ti017136ng's Profile

閒日星期四當天, 約左朋友去旦馬屋食生日飯,我地就叫左個$199 有澳洲穀飼牛既餐, 大概6點半左右, 唔需要等位就入左去, 限時90分鐘一坐低左就好快黎左個湯底!我就叫左個美肌鍋, 朋友就叫左個千夜鍋, D野一齊就當然夾個肥牛碌碌去!因為佢切得好薄, 好快就熟左, 直接放入口, 就發覺D肉無咩味.......而且碌完縮到咁樣又一粒粒,有密集恐懼症既我覺得有D恐怖,可能係我見識少, 唔知咁樣正唔正常,不過個湯底真係發覺無咩味道,同清水差唔多......我朋友個千夜鍋就好勁鰹魚味!然後食到後半段, 開始飽飽地, 就開始同朋友傾下計, 望下望下就發覺自己白色既湯底有粒黑色野,撈上黎睇有腳既!心諗出面食野, 一隻半隻蟲, 緊有既, 無事既,就繼續食, 慢慢發見2隻, 3隻, 4隻...........第4隻仲要唔係黑色係啡色!!我唔知D 蟲邊到走出黎, 直覺係D 食材(菜,菇之類洗唔乾淨)個一刻我同朋友已經反左胃, 飽哂咩都唔想食, 就即賣單走人。個侍應收野個陣可能覺得點解我地咁浪費,但我地真係見到D野食就好怕, 因為唔知道自己食左幾多蛋白質蟲落肚, 又覺得投訴都無咩意思, 所以如果下次食真係要睇清楚D野有無蟲, 由其係羽衣甘藍呢D一棵棵既菜!不過我下次唔會再去食, 間鋪表面咁乾淨, 食物衛生仲待改善!!仲有對唔住我朋友, 帶左佢食蟲蟲餐 …Read More

葵芳有各式各樣既美食，但越南菜好似剩係得呢間！中午跟同事黎到呢間芽莊！佢唯一特別之處就係LUNCH既時間都無LUNCH SET，野食同飲品要單點，應該全日都係供應同一樣食品。西貢牙車快　$78牙車快原來就係　雞絲 + 椰菜沙律真係長知識了！　佢比想像中大碟，雞絲加埋椰菜仲有佢個汁（其實食落有D似撈檬既味），食到好開胃！中）　潘切生醃蝦卷　$78下）　燒雞撈檬　$68蝦卷唔錯！蝦好新鮮！又大隻！佢出面既米纸卷好薄，成舊食唔會成到好厚皮！而撈檬其實係我至愛，酸酸味味夏天食至啱FEEL!佢2件雞串燒得好香，佢應該用左香草仲有其他調味醃過，食落去好入味！而且好大件！仲有蒜片，蘿蔔，花生碎，薄荷葉等等配料一撈，真係好好味！但檬粉就偏少，你要知道咁開胃既食物，就會不知不覺大食左，如果就咁食個撈檬，我會覺得唔係好夠食！整體來說越南菜其實好難話整到好難食，而呢間芽莊我覺得佢有好多特別既配料，令到Ｄ 菜升左一個層次，同埋價錢以越南菜來說係偏貴，而且仲要加一！不過無乜野係中伏野算係咁啦！…Read More

我有時 去打波之前，都會經常去呢間八方雲集到食個下午茶！佢地既下午茶係到6:00pm...佢有好多鍋貼選擇，唔鐘意既叫餃子都得！而下午茶既價錢係正價既7折左右，相當抵食！！韮菜鍋貼餐配豆漿　$29而我永遠最愛既都係食佢既韮菜鍋貼！皮薄，肉嫩，多汁，韮菜味足！$29 有8隻！配埋豆漿甜度合適，食完成個餐唔會好口乾！另一點就係雖然係下午茶時段，但佢間鋪入面好多空位，唔使等位，即叫即食，慢慢食都無人趕。我仲見過有學生哥係到溫書添！環境算唔錯！仲有食完記我自己清理台面呀！…Read More

話說同事請食CAKE,一打開，女同事都哇左一聲！真係好靚，每件CAKE都整到好靚，七彩繽紛，似係一件藝術品多過係一件蛋糕！又花又蝴蝶好一打開就好似入到一個秘密花園咁！同事們輪住影相都影左十幾分鐘！我就揀左呢件食，點知一念天堂一念地獄。影相真係好靚，但食落上面爆谷係淋既。個CAKE 係得個甜味糖水味就食唔到其他味，件野應該都好多色素下，講真其實一Ｄ都唔好食，有時內外兼備真係好難！價錢屬中上，$50-$60一件偶爾買黎影下相其實都幾開心既！…Read More

係門面見到呢間HeSheEat，就比成間都係粉紅色既外表吸引住。其實選擇幫襯佢有80% 係想影相呃LIKE!純字餐單，因為咁，叫完之後驚喜連連。多重蘑菇芝士意大利飯 $98飯粒有少少硬，不過唔影響既！好重蘑菇芝士味！食完有飽肚感。炸魷魚圈配墨汁蛋黃醬　$62送菜上黎個陣比呢舊野嚇親！黑色一堆好似＿既物體。佢其實無乜墨汁味，加埋個蛋黃醬食落口算唔錯。不過有創意，同好大兜，起碼有十幾舊係入面。牛油果番茄蟹肉沙律配竹炭薄脆 $88送上黎個陣又再一次比佢嚇親！！呢碟係乜東東？以為送錯，點知睇一睇原來係個沙律，同我想像中差好遠喎個樣。佢咁打爛哂Ｄ食物再整成一磚野，味道還好，但食多幾口既覺得好膩，食到一半已經唔想食，好似食緊個好肥既醬咁。我接受唔到呀。整體呢一餐飯有好多驚喜，都食得幾歡樂既！　同埋上左主菜 -> 小食 -> 沙律　咁樣上菜真係....…Read More

呢間Simplylife 我已經第三次食佢。但其實對佢印象並不是咁好。不過朋友未試過就比佢試下啦！晚餐最平都$100 起跳，要埋前菜同飲品要加$30。一開頭有麵包做前菜，法包好硬，食到唔係好想食。杯水果冰茶係好飲的，甜度適中，沙律都唔錯，夠新鮮！好啦到主菜。我叫左個忌廉蛋汁煙肉手製意大利粉 $118我未食過手製意大利粉，一食落佢，佢係偏硬身，比較實，同平時食既意大利粉一點都唔同。味道正常，但碟野係偏油，係相都睇到佢有堆油係到。而且份量極少。我身為一個女仔都食唔飽。友人就叫左個燒美國安格斯肉眼扒 $208我試食左少少，Ｄ肉太熟，鞋口，友人好失望。總括黎講，食物普通，份量少，偏貴．但出面永遠有長長既人龍，睇怕都係食環境多。…Read More

近期去到邊都會發現呢間快樂蜂既蹤影，聽聞每逢星期日會有好多姐姐會去幫襯，所以星期六下午茶時段經過見到無乜人就入左去試試!我叫左個餐有一件雞(可揀雞胸&雞槌), 薯條, 一杯可樂加埋 $30, 價錢都OK可以接受。佢D雞應該剛剛炸起, 熱到會出煙 咁熱就食左薯條先, 個樣似M記個隻幼身薯條,食完都係覺得M記好食D。輪到炸雞啦, 一食個皮, 好脆脆脆脆脆!! 又熱辣辣, 好正!入面D肉好JUICE, 一D都唔乾,佢有配個醬，我覺得有D似磨菇飯個汁咁既味!同埋佢無其他炸雞店既重味, 果然無令我失望!不過佢炸雞口味只得一種, 唔知將來會唔會推出新口味呢?…Read More

NENE CHICKEN 周不時星期三都會做90分鐘炸雞任食優惠。成人 $148一位，3人同行送Shark Attack一杯。約了朋友星期三夜晚去食，朋友要遲到，叫我地入定去先。因為拎左飛，出面好多人，都叫到我地，但唔齊人唔比入? 好奇怪，入到去照計時咪得，點解要齊人，怕齊人張台不左又要再等....結果朋友只好跑過來，入得。三人送Shark Attack, 味道唔係人人接受。我自己就唔係咁喜歡呢個味。好, 黎到戲肉。我地7款雞都叫左，唔食辣既我表示，點解佢唔分開碟?D辣醬痴到其他口味既雞，其他口味又痴到其他口味，媽~我好亂呀佢7款包括:1. 甜辣 - 甜 + 辣 = 味道開胃2. 初雪 - 芝士粉 + 普通炸雞 + 薯片 = 薯片比較吸引我3. 白郡主 - 白色CREAM + 普通炸雞 =  好少乳酪味，可能其他味道太濃4. 廚師 - 聽聞好辣5. 蒜香醬油 - 蒜香醬油 + 普通炸雞 = 咸既炸雞6. 大蔥 - 大蔥 + 普通炸雞 = 如果你喜歡食蔥的話7. 招牌 = 普通炸雞係. 食咁多款其實好多都係普通炸雞再加少少醬。同埋無得揀有骨無骨, 食食下係咁好厭同好膩。我食左9件就收手了。其實任食都係一個噱頭，每位$160。如果想試食哂咁多款味道，都可以一試。…Read More

中午既時候, 新都會既食肆到到都排隊。得一小時既食飯時間, 見呢一間PARKVIEW 有位, 就入去一試!佢個LUNCH SET 有一個自選麵包，仲有3個醬? 比你點!麵包知佢係整定, 唔係新鮮出爐唔出奇, 但都算唔錯! 然後有可以揀要沙律定湯, 我就揀左沙律, 沙律新鮮, 中間有舊魚生幾好味幾新鮮, 唔錯唔錯!之後主菜我叫左 香脆巴馬火腿卡邦尼意粉。味道好CREAMY, 之前食左咁多野, 結果食到好飽。友人叫了個肉醬千層麵, 入面唔會焗到好乾, 唔錯。但呢個主菜等左半小時, 真係好想叫CANCEL。呢餐整體係滿意, 食完好滿足(好飽), 味道係正常既好D, 但唔係話一試難忘。而且價錢唔平, 多數餐都係$100 以上 (講緊LUNCH, 仲要未計加1)出餐既時間慢, 建議晚上時間慢慢食。…Read More

今天友人說荃灣開了人氣熱爆既 老虎堂,一去到見到一條長長既人龍, 非常熱鬧墟冚!一場去到, 點都要一試!一排就排到30分鐘左右, 想飲大細珍珠佢竟然話細珍珠要等20分鐘先有!咁無辨法就叫左個黑糖波霸厚鮮奶!老虎紋用來呃LIKE 是常識吧!$30 價錢, 雖然佢比我想像中細杯, 但都夠哂飲!飲之前搖下佢, 第一淡飲落去,哇左聲出黎, 好勁好濃既奶味!濃到我個心諗係咪化學野!?然後珍珠有黑糖味, 但味道係偏淡, 唔多甜, 唔知關唔關新開張事, 煮得唔夠入味?不過見佢人龍只係有增無減,仲有好多人買完同間鋪影相,好似變左個打卡熱點如果熱潮退D, 無咁多人可以再一試, 因為等30~40分鐘先買左一杯野飲真係好耐耐耐耐耐…Read More

山竹台風來臨的前夕，到了牧羊少年食LUNCH,暴風雨前夕天氣特別熱。入面無哂位唯有坐出面露天位。叫左個 ALL DAY BREAKFAST,老實說ALL DAY BREAKFAST 好難會唔好食，因為所有野都係有無本身既味道，所以整體來說唔錯，每件食物都有佢應該有既味道。可惜係天氣太熱，一邊食一邊出汗，雖然有風扇，但認真說係食到有點辛苦。如果要坐露天，千祈唔好係炎熱既夏天做呢件事，除非你好鐘意大排檔既環境。不過打完風，見到佢個露天座位比D樹倒下封左，我估要等有一陣子才能再食牧羊少年了。…Read More

收工去左葵涌廣場食ET鹽水雞，已經唔係第一次食佢，雖然價錢一D 都唔吸引， 叫個1人餐都要$44，加埋冷麵$54，同去餐廳坐底食個飯差唔多價錢。我叫左西蘭花，杏胞菇，雞珍。份量係多，味道好味，會食上引，第一次加冷麵好失色，就算撈完都可以零味道，建議唔好加麵。不過食完個口渴左一整天，味精甚濃…Read More

星期六嘅早上，同友人去左呢間工廈入面食素。距離地鐵站行5分鐘左右。12點未到上到去，一個人都無，聞到一陣好勁嘅香薰味，開頭有d唔慣，但慢慢就覺得幾舒服。座位唔算好多。但成個環境就好舒服。我自己就係食肉獸，食素都有d驚唔慣。之後唔知係侍應定老闆娘，態度好親切，係咁介紹有咩好食，仲有如果要全素就可以走蛋走奶。我就叫左個all day breakfast, 呢個已經係輕量版，食到好飽肚。d偽肉食落口都好似肉，未食過素嘅我表示很新奇。加8蚊有野飲，叫左紅棗茶，一大壼足足有6-7茶細杯，好抵飲，唔怪得叫之前佢話一壺可以2個人share飲。整體來說，環境好，價錢平，但食物選擇不多。我比4粒星…Read More

路德圍基本上已經變左飲品街。而呢間花羨沐嵐就正正開左係人氣大熱嘅老虎堂格離，格離人龍不絕，呢間就顯得有點冷清。30蚊，無得減冰減糖。黑龍就姐係用左烏龍茶底。第一淡，茶味淡，奶味淡，甜度正常唔會太甜。珍珠甜，偏淋。整體來說，無特別。也可以知道點解d人排成個鐘都要飲老虎堂。但如果你口渴唔想排隊都可以一試。…Read More

夜晚肚子餓，快入秋，天氣涼就會諗起經濟實惠快餐店打一人邊爐。叫左個68蚊嘅美國肥牛鍋，加埋飲品74蚊。話明快餐，但足足等左25分鐘先等到個餐黎，已經好肚餓，當然想即碌d肥牛食住先！點知d肥牛好似啱啱係冰格拎出黎，完全未溶雪，食到最後都仲溶唔到雪，結果成盒牛倒哂去煲肥牛好鞋口。另一個敗北係米線，碌左幾分鐘就林哂，點碌都係太過林，唔怪得個個加錢轉烏冬。炸魚皮，un架一d都唔脆，好似放左好耐梳哂氣咁。份糧對女士來話係飽肚嘅，但質素就每年愈下，價錢就每年加價。…Read More