siuL's Profile

平時食開嗰間車仔面，今晚冇開，轉咗去同一條街嘅面尊。呢間車仔面，平時都好長龍，今晚條龍短咗，即管去試吓。我哋分別叫咗兩碗。一碗四餸一面，另一碗五餸（菜底）。分別有酸齋、魚蛋、豬皮、豬紅、魷魚、牛腩、蘿蔔幾樣嘢。去到邊都要試吓。個酸齋，間間啲自家制都唔同，呢個整法酸甜適中，有口感唔會煮得太爛。一份酸齋有三四舊，可以接受。魷魚都整得幾好，微辣，彈牙，唔會過熟就變硬。魚蛋味道偏淡，冇乜魚味。豬皮剪得太碎。整體都幾好，平平哋又可以食得好豐富。多人排隊都值得等吓。下次會再幫襯。…Read More

住喺附近都唔知YM原來開咗咁多餐廳，行行吓嚟到平台花園，見到有間食擔擔面嘅餐廳，原來係有名嘅詠藜園擔擔麵。挑起咗之前喺蔡瀾美食坊食過嘅馳名擔擔面嘅美好畫面。決定入去回味一下！首先必點嘅就係「詠藜園擔擔麵」，一如以往麻香味好豐富，一啖又一啖掛滿湯嘅麵，麻醬味依舊濃郁。麵做得細嫩幼滑，唔知係咪自己搓嘅呢？！兩個人叫一碗有啲唔夠喉，另外點其他嘢。叫咗兩款都比較難整嘅家常小菜，分別係賽螃蟹同埋糖醋魚塊。賽螃蟹一定要沾醋食，係史上最夾嘅組合，白飯都可以食多幾碗。糖醋魚塊，甜甜酸酸非常之開胃，魚柳炸粉唔會太厚，剛剛好可以掛起醬汁。…Read More

喺OpenRice搵到呢間印度菜，裝修幾靚，地方又大，希望除咗去重慶之外仲有第二啲選擇，於是就嚟試吓。冷氣好足夠，本身希望調個位，最後個員工幫我熄咗一部冷氣，要讚一讚。睇個Menu其實有好多嘢都想食，最後點咗3樣。睇過實物名係有啲難度嘅，要睇埋個簡介知唔知係咩嚟。Palak Patta Chaat 賣相係幾靚，上層有乳酪醬配羅望子酸甜醬，一咬落去係一個脆脆哋嘅餅，餅入面係咩嚟㗎？要睇返Menu先知，原來係片菠菜葉🫠完全食唔出，好驚喜！Afghani Mushrooms呢樣之前喺其他餐廳食過覺得好正，喺呢度要再試！其實佢係一個炸芝士，一碟四舊，係邊一款就唔清楚。口感其實好似硬豆腐，後期先會滲出芝士嘅香濃味。有少少膩，所以最好配埋三色椒食。Gosht biryani最後呢款係羊肉香飯，香料味十足，就咁食個飯都夠重口味。鍾意呢種香料味就會好鍾意。羊肉份量都唔少啊。不過有啲乾柴。三樣菜都幾滿意，下次會再嚟！…Read More

公司附近新開嘅burger店，約咗同事去試吓，下晝都食得好豐富！成間店嘅裝修幾吸引感覺年輕!一睇Menu見到有啲有酒精成份嘅burger, 好新奇好想試! 選擇困難症之下最後揀咗椒麻香脆雞堡combo(包埋薯條飲品)，另外加多份忌廉芝士磨菇釀雞翼。Burger嘅size大過快餐店嗰啲。有新鮮菜、蕃茄，果塊炸過嘅雞扒幾香口，唔會太油膩，見得到香料好多，但係我期望個味可以再重口味啲🤭忌廉芝士釀雞翼，一咬落去啲芝士係傾瀉而出，好邪惡嘅味道！呢間鋪新開，要讚下個女店員，好主動咁吸印仔卡，俾我下次可以再嚟幫襯。…Read More

星期五放工即刻去happy hour!食咩唔重要最緊要有杯酒同埋同邊個食。隨便叫幾款食物。炭燒香草雞釀麵包糠呢款係招牌菜，焗雞非常香，多汁肉嫩 另一份薯條🍟粗身，係實淨嘅，唔會係空心薯條。燒南瓜沙律菜🥗及芝士🧀沙律又有肉又有澱粉質，一定要食返啲菜。呢款沙律有我中意嘅feta，份量都唔少。Nachos分量有啲多，芝士又多，兩個人最後食唔晒。黑松露薯條🍟呢個叫多咗，唔為意焗雞原來都有薯條。分別就多咗黑松露醬，都可以嘅。…Read More

嚟呢間餐廳，主要原因系因為可以帶埋狗狗一齊去！呢間餐廳，之前都見過人帶狗狗去打卡，佢有個位有帳幕卡位，好多狗都喺果個位置影相。當晚氣溫唔算好熱，同埋預咗狗狗應該系要坐戶外。餐廳都做足通風，數埋應該有10幾部大風扇，對抗到外邊嘅熱氣。作為一間pet welcome餐廳，員工對狗狗好友善，主動提供咗風扇同冰水，服侍得狗狗好周到🥰講返嘢食先。菜式系西式又有啲泰式。我哋叫咗其中一個冬陰功海鮮扁意粉就系喇。食落非常惹味，冬陰功濃湯出色，偏辣少少。海鮮種類好豐富。另一個吸引嘅菜式系巨型豬扒跟薯菜。乾煎豬扒食落有少少乾，點咗醬汁就啱啱好。豬扒份量真系超級無敵巨型。要飽住食埋佢。呢個炸蠔不得了，個醬汁系類似薄荷醬，加埋一齊食去油膩，即刻食多幾舊。夏天飲返杯特飲又系無得輸。…Read More

商場開咗間新嘅日本餐廳，主要系食拉麵及日本小食為主，另外亦見到佢有丼飯提供。不過今日主要都系想食拉麵，見到Menu有幾款顏色代表唔同味道嘅拉麵選擇。我地今日揀左赤虎、鳴海老。赤虎主打香辣惹味，湯底真系唔系講笑既辣度，越食越辣，鐘意食辣嘅人一定唔好錯過。兩塊豚肉叉燒立即充滿辣味。鳴海老湯底帶有海鮮味，味道唔會好似其他拉麵店咁咸，櫻花蝦充滿每一啖拉麵，份量不少。另外我哋都叫一份芝麻雞翼，即叫即炸，滋味香口值得一試。…Read More

6:45入座，時間尚早所以人唔多。環境寬敞、舒適。安排坐圓形卡位，兩個人可以靜靜享受晚餐。香蒜欖油蝦意粉大蝦有成四五隻，望落充滿油光。有少少辣, 口感煙韌，希望可以蒜油味再多啲。同埋份量適合女仔多啲。石燒牛肉眼招牌菜！！特別地用石頭燒住上碟，本身應該係煎過表面再上碟，熱辣辣好難唔好食。食呢個可以話要同時間鬥快，開頭幾舊真係好好食，肉味重香肉質夠淋又Juicy。食得慢啲都會過熟變韌😆但開頭真係可以做到medium rare！另外仲有黑松露薯條同埋雞泡魚乾。雞泡魚乾都值得一試，記得要配酒喎！…Read More

上網見到呢間安安燒食串燒好出名，跟住就book位去試試，今日安排坐咗喺路邊位。望一望個menu順便叫兩杯生啤解渴先。先嚟咗一個蒜蓉燒茄子，茄子夠濕唔乾，鋪滿大量蒜蓉，香到不得了，必食之選。墨丸&牛丸，保留住juicy，調味帶少少辛辣，不禁飲多兩啖啤酒。燒牛脷燶邊帶淋，非常有咬口。燒雞腎，燒得夠燶邊亦都非常彈牙。鹽燒青花魚，平時會用煎既烹調方法多啲，今日燒又另一番風味，魚皮燒得好香脆冇骨而且啖啖肉。蒜香燒白鱔，白鱔無骨配上蜜糖加持，魚皮變得又甜又脆。麻辣龍利柳，配上麻辣汁包去錫紙裏面燒，令龍利柳吸哂啲麻辣湯汁，又係啖啖肉。燒粟米，擦上大量蜜糖，令粟米肉甜上加甜。燒菠蘿，新鮮菠蘿遇上炭爐已經冇得輸。燒燒賣，未試過原來上左蜜糖既燒賣會咁皮脆肉彈。…Read More

屋企樓下有間新開食肆，見佢個名「台北車站」好似以為唔錯咁，咪諗住試吓囉。去到門口見冇人排隊心諗會唔會有少少伏伏地架，都係叫兩個小菜試吓啦。今晚叫左個京蔥爆牛肉，佢夠膽死成碟都係蔥都算，啲牛肉橙橙地色好似中咗輻射咁，好彩佢啲牛肉份量夠少，唔講以為去咗泰國食牛肉。好彩另外一個炒萵筍絲叫正常發揮。跟杯洛神花茶，唔講以為我嗌左杯利賓納，仲要係咳藥水版。另一杯薑母茶除咗薑味我乜都飲唔到。都係走先啦，係咁先啦，下次唔好預我啦～…Read More

厚福街出名樓上餐廳多，星期六中午想食好少少，就上咗呢間日本餐廳試一試。聽聞呢間食串燒係佢哋最拿手嘅。今日就叫咗兩個定食，同埋幾串串燒試一試佢。串揚雞肉定食，有四串雞肉棒串燒。師傅放上4種不同醬汁，令雞肉有4種唔同味道。定食裏邊有南瓜沙律、泡菜、麵豉湯、白飯一碗。另外一個係蒲燒鰻魚定食，鰻魚燒得好香好脆，鰻魚汁亦都唔係好鹹。串燒方面我哋叫咗雞腎同雞心。雞腎好爽口好煙靭。雞心都係第一食，原來一啲都唔油膩。芝士安格斯牛柳，炸漿加芝士初時都幾擔心會好油膩，但原來又幾夾架喎。職員仲遞上一個佢哋秘製嘅醬汁，酸酸甜甜好好味。最後上埋個大虎蝦同黃金免治雞肉棒，隨碟會附上一碟日本生雞蛋配豉油。攪勻之後沾免治雞肉棒，味道非常之咁好味。大虎蝦佢地會炸埋個蝦頭比你食，記得要食埋，因為真係好香蝦羔味。成餐飯配上一杯大啤加一杯梅酒，過左一個非常愉快嘅weekend。…Read More

調景嶺附近滿滿西餐廳，今日路過呢間食潮州打冷，裏邊裝修非常骨子，立即試一試。兩個人坐張枱都好大，周圍環境一啲都唔迫夾，傾偈食小菜一流，揭開餐牌就見到佢地啲招牌菜已經覺得好吸引。普寧炸豆腐 - 上碟時已經覺得佢好特別三角形一粒粒，皮脆不在話下，亦都可以保存豆腐嘅滑，送酒一流。潮式糖醋麵 - 一邊煎炸到脆口，另一邊保持麵質爽滑淋身，感覺好得意，配上喼汁砂糖一齊食感覺好新鮮，神還原一個好地道嘅家鄉菜。豆醬焗雞 - 雞肉本身已經滑嫩，調製嘅醬汁亦都好特別，放入砂鍋一齊上完全吸收哂落啲雞肉裏面，本身叫咗半隻好似有啲唔夠喉 。…Read More

有日經過 He She Eat，原來已由昔日嘅糖水舖變成西餐廳，可能甜品唔夠做，依家只有少量甜品供應，主要供應西餐。門面裝修分別不大。每次必點單骨水牛城雞翼，呢度做得幾出色。主要係味道夠辣，雞翼仲有少少脆皮。睇圖片啲蝦都幾大隻，就點咗蒜香辣椒蕃茄大蝦配蒜蓉多士。現實雖然有少少分別，但係都爽口彈牙。蒜蓉多士又焗得香脆，同番茄大蝦好夾。因為食唔得辣，本身都怕呢個意粉會唔會太辣。虎蝦火辣墨魚汁意粉，冇想像中咁辣，怕辣嘅絕對可以食得到。Carbonara都幾好食，汁夠多，但又冇出面食到嘅咁滯。意粉煮到彈牙，吸收晒白汁，一啖啜入個口，好滿足。叫埋兩杯飲品，燕麥乳酪奶昔、柚子沙冰配抹茶雪糕，好似食埋甜品咁。好飽！下次再試其他！…Read More

星期日觀塘海濱長廊特別熱鬧，行到盡頭發現咗呢一間餐廳叫Flames。撞啱日落時分，坐喺戶外嘅位置望到日落風景，真心chill。當然黎杯啤酒happy hour下先啦。 食物方面選擇唔算多，我哋叫咗個芝士肉醬焗粟米片嚟送吓酒，芝士同肉醬填滿每一片粟米片，趁熱食嘅時候完全做到拉絲嘅效果，肉醬帶點微辣，更加令我飲多2杯啤酒。主菜方面叫咗燒肉眼牛扒配大蝦薯條，牛扒叫咗五成熟，有少少筋位，帶少少血水，肉香juice、大蝦開邊BBQ非常彈牙，仲有我的最愛既粗薯條。另外仲有叫左碟蟹肉忌廉香草蕃茄汁扁意粉，蟹肉一啲都冇手緊，大量蟹肉鋪係面，個番茄汁唔會太酸，可能連忌廉煮有另一種味道，配上扁意粉，意粉烹調係我喜愛嘅硬度。整體食物同環境氣氛都值得推介。…Read More

自從知道新匯聚即係昔日牛頭角下邨名店「金利來」之後，一直都想再懷緬一下。父親節當日嘗試Walk-in碰碰運氣，不果，唔緊要，今日再接再厲，終於得償所願。同前世情人，即係爸爸黎撐枱腳，一坐低爸爸即刻叫左枝大生，「得！夠凍」，見佢飲得咁過癮，本小姐都同佢啤啤啦。因為係爸爸埋單既關係，咁就由佢發辦啦。話明係打冷小廚，點都要叫番個鹵水野捧下場啦，怕鹵水鵝片鞋口，所以叫左個鹵水鵝肉，中規中矩，同出面d潮洲打冷店無分別，但特別一讚係有兩款小吃，花生同豆腐係底，送酒一流。食肉獸爸爸愛吃肉，第二樣餸點左蜜糖薯仔牛柳粒，一上枱已經聞到陣香味。你一舊我一舊，不知不覺間我地兩父女已經夾晒D牛柳粒，剩番成碟薯仔，但係冇問題，原來薯仔先係成碟餸既精萃，薯仔整得夠淋，蜜糖既甜味同黑椒既惹味充份溶入，無得彈。最後一樣係本店招牌菜，芝麻雞。芝麻街本小姐就識姐，芝麻雞真係第一次聽，即管睇下你咩料。炸到金黃色既外皮上鋪滿芝麻，果然，唔係流，堅係脆卜卜。「囡，似唔似煎堆丫？」，似，仲係一款識得散發住雞油香既煎堆，正到唔識形容。食飽舉手叫埋單既時候，姐姐話咪住，有椰汁糕送。嘩，係今時今日酒樓都唔再送糖水既時候，一間小菜餐館竟然會免費奉上甜品…Read More