stupid tiger's Profile

第一次嘗試呢間所謂高級海景川菜，大失所望。揀咗中午時間嚟，一坐低就追住要你叫茶，驚死你走咗唔食嗰款。入咗嚟就發覺間餐廳冇咩人，仲有好大陣宿味。上咗一碟炸花生好似擺咗成個禮拜咁，回潮到唔敢食。我見檯面擺出嚟全部都係貴價套餐，問咗兩次，waitress先不情不願俾我一張平價嘅lunch set manual。Order個雙人套餐，份量又少又難食。酸菜魚真係得五片魚肉，其他菜就好似用微波爐叮出嚟，冷熱不均。四百幾蚊嘅雙人套餐，其實有好多選擇，下次絕對唔會再來😓…Read More

喺酒店同客人傾完嘢想搵個地方食飯，唔想搭車就係ICC裏面選擇。其他幾間都full Booking，唯有呢間仲有位。喺OpenRice望一眼完全冇差評咁就試吓。上到嚟服務都叫正常，景色就真係靚。一望個Menu就覺得中伏，openrice寫$400至$800，但係餐廳個Set Menu最平都要千六仲未加服務費。貴就貴啦請客人冇得改啦，點知啲餸上到嚟凍冰冰。我哋係食中餐唔係食西餐喎。仲要上菜嘅速度慢到嘔，中間有成半粒鐘冇上菜，搞到個客以為食完。其中一個小童想食蝦問咗個waiter介紹。佢就話好好味酸酸甜甜小童鍾意食，點知上到嚟係辣嘅🥵🥵🥵最乞人憎嘅係食過咁多間 fine dining餐廳，第一次見到有一大圍人企喺度劈酒。個聲浪同大排檔差唔多。唔知係咪熟客，個waiter完全唔理。投訴左幾次都冇任何收斂。啲餸一路未上嚟，想快啲食完走人都冇辦法🤬🤬🤬 四個大人加兩個小童最後埋單$8000。速速逃離現場😓 我估呢間餐廳都係啱嗰啲年紀細細發咗達嘅新貴帶啲妹妹仔過來享用。又有靚景收得又貴又可以劈酒，好威水。…Read More

今日見到冇咩人排隊就入去試吓呢間網紅餐廳，點知大失所望。中午時間冇乜嘢選擇，得幾個意麵同漢堡包餐。想order啲light snack，發覺價錢係超級貴。唯有Order咗兩個lunch set，黑松露軟殼蟹意麵同大蛤意麵。好鬼死鹹同埋乾身，但係食落去又覺得好Heavy，完全消化唔到，食完到而家都仲有啲想嘔出嚟 梳化位抵死咁低，一啲都坐得唔舒服。完全冇承托力，兩個人坐埋一張沙發，控制唔到會黐埋一齊。下次都唔會再去試啦。…Read More

琴晚同太太過嚟又一城見到間餐廳冇咩人排隊就試下，味道都算幾好。Pancake有蛋味都幾鬆軟。不過今日帶齊一家大細六位再嚟過感受就好差，明明冇咩人，但係等咗半個鐘都入唔到。兩位嗰啲就一路好快。其實入邊大把位，但係同waiter講完都冇提供任何解釋或者幫助，真係冇咩服務我試咗撳兩位嘅飛，差唔多5分鐘就到。呢個安排真係好唔合理，兩位嘅平均5至10分鐘，6位嘅等咗40分鐘都入唔到。大人小朋友都頂唔住肚餓。唯有去第度搵食。…Read More