WingCy5455's Profile

今晚放工又同老婆出街拍拖食飯，之前係附近食完飯見到這間蕃茄湯麵，同埋大部份以墨魚為主打，所以今晚就過黎試下。 椒鹽魷魚鬚 : 外面沾了粉炸到脆卜卜，粉不太厚，有咬口，味道咸香，不會太膩。腐皮墨魚卷湯麵 : 有4條墨魚卷，外層香脆，墨魚膠彈牙，湯底好香濃蕃茄同黑胡椒味，麵條都有蕃茄味，好好味。 (湯底有四款可選擇；麵餐跟一杯野飲) 隊長肉餅炒蛋飯： 肉餅肉質鬆軟，但炒蛋炒得過火，好乾，如果係炒滑蛋就完美喇！(飯餐跟一杯野飲) …Read More

星期日同老婆行完花園街已6點幾，而且個肚開始打鼓，便上網查下附近有咩地方可以醫肚，睇左幾間就揀左呢間位於洗衣街既coffee talks. 餐廳裝修簡約，坐位之間好窄，但行完街好累，坐係張梳化櫈度仿如有家的感覺，好舒服。我地叫左一碟意粉，一個pizza, 一款小食和一壺茶。 忌廉汁煙肉蘑菇意粉 : 有好多煙肉，唔太咸幾好食，意粉都好彈牙，煙煙韌韌, 個汁好creamy香辣肉腸蘑菇薄餅 : 好多芝士同蕃茄醬，餅底薄脆，好味香辣雞翼 : 雞翼熱辣辣，好多肉汁，個辣汁好惹味同夠辣，食完個咀慶恰恰檸檬疆茶 : 好重疆味，好辣；個人不太喜歡飲疆茶，係老婆想飲才叫，同埋有得refill…Read More

今日放假又係自己一個人食lunch, 突然想食咖喱，便去左荔枝角吉x 島這間coco壹番屋食日式咖喱，因已好耐無黎食了，款式多了好多，真係花多眼亂，最後點了個照燒雞肉咖喱飯，加錢可轉套餐 (有迷你沙律、湯、雪糕、飲品4款任選), 加$18 可任選2款，加$23 任選3款，加$28 就有齊4款；我一個人食選2款就夠了，選了飲品(凍檸茶) 和雪糕照燒雞肉咖喱飯 - 雞肉好林，但雞皮都林，唔脆口；咖喱汁超多，好香咖喱味而不辣，岩晒唔係好食得辣既我。士多啤梨雪糕 - 有一小塊威化餅做伴碟，都幾脆，雪糕裡有士多啤梨肉，食到最底還有幾粒餅仔，好好味凍檸茶 - 茶味幾濃又大杯…Read More

昨晚和家人出去食晚飯，路經見到貓貓黑板寫既餐牌，便停下來看看有咩食，見到都幾吸引同埋價錢唔貴，便行入去試下；如果不是幢個貓貓黑板餐牌係路口，這店根本不起眼。店舖細細，只有廿幾個位，但都坐得很舒服，沒有擠迫既感覺；服務員態度友善和好有禮貌；食物方面雖然選揀不多，但價錢唔貴。 特式湯麵套餐$38, A-E (選一款) 配 1-6 (選一款), 送冷/熱柚子茶或涼茶一杯，加$5可轉各式飲品，加$10可轉各式特飲；加$8可配油菜；套餐加$15可配熱既小食，加$10可配冷既小食 (任選三款); 還有每日精選小食。馬拉白咖喱湯烏冬配秘製豬軟骨 - 本人點了這碗，湯底很淡，無乜咖喱味，豬軟骨好林好入味，就未至於入口即溶，烏冬夠彈牙，仲有豆腐卜同白蘿蔔做配菜，整體都幾好味。九州豬骨湯拉麵配沙嗲肥牛 - 這碗是外母點的，我唔好意思夾佢d餸黎試，所以唔知味道如何，但聽佢講d肥牛都ok, 豬骨湯底好濃。九州豬骨湯拉麵配酥炸豬扒 - 這碗是小姪女點的，豬扒炸到好乾身，但又不油膩好林。韓式芝士撈麵配雜丸(墨魚丸，貢丸，魚片) - 這碗是老婆點的，成大塊芝士比你自己撈，好邪惡呀！ 麵係拉麵來的，好彈牙好有咬感，丸無乜特別，d汁有少許微辣，好好味油菜 - 有兩款菜可選，菜心或生菜，我地揀左菜心，都好新鮮。黃金炸饅頭 - 炸到外脆內軟，點埋鍊奶好好味，細細件岩晒做飯後甜品。流沙芝麻球 - 同樣炸到外脆內軟，咬落去煙煙韌韌好彈牙，裡面是奶黃流沙，超好味什果芒果梳打 - 好濃芒果汁味，有很多什果爆珠什果梳打 - 都係有好多什果，爆珠煙韌好有咬感。…Read More

每次去荔枝角吉x島經過都好想入去食，但每次都係食飽飯先去；今日難得放假終於可以去食個午飯，大約下午兩點去到唔使等位；店內地方好大，坐位闊落，坐得好舒服。 打開餐牌一看，雞全部都係雞 , 如果唔 like 食雞既朋友就真係無其他選揀喇，因只有獨沽一味 "炸雞"; 我一個人點左個鐵板南蠻他他醬炸雞定食和3隻香炸雞翼，落單唔使10分鐘就上枱。鐵板南蠻他他醬炸雞定食 - 有4件炸雞，跟一碗麵鼓湯和白飯，炸雞好多肉汁，夠juice, 配埋他他醬好好味，麵鼓湯一般。香炸雞翼 - 咬落去熱辣辣好燙咀，外脆肉滑多汁，唔使加任何醬汁都已好好味 (@9/隻) …Read More

星期日訓醒上openrice睇下深水埗有咩野食，食完順便可以去睇下玩具；Look下Look下睇到間叫老鳳冰室，便入去睇下d相同食評，見賣相都幾吸引，便同老婆出去食這間老鳳。 一去到有好多人在門外等位，我們大約等左15-20分鐘才有位；入到冰室裡，地方不大，坐位很窄，裝修很懷舊，還播著懷舊中英文歌曲，好似在電視裡看到70年代餐廳的情景，很有趣；靠牆邊的每張枱牆上掛左個信箱，原來是放餐牌用的，設計很有心思；欣賞完店內環境都係時候叫野食醫下個肚了！我們在等位時已諗好食乜，便即刻叫阿姐落單，點了不夠5分鐘便陸續上枱，效率好快。芝士豬扒撈一丁 - 豬扒好林，芝士勁多，好邪惡呀，但好好味，仲送一件芝士牛油厚多士，不過多士凍了，同埋無芝士味 (可能要自己點碟麵d芝士 ) 蜜焦薯仔牛柳飯 - 牛柳同薯仔都好林，醬汁甜甜辣辣，面頭還灑了芝麻，好惹味，側邊仲有沙律菜做伴碟。蝦多士 - 出面炸到脆卜卜，不油膩，裡面蝦膠好彈牙，點埋千島醬一齊食真係太好食了，還有一碟仔水果沙律。飛仔華田 - 其實只係普通茶餐廳凍華田，但經過心思設計，便成為一杯賣相吸引既飛仔華田，面頭加左舊cream, 脆脆片同一塊啤牌，塊啤牌仲可以食添，類似威化餅，都幾好食。…Read More

昨晚收工要去吉x島買野，便約老婆去悅來坊商場食完飯先再去買野，經過這間餐廳看見門外既餐牌都幾多選擇又吸引，又突然想食pizza, 便入去試試。餐牌有好多選擇，有扒類，意粉，飯，pizza, 漢堡，豬手，小食，沙律及飲品，真係花多眼亂。我地叫左夏威夷菠蘿煙肉火腿 pizza ($98), 鐵鍋黑菌牛柳粒 ($49), 科布烤雞沙律($48), 加$25 可轉套餐，可選餐湯或沙律一客和飲品一杯，我地轉左一個套餐，揀餐湯。餐湯 - 忌廉湯，湯好creamy, 有幾粒烤麵包，好脆口，仲有少許煙肉碎添，好好飲夏威夷菠蘿煙肉火腿比薩 - 9 吋手工pizza, 好多菠蘿同煙肉火腿，仲有洋葱，芝士同茄汁勁多，餅底好脆，勁好味鐵鍋黑菌牛柳粒 - 牛柳粒好林，有好多雜菌，鍋底係薯蓉，個汁加埋薯蓉一齊食勁，$49 超低科布烤雞沙律 - 有幾款沙律菜，很新鮮，烤雞一般，仲有雞蛋，份量多，係沙律醬少左d 蜂蜜綠茶 - 普普通通，不太甜…Read More

星期日晚同家人食飯，一行5人去左附近商場食上海菜，可能星期日又晚飯時間關係，等左10 分鐘左右先有位，不過已算快了。 我地點了8 款野食，樣樣細細碟，分量剛剛好，價錢適中，每人平均$105, 不算太貴，屋村黎講都算合理。花雕醉雞 - 酒味幾濃，好香醇，雞肉唔"鞋", 不錯芥末雲耳 - 可能本人唔食芥末，覺得麻麻，但都爽口自選尚點涼菜 - 我地揀左蒜香四季豆(四季豆幾爽口) ，尚點涼拌茄子，燻魚(茄子好林，燻魚一般，2款面頭都有些醬汁甜甜地，唔係好match)，雞絲粉皮(粉皮薄，多青瓜同麻醬，好味)鮮肉小籠包 - 皮薄多汁，因我地5個人，所以叫左2籠，可以食多粒 金網生煎鍋貼 - 淨係睇個樣都已經好吸引，整到成個網蓋住d鍋貼，賣相已高，皮薄多汁，肉質幼嫩，好味排骨擔擔麵 - 排骨炸到剛剛好，不油不膩，肉質略韌；麵幾彈牙，個湯好香麻醬味酸辣湯 - 湯料足，但略酸，不太辣上海粗炒 - 好多配菜，麵質都幾彈，有咬感…Read More

昨晚去觀塘接老婆放工食飯，她話想食小籠包，便帶我去亞太中心既翔龍食，我地上到去唔使等就可以入坐，因為果時只係6點十分，時間還早呢！老婆指明想食小籠包緊係一定要叫啦，我地叫左5樣野，有小籠包，雞絲水晶粉皮，花雕醉豬手，生煎牛肉餅及擔擔麵。 小籠包 - 皮薄多汁，肉質幼嫩，yummy雞絲水晶粉皮 - 粉皮厚薄適中，好多青瓜絲同埋麻醬，好味花雕醉豬手 - 好香酒味，但豬手皮唔夠林，林番d會比較好生煎牛肉餅 - 都幾大塊，牛肉餡入面唔知加左d咩菜，酸酸地好怪，唔好食擔擔麵 - 麵都幾彈口，但味道略淡，普普通通…Read More

昨晚和老婆出外撐枱腳，想食扒便諗起這間老字號扒房，新裝修過，價錢比之前加左少少，但鐵板黎講都算平民，我地6點鬆d就去到，時間還早未算多人唔使等位就入得去坐。我們2人點了雙併餐，穀飼西冷牛扒併鰈魚柳&美國豬鞍扒併鰈魚柳，價錢都係$108 一位另加一，仲有甜品 (雪糕或啫喱), 真係超值餐包：唔夠暖，但好軟林林餐湯：忌廉湯，都幾creamy美國豬鞍扒配燒汁：肉質都幾林又大塊，魚柳都ok, 底下都有很多配菜穀飼西冷牛扒配蒜茸汁： 肉質好嫩又大件，魚柳都係ok, 同樣有很多配菜甜品： 啫喱，一定要加花奶先夠完美…Read More