makeittoday's Profile

蠟筆小新主題餐廳，上網一見到已經決定咗要來，你都發現原來係要排隊，條隊排到去條橋嘅中間，不過最後都係30分鐘到入到去，原來個個都係下午茶時間先會嚟，因為食到近晚飯時間其實完全冇人排隊，因為個個都以為呢度係食甜品嘅，所以冇咩人會黎食晚餐。但係其實呢度嘅主菜我覺得好味過啲甜品，有驚喜，而且食埋主食嘅話會比較容易達到佢嘅最低消費（每人$150 ）一入到去已經見到，成個地方都係蠟筆小新嘅牆紙，餐牌、餐字全部都有蠟筆小新！好得意！佢仲播緊蠟筆小新嘅唔同電影嘅預告，不過我就覺得其實佢播蠟筆小新嘅全部主題曲會更加好，因為其實播蠟筆小新嘅電影預告片會有啲嘈，但係主題曲嘅話就會好好多！今次叫咗一個卡邦尼意粉，兩個蠟筆小新甜品，仲有一杯芒果味嘅特飲，再加多一杯cremia雪糕首先嚟嘅係雪糕，今日竟然冇原味淨係有朱古力味，不過味道都唔錯嘅。唔知係咪因為堂食佢就一定要收我+1服務費嘅關係，佢點都要將個杯雪糕放落個碗度，所以就都插着我會雪糕，但係其實我係想揸住食。不過都唔會影響到佢嘅味道嘅！好彩都仲有個雪糕杯，因為呢一個白之戀人嘅餅係重點！主菜卡邦尼意粉，聞到好香，而且份量都幾大！食落覺得好有驚喜，味道夠惹味，意粉嘅口感都好夠彈牙，比想像中好得多！因為我以為呢一度係sell甜品嘅，但係其實佢嘅主菜仲好味過甜品！芒果特飲，印象中係類似芒果乳酪沙冰，覺得味道有啲淡，亦都偏向酸，有啲失望，不過估唔到我唔係要蠟筆小新嘅飲品佢都有送個鎖匙扣俾我！好得意。蠟筆小新甜品，首先叫咗個黑糖珍珠疏乎厘，味道都唔錯，佢嘅賣點係上面好大堆cream，你一拎走個透明膠片，佢哋就會流晒落去，不過因為我前幾日喺油麻地食過ampm 個黑糖珍珠疏乎厘，嗰個真係超級好味，超級鬆軟，所以今次呢間餐廳嘅疏乎厘就有啲比下去啦，不過都唔錯嘅整體上，只不過唔係特別驚喜，亦都唔係超級好味嗰種。不過因為我都預咗佢係買蠟筆小新，所以我都對佢味道其實冇特別大嘅期望。另外一個係法式多士，感覺上就係醃左蜜糖嘅法包，再加啲雪糕，當然個口感就冇發包咁岩呀！整體上都唔錯嘅，不過都係果句啦，冇好味到要再試過嘅感覺，但係就都算係咁啦，甜品來講都OK嘅，亦都相當飽肚，我覺得佢嘅重點係上面塊蠟筆小新曲奇，真係幾好味。開心嘅一餐，有咁多蠟筆小新圍住我！下次會來試吓佢嘅唔同主菜！係幾好味。…Read More

今日晏晝同同事去咗呢一間中環嘅茶樓飲茶，平時見得人去食得多，我就真係第一次嚟啦。我覺得呢間餐廳環境就好舒服，裝修好靚，真係冇咩傳統茶樓嘅感覺。點心來講，普遍都比較貴，不過賣相就真係幾啱打卡，因為真係幾可愛，味道方面我就覺得正正常常，冇話特別出色，我諗佢主要都係買啲食物嘅賣相。其中比較得意嘅就係呢籠雀仔，係鳳梨酥既餡料，真係估佢唔到，佢一出場我哋全部都拎部手機出嚟係咁影！其實我哋仲食咗啲燒賣、蝦餃等等，佢哋個賣相係正常嗰啲，不過我冇影哈哈哈好飽嘅一餐，不過呢間餐廳啲服務真係一般，幾乎全部侍應都係將碟野係咁以掉落張枱就拎轉面走咗，好似去咗茶餐廳咁…Read More

今日又叫外賣，試左間米線店，好好味！我叫左撈薯粉，男朋友叫左撈米線，兩個都係酸辣小辣，我叫咗炸醬同肥牛，男朋友叫咗香燒豬頸肉同腐皮app叫呢間真係超快送到～我覺得呢間米線店嘅渣炸醬超出色，真係好有肉嘅香味，用嚟撈麵真係一流！絕對好過所有我試過嘅其他米線店嘅炸醬，食完真係覺得三哥/譚仔嗰啲簡直不值一提肉類方面，我覺得燒豬頸肉好好味，真係有浸香味，比肥牛出色，不過呢度嘅肥牛都算係咁，唔會話太硬/乾身，不過就唔係話特別好味。但係用嚟做撈麵嘅話就真係好正！好好味嘅撈薯粉，超級惹味，好快就食曬🥰…Read More

近來去邊都想揾黃店食，原來連燒肉都有黃店！呢間係荃灣既校長燒肉店其實都聽過好多次，不過一直唔知原來係黃店，不過後來發現原來係黃店，一於去試～仲要勁平，lunch每人100左右～包曬飲品、甜品等。一去到，個場好大，好多位，位好闊，我地今次剩係食燒肉，無加刺身火鍋，其實加埋都只係118-138。野食方面真係好多，燒肉黎講我覺得佢既雞勁高質，好滑，又大件，醃得又好味！佢啲牛都醃得好味，不過肉質就比較un，豬肉我好少食，所以比唔到意見，大大力推薦佢既雞！甜品有frozen yoghurt，正😍😍 好驚喜其實仲有好多小食 熟食，有菜，真係好多野食，食到飽一飽，真係好鬼抵！…Read More

今日下晝做做下野突然之間好肚餓，諗起附近好似有間小食店叫做覓小食，有啲小食賣，所以就去外賣app睇吓有咩小食可以當下午茶啦。好驚喜地佢竟然有韓式炸熱狗！因為我除咗小學嗰時食過，之後都好耐冇預過呢一種熱狗啦！見到梗係即刻叫啦！之後我仲叫咗個焦糖忌廉多士，仲叫左個泡菜豬肉飯，因為屋企人話好肚餓黎到之後都好滿意！個熱狗仲係熱辣辣，有脆既口感，呢一種熱狗加茄汁咁樣食真係超好味！佢個忌廉焦糖多士係厚多士嚟，個多士我都幾鍾意，唔會太熱氣，口感軟綿綿咁樣，再加埋啲忌廉焦糖汁，非常惹味泡菜豬肉飯都唔錯，好足料，好多豬肉，我都幾鍾意佢個外賣飯碗，感覺好實淨，味道都唔錯，不過多啲汁就更好…Read More

今日喺荃灣做嘢，放工之後上OpenRice發現原來附近有間餐廳好似幾唔錯，於是就嚟咗呢度晚飯啦。入到黎個環境幾驚喜，因為同出邊工廈嘅環境超唔同，仲有個窗可以睇到海景添。成間餐廳真係好有Cafe嘅感覺，總之就環境好舒服，會好想喺度坐多陣。Menu上面好多嘢食，見到真係花多眼亂～最後我揀咗個明太子忌廉意粉，同事揀咗個鰻魚飯，之後我哋加小食，落單嗰時店員同我哋講今日小息做買一送一，好驚喜呀！因為我哋掙扎左好耐應該要明太子醬薯條定係雞翼，最後竟然兩樣都可以食，勁開心。另外仲加咗個甜品，係抹茶mousse～首先嚟嘅係明太子醬薯條，真係超足料，冇諗過有咁多，仲要每條都好長，勁抵食！啲薯條炸得好好味，好夠脆，粗切又有薯味，仲有啲長都勁多 ，又整得好好味，勁惹味，襯薯條勁好味。蜜糖燒雞翼都幾好味，不過我覺得明太子薯條精彩啲，因為有驚喜。個忌廉意粉既醬汁打得超好味，食唔停，上面仲有啲魚子，爆出嚟勁香勁好味，意粉係偏向扁意粉， 成碟嘢食落去都好滿足，不得了。鰻魚飯整出嚟都係勁吸引，鰻魚好大條，燒得勁香，網絡超吸引，食落都係當然冇失望啦，皮脆脆地，啲魚肉幾滑！最後呢個甜品，我都覺得幾唔錯，有淡淡的抹茶味，mousse 軟滑～呢度所有嘢食都好有水準，希望遲啲可以開到出去方便啲嘅位置，我一定會成日嚟幫襯！仲一定有好多回頭客！…Read More