cc kelly's Profile

幾鍾意呢度坐得舒服，幾乎全卡位有返d privacy，入面仲有大圓枱，約一圍人食都冇問題😊另外就係鍾情呢度性價比好高，晚餐小菜，跟飯、湯、熱飲，好多鑊氣小炒、高質素好好味話時話，姐姐勁好，知我哋叫3個小菜，但唔食咁多飯，佢主動提議將原本$148嘅雲吞雞鍋餐，改做$128淨小菜，多咗$20就可以升級飲到燉湯，真係要多謝姐姐😬雲吞雞鍋半隻 $128砂鍋雲吞雞鍋，一上枱比佢嘅size嚇親，好大鍋🤣鍋大之餘，內裏都貨真價實，用料十足， 足半隻雞，令到湯頭充滿清雞香味，雞件亦十分之嫩滑，雲吞好正，大大粒，兼爽口彈牙。碧綠龍躉球 $118龍躉炒球火喉十足，用料新鮮。平時打邊爐都鍾情龍躉，依家炒西蘭花，啖啖肉得嚟魚味濃郁，魚皮煙韌；而西蘭花就吸收龍躉精華，清甜爽脆。椒鹽虎蝦 $118見openrice食評大讚呢度嘅小炒風味，所以特地揀呢個椒鹽虎蝦，果然很有大排檔風味👍🏻上枱見到個樣就知對板，滿滿的避風塘料子，令蝦身佔滿蒜蓉辣椒香，加上外層炸得酥脆，真係殼都唔使剝，直接一口咬下，增份外滋味😋燉湯 +$10估唔到冰室都有提供燉湯，好彩姐姐嘅細心安排，小菜套餐加十元就可飲到，推介大家一定要試下。今日這款淮山雪梨燉雞，一開蓋陣陣清香，湯料完全溶入，飲落清甜不膩，值得一試。凍檸蜜 +$3餐包熱飲，凍飲加$3，特飲加$9，最後點了凍檸蜜作為這餐的總結， 醒胃提神。…Read More

越南餐廳嚟講，我哋都比較鍾意「錦麗」，一嚟它係米芝蓮2023 & 2024 必比登推介，二嚟真心覺得性價比高，用料新鮮又抵食！而且上環碼頭呢間錦麗招呼好好，環境唔錯，坐得舒服。呢個經典扎肉法包係新產品，所以係我哋今晚必點item。poster介紹有足12大餡料，連飲品都只係 $57，出面呢個價淨係普通有餡法包都唔得，仲切埋上枱真貼心。法包軟硬適中，餡料十足，12種不同食材刺激味蕾：其中肉鬆、豬肝醬味尤其突出， 入口時咁多食材融為一體，堅好食喎。香茅咖喱豬扒飯 $88朋友話呢度咖喱唔錯，果然掂！咖喱用碗滿滿的另上，入面有薯仔、蕃茄仔，咖喱味香濃，配上炸豬扒，好味。越式火車頭金邊粉 $95好耐未試過咁有份量嘅越式火車頭，單看賣相就知用料十足！如果你係好牛嘅食客，一定要點呢款火車頭，用牛骨湯撈製湯底濃厚，牛丸多汁，牛筋軟腍，牛腩味濃，半熟牛肉爽口， 適合一眾牛魔王。另外不得不提係扎肉都好正宗，值得推介。呢度晚餐可加最多3款小食，得意之處係愈加就愈抵/低價，所以我哋決定加爆它😆1. 越式蒜蓉牛油雞翼(2件) $27一上枱那股新鮮的牛油蒜蓉已先入鼻，香到不得了！真心推薦呢款當年紅極一時的經典雞翼，食咗先講😬2. 越式蔗蝦(2件) $21彈牙得嚟又爽口，大大條，調味剛好。3. 椰青·斑斕椰汁糕(2件)$14心心型嘅兩件甜品，已經吸睛。椰青味入面有真椰肉之餘，仲有淡淡椰青水味；斑斕椰汁味濃郁，鍾意入面有去皮綠豆粒，增加口感，兩隻味都好食！大蝦扎肉米紙卷 (2件) $44米紙卷係越南菜必食，清新嘅蔬菜味道，加上有大蝦同扎肉，平均返整體，點埋醋食，食完好似開胃咗，繼續食食食😂越南滴滴咖啡(凍) $9又係指定動作，必飲的！等它慢慢滴完，再沖落d冰度，練奶凍啡，另一番風味啊⋯⋯只係加$9就飲到正宗越式咖啡，唔係要諗丫嘛！清甜甘蔗汁(熱)好少餐廳飲到甘蔗汁，唔太甜，趁熱入口，為呢一餐添圓滿。咸檸檬青檸水(熱)咸檸檬醒神開胃，加埋青檸，鹹鹹甜甜的味道更加清新。…Read More

呢間臺坊平時好多人排隊，因為它嘅menu係全日都一樣，而且一樣咁大份，所以想輕鬆d，就避開人潮嚟食😆肉燥炸豬扒藥膳米線$68呢度必食：炸豬排！欣賞佢勁貼心，將豬扒另外搵隻迷你鐵板裝住，再放吸油紙係底，like！比個近鏡塊豬扒大家睇睇，乾身、簿粉、勁大塊，第一啖真係索索聲，勁脆口😬豬扒本身都餣咗，夠哂底味，同埋堅啖啖肉，又唔會成口油油的，正！另外嘅肉燥藥膳湯米線，都好出色～藥膳湯底清清地，配埋d肉燥一齊，好夾，好味。鍾意d肉燥肥瘦適中，調味亦剛好，估唔到撈湯 & 米線一齊食，又另一番風味🥰香芋珍珠奶綠 $12加$12就有呢杯本身$26嘅香芋珍珠奶綠，亦有好多地道台灣特飲，好似檸檬愛玉、經典珍珠奶茶，呢度嘅飲品做得好出色架。呢杯香芋飲落係有d厚身嘅口感，同埋好香芋頭味；加上點點茶味，同埋d煙煙韌韌珍珠，真心飲完再想飲🤭題外話，係呢個位見到成大袋25kg嘅珍珠米，重本製造，難怪d飯咁好味。…Read More

呢排落雨落到有點煩躁，想避下雨，同友人搵到呢間樓上cafe chill & hea下，唔覺意過咗2粒鐘，加上openrice訂座有折，真心抵！上到嚟覺得環境舒適，傾計食飯一流～西班牙咖啡呢杯變奏版affogato，係美式咖啡配雲呢拿雪糕，可以揀美式黑啡 or 奶啡底，已經有一大球雪糕，揀咗美式啡底～咖啡有驚喜，又香又滑，一點都不澀不酸；雲呢拿雪糕溶落d咖啡度，就啱啱好，甜甜地、奶奶地😊黑松露帶子鮮菌燴意大利飯一擺低就嗅到濃濃嘅黑松露和蘑菇香味～燴意大利飯，一個字形容曬，掂！兩個字，好食！小粒帶子，但份量勁多，幾乎每一口都食到一粒🤗另外，也好多菇菌，軟淋淋咁，好好咬。d黑松露、菇味滲哂入d飯，而且唔需要多加其他調味，已經好香好正。😂田園沙律鮮甜爽脆嘅羅馬沙律蔬菜，真係食到索索聲架～加上日式芝麻醬，咁嘅配搭，冇得輸。藍莓芝士蛋糕雖然有雪糕食，都想食埋蛋糕，於是我哋share一件藍莓芝士蛋糕🍰芝士味剛好，而且係實果種芝士蛋糕，啱口味👏🏻…Read More

好肚餓，只想食泰國菜，見到openrice d食評唔錯，就到來試試☺️燒春雞香茅黃飯 $228細細隻春雞燒至金黃，皮香！雞肉入面包著香茅黃油飯，雞油仲滲透入飯，而且切開還熱氣騰騰！雞肉焗過但仍嫩滑，還配上泰式沙律，是令人高舉拇指的飯！馬拉盞通菜 $88通菜食落就知新鮮，揀馬拉盞，因為那滿滿的小蝦乾，吃下去馬拉盞鹹香味四溢滿瀉，十分惹味。菠蘿咖哩蝦 $138見到圖片係原個菠蘿上枱，估唔到成個餸係咁滿滿的！咖哩蝦配上泰式雜菜墊底，咖哩的椰香味濃郁且辣度適中，與蝦非常搭配；重點：記得不要浪費甜甜的菠蘿肉。雪糕芒果糯米飯 $68泰式餐廳大部分都有芒果糯米飯揀，呢度有呢款配合傳統美味，又特別嘅芒果糯米飯～熱騰騰的白糯米墊底，鮮甜芒果再加上清新嘅雪糕，值得一試。…Read More

又食水門雞，因為有外地朋友嚟，住係附近酒店，話經過都見排哂長龍，仲話見到有兩間，問我哋係咪同一樣？唔使問，就帶佢嚟親自試下呢間泰國名物🥰剩係尖沙咀都有兩間分店，都幾多人食，好彩都快等到位，坐低即刻scan QR code，午餐主食包飲品，船麵就散叫，冇餐飲，友人想飲手搖，於是叫一個招牌水門雞飯餐+麵+甜品，yeah！平時都係食水門雞，冇留意到呢個「金牌胡椒豬什粉 Pork Giblets Noodle」$48。要咗金邊粉，可以加價多幾樣餸，於是加雞絲 & 豬潤。成碗粉就算唔加料，都比想像大，一個人食夠哂飽；加咗餸就不得了，簡直係外面兩碗嘅分量！粉腸超！級！正！軟軟的，淋淋的，似炆餸咁整到入哂味，如果可以加錢加餸，一定要追加呢。豬潤亦處理得宜，有薄有厚，但亦都嫩滑；炸豬皮脆卜卜，要趁未浸軟快食。話明胡椒豬什，真係不得不讚個湯底，好重胡椒味，好微辣，但好香，勁似胡椒豬肚湯，忍唔住飲咗大半碗😆芒果糯米飯 Mango with Sticky Rice $58依家買水仙芒都唔平，而且唔擔保甜，見呢度才$58就食到芒果糯米飯，試試先～嘩～兩大塊芒果肉，厚切的！睇色澤都feel到佢甜，果然係又香又甜🥳糯米飯配椰汁，又係prefect match，成個甜品好出色，泰抵食了！…Read More

👏🏻👏🏻3-8婦女節有人話食請lunch，想食日本野，近近地嚟呢間八居酒屋，呢度嘅午市套餐好多選擇，揀咗蒲燒鰻魚丼，連麵豉湯、茶碗蒸、漬菜HK$ 88漬菜係兩片白蘿蔔，食到中間諗住酸酸地清一清味蕾，點知一食超驚喜，蘿蔔好淋甜，帶少少漬味酸，醒味！好好食！茶碗蒸一滑入喉；二多料，小小一碗有蟹柳、雞肉、菇，勁足料；三剛好的調味，似食緊滑滑豆腐花嘅雞蛋版😛麵豉湯又係勁多料，好多海帶、油揚條，鹹度適中，趁熱快飲😂蒲燒鰻魚丼，兩大片厚燒鰻魚，香噴噴，熱辣辣咁嚟到～睇到鰻魚真係帶點燒烤嘅樣子，啖啖肉，連埋秘制鰻魚醬汁，正！鰻魚底下嘅日本米，一睇就知好食，同埋好大碗呢～呢碗鰻魚飯足半條鰻魚，仲咁厚肉，$88好抵食🤤每個午餐都可追加小食，我哋加多客日式炸雞（2件)$28，睇吓件雞肉好大，炸得好好，唔會成口油，又啖啖肉🥰

本身想試自家沖製嘅烏龍王，但見有白桃梳打，就轉軚了🤭因為白桃真係至愛，加$18，好大杯，比平時加$3果d餐廳凍飲，多1/3分量，而且夠凍夠爽，呢餐食得好飽，好滿意的一餐，掂！
…Read More

過咗年想搞下d花，就去太子花墟逛逛，買買買之前，梗係食食食先🥹係太子呢頭邊行邊睇，想食粉麵，見到雲吞仔下午茶有85折，㩒一㩒計數機，原本$45嘅A餐，折實$38，超抵呀！咁就食雲吞麵🤗！入到嚟詳細d睇下menu，雙拼+多個菜，85折咗$53；雙拼之餘，見隔離枱個撈粗好靚仔，太難揀啦😂最後揀咗鯪魚球+招牌雲吞+撈粗+凍檸茶估唔到撈粗跟咁大碗湯，即刻飲一啖，對板！熱辣辣，d葱好香，勁新鮮，湯頭甜，冇味精，掂！飲下飲下，隊哂成碗，仲清埋d香葱。招牌雲吞唔使多講，見店員係度密密包，呢頭包，果頭煮，鮮味足；開半睇睇，原粒🦐+少少豬肉，薄薄嘅外皮，一咬d肉汁流出，勁好食。鯪魚球好出色，一睇就知係新鮮手打，同機造的不同。食落有芫荽，香味提升；要撻到起膠先夠爽彈，呢啲一食就知，呃唔到人，真材實料，介紹大家必食。😬見到撈粗O咗咀，咁大碗嘅🤭原來撈麵要加錢係有原因，呢度起碼兩個餅麵，勁多囉，食完飽到晚餐都唔使食。大碗得嚟，撈粗就咁撈、浸湯、點醋都好食，抵過普通一碗湯麵喎😂…Read More

一路都以為佢啲手工漢堡60零蚊，只係細細個，但頭先見到其他人買來食，原來比連鎖店嗰啲50幾蚊嘅安格斯大一倍，而且個樣好靚仔，就買來試吓先😋手工芝士菠蘿黑毛豬漢堡$64嘩，不得了，真係好大個，睇見餡料好豐富，有青瓜片、蕃茄片、芝士、黑毛漢堡扒、菠蘿片。因為實在太大個，一啖咬唔晒，要分層食，發現嗰塊黑毛豬扒竟然比菠蘿還厚，呢個價錢賺咗，笑咗。黑毛豬好Juice，啲肉汁好甜，連菠蘿都有輕輕煎過，太有誠意了👍🏻👍🏻而且中間有類似芥末定酸青瓜醬，加上菠蘿&黑毛豬，超級match，好味道，大推呢個黑毛豬漢堡。日式紫薯甘粟薯餅 +$22 order夠$30，可以加錢配一個小食同嘢飲，平時好少見到紫薯批，於是揀咗呢個小食。食開薯仔批，第一次食紫薯批，大大塊，炸到外脆內軟綿綿，估唔到咁好味。…Read More

厚福街小黑糖成日都好多人，但好彩唔使等好耐，今日想飲凍小黑糖珍珠厚鮮奶$35，鮮奶類可以揀少甜、但係冰冇得揀果然係招牌，鍾意呢杯4.3鮮奶，好香好滑好正；鍾意呢間d珍珠細細粒、煙煙韌韌、最正就係食落少少甜；加上佢用黑糖，清甜唔膩，所以我呢杯揀咗微甜就真係淡咗少少，recommend大家at least都揀半糖或正常甜度🤣🤣。朋友揀咗凍百香果多多綠茶$29，少冰、少甜，百香果一飲就香氣撲鼻，加咗多多令到味道更加豐富，而且成杯飲品變得酸酸甜甜，好好飲，很醒胃呢～小插曲：等緊杯野飲時，嘩，見到成地珍珠，原來有人唔小心跌咗杯野飲落地；原來小店咁豪，每杯飲品有咁多珍珠🤭；其次店員立即清理、並再整過另一杯比客人，咁貼心又反應快，真心讚佢哋👍🏻👍🏻👍🏻…Read More

睇戲前想食少少野，食得太飽驚瞓著；見comment這裏的卷物出色好食，嚟食d野當early dinner就夠哂；甫坐低就嘟code order，寫明即整，都等咗一陣。幾鍾意這餐店，杯、碗、碟都好靚，擺低成壺茶，好方便，讚！柚又蝦你沙律 幾欣賞老闆將 menu玩食字，創意搞笑之餘，又明白係食什麼東東☺️這柚子蝦沙律，好好好多料：有甜蝦、蟹子、沙律菜、海草、車厘茄、牛油果、蘋果、柚子、柚子汁；而且份量巨大，夠二至三人share。沙律菜夠新鮮，食到索索聲😂😂整個沙律醬汁調得好味，酸酸甜甜外，又帶點麻香👍🏻混合所有食材好夾。金龍卷各自揀咗心儀卷，我鍾情三文魚，見到呢張相嘅金龍卷唔錯。一上枱就嘩，它圍咗個圈，好似盛放緊，好靚😍細心地切得細細件，易入口；面頭鋪了三文魚，入面有炸蝦、芝士，賣相不俗之餘，有魚有蝦，好豐富呀。蜘蛛友人見「蜘蛛」這名很得意，相片吸引，原來是炸軟殼蟹大卷。軟殼蟹一整隻鋪係入面，加上有青瓜、牛油果、蟹柳，令到這卷物好fresh，唔好睇少它，食落好飽肚，兩人share就啱啱好😊整體食物質素好好，環境一流，店員有禮，很舒服呢～…Read More

呢間龍城冰室旺過旺角，窗口仔賣麵包長期有人買緊，堂食常滿，所以成日外賣；今日趕住食完飯上堂，乖乖排隊入座，好彩都勁快有位😎晚餐有呢個齊集我至愛，唔使點諗lu⋯⋯芝士蝦球燴伊麵伴西蘭花 $98一碟伊麵，有芝士西蘭花及芝士蝦球，大廚炮製呢個組合真好！唔好睇少呢個平民版芝士蝦球伊麵，蝦球堅大粒，隻隻蝦都手指公咁粗壯的！🤣🤣超級啖啖肉。同埋d蝦已經醃咗味，加埋芝士汁，香噴噴，夠惹味。而且芝士汁絕對對板，撈伊麵真係一流，好好食呀。平時食飯見到芝士焗西蘭花都會嗌，今次嘅芝士西蘭花雖然無焗過，但西蘭花點芝士汁，都係咁正！推介丫。羅宋湯呢個紅湯好飲喎！一嚟足料煲、二嚟無溝到水汪汪，堅香濃，連d煲湯料都食哂，乾了！哈哈....熱檸茶茶底清新，唔會澀，檸檬片又夠多，呢度果然出手豪爽，野食大大碟，麵包大大個，野飲都大大杯，性價比超高呢～…Read More

燕窩蛇湯海鮮節瓜盅套餐老闆娘極力推介，四季適宜嘅套餐，有燕窩蛇湯、配蛇王芬臘腸蟹肉蛋白炒飯做主打，這個組合果然是養生之選。蛇湯配合玫瑰、燕窩，味道清新優雅，臘腸蟹肉炒飯一人份量剛好。老字號臘腸值得推介，脆身而且味濃。海鮮炒河河粉炒得乾身，鋪上滿滿嘅海鮮；配上店家提供的辣椒油，可口開胃。杏仁無花果燉豬肺湯豬肺湯不是很多店鋪有提供，呢度的白肺湯很值得推介，它提供的豬肺份量多，湯頭清香豬肺香濃。潤腸香煎鯪魚角用炒蛋配合潤腸及鯪魚肉蓉，份量十足！上枱時已聞到陣陣潤腸油香味。而且很少見到呢個餸，worth a try ar！…Read More

一開lift門，30樓高，飽覽哂半個香港，果然吸睛🥳靚仔哥哥話可以上多一層到天台睇睇，一上到去不自覺地：好靚丫、好靚丫！因為真心正！真心chill！八卦完落返樓下開餐，發現lunch set全包，係最抵！大家記得有set叫set呀😎呢度嘅靚景，加上美食，同埋朋友仔，及酒精，簡直大滿足！性價比超強💯💯💯自家醃製洋蔥西班牙火腿田園青瓜沙律洋蔥係自家醃製過，連最怕食洋蔥嘅朋友都大讚！醃製完冇咗果種辛辣，多咗份爽甜味，like ar！唔好睇少呢碗沙律好似細細碗，但內裏勁多沙律菜、青瓜仔片，新鮮嘅材料，配上醋醬汁，酸酸甜甜，好味到秒清左成碗沙律😬慢煮西班牙豬鞍紅酒香草汁 $198啲人成日話慢煮嘅嘢食，唔係高溫猛火處理，所以煮出嚟會特別滑特別淋！呢塊西班牙豬鞍好厚身、好大塊，當切落去嘅時候係軟綿綿，已經流晒口水～食落真係超正！肉質好滑、好入味。d伴菜亦非常出色，尤其薯仔粒，炸到外脆內軟，一口一粒，剛剛好。西蘭花、椰菜花等等嘅蔬菜都整得入味，鍾意食菜嘅就啱哂！椰菜花蘑菇忌廉湯是日餐湯：椰菜花加上蘑菇、忌廉，變成濃厚嘅西式湯，呢個素菜配搭，飲落竟然有點周打海鮮湯味～真神奇，又好好飲！飲住湯仲有包食，一隻蕃茄包、一隻香草包，連麵包都有兩款，真心鍾意呢度每樣嘅細節💕💕麵包香口，充滿蕃茄味 & 香草味～菜脯野菌腰果紅菜頭炒飯 $168 (lunch set)本身幾期待呢個紅菜頭炒飯，佢冇蛋炒，但都好香口，因為有腰果粒、芝麻粒～紅菜頭、菜脯、野菌都切成小粒粒，加分！而且落咗紅菜頭汁煮成個飯，營養加分！而且係用珍珠米，好有口感，食到尾都keep住咁好食。慢煮三黃雞卷配普羅旺斯雜菜 $178 (lunch set)三黃雞啖啖雞肉，完全唔肥，煮完外皮爽滑，雞肉嫩嫩多汁。普羅旺斯雜菜亦十分特別，d雜菜混和蕃茄，似燉咁燜煮，mix埋雞肉食，prefect match，掂！開業優惠：送甜品😬其實佢只係呢度新開一陣子，之前係另一個位，live band & bar依舊。食完咁豐富嘅一餐，甜品係必須的～今日係三小杯蛋糕：雜莓、芒果、tiramisu！三杯都好味，可以encore就好了🥹1664啤酒🍻呢個天氣，呢個環境，嘆番杯先🍺只想講：呢度連隻杯都型d😂…Read More

呢度嘅下午茶餐係主食配田園沙律或者薯條，加飲品，抵食。炸大雞髀 配薯條 $42嚟呢度食炸雞髀，佢即叫即炸，預10分鐘吧。雞髀本身好厚肉，炸完唔乾，仲好juicy！而且脆卜卜，好好味呀。氹仔風味豬扒包配田園沙律 @38覺得呢度啲麵包好正，咬落軟綿綿，烘過又帶點脆身，配埋豬扒一齊食，正！加上呢個豬扒包入面有蕃茄、生菜、沙律醬，食落整體又新鮮又啖啖肉，好食！香烤雞扒包 配薯條 $38另外仲叫埋雞扒包，雞扒本身已經醃好味，又厚身；雞皮亦煎到好香脆，忍唔住大啖大啖食🤭每個茶餐都跟田園沙律或薯條，所以揀晒兩款試一試先。田園沙律主打蔬菜，似意式沙律：有羅馬生菜、車厘茄、芝麻醬，啲菜好新鮮，想fresh d呢個沙律係不二之選。煉奶一口西多士 $32一客西多士有六大件，每件都係厚多士，所以好抵食。鍾意呢啲西多士有煉奶味得嚟又唔太甜，而且面頭炸得微脆，好香口，真係一件又一件接住食。即磨咖啡，邊飲邊聞到陣陣咖啡香，大推！檸檬茶底好香濃，一杯有4、5片檸檬，掂。…Read More