SSSHL's Profile

雖然午飯時間下雨，但也不失雅興來到La Parole用膳。來到時侍應幫忙將雨傘放在門附近的傘筒內，並寫上枱號作識別，很細心呢！午餐包括前菜，主菜及甜品。前菜選了這個Caesar salad of the sea，沙律綠油油很新鮮，混合了多款海鮮，味道不錯！有多款主菜選擇，這個羊架Pan fried lamb chop with ratatouille and tomato sauce非常好味！點了7成熟，肉質和熟透度剛剛好，咬落啖啖肉，而最好的是肉又不太黏骨。將羊架沾上番茄汁，以及從侍應額外給予的薄荷醬，令羊架更惹味。Green Surprise真的能帶給我們驚喜嗎？甜品的確賣相佳，味道亦有驚喜！全杯也是用綠色水果製成，有奇異果，青蘋果，蜜瓜等，除了水果都好甜，好新鮮，雪糕亦好好味。食物質素，服務與價錢也合理，吃到飽飽地離開，臨離開前差點忘了拿雨傘，幸好侍應也不忘將傘拿給我們呢！…Read More

去美心飲茶就多，食晚飯就少d機會啦，同屋企人行完街，一於去試下晚飯啦~梅子排骨，一向好鐘意食用梅子煮既餸，梅子味唔太酸，排骨新鮮~ 生啫豬爽肉玉蘭煲，有媽媽最愛既芥蘭，仲有大量蝦乾，好香好味道~~椰汁南瓜燴三鮮，三鮮有蝦、珊瑚蚌同帶子，蝦好彈牙，珊瑚蚌同帶子都好新鮮，加埋甜甜既南瓜，開頭以為用椰汁煮會好怪，但係又出奇地夾到wo~甜品叫左紅豆沙，有好多大粒既紅豆，仲煮到起沙添呀~ 好有誠意既甜品!!!…Read More

見之前呢間野係D報紙雜誌賣得咁行就去試下叫左心多多撈麵, 奶油豬同紅豆冰心多多撈麵個麵身好乾, 一食落去已經覺得有少少咸, 點知愈食愈咸,好唔得 紅豆冰係史上最難食既紅豆冰, D紅豆唔係一粒粒, 係一" pat pat", 食左一啖即刻吐番出黎成杯野就好似飲緊奶咁 唯一可以接受既就係奶油豬, 夠脆不過一定冇下次, 好失望…Read More

是日夜晚經過ISQUARE見周圍都爆哂而呢度有位就試下叫左個香茅豬扒飯, 招牌牛肉雜錦湯粉同牛油雞翼個香茅豬扒飯煎得幾脆, 厚薄適中, 不過衰在成塊上要自己切招牌牛肉雜錦湯粉幾多料, 湯底味道唔錯牛油雞翼係最好味果樣, 真係好香牛油味, 炸得岩岩好, 不過食完隻碟好油, 覺得好肥...…Read More

行經呢間記得OPENRICE 評價唔差就試下要左個常餐厚多士夠脆, 好有牛油味, 個蛋好多火腿, 相對黎講蛋比較少, 不過味道OK叉燒意粉同普通荼餐廳一樣, 冇乜特別, 不過份量夠多熱奶茶好味, 好滑又唔太甜, 有機會要再試不過價錢貴左D,成$50一個, 食常餐唔太值…Read More

黎到呢度梗係叫常餐啦鮮茄牛腩湯意粉個湯底唔錯, 幾有番茄味, 不過牛腩都幾少下鮮奶油豬仔包+腸仔奶油豬好脆, 加埋奶油食好正, 腸仔應該係岩岩煎完, 好熱叫左凍奶茶以為叫得冰室嘅凍奶茶唔同D, 不過只係一般貨色不過最好嘅係坐得好耐都唔趕人走, 同坐得幾舒服…Read More

行過見到就俾佢吸引左, 決定買2球試下要左藍苺乳酪同榴槤, 盛惠 $35藍苺乳酪酸酸地, 味道太輕, 重味D會好食D反而榴槤好大味同埋甜得濟, 唔會再揀呢隻味下次要試下益力多先…Read More

得悉Panash開左cafe一直都想試下, 見有機會去食LUNCH就唔放過黎左2個餐包, 暖暖地嘅, 唔似平時有得賣果D, 幾好食主菜叫左個茄汗吞拿魚寬麵, 味道酸酸地, 都幾多料, 不過份量略少價錢一D都唔平, 短期內唔會再試…Read More

有團購coupon就去試下個地點真係好難搵, 搵左成半個鐘....:(要左一個魚一個雞我係食雞果個, 我果個一叫就到,不過黎到d野唔係熱, 我估係擺左好耐不過$28黎講唔好咁高要求我個frd果個喺我差唔多食完先黎....個魚原來唔係炸果d, 佢話個味都ok因為用2張coupon, free左個炸磨菇呢個反而係最好食果樣個ar姐態度都幾差, 我明團購係冇乜錢賺不過做得就應該要預左啦…Read More

放左工去isquare見到呢間就諗住試下見到個menu d 野都唔平, 叫左個set有飯有麵, 係三文魚定食果set個麵要左麵豉湯底, 一食落去個湯好濃, 仲愈食愈咸諗住食個飯中和下, 點知仲咸d成set野都好濃味同咸, 仲要成舊水一set...不過如果唔係咁咸個味道都唔差, 不過冇咩必要唔會再試…Read More

約了幾個朋友在元朗食飯, 上Openrice睇呢間好似唔錯就BOOK位試下一入到去見到原來地方都幾細下, 得幾張枱, 仲有一隻隻野喺度飛添...叫左芝士薯條, pizza 同 ribs個薯條唔夠ruby tuseday果d好食, d芝士好少, 好似就咁食薯條咁個 pizza 好薄好脆, 好多料, 不過有少少辣, 但可以接受個ribs唔算好多, 不過味道唔錯, 可以一試…Read More

行過IFC俾佢吸引左叫左個regular size 嘅original味乳酪Topping 要左oreo, strawberry同mochi一拎就後悔, 因為佢D Topping每一款都好多, 搞到我好難先食到D乳酪不過乳酪味道不錯, 有少少酸同唔太甜, 都食到奶味, 不過凍得濟, 好似係冰箱拎出黎咁下次食都係一款Topping就夠不過呢間得好少位, 搞到冇得坐, 下次去TST好D…Read More

同班朋友食完飯見新開就去試下叫左個OREO木糠布甸好唔得, 一"PAT"野咁, 太腍喇又甜得濟, 食到一半已經好"流", 仲要成32蚊唯有一好處就係OREO夠多見呢間野咁出名本身好大期望, 點知好失望, 冇乜必要都唔會有下次…Read More

第一次試semi-buffet 就去左帝都, 一入到去個環境睇落都幾舒服, 一坐底就去拎野食見到D生蠔即叫即開好正呀!鵝肝煎得很香, 一D都唔油牛扒夠腍, 肉味頗濃甜品BAR幾靚, 幾有格調都幾滿意, 會有下一次…Read More

得知這裏開了新的法國菜, 於是決定放工前來一試整間餐廳都好浪漫呀! 氣氛不錯, 令人好想坐耐d由於係第一次食, 我地只係叫左2個Trio (3 Courses)再share食坐下不久便上了這個多士, 多士鬆脆, 上面的餡料細問下才知是由蘿蔔製成的, 難怪食下感覺清新另外仲有麵包籃的, 麵包入面有類似果仁的東西, 不錯的配搭上前菜喇!! 我地分別點左魷魚同鵝肝燉蛋,魷魚看下去很厚身, 以為會頗硬, 但是咬下去反而很彈牙, 啖啖肉, 都幾意外, 好快就俾我地食哂鵝肝燉蛋好好味呀, 是日最愛, 鵝肝真係完全融入左燉蛋入面, 每一啖都充滿鵝肝味, 加埋燉蛋的滑, 一個字, 正!!而主菜叫左牛柳配Risotto同海鮮Pasta呢個牛柳很軟身, 很有肉味, 配上紅酒汁很夾, 而Risotto也不錯, 不過個人認為硬身一點就更完美海鮮Pasta有蜆做伴碟和帶子做配料, 帶子鮮甜, 個Pasta同出面食的不一樣, 較煙韌, 再加埋摰愛嘅creamy汁, 簡直畫龍點睛呀!而甜品就係Apple Crumble 同PancakeApple Crumble 似是啱啱焗好, 好脆, 仲會食到一片片嘅蘋果肉, 很有層次感Pancake很驚喜, 上果時waiter加些酒再點火, 嘩!!好靚呀!!成件藝術品咁!!最後叫埋杯熱朱古力, 很滑同很濃郁的朱古力味, 同沖果D差好遠, 感覺難以忘懷!!食到好飽呀!!非常滿足的一餐!!值得推介!!!…Read More