or#Tm66303380's Profile

早幾個星期有一日想食可惜摸門釘，原來內部裝修中，過幾日去食，剛裝修好入內諗住食，環境光猛咗，但係冇冷氣，決定再過一排先食。今日食至愛椒鹽豬扒飯，竟然完全唔同哂，只能講相差太遠，無法接受。😩😩😩🙈…Read More

今日先知！原來個名由81改咗做88，上星期有日食都覺得奇怪，唔見咗以前個高大大叔，我叫煎餃，另2碗湯餃，理論上係煎餃係會有碗湯跟既，我地問先比，送嚟時仲要比句說話我地聽，（咁比埋你地啦！）我直情火起講到我地要乞求佢比湯我咁，我同佢講：而家唔係應該要比架咩？態度非常不滿意😞我唔知鋪頭轉左手，轉埋名，我食時已經同老公講啲肉味唔同咗，白菜豬肉餃好似好硬身，有臭青味😓而家終於解開迷團啦！唔食啦！本身啲位已經唔好坐，而家加埋啲嘢食有變！唔再考慮🤔…Read More

茶餐廳菜式，個人覺得有驚喜，終於响元朗可以令我會當飯堂既食店👍👍👍👍😋推介食物：椒鹽豬扒飯，超超超好味😋我個人食過既No.1下午茶：咸牛肉芝士蛋多士，佢完全唔hea 整，麵包可以選擇飛唔飛邊，驚喜係佢有落蔥架，真心好味😋蔥油腸仔雞翼麵，簡直係冇得輸，啲蔥油超多又香，好味😋👍❤️晚餐至愛蒸餸餐，多選擇，必食蒸水蛋夠滑👍仲配碟油菜+嘢飲！最值得係價錢超值💰用餐時，見人食京都骨、鐵板扒餐…真係整得好用心！❤️❤️❤️👍（圖片未能盡錄）真心值得推既食店😋😋😋😋😋…Read More

星期六天氣好熱，行完山終點黃金海岸，4點幾下午茶時間，唔想食西嘢，就搵咗尼間會一會佢既下午茶。環境都好ok,座位舒適，但對於我地行到成身汗既我就冷氣唔多夠。餐牌太多選擇，最後都係叫個炸比，另一個就叉燒配出前一丁，餐配炸春卷。加錢叫咗兩杯特飲。炸骴外觀唔得，但係食落好得，有醃製過，好入味👍叉燒可以叫做好味😋唔係平時快餐店下午茶，俾啲頭頭尾尾柴皮既叉燒，另配既炸春卷就有驚喜，唔係翻炸唔係一陣油憶味果種😋😋兩杯特飲就透心涼👍👍👍❤️總括嚟講都叫做古佢唔到，有驚喜！🙏❤️…Read More

平時一個人食都會係首選👍今日見唔到平時白白淨，聲線清晰嘅靚姐都覺得心知不妙叫咗撈銀針粉+豬潤瘦肉枸杞湯，一食就覺得中伏，平時撈粉嘅菜甫變咗梅菜，啲銀針粉食落口係腍啤啤，個豬潤瘦肉湯，瘦肉size 就有啲唔同咗，份量都唔同咗，味道都可以接受，飲哂！埋單比錢問下阿姐，點解今日啲撈粉菜甫變咗梅菜架，佢仲話無變呀！真比佢吹脹😨⋯⋯好想問佢：你估我今日第一次食咩？希望佢只係廚房放假，唔係賣咗盤！唔想無咗個一人食堂啊！🙏…Read More

訂枱無提及有限時，全餐食到背脊骨落，要睇啲伙記啲面色食嘢，連叫佢攞個蛋糕出嚟都驚驚地，好啦食完蛋糕傾下計啦，個伙記姐就好惡話：食哂嘢啦，你地都坐咗好耐架啦，出面有人等緊位，無奈地走啦！最後收錢個伙記阿哥終於有笑下啦！唔講嘢食就一般大排檔嘢、但係對伙記咁既服務態度，唔使諗啦⋯⋯莫明！…Read More

劉興記之前响電視睇到介紹，話佢用新鮮豬肉，以為灣仔果間嚟咗元朗，完全錯哂，人地米之蓮，無得比。都去試吓啦，雞絲粉皮好大碟，可以食得飽，但係啲醬太多，槳住個口；個小雲吞就真係好細粒，只係食粉皮無咩肉，粗制無口感唔滑，有2粿菜好食既；豬扒就可以唔食，個人最憎人豬扒粉皮多過豬扒，個人只係鍾情煎豬扒，豬扒唔合格；主角生煎飽都好食，無臭豬味，多汁好夠熱，食埋蟹粉生煎飽都夠味，唯獨係飽低食落太硬。至於食店環境就一般啦，充滿油煙味，店員仲更加唔得，收銀個女人就不知所謂，強調幾次你落單無按確定制所以未落單，我地轉咗位都唔查下啲單，只不斷責怪我地未按確定呀，佢入去整蟹粉，攞出嚟就同個食客講：拿！好低食架咁大碟，真心尼間店我係無下次囉，完全唔合格。…Read More

琴日母親節，之前老公問我食咩？突然諗起屏山尼間嘢，之前朋友食過都話好食，既然住元朗近近地就去會一會佢。3日前book 位竟然定到，但要限時，大節日都預咗，我地食第一輪6-8。當日打嚟問我地要唔要加海鮮？緊係加啦，加多一份花甲、鮑魚、聖子，象拔蚌就無啦因為休魚期。另加肥牛，其他就到時再加。準時去到，已有幾枱客入座，無耐就已經坐滿啦，對好預定既食物，就開始上鑊，加入孖蒸酒煮到有煙就點火，啲火完咗就開蓋，除咗雞其他可以開動食啦！好香酒味，味道好好，海鮮好味，啲雞都好好味，食哂啲雞就加竹庶水打邊爐，湯底幾好，唔會太油淰淰，成餐都好滿意。最後仲食埋炒飯，就算好飽，要加錢都要一試，啲飯充滿雞同海鮮味超正👍老細都好均真，聲稱食材貴咗，所以今天唔收加一🙏…Read More

新開一段時間，無咩負評，就决定一試，約7點多去到排咗20人，心諗食碗姐應該好快會有位，睇反其實佢唔使排咁長龍架，因為佢通常4人枱只會住2人無搭枱，門口有張紙寫住8:30後有機會要搭枱。終於7:40先入到座，無咩選擇，我地3人，各自叫咗個麵，小食就叫咗餃子、煎餅，其實都係得尼啲嘢食選擇。餃子望落好得，好啱打卡，食落無特別，就係一般韓式大餃子。海鮮煎餅就非常有落差，唔知食緊咩，只有講句難食。湯麵就係湯夠熱，有牛味，麵質唔係我鍾意既口味，再試老公啲花甲湯都係夠熱，好有味既，都算合格啦！食得飽！最後埋單睇反，原來要收加一，我就覺得不值啦！一間小店食麵，自己QR Code 落單，每張枱有壺水自己斟，點解要收加一？諗唔明☹️總之，我唔會再去支持佢囉！…Read More

何文田午餐無咩選擇，食尼間，每日最少午餐有9個選擇，自己選擇生炒牛肉飯，價錢正常，但係個飯想點？？？幾條生菜絲，幾粒蔥，幾粒蛋碎，細細粒牛肉，食材真係好貴，🤑🤑🤑超超難食😡😡😡😡😡❌❌❌🤮好食食多啲，唔好食食飽啲！🙏❤️…Read More

永順未裝修之前都食過好幾次，覺得啲嘢幾好食👍，尤其係豬扒，煎得好香、好好味😋，但係今次裝修後第一次去食，環境衛生好咗，同樣都係要搭枱，今日叫左沙嗲牛肉麵，豬扒加雞翼一份，豬扒竟然變咗係用包左粉皮去炸，完全係失色咗，完全唔係以往嘅煎香口味😵‍💫奇怪就係我完全睇唔到餐牌有冇分炸豬扒或者煎豬扒？🧐😰沙嗲牛肉麵同雞翼一樣係保持到水準….好食😋希望豬扒可以去反以前香既口味就好啦 🙏🙏🙏❤️…Read More

食尼間餐廳，目的都係為熊仔打卡，嘢食係一般，只係見到個熊仔好開心咋。但係今餐簡直係食到我一肚火！去到見到個牌5:30先會再開，都唔係問題，咪walkin 囉，咪排隊囉！個場得一枱兩人開始中，排到我地兩個準備入座，個伙計大叔就比張紙話咩湯底無啦，好趕咁叫我地快啲剔湯底，剔嘢食，剔完就安排入座近門口2人枱，強調食90分鐘，見周圍都未有人坐，就問佢可唔可以坐近窗呀？佢就話無架啦比人book 哂（全程黑面）咁我地就無奈接受等15分鐘嘢食到啦！食物送到當然好開心一定要影相啦！佢一句都唔講就開爐，我即刻熄咗佢（熊仔熔咗仲點影相），佢就行去我同枱要幫佢開爐，正常反應咪講：唔使啦我自己識開啦！我地影哂相要開爐，點知開唔到，咪叫佢幫手開（全場得佢一個），佢開完就指住我同枱，黑面講句：頭先你唔係話識開咩！😡忍佢，唔好破壞見到熊仔既心情，真係好想比回應佢囉！真係唔知咩事呀？比錢仲要受佢氣。一定一定無下次😡😡😡😡😡😡😡😡😡😡…Read More

尼個愛民邨周圍無咩好食，所以尼間嘢可以叫做可以選擇既餐廳，到現時仍可屹立不倒，中午飯市坐無虛設，開業超過五年…..因工作關係所以每星期都會去幫襯至少一次，食物質素經常出現不穩定情況，有時食佢既星洲炒米，可以算係好有鑊氣！好大蝶，同周邊餐廳比較算係好食😋⋯⋯今日就完全唔掂，細碟都算，無鑊氣，應該係叫星洲撈米囉，總之叫做難食首選。仲要賣成$61蚊！簡直係失望😞不過响無選擇既情況下，都要選擇。😎😞…Read More

今日去沙田行山，諗食早餐🤔，本來諗住去紅茶茶餐廳，點知排長龍，商場又壞冷氣，排隊已經出哂汗🥶，決定轉場，諗諗吓，永年開咗又有早餐食，就去會一會，點知中伏，一個基本早餐，沙嗲牛肉米粉，炒蛋轉多士加$1蚊，凍飲加$4蚊，自己落單，自己斟水，自己攞餐具，竟然埋單要收加一服務費😢，一個難食早餐，埋單$65，個早餐完全唔夠熱，完全唔掂，建議佢都係做反老本行好啲…………車仔麵啦！👎🏿👎🏿👎🏿…Read More

環境裝修一流，有型格，非常適合打卡影相👍，價錢相對較貴，招牌牛肉麵味道特別，似藥膳湯，但湯底偏甜，刀削麵麵質麻麻，食完好賬胃，薯粉個人唔會選擇，所以係無得選擇！牛肉無咩特別，算淋既，一碗有4片感覺似五香牛肉，沒有台灣特式！👎🏿👎🏿叫左皮蛋蜂巢豆腐，賣想唔錯，但係唔食得，實在太咸，真係入唔到口！👎🏿👎🏿🤮🤮唯一較好味就係麻醬涼拌秋葵同招牌魯肉飯😋😋可以一試，我就無下次😊😊…Read More