myron_c's Profile

今日喺新翠食完飯又口痕想食甜品, 於是入凱施望望下就見到呢隻雞蛋焦糖布甸, $13一樽, 雖然唔係好大樽, 但都夠我止到甜品癮了. 返歸之後即刻開黎試試, 咦, 好OK喎, 布甸黎講口感一定要好滑溜先至正啦, 呢方面係PASS既! 口感真係無敵嫩滑~買嗰陣見到樽布甸有一點點黑色野, 本身想叫個阿姐換過樽比我, 但佢解釋呢D黑色點點係雲呢拿籽, 杯杯都有既. 確實食既時候真係有陣雲呢拿香味! 同時都食到雞蛋香味~ 味道唔錯吖!最重要係又唔會太甜, 我諗住間唔中都會買黎止下甜品癮!…Read More

早排有個周日去左呢度食午餐, 叫左個牛肉壽喜鍋定食 $64, 跟前菜和飲品或麵豉湯, 我就揀左飲品. 開頭見佢MENU冇寫有白飯, 以為牛肉壽喜鍋入面有烏冬, 點知黎到先發現原來係跟碗白飯的..不過唔緊要啦, 個白飯質地都幾軟熟~ 前菜係中華沙律, 普通貨色啦. 個主角牛肉壽喜鍋都唔錯, 入面有好多牛肉,  牛肉質地都幾好, 冇乜韌的部份, 除此之外就係一般會有的豆腐, 金菇, 大蔥, 一隻半熟蛋, 鍋底仲有少許粉絲墊底,  午餐來說都幾豐富的.  而湯底都整得OK, 都係一貫既甜甜地的壽喜湯底~ 不過食多一陣就覺得有點偏鹹~另外, 仲加左$12叫多個小食土佐豆腐, 呢個小食就麻麻地啦, 佢好似連埋D 木魚一齊炸...怪怪地咁...味道都還可以既. 反而呢度杯凍檸茶幾好飲! …Read More

大圍差不多間間餐廳在星期日lunch time都要排隊, 唯獨好似呢間仲未坐滿...但因為想食日本野, 又見佢Lunch Menu選擇不少,所以都試下呢度既Lunch啦!我叫了客"金菇牛肉豆腐鍋配白飯", 價錢$58, 星期日要另加一.  等了一會就有得食, 賣相不錯, 牛肉是肥牛, 送上來時有少許還未全熟, 所以即刻浸返落湯底熱熟佢. 三款主角金菇,牛肉,豆腐份量都不少, 尤其是金菇, 有三大梳, 豆腐也有三大件. 豆腐好滑, 肥牛質量都不錯! 鍋底仲有少許粉絲墊底, 都幾豐富!! 湯底都弄得幾好吃, 甜甜地, 雖然都幾油膩 (可能是肥牛關係), 但味道幾香濃的. 至於白飯, 米是珍珠米的, 不知是否正宗日本米, 但我覺得質感麻麻地, 唔太軟熟 有些少硬. 如果碗飯好食些, 這個餐會更好的.服務來說, 店面主要有兩個人, 一個後生的女侍應服務幾好, 幾nice!但另一個似係老闆娘的阿姨年紀的女人就認真麻麻....佢既態度有D趕客..…Read More

近來好似好興呢款雙層芝士蛋糕， 所以尋日經過半熟工房就買一個返去試下味！這個蛋糕標榜用日本北海道忌廉、北海道芝士同九州雞蛋製成，切開蛋糕入面有兩層，上面係乳白色既忌廉軟芝士蛋糕，下面係淺黃色既烘焙芝士蛋糕，層次鮮明.  兩層都有明顯不同的味道和質感，首先上層好有牛奶忌廉香味，帶有輕輕芝士味，有啲似雪糕mousse質感，口感輕盈又好幼滑. 而下層則芝士味好濃郁，我覺得個味有啲似之前食過既一款超香濃的車打芝士薯片 質感濃厚creamy啲，口感厚滑！ 呢個蛋糕最正既地方係試一啖就可以食到兩個口感層次， 仲有層薄薄地鬆軟既海棉蛋糕墊底，蛋香味濃.蛋糕整體甜度控制得宜，沒有過甜膩口的情況出現，口感輕軟細膩，有種入口即化既感覺....個人認為好值得一試！…Read More

早排有次睇完戲餓餓地..走左入去許留山食個宵夜, 叫了一客蘿蔔糕, 一客XO醬蘿蔔糕 和 一個類似紅豆冰的甜品(忘記了名字)..類似紅豆冰的甜品味道正常, 入面有椰汁, 小丸子, 紅豆蓉同埋蘆薈粒, 凍冰冰食落都好解暑. 而蘿蔔糕一客有兩件, 上枱時很熱, 但一食就知道唔係即煎, 而是翻叮的, 蘿蔔糕質地好散, 口感好"削".. 不過味道都正正常常, 入面有些冬菇蝦米..還是可以接受的.不過XO醬蘿蔔糕就真的令人好失望了.... 一見到賣相咁肉酸已經唔想食......我未曾食過XO醬蘿蔔糕是這樣的..純粹是把蘿蔔糕切粒再在上面放一些我估計是XO醬的東西.....差...非常後悔order了這個...下次如果再幫襯許留山還是飲杯野算了.…Read More

下午茶時間，食咗牛骨湯底豬扒薯粉配凍檸蜜，個牛骨湯底幾好味，夠香濃但又未至於會太鹹，入面仲有白蘿蔔添，蘿蔔入晒味，估唔到個亮點是白蘿蔔！而塊豬扒都唔細塊，如果另上會更好，因為浸在湯上塊豬扒都林晒了！雖然是下午茶，但薯粉份量都唔少，不過因為本身都加左唔少蒜片，所以整碗粉蒜味都幾重，如果唔鍾意蒜味的話就未必啱了～ 而我自己就唔抗拒蒜味所以都OK的!而成餐唯一最差就係杯凍檸蜜。。勁甜！飲左兩啖就頂唔順了…Read More

今日LUNCH食左呢個FOOD COURT入面其中一檔叫"Little Birdie", 平時有食呢間的沙律, 今次試下漢堡沙律餐. 沙律份量都幾多, 有多種唔同既菜, 望落都應該新鮮既. 薯條係剛剛炸起, 香脆熱辣辣, 一定正啦, 如果比多幾條就好啦. 漢堡包入面夾住塊幾厚身既牛肉, 係熱既, 好味又幾juicy, 麵包亦軟熟, 整體味道都幾OK!成個餐$45算唔錯喇, 呢頭附近既西餐廳食個類似既餐要成$80-90. 加$5仲有支果汁, 下次都會再食.…Read More

正當在太子周圍行行行睇緊有咩好食嘅時候，眼前見到呢間貌似幾舊式嘅上海菜館，感覺會幾好食就入去試下了！叫了青菜煨麵，小籠包，煎餃子，三樣都幾好食！青菜煨麵:估唔到一碗咁簡單既青菜煨麵味道都幾好~ 整碗都有青菜的香甜味~感覺清新~用的麵應該是上海幼麵，麵質偏淋但不糊口，唔錯!小籠包:雖然小籠包塊皮可能唔算太薄，不過個餡又幾好味，食落口都唔會覺得厚皮。可惜因為小籠包皮互相黏住，夾起來時都好容易就弄穿了。。有兩隻的精華湯都因為咁而流走了煎餃子:煎餃子好好食！即叫即煎，熱辣辣勁香！塊餃子皮煎到金黃香脆，但食落又唔覺得油膩，入面的菜肉餡都好味，好juicy 一啲都唔乾!今次兩人吃飯叫的款式唔多, 下次都會再嚟試下其他款!!…Read More

好耐冇食過金仔米線, 今次路經太子原來呢邊有一間, 入去食個米線TEA. 都係照舊食"重慶酸辣湯底"(小辣), 揀左其中一款下午茶餐:豚腩肉玉子豆腐米線, 計埋凍飲都係$27, 唔知點解呢個餐特別平, 其他下午茶餐都要三十幾蚊.配料和米線份量都幾多, 比想像中既下午茶份量要足, 湯底依舊好味, 米線彈牙, 豚腩肉薄薄一片幾好味, 玉子豆腐都係咁啦. 可惜原來佢地而家既米線只係賣中午和下午(4點前要落單), 晚市只做雞煲. 如果唔係夜晚都可以食啦!都係果句, $27有兩餸米線包野飲真係算好抵.…Read More