Makemake's Profile

太好啦約齊人今日去咗鯉魚門食海鮮餐。一早寫好菜單，自選想食嘅海鮮就有專人設計好菜單，有晒預算😃今晚最正嘅係爆曬蟹膏嘅「油鹽焗奄仔蟹」🦀🦀，蟹好有份量，好大隻，結合咗肉蟹同膏蟹，有肉又爆蟹膏😍👍🏻 好肯定自己喺民間嘅街市係唔容易買到。今晚嘅酥炸生蠔都係超水準👍🏻，香口美味又保留蠔肉鮮味同十分juicy😋🌟風沙豆腐：避風塘嘅做法衆人佳愛。豆腐本身外皮炸得脆。大量嘅炸蒜味道超正超香！😋「美極鮮鮑魚」都有驚喜。鮑魚蒸到啱啱熟容易咬開。有輕微嘅醬油香帶少少鹹，可以食到鮑魚本身嘅鮮味！前菜酸薑皮蛋難得有點懷舊，皮蛋流心相當美味！仲有大大粒嘅蕎頭已經很久沒有吃過～環境非常舒服，有獨立廂房仲可以望到海景😍原來中午亦可以提供每位計嘅海鮮餐，都係自定budget 有廚師發板，菜單當然都會俾你過目。…Read More

每次來這裡享用雪糕， 都因為收到雪糕券😁今次都唔例外， 感覺單球雪糕好似加了價， 一張48蚊嘅禮券係cover唔到$59 一球雪糕😁。還是用兩張48萬蚊禮券 買三球雪糕抵啲。今次嗰位店員哥哥好好人，好細心， 提我哋咁樣算係套餐多咗少少budget，可以另點生果，nuts同source 都唔需要補錢, 先至影到呢份靚靚雪糕甜品🍨坐位有少少尷尬， 喺食物櫃和圍欄中間少少位置，非常逼夾～…Read More

好友即將移民， 揀了將軍澳南這間Soul mate 晚飯。 之前一日途經餐廳， 原來六點半是轉不能book位， 唯有早少少過嚟。餐廳給人休閒嘅感覺。 多款韓式fusion小食。「荔枝乳酸梳打」， 調配得唔錯， 乳酸比例較多。餐牌上多款小食 有沒有售， 店員解釋是因為即將換新嘅餐單～蜜糖芥末， 香蒜芝士味韓式炸雞兩款醬汁都非常惹味 ， 炸雞外皮香脆， 仲可以保持到肉汁。烏卒卒火山燒汁黑豚肉飯啱曬打卡～火山好過癮， 表面用蛋白打成， 火山口就是流心蛋，弄穿就好像溶岩般流出， 很有立體感。 炒飯比較濕潤 ，醬汁好濃， 朋友覺得比較鹹。魚糕串燒也漏單，冇緣嘗試。香蕉船加上了一塊很甜的棉花糖， 好黏好甜。 香蕉，雪糕正正常常～士多啤梨班戟朋友特別挑選熱嘅甜品， 可惜是日 Brownie 冇貨 。班戟好薄，也有蛋香， 生果點綴，酸酸甜甜。餐廳環境舒服，坐幾耐都得，唔會有用餐時間限制。👍…Read More

今日去了參觀土瓜灣港鐵站， 活動完結之後一行四人行過粥鋪， 大熱天時竟然都有人建議食粥～ 都ok橫掂都冇乜胃口。傳統粥店，內籠裝修簡單，樓底都好高， 難得冷氣十足。 食住熱辣辣嘅粥嘆冷氣又幾爽嘅～咩粥都有，生滾粥，生滾湯，小食，腸粉 蘿蔔糕 ，中式甜品芝麻糊。。 睇睇吓 又開始有啲肚餓。豬潤腸粉不得不讚佢嘅 豬潤，又爽又彈牙， 煮得啱啱好。腸粉就粗嚡一點唔夠滑唔夠油潤， 但就有種傳統舊式嘅風味， 好有米香。炸兩油炸鬼淋哂， 唔脆， 唔難食不過 食咗一件唔會想食第二件。及第粥非常足料！豬心，粉腸，豬膶，豬肉丸。。粥底都幾綿滑。豬紅碎牛粥勁多碎牛，豬紅好滑～豆漿一大支，唔算太甜。正當打算問店員攞兩二隻杯分享， 奇怪事情發生了 。店員回我：「 你要什麼杯？」 呆了兩秒答佢：「裝水的杯」。店員：「 我哋呢度冇水杯」。屋企人抵唔住：「 咁你呢度有咩杯？」嘩～店員竟答：「 我哋呢度冇杯」感覺成個過程係咪玩我哋。 最後知道我哋其實想 分享豆漿， 才補充說是用碗去裝～～不過一間食肆冇水提供唔怪佢，但冇杯真係匪夷所思…Read More

參觀完宋皇臺站開放日， 梗係喺附近食返轉泰國菜。 但係屋企人想食火車頭河粉， 途經這間「永珍越南菜館」， 晚市套餐好似好抵食。😋九龍城區來說，餐廳 內籠算寬闊，三個人被安排坐六人卡座。阿姐服務唔錯有招乎， 坐低已放低熱水再清洗碗筷，仲有熱茶提供。火車頭越南河粉晚餐所有配料都係牛：有牛丸， 牛腩，牛筋，牛柏葉，牛舌。。 非常豐富，河粉幼滑， 不過份量唔算多。 還好唔會索曬啲湯 。湯底幾有牛肉味，唔算好咸 。冬陰功海鮮湯河晚餐同樣點了河粉，因為很想飲冬陰功湯～汤底係light 版的冬陰功湯， 唔會好辣，小朋友都吃到。魷魚好新鮮， 還有大蝦，青口， 蟹柳。加了一份小食「越南網卷」， 炸得鬆化， 裏面餡料應該係齋？ 有芋蓉， 味道唔錯。椰汁海底椰冰 （跟晚餐＋$12）椰汁香濃， 海底椰爽口， 炎炎夏日透心涼～港式奶茶，不過不失。…Read More

幾位舊朋友好耐冇見， 其中友人即將移居海外， 打算食餐好嘅餞行。 屋企人極力推介「蟹仙」🦀🦀 建議從天文台道再轉入天文台圍較容易找到。海鮮餐起步價每位400蚊左右。我們揀了「包羅萬有二人餐」， 想食嘅海鮮都已經有齐， 最後還有一些肉類，丸類， 唔怕唔夠飽。店員幫忙調教所需時間， 非常準確， 每款海鮮都係啱啱熟。澳洲青年龍蝦，鮮甜度爆曬燈。韓國蠔很有蠔味。鮑魚鮮甜彈牙。饅頭蟹， 比較少吃， 蟹膏甘香， 又鮮又甜。唔知係咪因為冇咗海上鮮， 老闆送了琵琶蝦。 同樣勁鮮甜！朋友生日， 仲竟然送壽包～～👍留意如果現金結帳，仲送燕窩甜品😀 夠曬滋潤～埋單價錢也接近一間五星酒店自助餐， 不過鮮味 勝過一切， 絕對值回票價～…Read More

久不久就想吃上海菜， 屋企人特別喜歡酸辣湯小籠包這些上海美食。觀塘廣場嘅《上海一品香菜館》 係舊式嘅上海菜館， 好有風味， 而且都幾抵食， 我哋一家人 隔冇耐就話想嚟食～小籠包一客八件$48， 抵食之選。 性價比算高， 即叫即做 ，肉餡有湯汁， 皮適中唔厚唔薄！上海粗炒， 正正是那種舊式嘅風味， 還有那種燶燶哋嘅鑊氣～ 配豆瓣醬冇得輸！食食吓見麺條裏面有一條魚絲，真是莫名其妙， 店員拿回廚房研究一番， 好快都炒過另外一碟補上。屋企人真係太喜歡吃酸辣湯麵， 一款粗麵一款幼麵。 小朋友也很喜歡吃因為辣度唔算太激， 好足料～酥炸小饅頭～ 個饅頭都唔細， 熱辣辣炸起配甜甜地嘅煉奶 大人細路都超喜歡～三鮮飯， 個芡汁好特別，好有雞味！出菜速度好快， 即叫即做款款都熱辣辣。👍😋…Read More

今年生日又去咗金羅寶食烤肉。 無論如何都唔會喺屋企燒烤所以一定要堂食。 一家三口用兩個爐頭因為堂食只限二人一檯～ 中間塊版唔係透明， 我哋三個好似好有隔膜咁樣, 好唔方便。前菜都係分開， 二人八小碟。另外坐開的有4小碟。泡菜雖然爽脆但略嫌唔夠入味， 鹹魚仔乾太硬了。 最好吃還是醃菠菜，芽菜， 甜薯仔！ 辣腐皮也不錯～牛肋骨湯， 湯底清澈味道濃郁， 還有大量京蔥，略嫌牛肋骨唔夠腍， 搏鬥了很久～每次來都吃的牛排骨， 咬落軟腍鬆化， 選了調味 更突出牛肉嘅美味！充滿橙色醃料嘅豬肉 少少辣辣～ 好惹味， 豬肉肉質唔錯， 燒過都夠嫩滑有肉味。多春魚冇之前咁肥美，有少少澀， 但係都炸得幾香口。 小朋友最喜歡吃～唔夠我五點就要我哋埋單，佢話要食飯定清潔， 感覺有點趕。。贈送的甜品雪糕清新一吓味蕾，今餐非常滿足。…Read More

依家想堂食真係要把握時間， 相信好多人都已經將晚餐推前都五點食😒 冇計 唔想食外賣就要睇時間做人。假期去咗東港城。 『錦麗』是我第二次光顧， 小店內籠有啲逼夾， 難怪見到地下果層裝修可能會搬。錦麗生熟牛肉小粉$45粉嘅份量真係好少好少～ 屋企人兩三啖就食完了。 而且牛肉湯唔夠熱。。有兩塊牛腩和生牛肉片， 湯底清甜唔算好鹹， 冇太大驚喜。扎肉香濃雞湯金邊粉這碗份量反而正常， 主要係雞湯底， 扎肉好重黑椒味。凍甘蔗汁味道清甜， 可惜冰塊太多， 寧願不加冰細杯一點 更好。…Read More

這間平民化道西餐廳開到去『大本型』了， 取代咗之前高級餐廳嘅位置， 裝修簡單舒服。 餐廳仲係好新，餐具仲係立立令。但係餐廳中間嘅位置長期都有灘水， 雖然有小心地滑嘅牌提醒， 但奇怪點解到走嘅時候都冇人抹乾， 每人一腳 路過之下踏到 地下濕立立唔係咁乾淨。蒜汁燒魷魚(細)每次都會叫，不過份量好似越嚟越細， 今次見到個名係『細』份～ 但係見餐牌有冇大份嘅size～～甜蝦租管意大利飯， 好多芝士白汁， 都幾香滑，好啱小朋友。今日嘅煙肉菠蘿薄餅非常🍕🍕ok， 濃濃的芝士，融化状态～ 熱辣辣出爐嘅薄餅堂食先最原汁原味！菠菜煙肉賣相差了一點， 以為係邊度食淨嘅一碟菜， 負責出菜的人今日心情可能麻麻地😬價錢相宜大眾化， 希望能keep住衛生乾淨。…Read More

假日的西貢好多人， 加上餐廳只可以二人一檯，座位唔多 大部分都冇位要行多幾間。行完山又攰又餓， 找到這間『自家麵』， 見有位唔理咁多衝咗入去。餐廳內籠太細只有兩三張枱 ， 我的座位也就背靠廁所門口。 主打北方風味手打麵， 麵條由寬至細。豬肉（中寛）麵清湯底麵質好滑， 厚實唔算好煙韌。 豬肉片夠薄， 清湯底唔覺有味精。 朋友點了羊肉手打麵， 羊肉份量也很多。手打麵份量非常巨型， 女士們一個人未必能夠吃畢整碗～芹菜豬肉餃芹菜配豬肉調味唔錯，豬肉有鮮味， 水餃皮厚身。…Read More

很久沒有帶長輩外出晚飯， 自從今年年頭 一直都沒有家族聚會， 吃罷今餐之後得知限聚又變返4人一檯。。 這個疫情真是沒完沒了， 但係防疫政策更是日日有驚喜。。 愚蠢的我實在無法明白箇中道理～今晚帶長輩食 阿拉斯加蟹， 好多酒樓都有售， 在東港城「壹匯 」看見特價 每斤$199， 絕對是入手價！自己去魚缸揀，隻隻生猛㗎， 一般都係五至六斤左右。這隻5斤4， 四大一小吃啱啱好喇～蟹肉好鮮甜， 蟹腳夠粗，肉好多絕對係啖啖肉～食食吓感到美中不足呢發覺蟹蓋嘅蟹膏唔係咁澎湃， 之前食開同重量嘅蟹，蟹膏多得可以拌飯！ 可能都係唔同地方或者批次。。酒樓提供好多孖寶套餐。 蒸石斑＋ 半隻脆皮炸子雞$138， 抵食嘅，自己買都唔得啦～酒樓人手嚴重不足， 拆完隻蟹啲殼連碟 一路都冇人收走。。 直到我連魚同雞都食完.. 條魚ok正常，炸子雞個皮好脆。竟然仲有飯後甜品送，紅豆沙～ 味道唔錯仲有原粒蓮子👍加返少少印象分啦～…Read More

佐敦行街行到攰見到『開餐』， 目測似乎係黃色嘅茶餐廳😄💛 。 吸引咗我哋入去醫肚添。茶餐廳的格局，好多套餐， 餸菜嘅名更加係精挑細選。鰻魚牛肉飯真材實料，原條鰻魚上～ 烤得唔錯有焦香， 唔腥，仲有鰻魚汁相當惹味。 另一款牛肉調味甜甜地， 似食緊牛肉飯， 整齊份量好大。另加勝瓜魚片， 有菜有魚片還有靚湯，使用『良知』的湯碗 ～ 熱辣辣健康又美味！豬軟骨飯， 豬軟骨有啲韌同乾， 只是一般😄凍奶茶又唔錯，好飲到好多茶餐廳。餐廳裏面雖然坐得好迫，不過幾有氣氛㗎…Read More

好友生日飯局， 揀咗觀塘工廈樓上cafe。印像中數年前嚟過， 擺設裝修悠閒舒服。一早book咗位 用餐時間限1.5 小時， 對於我哋幾個難得聚頭嘅老友記時間好似唔多夠。留意每位消費$150起 或者每人至少 order一款主菜。餐牌食物主打日式料理，鍋物，炸物，串燒， 意粉沙律 等等。這杯焦糖朱古力（凍） 賣相討好， 鮮忌廉唔算太甜， 朱古力味濃郁混合少許焦糖味道唔錯， 唯一缺點係比較細杯😂朋友點了一杯『白桃烏龍茶』， 佢話味道唔錯 不過又 只係 一個小茶杯， 仲以為有一壺畀佢慢慢斟～另一朋友點了『皇冠家啡』， 味道唔錯 ，好驚瞓唔著 但係就好大杯。『北海道3.7 牛乳松葉f蟹鍋』濃郁清甜嘅牛乳湯底， 蟹腳有唔少， 但比較偏瘦， 落手落腳食，但係冇較剪工具（ 蟹殼比較軟需要用到較剪， 但職員解釋較剪工具未有貨）， 幾位女士都有點狼狽。 這個『 洋蔥牛油燒廣島蠔』非常惹味！ 洋蔥圈勁香帶出蠔鮮味。『神户野菜牛肉鍋』$118 也是熱辣辣， 冬天最啱圍爐取暖😍 牛舌串$35 一串一吋有四件左右， 但有些部位勁多筋位咬唔開。甜品試了藍莓芝士蛋糕$38和紅莓批$38， 賣相和味道好一般， 竟然也唔記得影相～明太子蟹肉炒飯$118炒得甘香美味不過份量稍為細。菜式，飲品整體味道唔錯， 不過份量偏細適合二人，小情侶， 大胃王分享要点多幾份先夠！ …Read More

睇完套兩個幾鐘的電影， 過曬午飯時間肚都打鼓， 過條馬路見有《雲桂香》米線專門店， 隔離嗰間譚仔同樣都係米線。 因為平日少啲見到雲桂香 ，就入去醫肚！雲南酸辣小窩米線（＋ 腩肉）都係基本最人氣嘅選擇， 點了最微辣， 湯底酸度適中， 酸菜好香，味道都算係有層次～惹味開胃米線少少煙韌唔會太腍也是我喜歡的原因。腩肉ok呀，夠入味不過帶肥的肉也相當嚡囉～屋企人点了清湯米線配（雪魚豆腐）， 星型賣相冇咁單調， 質感比較似硬啲魚腐， 魚尾豆腐味都唔算突出～支裝豆漿是自家品牌？ 唔錯有豆香，唔會太甜。 …Read More