amanda119's Profile

📍豐鍋雞煲 (沙田）好食又高質嘅雞煲🍳 豐鍋滋潤椰子雞煲我們兩個人點了半隻雞，滋潤椰子雞煲的味道非常鮮美，雞肉嫩滑，椰香撲鼻，湯底濃郁，真係原個椰子🥥用來整湯底，令人食指大動。🍳 頂級安格斯牛小扒頂級安格斯牛小扒真係好正！肉質滑嫩，雪花分布得咁均勻，煮出嚟口感超級香口。無論係單食定係配湯，都好好味，絕對係打邊爐必點嘅選擇！🍳 手工四寶丸手工四寶丸真係一絕！每一粒都滑溜溜，口感豐富，咬開有肉汁流出，特別好味。搭配湯底食落去更加提升，令人一口接一口！🍳 芋絲芋絲份量大大份，兩個人食非常足夠！🍳 唐生菜新鮮乾淨，打邊爐一定要有d菜🍹 大檸樂🍹 大話七大檸樂好懷舊，龍鳳檸樂搭配新鮮檸檬同鹹檸，飲一口就令人回到童年，酸酸甜甜，特別開胃！至於大話七，鹹檸嘅濃郁味道配上甜味，味道平衡得好好，飲落去唔會覺得膩，反而令人欲罷不能，兩款飲品都好適合聚餐時享用，令人心情愉快！…Read More

荃灣呢條街好多唔同嘅餐廳！比呢間吸引咗😍門口大大隻字記住火鍋放題，雞煲無限食！即刻就揀咗呢間餐廳食晚餐。佢晚市雞煲放題，平日$178 一個人，仲免加一，唔包括收費小食同啤酒。有張紙仔有11款鍋底同埋好多配菜揀。雞煲揀咗bb辣，好惹味，雞肉好嫩滑！唔會好多碎骨，食得出師傅斬雞嘅刀功好好！雞件大小適中，非常入味！食完唔夠仲可以無限加，真係好抵玩！之後就可以加湯打邊爐。揀咗娃娃菜，生菜，肩胛肥牛片，豬肉片，豬潤，牛柏葉，蕃茄，仲有最最最最吸引嘅芝士竹輪😍😍😍真係太開心！雞煲任飲任食嚟講，呢間真係性價比最高！…Read More

係深水埗附近返工，同同事搵咗間燒味食！lunch時間都幾多人，台台都坐滿人，幾受歡迎！叫咗個雙拼燒味河粉，揀咗燒鵝同埋燒腩仔！燒腩仔好脆卜卜，真係一定要試。而燒鵝就比較睇部位，不過肉汁都好豐富。$50蚊仲要送埋湯，凍飲唔駛加錢！食到超級飽。最值錢嘅一樣野就係全部店員都好local香港人嘅特色，好nice又好關心你咁！唔通呢d就係叫人情味？嚟開深水埗想食燒味，都可以食下。環境闊落，唔逼！同埋空氣清新，冷氣充足。…Read More

觀塘工廈Cafe唔少，呢間晚市主打Fusion菜同甜品，今次試完覺得有啲位做得幾細心，同街坊價錢比算係有誠意～ 1. 特濃開心果忌廉麻糬梳乎厘（$158）梳乎厘表面烘到微脆🍴，入口即化好似食緊空氣，麻糬係一塊塊鋪喺面頭🍡，煙韌得嚟唔會黐牙。開心果忌廉堅果味濃，但唔會死甜，兩個至四個人分都得👫～ 2. 韓式泡菜卡邦尼意粉配溫泉蛋（$118）泡菜辣度溫和🌶️，撈埋忌廉醬同溫泉蛋🍳，鹹香帶微酸幾開胃，意粉軟硬度煮得啱啱好。不過醬汁多到有啲「漿口」，食到最尾要飲啖茶沖淡下🍵。 3. 棒棒鷄鎚配蜜糖芥末汁（$88）一客6件炸雞鎚🍗，抵食！外皮脆到嗦嗦聲，咬開肉汁夠晒💦，蜜糖芥末汁甜辣平衡，唔會搶咗雞味～ 4. 海鹽Kiri芝士奶蓋桂花烏龍（凍）（$39）奶蓋厚身帶微微鹹香🧀，飲落似食緊芝士蛋糕🍰，桂花烏龍茶底清香解膩，$39真係抵到笑💰！ 5. 鹹檸柚子沙冰（$48） 沙冰打得夠幼🍧，鹹檸嘅鹹酸同柚子甜味撈勻後好清爽，飲完成個人涼浸浸❄️，夏天必點🌞！ 總結環境舒服唔逼人🛋️，食物有心思（尤其疏乎厘嘅細節✨），飲品性價比高，觀塘街坊可以一試～ …Read More

突然好想食川菜，又唔想上深圳，就試荃灣呢間川菜小店「悅川」，啲菜式有啲fusion得嚟夠貼地，今次試咗幾款招牌菜，麻辣得嚟有驚喜，仲要份量足，街坊價錢絕對抵讚！ 1. 花椒青香魚青花椒麻香夠晒過癮🌿，魚肉滑溜無骨，最抵讚係湯底藏住鴨血同冬粉🍜，索盡麻辣精華，$200嚟講抵食到拍手掌👏！ 2. 清炒筍絲筍絲爽脆到嗦嗦聲✨，加埋香菇片一齊炒，簡單但鑊氣十足，食完麻辣嘢啱晒清下口腔。 3. 炸奶香饅頭外皮炸到金黃脆卜卜🍞，點埋煉奶甜到入心，$58有6件仲要熱辣辣上枱，CP值爆燈💥！ 4. 魚香鮮蝦茄夾必試❗️茄子夾住彈牙蝦肉+豬肉餡🍆，外層炸到脆口唔油膩，魚香醬微酸帶辣，咬落層次感滿分💯！ 5. 飲品+甜品凍檸茶🍋同芒果梳打🥤正常發揮，仙草涼粉🍮清甜解辣，食完麻辣嘢啱晒收尾～ 呢度唔止辣得過癮，菜式仲有心思，人均$200有找…Read More

香港夜生活！沉浸式體驗不一樣的酒吧式餐廳，猛男表演令全場女士狂呼💥 - 這次我們體驗的表演是「Desire City: Night Out In Vegas」💃🎵🎩🤸，結合了舞蹈、音樂、魔術和體操元素，打造出一場令人目不暇給的視覺盛宴🔥！整場演出每個環節都精心設計🎯，充滿驚喜與期待🎭，絕對不是一場普通的猛男show💪！ 還有Miss Hunny擔任MC, 令氣氛更好。｜入場即玩命運輪盤｜🃏 入場時每位觀眾都會抽一張幻彩撲克牌🎴，不同顏色對應一款神秘特調🔮！這些飲品不僅味道有層次🍹，外觀更是華麗到像藝術品🎨，手機先食模式立刻啟動📸✨ ｜高熱量觀演補給站｜🍟 演出設兩段中場休息⏸️：首輪端上邪惡火腿芝士拼盤🧀，第二輪則是罪惡感炸裂的炸魷魚圈x酥脆乳鴿髀🍗～雖然小食選擇不算多，但請記住⚠️：美食只是配角，猛男們的汗水與腹肌才是主菜🔥（連休息時間都在放電⚡） ｜夜遊時程全攻略｜📌 ⏰ 21:30-23:00🌙（2.5小時腎上腺素飆升體驗💫） 📸 終演後開放「鎂光燈戰場」✨ 與猛男美女合影💓 🎟️ 加演場3/28強勢回歸！搶票別說沒提醒⏳ …Read More

荃灣呢間「Vision 8」個舖位都算低調，但啲菜式有板有眼，價錢唔算貴，同朋友食飯啱晒！1. 香煎帶子配牛肝菌意粉（$188）帶子煎到外脆內嫩，牛肝菌醬汁超香濃，夾埋意粉好夠味！帶子有成四隻，超級滿足！2. 是日餐湯（忌廉什菌湯）（$110兩碗）菌湯夠滑，菇味爆棚，飲落有啲松露香，冬天飲好舒服！3. 蘋果木燒黑毛豬鞍扒（野菌汁）（$80） 豬扒好Juicy！蘋果木燻到啲肉香噴噴，配野菌汁好夾，但塊扒唔算太大件，大食佬可能要叫多份炸蠔頂肚，不過做緊優惠$80已經算係超級抵食！4. 酥炸生蠔（3件）（$58）炸皮脆到嗦嗦聲，蠔肉又肥又鮮，點埋檸檬他他醬好開胃，抵食！ 呢度啲主菜有水準，特別係豬扒同炸蠔，價錢合理，可以encore！ …Read More

灣仔「聰。C Dessert」喺會展行完展覽，又未到食晚飯，就去搵吓食糖水！我地去左灣仔「聰。C Dessert」，聽講係由昔日人氣糖水店「聰嫂甜品」原班人馬打造，用新品牌延續經典，啱晒我呢啲甜品控。1. 麻糬紅豆抹茶雪糕牛角窩夫（$44）牛角窩夫外層酥脆帶牛油香，內裡鬆軟，熱辣辣的窩夫與冰涼的抹茶雪糕形成「冰火交融」的對比！紅豆蓉甜而不膩，麻糬粒煙韌彈牙，加上微苦的抹茶雪糕平衡甜度，整體融合日式與港式風格。 2.香蕉朱古力醬焦糖脆脆牛角窩夫（$38）這款窩夫以焦糖脆脆為亮點，牛角窩夫的酥脆感搭配濃郁的朱古力醬與香蕉片，甜味層次豐富。焦糖脆脆增添口感，香蕉的果香中和了朱古力的厚重感，適合嗜甜者。不過相較抹茶款，稍嫌甜度偏高。3. 龍眼椰果冰（凍）（$46）招牌之作！以泰國龍眼肉冷凍後打成冰沙，每一啖都能嘗到清甜的龍眼果肉，椰果和水晶珠增添爽脆與Q彈感，頂部兩顆冷凍龍眼肉畫龍點睛，整體清爽解膩。 4. 芒芒麗莎（凍）（$48）楊枝甘露的升級版，芒果果肉鮮甜多汁，加入椰果、西米、小丸子及芒果冰沙，層次分明，芒果控絕不能錯過。 …Read More

咕嚕咕嚕 GULUGULU尖沙咀諾士佛台 收工同個同事落尖沙咀happy hour，喺飲嘢之前就搵一間附近嘅餐廳食吓嘢先，就搵到呢間咕嚕咕嚕，可以飲嘢又可以食嘢！ 8點打後仲有live Band！超推介！ 烤豬頸肉🍖 特價 $78 用咗日式醬汁燒既嘅豬頸肉，甜甜地超級好食。邊邊部份仲燒到好香，有少少似好食既雞泡魚乾！ 中間亦都好有肉汁，呢個價錢十分推介！Gulugulu Porsche 🍸 $78 叫咗杯招牌嘅Moctail, 好新鮮嘅橙汁配搭，上面仲有乾咗嘅香橙，超級香！用嚟打卡亦都一流！香煎珍寶帶子意式青醬忌廉汁🍝 $128 超級鮮味嘅帶子，再配上又香又順口嘅忌廉，估唔到酒吧餐廳都可以煮到咁嘅水準！跟住我哋叫咗幾串都係特價緊嘅串燒，平均都係$20吋超級化算！雞髀菇🍄 價格：$10 $10一串串燒，竟然可以做到咁平，而且份量都唔少，一定要嗌！雞皮 & 雞軟骨🍗 價格：$15 炸得金黃酥脆，適合搭配啤酒。翠肉瓜 🥒 價格：$15 清爽可口，食完咁多肉啱啱好清新一下。…Read More

WM Café & Bar（土瓜環）放咗工去土瓜灣搵一位好耐冇見嘅朋友食飯，想搵間有啲格調，但係又唔使咁貴嘅西餐廳，就去咗呢一間。入到去成個環境都好舒服，仲有一半係露天，如果之後喺度飲嘢都好有feel！朋友話佢哋仲更新咗一個新嘅紙本餐牌，有好多好吸引嘅主食例如帶子蝦牛柳，牛扒，豬肋骨等等！ 我哋就叫咗個牛扒套餐同埋炒雜菌。烤穀飼安格斯皇后牛排🥩 聽講呢個係安格斯牛扒比較美嘅部份，冇乜筋亦都好好味！ 叫左medium well，牛排的熟度剛好，肉質鮮嫩多汁，只係加$48就可以升級套餐的南瓜湯和沙律加上野飲！升級套餐：南瓜湯 🎃 湯的口感滑順，味道香甜，幾有特色。沙律🥗 一人份量嘅沙律，清新爽口，搭配的醬汁剛好，食牛之前小清新一下。柚子雞翼 🍗 雞翼外脆內嫩，柚子的清香讓味道更為清新，可以再試！牛油蒜蓉炒雜菌 🍄 雜菌炒得剛好，蒜香四溢，搭配牛油的香氣，美食已經流晒口水。巴斯克芝士蛋糕 🍰 一件芝士切餅蛋糕，食落去有好順滑嘅芝士同奶油味，每一啖都好滿足，如果份量再大啲就正啦！…Read More

最近同一位好耐冇見嘅好姊妹約咗食飯，揀咗尖沙咀附近一間隱世餐廳 ThePearl我哋叫咗兩個前菜、兩個主菜，仲有兩杯飲品！蜜瓜帕馬火腿沙律🥗配巴馬臣芝士、松子仁同黑醋橄欖油 擺盤靚到不得了，火腿鋪喺蜜瓜上，未食已經忍唔住影咗幾張！蜜瓜超甜，Parma Ham亦都好香！吞拿魚牛油果他他配自製羅勒油🥑 一開始真係冇估到吞拿魚咁多，仲有好新鮮既蕃茄，酸酸甜甜，食落每一口都有好滿足！和風醬油大蝦煙肉扁意粉🍝第一次試和風醬做嘅意粉，竟然好食過日式烏冬！再加埋爽口嘅煎蝦，明明係食西餐，但又有高級日式料理嘅感覺！香煎牛風門柳🥩 配薯蓉、燒韭菜、布魯塞爾芽菜同香菜醬真係要讚佢個擺盤，我以為真係去咗幾千蚊嘅餐廳食飯！五成熟嘅牛啱啱好，肉汁夠，香氣十足，點埋少少酸酸嘅香草醬，真係推介！Cocktail: Pearadise🍸 超靚嘅Cocktail，係用白酒做底，再加新鮮橙汁同少少奶香，飲落好順口，應該用咗幾貴嘅白酒🥰Mocktail: First Crush🍹 今日嘅生果係青瓜，一開始驚唔知好唔好飲，但飲落去真係好清甜，搭配牛扒完全係perfect match！今次嘅用餐體驗真係好好，無論係食物嘅質素定係調酒師嘅專業，值得一試🥰 …Read More

慈素小聚 （尖沙咀）聽朋友介紹咗好耐嘅一間素食餐廳，超多特色菜又好味，就算唔係素食，嚟到都一樣咁滿足！🥢京都片皮鴨 $128驚艷到我嘅菜式，先唔講外貌上真係幾似片皮鴨，佢嘅青瓜同青椒包落去，竟然有一種好香甜嘅蔬菜味。咬落去除咗有片皮鴨嘅豐富口感之外，完全唔油膩，好難相信素菜可以做到呢個效果。10分推介！🍣珍貴苜蓿芽手卷$38素食三文魚拼盤$68⁠兩款都係素菜版嘅三文魚，一個係手卷，一個係刺身拼盤。我睇落真係好似三文魚，食落口感爽爽地幾特別，唔錯唔錯。🍝意大利香草忌廉天使麵$118 超水準嘅天使麵，忌廉同奶油香十分之突出，每一啖都係好滿足嘅口感。🍲椰汁雪耳無花果燉湯$48 好足料嘅燉湯，有成半粒無花果，飲落好清甜，成個人煥然一新，一定要試吓。🍲香菇竹笙菜胆翅湯$68 呢個係比較濃味一啲嘅燉湯，但飲得出係好足料好香濃，我都好推介！🍰New York Cheese Cake— $58.00 估唔到呢間素菜舖竟然有cheese cake食，一嚟到個cake勁靚，上面有金箔，旁邊有一啲藍莓醬，用嚟打卡一流。食落亦都冇失望，絕對有甜品舖嘅水準！總結來講，呢間餐廳真係驚喜多多，素食選擇又豐富，味道一流！無論你係唔係素食者，都一定可以喺呢度搵到啲好味嘅食物，真係值得一試！…Read More

今日我去觀塘睇啲工廠大廈入面嘅傢俬舖，行咗幾個鐘頭之後超級肚餓，竟然發現呢間有任食串燒同燒物，啱啱好有位，於是就決定上去試一試！呢度有A、B同C餐，兩個鐘頭任食。 A餐任食串燒同炸物 B餐開始有安格斯牛、雞泡魚乾同扇貝等 C餐竟然有長腳蟹同黑毛和牛！我哋最後揀咗B餐！安格斯牛、扇貝同雞泡魚乾安格斯牛質素好高，肉嘅紋理清晰，果然一燒十幾秒就好香，一咬入面完全唔韌，牛味濃郁！扇貝同雞泡魚乾味道都幾好，唔錯唔錯。任食串燒我哋試咗雞肉串、雞翼串同牛柳串！放喺自動燒烤機，真係可以解放雙手，傾偈食得！任食串燒質素都好高，完全唔韌。除咗肉，仲有燒菠蘿、棉花糖等等，好味！任點菜式除咗燒肉同串燒，餐廳仲有紙仔俾你任點。我哋試咗蒜蓉燒蠔、燒牛仔骨、鹽燒海蝦同埋啲菜，全部都好不錯！特別係牛仔骨，一入口好易咬，牛味十足！最後，我哋食咗個芒果同伯爵茶雪糕，超級飽！下次要過嚟試埋C餐，狂食長腳蟹同和牛啊！…Read More

喺香港都食過差唔多10間牛腩麵，呢一間暫時係性價比最高，同埋算係最好食嘅，值得推介俾大家。我哋兩個人叫咗兩個牛腩麵同三個小菜，超級飽。🍜清湯崩沙腩 $60牛腩河加$8雞就可以升咗崩沙腩，個崩沙腩好爽脆的口感，完全唔韌，而且份量亦都算多，落少少辣椒油已經超級好味！🍜牛腩擔擔麵 $56另外再試咗個普通嘅牛腩，佢個擔擔麵面底下面有花生醬，撈勻加少少辣椒油就變咗好惹味嘅淡淡湯麵！啲牛腩唔韌，計埋價錢咁平冇乜挑剔啦。🍲麻辣白肉 $33無論係辣椒同白肉份量都超多，白肉食物又唔會好油膩。🥗腐乳通菜 $19超新鮮嘅通菜，加上一大兜腐乳，想要幾多腐乳可以自己點，十級推介只係需要$19！🥕腩汁蘿蔔 $15充滿牛腩汁味嘅蘿蔔，一碗有成六七嚿，抵食！🍹飲品 $8- 凍檸賓檸 - 凍檸茶正宗港式凍檸檬飲品，一杯有三大塊新鮮檸檬，一邊食麵一邊飲凍飲，真係舒服。…Read More

今日去完觀塘行傢俬舖，打算隨便搵間嘢食，見到呢間台灣餐廳價錢親民，仲好似返到學生時代咁嘅擺設，好青春咁，於是決定去試吓。🥗炸蟹鉗無花果沙律 $108.0無花果沙律係好少地方有得食，因為無花果本身都好貴。不過呢間嘅無花果食落好甜，加上生菜味道清淡，幾搭。蟹鉗炸得唔會油膩，脆卜卜，非常好食！🍤吉列炸蠔肉燥飯 $98.0一大兜台式滷肉飯，上面有四隻大隻嘅炸蠔。呢間嘅炸物真係幾出色，咬落去唔會有油膩感，脆得來又唔會蓋過蠔嘅鮮味。份量有啲多，女仔食完可能會覺得飽。🥛榛子可可鮮奶 $21.0跟餐叫咗杯榛子鮮奶，仲有拉花，重濃的可可香味！又好味又可以打卡，十分推薦。🍹紅柚乳酸梳打 $21.0酸酸甜甜嘅一杯梳打，食完炸嘢飲返啖真係一流！而且用來打卡都幾靚。…Read More