食完's Profile

天氣咁熱 ，多數人唔會去大排檔食飯， 但係而家嘅大排檔已經有冷氣，坐得又舒適，真爽嚟到大排檔食飯，一定係貪佢夠鑊氣，重有叫埋啤酒同汔水，一班朋友一齊就可以叫多幾樣餸，9成的小菜價錢都唔過100蚊，又唔駛加一同茶介，樣樣都試暈，都唔駛好多錢，可以開懷大食！ 我覺得最緊要係又唔限時間。今次食完最推介兩樣餸， 小炒王同椒鹽九肚魚。小炒王有好多料，有韭菜，蝦乾，鹹菜，鮮魷，仲有啲唔知咩絲，一啖過放哂入口，好好食椒鹽九肚魚，炸得好鬆脆 ，魚肉又嫩滑， 好適合配啤酒。 其他小菜的味道都唔錯，可以再食。 完…Read More

今日同朋友一齊做下大明星先，坐享卡位，都坐得幾舒適，環境整潔。我地叫咗一個海南雞飯同一個 咖喱吉列豬扒飯。海南雞飯，賣相麻麻，雞肉色澤唔靚， 醬料味道唔得，冇味的，好似放咗好耐咁，啲飯都冇香味， 10分滿分佢只可以攞到4分！吉列豬扒飯配咖哩汁 ，個咖哩汁有啲似日式咖哩，黃色，杰杰地，冇咩味，少少甜 ，塊豬扒好大塊，成個碟咁大，要大胃王先食得哂如果想飽肚又坐得舒適，大明星冰室係可以的，但食物的味道就有待進步。完…Read More

新開張嗰陣見到好多人，冇去試食，今日經過見到 唔多人 ，就入去試下啦。我地兩個人叫咗一碗米線，一個飯。米線係韭菜餃酸辣米線，碗米線好大碗，重有幾件蘿蔔， 韭菜餃好鮮甜，餃子皮亦好滑， 略嫌鹹咗啲，但係好食的。飯係台式肉燥豬扒煎蛋飯， 塊豬扒係好得 👍，好好味，煎蛋個樣就麻麻，肉燥份量都好足夠，唔錯，可以再食。 完…Read More

呢間潮州菜好出名，聽聞係米之連推介，見有唔少朋友推薦過，最近心血來潮終於的起心肝訂咗檯前菜嘅鵝肉同掌翼正常發揮，鵝肉偏肥，滷水汁入味炸蝦球有驚喜，新鮮炸起脆度剛剛好，配上特製甜醬非常惹味灌漿蘿蔔亦不錯，蘿蔔糕軟軟滑滑，加咗腐皮同花生提升口感，值得一試半煎煮黃花魚非常出色，煎過嘅魚肉完全唔腥，魚湯濃厚鮮甜，全晚亮點之一欖菜肉碎四季豆則普普通通，肉碎有啲過鹹，算是家常菜水準蠔仔粥湯底鮮味十足，飯粒咬落夠挺身唔會煮得太軟亦值得一讚，唯獨蠔仔有點腥…埋單每位平均400幾蚊，不過不失，但坐得舒服，想喺尖沙咀食潮州菜可一試～…Read More

呢間潮州菜好出名，聽聞係米之連推介，見有唔少朋友推薦過，最近心血來潮終於的起心肝訂咗檯前菜嘅鵝肉同掌翼正常發揮，鵝肉偏肥，滷水汁入味炸蝦球有驚喜，新鮮炸起脆度剛剛好，配上特製甜醬非常惹味灌漿蘿蔔亦不錯，蘿蔔糕軟軟滑滑，加咗腐皮同花生提升口感，值得一試半煎煮黃花魚非常出色，煎過嘅魚肉完全唔腥，魚湯濃厚鮮甜，全晚亮點之一欖菜肉碎四季豆則普普通通，肉碎有啲過鹹，算是家常菜水準蠔仔粥湯底鮮味十足，飯粒咬落夠挺身唔會煮得太軟亦值得一讚，唯獨蠔仔有點腥…埋單每位平均400幾蚊，不過不失，但坐得舒服，想喺尖沙咀食潮州菜可一試～…Read More

餐廳新開，今日去試下先，午餐每份60蚊，有湯有飲品，重要唔駛加一，真係好超值。先上 蘑菇湯，好香，好滑同足料，食到有啲蘑菇粒粒，好好味我同朋友叫咗唔同的主菜，我食雞扒加腸跟意粉，佢啲意粉暖暖地，有蒜香同埋軟硬適中，啱我口味，雞扒同腸都煮得幾好。朋友食大蝦加酥皮牛柳粒，佢話好味，咁我就叉咗佢粒牛柳試下，果然入味，又夠淋，份量又唔少，不過隻蝦就有少少乾，好似熟過頭。飲品方面，我地要咗平果汁同雜果賓治，兩樣都係用樽裝的，冇冰粒，唔會越飲越淡，正。 完…Read More

難得食好啲，先叫咗個starter：香煎法式鵝肝伴焦糖蘋果 $168好耐無食鵝肝，加埋酸酸甜甜嘅紅莓醬，好開胃然後因為選擇困難症，兩個人叫咗3個main😂, 分別係：薄荷寶雪酥燒羊架伴法式忌廉焗薯 $288炭烤頂級榖飼肉眼伴香草燒新薯，時令蔬菜 $368芫茜廣島蠔意大利飯配脆煙肉及芝士脆片 $198三樣其實份量都唔少，而且味道唔錯，值得讚係伴碟嘅蔬菜都有調過味，好食😋最後一人一杯cocktails ：The Oasis $148To Hot to Handle $148見到Oasis個杯忍唔住笑咗，雖然係好符合間餐廳嘅形象，好啱影相，但要飲嘅時候真係有啲尷尬😂…Read More

平時行過呢度都會見到好多人享門口等位，唔想等位所以開咗咁耐都冇食過，今次專登早少少去試下係唔係真係咁好食。我大約12點半去到，只係等一個籌號就有位。唔食辣又唔想大熱天時食醉雞，所以叫咗碗清湯雞米線，嚟到見到係白切雞，正，白切雞係最難做到好食的，因為雞本身要新鮮先有肉味，煮的時間同火喉要準確先會滑。今次啲雞係好滑同有雞味的，宜且啲米線亦爽同滑，另外雞湯的味道啱啱好，不太咸，飲完唔會覺得口渴。飲品方面，加8蚊有杯湅檸檬茶，味道係正常嘅。完…Read More

口痕想食串燒，見呢間評價唔錯就去左試店舖空間唔大，但檯唔會隔得太埋，坐得都叫舒服食物價錢係一般尖沙咀嘅價錢，整體味道偏咸，但有幾款有驚喜兩個人叫左十幾款串燒加兩杯野飲，埋單700蚊鬆啲，岩晒咩都想試下嘅人推介：貴妃蚌一個字：鮮！好少響串燒店食到咁嘅質素，蒜蓉唔會太濃味，湯汁味道岩岩好，值得一試推介：午餐肉見咁平就叫左黎試，本身都無咩期望但午餐肉質素喜出望外，表皮燒完後脆脆地但唔會太硬，個沙嗲汁都幾惹味推介：燒虎椒燒虎椒最怕燒到太乾身，呢間火喉岩岩好，虎椒咬落爽口，有汁水，而且夠辣，過癮呀但肉類整體都比較失望，五花腩同牛舌燒得太乾，而且無咩點調味，下次黎應該會主打海鮮同蔬菜類。…Read More

今日去咗銅鑼灣行街，晚餐想食海鮮蒸鍋，於是嚟到呢間試下。叫咗飽魚海鮮蒸鍋，海鮮方面有大大隻嘅飽魚，帶子，聖子，龍躉肉，蝦同一些貝類，所有海鮮都好新鮮，食落鮮甜可口，新鮮海鮮真係不需要太覆雜嘅煮法，最簡單咁蒸熟係最好味的。食海鮮前會有一盅蟲草花燉雞湯，碗湯好大碗又足料，又夠火喉，唔錯。除咗海鮮重有一個八寶蒸飯，有好多配料可以揀，我地兩個人食其實太多，好飽但好好味。重有，食極都重有，就係有肥牛加幾款蔬菜同點心可以任食的，啱哂大胃王! 完…Read More

因疫情關係，超過一年冇得去泰國食流水蝦燒烤，發現原來香港都有得食，咁緊係要去食下啦…入到呢間餐廳一坐下，就見到個爐已經有10數隻蝦同一盒 蒜蓉焗蝦，宜且重會即時送上每人一客鱔 片同新鮮活鮑魚，個待應重會講解一下要分開生熟食物用的鉗子和較剪， 另外會提供一個 小盤用作取食物，我地在等緊蝦燒好時，個待應提醒我地個爐下隔都可以燒烤的，上下隔一齊用可以 爭取時間燒多啲， 真係細心。啲食物總體呢講都好新鮮同埋衞生，我最推薦就係雞中翼同菠蘿，呢兩樣我都有 encore， 点好味法你地自己試過就知啦。最後提醒大家其實食流水蝦燒烤係好忙嘅，一邊食，一邊睇住個爐上面啲嘢，又要自己落調味料，又要 剝蝦殼，又要抹乾淨隻手，又要去攞冰，又要剪蝦腳，又要帶番個口罩先出去攞嘢食。🤣🤣🤣 完…Read More

打邊爐最緊要個湯底!呢間個湯底隻隻都要二三百蚊，因為落足料去煮個湯底，而且喺打邊爐前，仲可以飲兩啖湯先，認真唔錯。今次揀咗椰子雞湯，除咗滿滿嘅椰子，仲落足成隻雞去煲，唔清甜都唔得啦！佢仲額外俾咗啲調味我哋自己點雞食，隻雞記得唔好煲太耐，咁啲肉先夠鮮嫩。食完隻雞，開始落其他火鍋料，雖然唔係任食，係逐樣叫，但樣樣野食嘅質素真係高級啲，特別推薦個海鮮拼盤，鮮魚片厚切，淥熟之後鮮味出哂嚟，好好味😋最後菊花露都值得一讚，打邊爐就應該飲返杯冇咁熱氣。…Read More

雞煲叫咗小小辣，但都好夠麻，入口超香，雞肉亦嫩滑，係有水準嘅雞煲！邊爐方面升級叫咗和牛任食，總共有4款牛，美國極黑和牛，牛頸脊、牛小排，仲有一客澳洲M6和牛，全部都好牛味，加上升級價錢唔貴，性價比都幾高～其實即使唔升級，本身啲美國肥牛都好好食，大大塊一片，唔似有啲舖頭會碎濕濕咁見佢餐牌仲有得升級海鮮拼盤，睇落都好吸引，但已經太飽食唔落啦！仲有唔叫雞煲可以嗌鴨煲或豬手煲，都好特別，下次可以嚟再食，試下其他兩個煲先！…Read More

平時都好喜歡食車仔麵，今次試下呢間，諗住佢都有幾間分店應該會好食，可能期望太高，有啲失望!我今次叫了甜酸齋，魚蛋，朱皮，河粉少辣，一上枱個樣好靚仔咁，首先當然係試啖湯先啦，点知中招，好鬼辣，可能係未撈暈啲辣汁，重有啲湯好咸，我覺得好重味精，跟住個酸齋就好甜冇酸味，魚蛋同朱皮都正常嘅。 另外個河粉係幼身的，有啲鞋同硬唔似平時食魚蛋河個種，總知就唔係我杯茶。 最後，環境同服務都幾好的，食物上得好快，枱面同坐位都乾淨企理的。 完…Read More

平時極少食印度嘢，因為見到個餐牌都唔知係咩嘢嚟，又唔知好唔好味! 今次胆粗粗試下食 印度式嘅 brunch buffet，見佢個價錢又唔係貴，連加一都係$185，又包一杯飲品。去到餐廳見到好多款式嘅嘢食，樣樣都未食過，樣樣都想食，咁就睇下邊樣啱眼緣嘅就攞，每樣嘢食完都唔知係咩，但又幾好味喎，佢啲' naan' 点啲唔知咩醬都幾好食的，但都有啲嘢唔係好啱我口味，好似甜品就樣樣都勁甜，但係杯附送的芒果飲品都唔錯，唔會好甜。總括嚟講，係值得去食下嘅，可以一次過食到咁多印度食物，而且環境同衛生都可以的。 完…Read More