breyton's Profile

不嬲覺得牛角本身CP值都好好，有陣時都會比到超出預期嘅食物質素。但係來完呢間似次男坊，絕對令我對牛角改觀，唔怪得知之前執咁多分店。今日嗌咗個鹽燒牛舌丼，啲蔥切到大大塊又老又韌，牛舌咬唔開，根本食唔到。我唔係好知道食呢一種飯係咪一定要室溫，瘟瘟沌沌嘅溫度食落口好奇怪。好難食，好似烚完喺度擺咗好耐就咁潷出嚟俾客人。我老婆嗰碗都係不相伯仲，蔥鹽牛肩版啲蔥都係太大塊又老牛韌，完全唔夠執乾珍珍，牛肩版收$92碗超級韌如果大家想練牙力嘅話可以嚟呢度試吓。總結垃圾級別餐廳…Read More

明廚銅鑼灣分店環境好似張曼玉同梁朝偉嗰套花樣年華電影，連音樂都係一模一樣。好有格調我非常鍾意。服務員態度親切，難得喺香港搵到嘅服務。招牌香港火焰奄仔蟹套餐第一道係招牌油鹽焗火焰A級奄仔蟹，其實就係鹽焗蟹。先講講乜嘢係奄仔蟹。指係處女蟹，仲未進行交配嘅蟹，而且母蟹嘅口感好過公蟹。蟹肉食落甜美嫩滑又軟糯，蟹黃嘅口感就似流動嘅牛油咁。奄仔蟹採用鹽焗嘅做法，處理完之後一開二，倒插喺鹽煲中。接住倒上秘製酒，拿火槍一燒，真係香味撲鼻。蟹肉用鹽醃過之後，微微帶鹹，加上蟹肉本身好鮮，鹹香味十足，完全唔使蘸醬料，從未食過咁好味嘅蟹。鹽焗泰國野生海花螺自以往食過嘅海螺，大小同田螺差唔多，而呢度嘅野生海花螺，尺寸同東風螺相近，係我見過最大嘅海螺。同樣係鹽焗海花螺，保留住螺肉嘅鮮甜，同時令到螺肉更加緊實。鹽焗海花螺個外殼破裂，一啖咬落，咬到大塊大塊螺肉，真係好過癮。而且食落去都唔會有腥味，完全係鮮甜嘅海味風味。油浸野生筍殼魚，炸到條魚外邊超脆入邊魚肉超滑，多汁非常鮮甜。條筍殼魚咁大條都炸得咁好食真係好佩服廚師嘅廚藝。鬼火深喉賴尿蝦，原來明廚係用炸蒜頭、豆豉、紅椒、青椒、薑粒、珍珠葉、仲有台灣鬼椒。好出奇地味道完全冇蓋過賴尿蝦嘅鮮味反而仲將海鮮嘅味道升華咗。新鮮彈牙嘅瀨尿蝦超級好食蒜蓉粉絲蒸帶子，帶子鮮甜多汁，蒜蓉粉絲增添了口感和香氣。闊少太子炒飯，入邊有好多海鮮，包括帶子、海蝦、蟹肉、蟹黃、魚翅同埋黑松露。廚師炒度啲粉粒粒分明。我平時唔係好食飯，都要食兩碗。整體而言，明廚海鮮菜品質量非常高，食材新鮮，烹調精湛。尤其是奄仔蟹和海花螺，是明廚的招牌菜，絕對值得一試。此外，服務態度也很好，環境舒適，適合家庭聚餐或與朋友共享美食。…Read More

本身住香港區，我個朋友極力推薦明廚，呢個朋友非常腌尖介紹得嘅一定有啲料到。老實講我不嬲都好怕去小炒大排檔，因為全部都用垃圾袋做枱布，坐膠櫈又冇得挨。不過呢一間真係有驚喜，雖然位置唔大但係環境非常乾淨，用白枱布，張凳仲有得嗌添啱晒我。一坐低個夥計就介紹佢哋嘅名菜，我個心笑出嚟呢間咁嘅餐廳都會有名菜佢就指咗張枱墊介紹我食涼拌花甲，鹽焗花螺同埋油浸筍殼魚，又話乜嘢水耕菜。不過呢幾樣嘢我都冇喺去過啲大排檔度食過。真係有驚喜啲花甲一啲沙都冇，味道好醒胃，有少少辣送啤酒一流。鹽焗花螺，呢個仲犀利唔知道點樣搵到啲咁大粒嘅花螺，我都冇喺街市度見過咁大粒嘅何況喺食肆。鹽焗真係好好味因為保留左海鮮嘅味道咁大粒又唔會韌有咬口幾好味，真係覺得好神奇。筍殼魚亦都做得好出色，出邊卜卜脆入邊就好滑好鮮甜。佢哋話唔係間間都有游水嘅筍殼魚食。真定假我就唔知啦但係我見到佢真係喺出邊有幾條活魚喺度。夥計仲幫我開埋條魚，啲服務態度我從未試過喺第二間大排檔度遇到咁好。水耕菜夥計話香港種值，有機唔化學肥料，食落我覺得同一般出邊食開嘅菜冇乜太大分別佢話健康啲心理上覺得好啲囉。不過我都未聽過食肆有得嗌水耕菜。下次一定會再嚟希望香港區都會有呢啲咁出色嘅海鮮小炒…Read More

星期一下午同老婆攞完身分證之後搵嘢食行到呢間又想食下清湯牛腩就入咗去試試。侍應態度都幾友善。環境乾淨企理，佢老細好似攞咗好多主席大獎擺晒啲獎項出嚟，真定假我就唔知啦。出餐都好快，嗌咗一碗清湯牛腩河，河粉好滑，湯底好友牛肉鮮味，牛腩炆得好林不過份量細啲，有一些舊蘿蔔冇查但係味道一般。因為份量細，後尾嗌多一碟炸雲吞，入面啲蝦幾新鮮，啲油唔似係萬年油，冇益味。只係細份啲，價錢都合理。食過好多清湯腩，我都比高分，值得再去幫襯。…Read More