Benhoho's Profile

在女人街旁的小店。 門面唔起眼但見到入面多人就試一試。 最初打算點咖喱，但見到餐牌第一頁有全隻海南雞賣。 就轉叫個海南雞飯餐興幸自己無點錯！ 啲海南雞又滑又重雞味就算我加左$5轉脾成個餐有油飯有菜有湯都只係$65。 喺旺角真係好抵食…Read More

老婆收到朋友介紹話有好正既邊爐所以專登嚟試下。 店舖新開張，加上是平日晚上，未算太多人不用等位。 湯底很特別，居然係蟹煲，雞煲，水魚煲 。我地二話不說就點左蟹煲～隻蟹好大隻，湯底又甜。未烚野食前應該先飲啖湯呢度店員會先提供野食，未點菜店員就拿了手切肥牛同海鮮拼盆。拼盆有鮑魚，扇背，大聖子，龍躉，脆鯇，貴妃蚌，蠔，蝦，魷魚。而且排得好靚～忍唔住狂影相所有海鮮都好新鮮。第一次烚貴妃蚌，唔腥之餘仲好鮮甜 大碼聖子同鯇魚腩都好好味。手切肥牛好香牛味丸就一般，可能因為我唔太鐘意芝士餡。大部份丸都是芝士餡。但墨魚汁丸就好好味～菜都好新鮮，粟米好甜。但響玲一般。太飽，食唔到冰豆腐p.s. 因為新開張，有象拔蚌送！堅甜如果鐘意海鮮肥牛打邊爐，呢間真係好食！…Read More

這間韓國餐廳開在路邊， 當中有一半枱放在後巷。 望落好有街頭食檔feel 所以嚟試一試 。2個人點了三個菜 半份辣醬炸雞， 海鮮煎餅同埋紫菜壽司 。免費三式泡菜 - 一般， 覺得唔夠辣 。清清地當涼菜都ok.辣醬炸雞 - 好好食 ！ 辣醬少少辣但好惹味 ！ 個皮雖然滿佈辣醬但依然脆卜卜 。 雞肉仲好滑，多汁 。食唔停口！！海鮮煎餅 - 煎得好香， 好有蛋味 。 老實講， 海鮮唔多突出 。 但個蛋餅真係好味 ！ 紫菜壽司 - 一般。 我始終都係唔太鐘意食酸瓜 。 炸雞真係好好味 ！ 坐在街邊食住炸雞飲啤酒好爽 ！ 同老婆2個人食$220埋單 。…Read More

晚餐食完烏冬後意猶未盡。 同老婆再搵甜品食！ 見openrice咁多人推介當然要試一試HeSheEat啦！ 幸好8點左右去到唔洗等位。一入門口被左邊open kitchen 香噴噴味道吸引住！ 可惜地下滿坐，要坐上層:(…點了Tiramisu 和百利甜酒梳乎厘。 Tiramisu 是我最鐘意，軟綿綿用匙羹食的類型！入面的手指餅浸滿了咖啡同冧酒。加上軟芝士蛋白食好夾。 唯一美中不足是底層咖啡凍苦味重過咖啡味…Bailey's 梳乎厘10個好味！ 出爐賣相靚之餘， 梳乎厘又唔會立刻狂縮水而且食落有質感唔會食空氣～ 最重要係食得出好香既Bailey's 味道！試過這2個甜品都覺得甜度適中， 咁反而可以食到Bailey's, 咖啡酒等食材味道。 正！ 我會再嚟食！…Read More

估唔到歐陸菜都可以出到平價版！ 住在馬鞍山既我當然要嚟試下～餐廳裝修好有獨特風格， 可惜店小人多。 浪漫氣氛一掃而空。第一次嚟貪心地點了2個主食加什腸。 餐廳主食包湯同飲品。 老實講， 個餐湯（羅宋湯）真係唔得， 唯有當係送既唔飲就算。什腸有驚喜！ 煎到熱辣辣好juicy~ 而咸豬手點芥辣食都好好味但薯條淋左。 層皮都脆，但如果可以再脆啲會更好！燴飯就麻麻地，個人胃口唔太鐘意太重奶味既飯 … $100左右既價錢食到德國威豬手同德國腸真係好抵！ 個人好鐘意公共屋村入面搵到咁特別既餐廳而價錢大眾化！ 味道方面雖然有進步空間，但邊度可以同出面三四百蚊一餐既德國餐廳比～下次會再嚟食其它菜式～…Read More

馬鞍山終於有好野食啦！餸菜款式唔算多。 不過勝在好味夾大件推介醉豬手！ 好爽之餘都好入味。 另外點既菜肉雲吞酸辣湯同炸雞翼擔擔面都好好味！ 希望將來都可以保持質素啦～！…Read More

路過大圍專登行一行新翠邨。 估唔到又大大間759， 又有抵食韓燒之外仲有間舊式快餐店！ 立刻衝入去買炸脾！ 可惜晚巿大晏已經賣完炸脾… 唯有轉食炸雞翼意粉！味道超正！ 雞全翼外脆內Juicy~ 而且洋葱汁都好好味！ 最重要係連埋汽水都只係$30～ 好味又抵食！！…Read More

可能因為難擺放, 香港真係好難搵到杯裝的Tiramisu。所以當我見到有杯裝Tiramisu 時, 真係好開心! 記得第一次食溏苑的Tiramisu 時, 內裡的手指餅是浸滿冧酒, 與Tiramisu cream 好夾, 食落去唔'漏'之餘仲好好味!可惜上星期六去食時, 手指餅內的冧酒唔夠, 影響左味道。希望溏苑會再落返多點冧酒落手指餅啦! 杯裝的Tiramisu 真係好少見! 希望可以保持到高水準 …Read More

見到最近好少人留食評。 留返一個"笑"先!其實我覺得此餐廳的賣點唔係食物的質素，而係可以用平民價錢享受維港景色及LIVE BAND MUSIC! 由IFC望到ICC。會展, 文化中心, 鐘樓都睇晒。忍到手只食BBQ餐的話$100可以走人!值得一試!!可能因為係星期五, 我跟女友來到時已經好多人。找了一個近LIVE BAND 的位置坐。大蝦又再次賣晒...真係唔知有無咁巧合。 叫了焗田螺及烤肉餐。最後忍唔住叫多2杯大啤及薯條送酒!焗田螺(大約$58): 好食! 仲有薯蓉! 烤肉餐 ($88): 有湯, 餐飲, 4串BBQ烤肉及意粉OR薯菜 烤肉點左牛扒, 豬扒, 雞扒同雞翼。燒得唔錯, 唔燶, 而且好夠味!! 可惜我覺得牛扒同豬扒落得太多鬆肉粉，都係雞扒個味道較好!薯條 ($28): 粗波浪紋薯條，幾好食! 送酒一流!!食到八點半左右就有LIVE MUSIC! 因為多外國人，個個飲完酒都HIGH HIGH 地! 氣氛好好~!! 一直留到11點 無歌聽先捨得走。P.S.留意到餐廳寫住每逄一, 三, 五, 六 先有LIVE BAND。 想聽歌就唔好揀錯日子啦!…Read More