bobolam82's Profile

我同朋友出去買野, 行左好耐又累又餓, 見前面有間三洋茶餐廳就即刻行左內去。見到餐牌有好多款套餐, 有小菜、湯飯、扒餐，見扒餐只系60幾蚊都好抵下，所以我就叫左個香草焗羊架餐，我怕羊架so所以要黑椒汁，而我朋友就叫左個牛柳餐要蒜容汁。扒餐有多士半件、餐湯、有意粉或 飯、扒、茶。我個餐有4件羊架，羊架食落一D 都唔SO, 羊脂唔算多，不過黑椒汁就少左D，D意粉最後只係食左2 淡就唔食, 因實在太飽。我朋友就話件牛柳好淋，比起荔枝角道果間出左名的扒餐好食好多，燈光又光猛過人，地方又寬過人、價錢又抵過人地，快D約下次再食，怕會加價。我覺得大家格調唔同，一間係扒房，三洋是茶餐廳，不過諗落三洋我會比較想再食囉，因為我聽到火記大叫湯料無魚，一陣又叫湯料無豬肝，睇黎好似好多人食！我聽到茶客話只系油麻地彌敦道果間先有扒餐食，其他分店沒有的。…Read More

今日特意嚟「鮮粉人家」食烤魚，點知原來烤魚要訂，我朋友無訂魚所以無得食，有點失望。 朋友仔話雞煲都好好食，我都已經嚟到雞煲就雞煲。雞煲套餐當然有雞煲，還可以揀2個火鍋材料，套餐HK$178。朋友仔成日嚟食，所以由佢決定，雞煲要BB辣，火鍋材料揀金菇肥牛及薯粉。雞煲跟我平時食的雞煲有 D 唔同，佢系有好多湯，但系湯又比平時打邊爐 D湯濃，但又比餸菜汁稀，暫且叫湯汁。雞煲內有不同材料，有雞而且已經熟、有紫洋蔥、芫茜、綠色的大辣椒、其他香料等。朋友仔叫我先食紫洋蔥，因為紫洋蔥滾一陣就可以食，淋左就唔好食，而家食就有少少嚼口，又食到原有紫洋蔥的甜味。朋友仔就話早D將薯粉放入鍋內可以比薯粉入味，遲左滾到無晒湯汁侍應到時加湯就會稀釋左原本D湯汁的味道。佢又話而家就一路食雞一路等薯粉啦。我終於可以食雞，只系滾左一陣都已經入晒味，雞一D都唔肥，辣度我可以接受到，但系我唔喜歡食雞皮，所以雞腳、雞翼、難處理雞皮的雞件就全部屬朋友仔食，佢都不知多開心，佢話隻腳入晒味好好食。我食左一口薯粉全完明白朋友仔點解揀薯粉，就好似打邊爐加粉絲一樣，可以全完吸晒湯底的味道，但薯粉比粉絲還勝一籌，因為薯粉比粉絲有嚼口。最後，朋友仔講得無錯，一個套餐2個女仔食都好飽，雞煲好好味，而家我好期待食烤魚。…Read More

今晚好忙沒時間外出吃飯只好食飯盒, 想起有間開鋪不久的外買店就去試下, 我叫左個鳳爪排骨飯及西洋菜湯, 老闆叫我等10分鐘因為現在蒸緊飯還要10分鐘先得, 結果就等了10分鐘. 個飯又幾好味, 因為食落唔似加左油去蒸, 而且又無味精, 只系少左D豉油.西洋菜豬骨湯 好有菜味, 還可以叫老細比多少少西洋菜我老闆話下次可以先打電話落左ORDER夠鐘先去攞飯盒唔洗系街到等, 可算都幾細心個飯盒$22 + 湯$6 共$28, 好抵食, 我會再幫親…Read More

同事介紹，這是我第一次嚟食，睇下餐牌唔算好貴，一個Lucnh Set 54-60元，不過我唔太喜歡食台式食品，所以我揀『蕃茄醬黃金玉米手作麵』，對 e 個麵期望唔高所以無影相，但食落又幾好味，個茄醬唔似用罐裝茄醬煮出嚟，似用新鮮蕃茄煮，因為食落有 D 酸夠天然，原來手作麵即系意大利粉，我就唔識分系唔系手作或是機出。不過下次都會再嚟食，主要原因系位比較多容易攞位，食品OK。…Read More

同事生日去旺角風月堂食Lunch，他們只有一張大枱，所以派一個人去攞位先，可借他們要我們過半數人方可入座，結果我地7個人迫入一張已有6個人坐的10人長枱。佢地餐廳有5個 Lunch Set。其中頭盤我揀『香橙雞柳雜菜沙律』，味道很啖口，適合不喜歡沙律醬及黑醋的朋友吃。主菜揀『燒紐西蘭羊扒伴扒帶子配香草燒汁』羊扒我要十成熟，個樣好靚即刻就食忘了影相，2件小羊扒一D都唔蘇，帶仔就好細粒，可能食左羊扒食唔到帶子鮮味。甜品揀『朱古力雪糕伴窩夫』，雪糕好濃朱古力味，最後一杯檸茶結尾。下次有機會再去就試下同事食的『芒果雪糕伴窩夫』，佢話好有芒果味還有少少芒果肉，值得一試。另一同事話『豆腐味雪糕伴窩夫』就馬馬地不值一試。食滿300元用citibank 信用咭結賬可有9折優惠。如果成日去食就負擔唔起。…Read More

昨晚同朋友去左旺角五月花食放題，時間系晚上9點，每位HK$159 + 10%，我有一張系fb 打印出來的優惠劵，可以免費任食松葉蟹。 坐好後就問個侍應無松葉蟹order張紙，我地點落單？侍應話第一次系佢地會攞比我，之後想要就要叫侍應落單，今晚的食客比想像中少，比較容易落單。我地2個人每次比2隻腳，叫左侍應落左2次單已無心機再叫，轉食魚生，魚生新鮮美味入口即溶，天婦羅南瓜及蕃薯好甜味，但多春魚用天婦羅的方法煮理就唔好食，咬一口太乾爭爭。。。炸物中的芝麻雞不錯，它沒有上炸粉，原隻雞中翼炸好後加少少芝麻系面。值得推介黃金脆豆腐，豆腐炸得香脆可口。另外馬拉盞食落好重油，有砂還有點怪味。如果下次都系 e 個價加任食松葉蟹，我會再嚟多次。…Read More

星期日在家做大掃除，忙到 3點先去食飯，諗住近近地就入去食個快餐，快 D食完回家，我叫左個牛扒煎蛋飯，不到5分鐘牛扒煎蛋飯已在我面前，一看就唔想食，蛋是太陽蛋，真系只煎一邊另一邊無煎，可看到蛋黃上面有未熟的蛋白，我就不太喜歡這樣的蛋，怪就怪自己無講清楚要半生熟蛋，但牛扒就不能接受囉，我無見過牛扒上粉之後攞去炸，炸牛扒真系好難食，一咬成口油唔想食，佢小菜已經唔好食，現在連快餐都攪成咁…..。我以後都唔會再去，行多幾步去新浦崗工廠區食好過。.…Read More

一般放題限食2小時, 好耐無見要傾計又要食野2小時唔夠食, 見到有6小時放題當然要試下啦, 團購價$148/位 + $49/位(現場支付), 包每位一隻龍蝦, 一隻焗蠔, 其餘任飲任食, 我地一行4人, 7點到場但有位朋友須要遲d到, 所以先點了少量魚生及一少量串燒食住等, 飲品自助的, 凍奶茶及檸蜜太甜只好飲氣水機氣水, 魚生都算生鮮但太細碟, 之後人齊了再叫魚生, 點知4個人每樣比4件太少, 所以要點多幾次, 其他食物一般, 燒波羅就好似無燒過, 一d都唔熱, 不過隻龍蝦就好ok, 有d有膏, 我地一路食就一路傾計, 不知不覺傾到11點, 馬上落張甜品單, 我地食完埋單走人都已經11點20分, 完程無趕人走都幾好, 如果再有6小時放題一定再買.  …Read More

同舊同學聚會, 已多年無見難得相聚, 有同學提意到家匯小廚食, 來到一睇原來系一間以家庭式經營的餐廳, 我地一行5人, 點菜時侍應生的態度好好, 介紹左幾個菜式比我地, 蜜味豬頸肉入喉爽口滑順, 鹵水拼盤味度不錯，我最喜歡就系辣酒煮花螺，我系其他地方食辣酒煮花螺, 唔系辣過龍就油淋淋，e個辣度適中花螺爽口 又唔會太多油, 正正正呀，而蒸咸雞似屋企菜式一D味精都無, 正呀!…Read More

今日朋友生日系板燒郎食, D魚生好新鮮不過D帶子就真系細細粒, 牛肉就麻麻地,  羊架OK連我朋友少吃羊都讚好, 黃花魚好有魚味, 估唔到佢地會提供蟹肉龍蝦湯, 個湯當然不夠法國餐廳的好味, 不過可以接受的, 平時食放題食到個半鐘就會停口, 但今次食到2個鐘, 個朋友對今次的安排滿意, 可算是一個可以再去的餐廳.…Read More