Monkey Hin's Profile

仲有一星期就係我best friend 生日，要提早同佢慶祝，佢話想試位於花園街嘅Amplifier 好耐，而且餐廳位置十分方便.我地一入Amplifier，店員好好咁問我地想坐窗口定睇music live station,我地選擇左坐近琴位，好正咁有live music ，食嘢都開胃啲。店員見我哋兩個人,就介紹左我哋叫Beef Wellington Set $1,088。精選新鮮生蠔，首先有4隻紐西蘭生蠔，生蠔自然肉質鮮甜爽口、肥美多汁，放在碎冰上，保持冰凍感，除左有鮮檸檬外，仲有cocktail sauce同醋俾大家為蠔調味。巴馬火腿蜜瓜， 巴馬火腿不太軟身加上新鮮哈密瓜的清甜正好與鹹香中和，帶出平衡口感， 配有少許沙律菜，十分醒胃。蒜香牛油田螺酥皮盒內有不少的田螺肉，放入脆口的酥盒內，層次感十足。香煎日本帆立貝蕃茄醬意大利麵， 有幾粒大大的原隻帆立貝， 以新鮮蕃茄配上蕃茄意粉醬，酸酸甜甜，每條意粉都有掛汁醬，我同朋友都鍾意依道菜！慢煮美國威靈頓牛柳令人垂涎的signature dish, 酥脆可口嘅酥皮包住慢煮半熟牛柳，黃芥末醬及蘑菇餡一 層包著一層，美味程度也隨著不同層次而提升；而半熟牛有著超重的牛肉香味，十分推介俾大家！巴斯克芝士蛋糕軟熟美味嘅巴斯克芝士蛋糕，個面嘅燶面剛剛好，忌廉芝士獨有嘅香味噗臭。另外餐廳還很好咁幫忙為朋友寫上名字，製造驚喜！紀念日，生日慶祝等末諗到食乜？依間餐廳係個好選擇！…Read More

應有盡有大家對位於黃竹坑嘅南灣如心酒店都應該唔陌生，今次同朋友嚟試吓佢個聖誕buffet！其實去依間酒店超級方便！我響太子上車「巴士112」，一落車，過對面馬路就係啦！餐廳很大，超級寬敞，buffet line都幾長，好多選擇！ 自製沙律都有好多款，例如水牛芝士沙律，泰式鳳爪沙律同晒出色嘅煎吞拿魚都有俾沙律菜，冬菇沙律，通通都好新鮮，更有凱撒沙律同雜菜沙律，依兩種沙律嘅菜都係自家農場直送，純淨健康滋味，另有五款芝士及五款冰鎮海鮮，前菜已經好豐富了！ 主菜都有勁多選擇，首先有勁多東南菜菜，例如有牛肉同雞肉串燒配沙嗲醬, 紅咖喱大蝦配荔枝肉，越式燜豬手，椰香參巴烤辭，泰式豬頸肉，泰式參巴醬炒蜜桃蝦仁，泰式羅勒炒豬頸肉同烤蝦餅/越式魚餅等等，仲有大受歡迎嘅Egg Benedict, 有煙肉，半熟蛋，軟熟嘅Muffin包，特製醬汁同特濃芝士，超吸引！ 佢嘅Live station都好正，重點當然係又大件了肥美嘅鵝肝，煎得蕉香，金黃色，放在法包上，我地一再Encore!另外有麵檔，依個麵檔無論配料，麵類定係菜都有超級多選擇，仲有靚肥牛片同羊肉片，而且有4種湯底俾大家揀，4個都想揀，廚師推介左叻沙湯底俾我，香而不膩，滿有新加坡風味！自助餐不可缺少嘅當然係刺身啦，刺身夠厚夠新鮮。甜品有凍有熱，有東南亞，有西式有港式，最正嘅係冬天要食嘅栗子奶凍勁滑身，仲有熱辣辣葡撻，超迷你馬卡龍，彩虹泡芙同老少咸宜嘅Haagen Daz雪糕杯！有5款口味！飲品方面，除咗有奶茶咖啡之外，仲有多款罐裝汽水可以選擇！今次南灣如心酒店聖誕自助餐好滿足，性價比超高！…Read More

返工每日都好忙，生活勞碌，就算唔係weekend，有時都需要響weekday出去吃喝玩樂，見下朋友。琴晚就約左朋友去佐敦呢間叫做 Potluck Eatery 既西餐廳，貪佢地方夠闊落，可以慢慢傾下計，慢活一下。我朋友想食pasta，佢選擇左lasagna，而我就好想食肉，所以選擇左紐西蘭羊扒配薯菜，兩樣都係set dinner。首先黎到既係set dinner既法包同南瓜湯。法包好香牛油同蒜蓉味，就咁食極惹味。但係面前有一碗勁香濃既南瓜湯，我個心就好忐忑，應唔應該用個包點個湯。兩者都試晒，都係一樣咁好味！食完個包都飲完個湯，好快就上主菜。千層面一切開就聞到好濃郁既松露味，我朋友鍾意松露，所以佢勁興奮！切開見到入面係一層又一層彈牙既菇菇，再加埋茄子，雖然呢個係veggie，但係食落完全唔會覺得好單調，反而係有非常豐富既口感同埋香味。千層面本身焗到軟硬度洽到好處，唔太軟或者太硬，好推介！至於羊架方面，我地點左Medium rare，上枱之後發覺都係偏熟，已經完全見唔到血水。不過食落，又唔覺得太熟或者太硬，而且有淡淡既羊味，加埋pepper 或者薄荷醬同mustard就perfect啦。鍾意食羊既話，又係絕對值得一試。份量方面唔算太多，如果男仔，可能要叫多個side dish先夠飽。而我... 當然係有第2個胃,因為我係女仔嘛！跟餐本身已經可以揀幾種甜品，我地揀左New York Cheesecake 同埋 薄荷朱古力雪糕。2個甜品都係好好味，New York Cheesecake 豐富既口感，連埋個餅底食既雙重口感真係無得彈。薄荷朱古力雪糕好夠凍，好creamy，勁濃薄荷清香味，非常啱夏天食，夾雜住好多朱古力碎，雙重滿足！不過... 淨係食set dinner邊夠喉？！結果我地嗌多左一個榛子蛋糕一齊share，份量都唔細。餅底鬆脆，上面蛋糕加間中間既一層厚厚既榛子醬，完全衝擊住我既味蕾！將蛋糕放入口，就好似成個星期既工作壓力都逃去無蹤咁！值得一提既係，入左呢間餐廳，時間好似停頓左咁，見到好多枱都係一大班朋友聚舊、傾計、飲野，同埋『慢活』！大家好似都唔記得左第二日係星期四，要繼續返工返學咁！今個星期既Friday night，就因為黎左呢間餐廳而提早來臨。順帶一提，餐廳有露天茶座，景色唔錯。不過天氣太熱，都係等秋天再黎先至坐。如果你想慢活一下，歎下美食，呢間餐廳絕對係一個唔錯既選擇。Lasagna with Truffle Mushrooms & Eggplants 松露茄子千層面 $288 Roasted New Zealand Lamb Sirloin Provencal 紐西蘭羊架配薯菜 $328 Crostata Chocolate Cake 榛子蛋糕 $48 Somersby $39 …Read More

話說今日我響銅鑼灣店舖返工，同事話留意到公司附近有間叫牛之鍋嘅火鍋店好抵食，即興約今晚打個邊爐，好彩仲有位。佢有幾個套餐，我哋揀咗$348餐。湯底有多款選擇，包括香檸藤椒金湯，濃香番茄湯，皮蛋芫荽清湯，胡椒豬肚湯，花膠豆香魚湯，椰香沙嗲湯，蟲草花松茸湯等等十款湯底。其實$218個餐已經好抵，依個價錢可以任食草飼牛舌，澳洲牛肩胛肉眼，美國極上牛肉，澳洲羊肩肉等等高質肉，我地依個餐仲有升級雪花牛小排，澳洲M5和牛同澳洲手切牛肉，雖然係雪花，有啲入口即溶的感覺之餘，又唔會太過肥，幾款牛肉嘅牛味都好夠濃，各有特色！飲品方面，有多款經典飲品,同冷泡茶！其他精選配料有日本廣島蠔，帆立貝，海蝦，八爪墨魚滑，台灣東鮑片等等海鮮～都好新鮮同埋無腥味，啲廣島蠔隻隻size都唔細，而且任叫，加埋墨魚滑，蝦滑同我哋至愛嘅台灣鴨血真係食唔停，十分盡情！一餐嘅重點除左火鍋之外，當然係甜品啦！宇治抹茶芭菲一定係大家嘅首選！軟抹茶味濃，一啲都唔hea!窩夫外脆內軟，食落裏面有陣香味擁出嚟，大家一定要點吖！仲有推介大家食嘅就係咖啡奶凍，除咗咖啡味濃之餘，仲有黑糖珍珠響面，好有口感！依度除咗火鍋之外，飲品，炸物同甜品都一絕吖！…Read More

泰越一take 過同friend放工去觀塘食飯，響APM想食嗰兩間都要排幾廿個，心血來潮同佢去左駿業街熟食中心都度搵嘢食，原來嗰度都幾旺下，外牆仲翻新過添。我哋揀咗一間可以食泰式同埋越式菜式嘅食店，首先我哋嗌咗泰式蝦餅，越式春卷，牛油雞翼， 蕃茄蟹肉檬粉，越式牛肉法包同埋珍多冰。個蕃茄蟹肉檬粉除左有不少蟹肉同濃濃嘅茄醬之外，仲有扎肉，泰式魚餅同驚喜有豬紅！檬粉勁吸好味嘅蕃茄汁，我地食到津津有味！泰式蝦餅炸到啲色水好平均，片片金黃脆面，彈牙可口， $66有5片，可以響邊度搵～見佢啲炸嘢咁靚，我哋仲叫埋左越式春卷，個春卷皮夠曬薄又脆，餡料新鮮可口，唔洗點醬都夠曬味！仲有牛油雞翼，隻隻大件啖啖肉之餘又入味，脆而不膩，係必點之選！最後店員推介（佢續張枱sell幾次，仲要七情上面咁sell😂😂🤣）,見佢咁落力，而甜品係唔可以唔食嘅，就叫左班蘭椰漿飯配自家製椰子雪糕。果然勁好食，平時嘅椰漿飯係用班蘭水煮的，所以每啖飯都好香口，柔軟，如果唔係咁飽，一人食一個先啱數！…Read More

乾淨而有條理放半就約舊同事食個飯，聚下舊，朋友突然間話佢今日守齋，帶我去咗廣華街一間齋舖，都幾多人吓，依間係間任食齋店，Lunch time每人$90. 炸物，涼菜，主菜，湯，飲品，甚至甜品樣樣有齊！炸物方面以茹類為主，其次有南瓜，啲炸物同啲油都好靚，所以長期啲炸物都脹卜卜，又夠脆，而且有椒鹽味，有啲似避風塘口味。另外一個推介，係滷水豆腐，齊齊整整咁排列，仲送響夾嘅時候啲煙噴出嚟，熱辣辣，另外有飽肚嘅有伊面，意粉同炒飯，同埋煮到好好味嘅羅漢齋一齊，一啲都唔dry. 最後以山楂糕同抹茶蛋糕作結。…Read More

如這刻我能感覺瞳孔會矇如這刻我能感覺如五內放空連呼吸過程深淺也 飄忽失控不管周遭多少挖苦與嘲諷還有這裡會像棲身太空誰怕剎那錯誤跌入黑洞 中～「相聚一刻」野佬 (Yellow!)依排我playlist無啦啦loop 住依首歌，可能佢哋近嚟開演唱會，點知放工時見到宣傳， $118 一人享用邊爐餐，揀左一日阿媽無煮飯嘅時候帶佢去食，可以在忙碌嘅生活中同媽媽「相聚一刻」。我地被安排坐窗邊，有微風吹住幾舒服，$118送清湯底，配料有綾魚滑，脆鯇片，牛展，貢丸，娃娃菜，配有辣椒絲同蒜蓉粒，如果好似有相聚一刻嘅新鮮配料，清湯湯底都箅顯到配料嘅鮮味。牛展細細片，一啲都唔un, 娃娃菜嘅份量好夠，健康得嚟又頂到肚。鯪魚肉，爽口彈牙依度坐得舒服，十分乾淨，音樂啱聽，聲量適中，服務都幾ok…Read More

今日係我同男朋友拍拖兩周年紀念日 我地去左 Hue Dining 食晚餐 入到去見到大大既無敵海景 真係非常壯觀 😍👍 入面D座位都非常舒服 環境非常寧靜😜 我地首先叫左2份前菜 第一份前菜 3隻生蠔配燒番茄同韭菜木犀草醬 呢間餐廳入貨既生蠔 當然要選最新鮮最靚最肥美 首先食個番茄先 番茄汁既鮮味一入囗 留在口腔入面再配上肥美既生蠔肉 發出味蕾 帶出清新既感覺  亦都保留到海鮮味👍 之後第二個前菜 生牛肉他他配上紅椒核挑醬同脆香蒜西洋菜一食落口係酸酸甜甜既感覺 令人開胃😂 令人可以開胃可以再食多D 再加上特製薄脆 個菜式真係好有趣 大廚好有創意👍之後就輪到主菜 首先叫左個西班牙黑毛豬肋眼拼乳豬配上菠蘿莎莎醬及脆豬皮 係西班牙當地養既黑毛豬 係非常健康 肉質亦都好優質 西班牙氣候一年四季咁好 黑毛豬係咁優質環境下健成長 本店就選購優質既黑毛豬肉 精心用時間去烹調 一食落口肉質非常鬆軟 好易入囗 而且有陣 BBQ風味 真係好正 廚師將乳豬整到好似麵包粒既款真係好特別 有創意 食落口吾同一般出面酒樓果D乳豬 好有獨特風味第二個主菜係高級純種M8和牛西冷牛扒 ，肉質豐厚又多汁 食落去有種好舒服軟綿既感覺 令人食到停吾到口 吾同一般出面餐廳食既鐵板既牛扒 M8和牛真係好吾同 再配上香噴噴既煙燻薯仔 仲有美味可口既小牛舌同牛骨髓 ，真係非常好好配搭之後就到甜品時間啦！我地叫左吉士撻 肉桂香料鬆餅，黑糖及姜 高級甜品師傅 佢採用高級牛油 砂糖 美國雞蛋及幼細麵粉 打出最優質香口既撻地 再自己精心製作既吉士 吉士入面帶入酸甜的檸檬汁 令食客帶出味蕾 之後食肉桂香料鬆餅 佢又係用靚牛油 泡打粉 雞蛋 麵粉 砂糖 淡忌廉！！首先將牛油糖打起 再慢慢加入雞蛋 之後加入麵粉 再加入淡忌廉 。然後再入模 拎入焗爐 焗15至20分鐘 出焗爐再加入加拿大肉桂粉就完成😀 再配上黑糖同姜 兩個甜品都好好味，好滿足！…Read More

打破固有“放題”概念, 唔知係我自己嘅感覺，定係大家都係咁諗， 好多時食放題嘅食物質素都冇居酒屋咁好，尤其是刺身壽司都會畀下價嘅食材嘅俾客人。最好嘅例子係全城放題都係吞拿魚選擇嘅時候，呢度係畀拖羅客人選擇的，油脂味勁香， 向香港真係好少買嚟食，因為自己真係唔捨得！   壽司又有好多款，仲要係創意壽司，唔同嘅配答，最特別嘅係連三色椒切粒都做到壽司，好味‘特別又健康！仲有白松露吞拿魚壽司，左口魚裙邊壽司等等都想吸引！啲熟食，我哋點的全部都好正！ 羊架係瘦的，唔會只得肥膏💕 冇諗過煮磯燒鮑魚， 都係無限任嗌！ 除咗啤酒，仲有清酒同白酒任飲～ 雪櫃仲有 Hoegaarden嘅Rose同埋Somersby 嘅apple cider！飲品都有成三十款，有啲響超市唔捨得買嘅都可以響依度試到！ 甜品有西餅，豆腐花，乳酪，各款牌子嘅雪糕同軟雪糕，真係冒求大家食到爆肚為止呢～…Read More

呢排返工好有壓力， 乜都趕一餐， 要搵個舊同事出嚟呻呻舒啖氣！佢帶我去位於太子嘅東哥食點心雞煲火鍋放題！一坐落，當然係點湯底先啦， 胡椒豬肚雞鍋，澳門豬骨煲，懷舊醉雞鍋，元茜皮蛋鍋，四選一，我哋揀咗胡椒豬肚雞鍋，湯底勁香濃，勁多豬肚同個鍋有近成隻雞咁多。 打邊爐點可以冇牛肉， 主要有四款畀大家揀最好食嘅係美國頂級肩胛牛肉，肉質結實，口感軟嫩，一啲都唔肥！$188任食火鍋嘅配料竟然有新鮮雞子，日本廣島蠔， 原隻扇貝同即炸響鈴， 鮮脆鯇片等等，我哋點左好多轉廣島蠔，一啲都唔腥味,好鬼正！豬紅都算入味，鵝腸食爽口，魚皮餃彈牙.仲有點心都係任食嫁！飽滿嘅東哥蝦餃皇，裹面嘅蝦啖啖肉，百醬蒸鳳爪好入味，鮮人參灌湯餃，我好喜歡食佢哋嘅流沙擂沙球同埋千層紅棗糕，個擂沙球係即炸嫁，脹卜卜超新鮮！！打邊爐飲啤酒超爽！…Read More

今日同媽媽去行街行到攰攰哋就去附近商場睇下有咩食，媽媽係一個日式火鍋控， 見到有間新日式火鍋店就話一定要試！今日就點左北海道黑毛和牛放題，除咗可以食唔同嘅牛肉之外仲可以選黑毛豬同埋新鮮雞肉。日本和牛果然係唔同啲，食落牛脂味零舍香，肉質鮮嫩，油潤帶肉香，加落壽喜燒鍋底好襯，令肉味更鮮甜。另外仲可以選擇食澳洲和牛，美國SRF和牛等等.外面都有唔少食物選擇，喜歡這裏好乾淨之餘仲樣樣嘢都洗得好乾淨切得細細，方便進食，媽媽最鍾意沙律菜苗，淥嚟食有陣香香的草青味。 我就當然夾左好多蕃茄啦，另外仲有金菇，日本大葱，秋葵，娃娃菜同不同嘅丸類，最吸精嘅係年糕福袋，我響其他日式涮涮鍋未見過的，我一口氣食左四個，好滿足！不可不提嘅係依度有得自製窩夫，佢個窩夫溶液全晚不能男男女女都圍住個窩夫機自己做自己鍾意口味嘅窩夫，佢仲有4款syrup同埋3款小脆脆配料俾大家加！仲要留返個胃俾軟雪糕，佢個朱古力好香濃，一定要試吖！號外：佢哋每個星期一至三下午茶時段，2人同行1人半價; 晚市時段 4人同行1人免費，下午茶食真係好抵！#大將 #日式火鍋 #shabushabu #日式 #旺角 #hotpot #beef #Hokkaido #japan #icecream #dessert #cafe #homemade #japanesefood #food #dessert #pancake #icecream #hkig #hkiger  #相機食先 #hkfood…Read More

同baby食左mos burger之外，仲食左好耐無食嘅School food.芝士辣炒年糕配拉麵食韓國嘢點可以唔食橙色嘅辣嘢吖～年糕十分煙韌且軟糯， 唔會似出面有啲似橡膠，辣汁香濃惹味, 最正係有大家至愛嘅韓國公仔麵, 嗜辣嘅朋友唔好錯過!魚糕串係連韓式傳統魚蛋片放在清湯内加上天婦羅粒, 有啲似關東煮.炸紫菜卷, 我最喜愛嘅韓國食物之一, 外面很脆, 裹面係紫菜包住一啲爽口嘅韓國粉絲。韓式炒粉絲有十分豐富嘅配料，例如牛肉片，蘿蔔絲，蛋絲，木耳絲等等， 而且每條都充滿好香嘅麻油味，勁惹味可口，好快就畀我哋ko曬。紫菜包飯第一次食紫菜包飯係用蝦天婦羅（壽司就有食過🤣),不過就啱曬我哋，細細粒除左蝦天婦羅仲有醃蘿蔔添。依個food court仲有好多嘢都想試，坐得又舒服，下次再嚟試先！…Read More

話說瘋魔shopping寶寶們嘅海港城優惠卷要到期了，我朋友拉埋我去。。。。。。陪佢血拼，衫吖，錢包吖仲有護膚品，買完見到海港城中心水嘅餐廳都多人排隊，太攰 唔想排隊所以行前咗幾步去咗有小食街之稱嘅亞士厘道搵食，見到有間餐廳感覺幾舒服而且乾淨光鮮，見到lunch menu食物item都啱食，就去試試！ 星期日響依類型餐廳唔多有lunch set，通常都係a la carte多，依排食得中餐多，好掛住想食漢堡， 點左佢地嘅招牌漢堡！漢堡到幾厚吓，除左包內有好多食材之外，漢堡牛肉到好厚！ 包內除咗有平時漢堡包有嘅生菜，酸青瓜，芝士生菜，手打牛肉之外，仲有大量煙肉！原來加埋煙肉，整個包嘅口感同味道都大大提升了！旁邊嘅薯條都好正，脆之餘仲好鬆化，條條都幾長下，食落幾過癮！ 朋友食嘅係墨西哥雞卷， 裏面係大大件又軟熟嘅雞肉，啖啖肉，大量芝士，卷外面舖上蕃茄粒同牛油果醬，一路食一路健康，仲夠飽！有薯條之餘仲有好新鮮嘅沙律菜，食完十分美滿！食完餐飯，我哋仲響傾咗近一個鐘計，又無人趕我哋走嘅感覺，下次同朋友weekend想吹水都可以揀依間😊…Read More

喜出望外今日同好友慶祝生日，知佢鍾意食城中一直好hit嘅西瓜蛋糕而銅鑼灣希慎廣場開咗間佢嘅餐廳所以一齊去試下。餐廳嘅Pastry Chef去到澳洲，將嗰度學到嘅嘢同美味帶返嚟香港～先點兩個頭盤，蟹肉西瓜他他$148同帶子青瓜加西瓜$158蟹肉係拆矖細細嘅絲， 西瓜片，切到細細粒嘅青瓜同蘋果，每一層都有著唔同嘅味道同口感。 而頂部就放上10粒精緻嘅馬蘇里拉芝士，芝士粒帶煙韌同微香，頂部加了西瓜味嘅粉紅色香檳汁，令整個前菜更突出！帶子青瓜西瓜嘅外表一流，有一大片自製餅乾上下都放了甜忌廉同青瓜乳酪，香甜清幽,加上一點酸酸的青瓜粒和北海道優質帶子刺身，酸酸甜甜十分醒胃，而且係一個夠係分量嘅前菜。主菜係Homemade Pork Scotch with Cheddar Cheese $198 同 Thai King Prawn Tom Yum Spaghetti $178慢烤手撕西班牙黑毛豬肋骨肉手加成兩個大圓形嘅肉餅，原來係以慢火煮左8小時，最吸引係上面焗得好靚嘅車打芝士再以南瓜蓉襯底，最驚喜係有幾條香烤白菜仔，成個主菜都好有心思，靚之餘，味道仲係有水準！第二碟嘅意粉嘅主角係冬陰之外仲有泰國皇帝虎蝦，大大隻，肉質爽口彈牙, 每條意粉都充滿冬陰忌廉，好飽肚，配上車厘茄，白蘑菇同parsley!飲品方面都好全面，有奶昔，果茶，冷壓果汁同多款咖啡和茶。我地選左牛油果奶昔$65同凍抹茶鮮奶 $49,牛油果奶昔無想像中咁heavy，可能因為加左乳酪令杯飲品出奇地清新，好重牛油果味，一邊飲，一邊健康！而我杯抹茶鮮奶真心好飲，出面嘅抹茶有時會好假或者無乜茶味，依度嘅唔會，仲要係好啱口味好香嘅抹茶，奶嘅份量又剛好，我會俾100分！！！！（真心鍾意❤💚）唔洗多講，依個聞名嘅皇版蛋糕根本就係壓到場！濃郁嘅玫瑰花香在西瓜，士多啤梨同蛋糕層遊走加上杏仁碎，無論味道，口感同賣相都吸引到女仔們嘅心！…Read More

今日去新蒲崗接朋友收工，去左一間響工廠區中比較有情調嘅餐廳，裝修有種小清新嘅感覺。法式燉煮羊膝 $138起初以為唔夠飽，點知嚟到係大大件嘅半膝，有啲似德國咸豬手咁大，有好多肉，啱矖食肉獸，而且零羊羶味，另配上意粉～原條鰻魚漢堡配蕃薯條 $98第一次食原條鰻魚漢堡，包好有咬口配上流心蛋，肉厚嘅鰻魚，大蕃茄同生菜，份量一啲都不細，無論賣相定係味道都好吸引！烤棉花糖朱古力 $76成三年無燒過嘢食，一直好想食烤棉花糖，今晚終於食到！外層有微微嘅脆皮，裏面暖笠笠軟綿綿，底部有顏碎左嘅消化餠，一起食好有幸福感！抹茶鮮奶 $42鮮忌廉朱古力 $42兩杯飲品嘅art garnish都恰到好處，尤其是抹茶鮮奶，一邊飲就感到治療，但抹茶味唔係好夠濃，濃啲會更好！…Read More