。幸好只有我一人，可以直接入座。餐廳用QR Code下單，但只係坐大約中間位置，手機訊號接收已經變得好差好差。戴眼鏡男店員見狀，立即禮貌地幫我落單。佢雖然好忙，但反應好快。 我點咗「滿堂椰漿飯拼盤 配南乳脆炸雞、星咖坡咖哩雞、爐燒豬頸肉」同「馬拉怡保白咖啡」。先講滿堂椰漿飯拼盤，蛋半生熟剛剛好，唔會太水又未至於全熟，整得好好食；咖哩雞有東南亞嘅味道，有煎炸過，上碟再淋咖哩汁以保留佢香脆口感，但我嫌佢略為乾身，而且食完有口渴嘅情況。 另外，南乳脆炸雞都同樣炸得乾身，而且入面有一條大骨。如果無骨嘅話可以盡情大大啖咬，會更加爽。豬頸肉正常，無驚亦無喜。至於馬拉怡保白咖啡，味道偏甜，我都係鐘意帶少少苦澀味嘅咖啡…Read More

從街坊社交平台Page得知鐵樹街有日式便當小店開張，對食物讚不絕口。今日特意前來試試。小店賣點係用日本米。門面簡單樸素，裝飾不多，簡潔為主。雖然沒有座位，但一入內令我感覺舒適。無錯，眼看小店只有一個座位，但已擺放東西，相信主要係做外賣生意。店員相當熱情有禮，知道我選擇困難，佢都俾我慢慢諗，無任何壓力。最後點了1. 吉列豬扒蛋便當 $882. 吉列牛肉薯仔 $28店員表示日後可能會增設Payme 付款方式。返到屋企，一開盒，全屋都充斥香味。蛋同洋蔥煮得好好味，豬扒仍然係脆，好好食。真心希望可以繼續Keep住另外，外賣盒用嘅盤好大，食嗰陣都比較舒服，唔會驚食得飯黎又跌D餸咁唯一挑剔嘅係我覺得D飯太淋，唔知道係太多水定係因為D蛋擺喺面所以令D飯咁。整體上係好食，但$88就有啲貴。吉列牛肉薯仔好脆，入面有好多牛肉碎粒，足料！下次有機會會試吓個三文治疫情肆虐，小店迎難而上，要冒好大嘅風險，勇氣可加。…Read More

襯五一黃金週去平時少去嘅地方幫襯黃店。六両三位於尖沙咀比較少人流嘅街上，可能因為疫情影響，座位變少，都有6個客喺出面等緊位我去到先去攞飛，然後都好快就可以入去入到去覺得鋪位唔算大但幾舒服，冷氣幾足餐廳用過膠紙同marker落單，咁樣都幾環保我坐喺吧枱，雖然無同廚師對話，但睇佢地相處會覺得佢地好隨和，互相幫忙講返食物，我叫咗牛筋牛肋條麵，牛筋牛肋條都好淋好食，個湯底少少辣但唔會食唔到，仲幾開胃。麵就淋咗啲，我喜歡硬牙甚至有啲硬身因為五一黃金週，餐廳搞promote送中size冬瓜茶岩哂咁熱嘅天氣，冬瓜茶唔會太甜，恰到好處。雖然只係中size, 但已經係正常凍飲杯size。另外，餐廳有盒裝本地製口罩賣，但$210一盒有啲貴…Read More

當日星期六，為了避免無位坐，12點半到達餐廳，但已經很多人。我們兩人勉強能找到餐廳內座位。如果不介意，也可外帶到海邊吃，但要考慮曝曬和下雨的風險了。食物方面，竹炭包那款比較獨特，值得一試。蒜味很香，同時也容易口乾。另一款較為普通，亦很有水準。小吃方面，墨西哥小吃很像沙噏的感覺，是我的最愛。飲品亦很精緻。當日兩日總共吃了$360衛生方面，由於人流超出員工的負荷，衛生情況亦比較不理想，我需要自己清理上一手的垃圾和廚餘，也要抹枱。可幸是事餐廳有使用餐盤，在執拾方面比較快捷。…Read More

經過無數次的幫襯，決定要為這間留一個紀錄。今天我的入座時間是三時許，人流不會太多，座位比較疏落。每次進入麵店，店裏的電視總是播着有線新聞。香港人都清楚有線電視的新聞部為報導真相有多堅持。食店讓食客可以看到真正不偏頗的新聞，十分難得。今天選了蕃茄濃湯，夠濃夠香。豬大腸則很入味，牛筋牛腩也很足料。店員年輕有為，有禮貌。我要支裝汽水，支裝汽水唔夠凍會事先同我講，相信這是他們對冰凍可樂的執着。不得不提的是店舖內的文宣比他們的菜單還要多，真是一間高質的黃店。…Read More

今天難得來到新蒲崗，必定要試一試這裏的堅果奶。女朋友說這裏的是植物奶，比較健康。我點了一杯香芋堅果奶，她點了一杯火龍果堅果奶。香芋堅果奶味道很濃郁，用粗飲管會吃到很多香芋，非常足料。杯蓋有兩個口，可以用飲管飲，直接飲也可以，非常環保和方便。吃完飯後學者杯飲料顯得非常飽肚。火龍果堅果奶用紅肉火龍果，營養價值更高，也不會太酸，與堅果奶的味道很夾。店舖環境方面，非常寬敞，同時提供四人沙發座椅和茶几，又有打卡位，完全滿足香港人打卡的習慣。…Read More

今午到新蒲崗用膽，食肆位於大有街街角，門口不明顯，只放了一個大餐牌。中午人很多，我們慶幸找到座位點了一個雞粒便當，附送一個沙律菜及水蛋，另外例湯/羅宋湯任飲。這裡的最大優點就是你一定會飽！！！便當選擇了用日本米及日系的盒子，相當精緻。春卷很爽口，很好吃，只有一條，我每一口都很珍惜。…Read More