momo_13's Profile

因為媽媽喜歡斑斕口味，平日打波經過見到呢一間專賣斑斕嘅店已經好想試吓，就係媽媽生日訂了一個斑斕芒果蛋糕，有驚喜👍 斑斕味好香好天然，無平時食其他店嘅好似落咗添加劑嘅感覺，忌廉唔會好甜，沒有遮蓋斑斕嘅味道。媽媽平時好怕食忌廉都覺得呢一個好好味，仲比平時食多咗一件👍我本身對斑斕口味嘅食物一般般，都好鍾意食呢個蛋糕，蛋糕質地好鬆軟，忌廉滑溜，加上生果都好新鮮，所以我好推薦大家試吓。下次我會試吓開心果醬味同埋斑斕栗子味👍👍支持小店，加油！💪…Read More

上一次黎已經係三四年前，個時食焗飯同朱古力普洱覺得好正不過荃灣食飯有好多選擇，又開左好多新店，成日想試新餐廳嘅我就好耐無再黎啦。今日再黎，見裝修佈置都無點變，餐牌仲有我最愛嘅朱古力普洱(其實我只係黎飲過呢款)當然要encore 下叫一份焗飯，包一杯20蚊嘅飲品，真係好抵食咖哩薯仔雞扒焗飯，咖哩好香好濃，仲有焗/炸過嘅薯仔，雞扒夠滑，好欣賞茄汁雞扒蛋飯，醬汁都唔錯朱古力普洱仲keep到以前飲過嘅味道，另外仲試左杯芝麻咖啡，都好香濃特別呀。難得焗飯做得好之餘，飲品都有心思，特別啲…Read More

今日係青衣城睇完電影幻愛真係好複雜同沉重嘅愛情啊...要搵個地方坐低慢慢傾下劇情順便食個下午茶+晚餐近啲試下呢間啦結果都真係幾失望架先上嘅豬扒包都唔錯 麵包鬆軟 豬扒多汁 酸酸甜甜咁係幾開胃但下一道菜就真係唔多食得落炸魚柳薯條首先個賣相已經好唔得炸到燶晒 好多都啡色嘅薯條食落係又乾又硬最難食就係主角 魚柳好重嘅油抑味似乎係唔新鮮 或者用左萬年油炸味道仲差過街邊檔🌚茶餐質素好差劣 非常建議唔好叫油炸食物我會Black List 無心做嘅餐廳..…Read More

Lunch time 沙田大多數餐廳都要排隊等位，由於已經遲左出發搵食，唔想等，呢間見裝修都衛生企理，價錢都中等(新城市廣場係偏貴),就試下啦。店名叫食神叉燒，第一次黎當然叫招牌菜 叉燒炒蛋飯。一上菜就覺得有啲失望...飯多餸少叉燒質素還好，色素唔算深，蛋就油左少少。食左好多白飯，感覺店家想整好質素，又想慳成本，就算食嘅人覺得就算覺得味道ok ，都會覺得唔抵。如果想慳成本，都唔應該係份量入手，好似要就住食，慳住食啲餸咁...仲要加一服務費…Read More

去完大嶼山長沙泳灘，想係東涌食晚餐，又想食泰國菜。地鐵站附近嘅餐廳都較貴，環境氣氛雖幾好，但係今日只想簡單食餐飯，好味抵食重要啲。呢間係東薈城旁邊嘅富東商場，好近地鐵站，隔離都有幾間唔貴嘅小餐廳。菜式都好多選擇嘅，二至六人套餐都有。今次兩個人，叫左三款菜式，都唔錯。特別係泰式炒金邊粉，味道岩岩好唔會太重。拼盤我就覺得雞翼同蝦餅都好味，蝦餅如果彈口啲會更好，柚子沙律都好開胃。下次黎東涌 再試其他菜式😊…Read More

好少到馬鞍山 同事推介呢度所以打算試下因不熟路 天氣熱 搵左一段時間先到結果到左入門口 侍應見到我地都只係掛住抹枱 要主動問有無位 先話未有位 然後繼續抹枱再主動問要等幾耐 侍應就指住其他枱 話等有人埋單咪有位咁遠黎想試下呢間，得到咁嘅招待好失望…Read More

下午茶時間想食啲邪惡野，又想飽肚，呢間泰國菜近巴士站，平時黎荃灣，一落車就會經過嘅位置。下午茶套餐四十幾，平午市套餐貴少少，兩者都包飲品。下午茶主要係湯粉同油炸食物，全部都好吸引。今次就點左半打串燒加多士，同埋午市餐嘅炒金邊粉試下。先上嘅飲品都好大杯，泰式奶茶一般般，奶味同茶香都唔夠，可能係我不太好呢種味道啦，加左糖就好飲少少。另一杯椰汁涼粉冰，味道偏咸，有啲漏，都係麻麻地...上菜啦~ 串燒好香口，豬牛雞各兩支，加上花生醬，好想再叫多份！上面嘅蒜蓉多士都係好好食，推薦！金邊粉亦都好高質素，調味岩岩好，加上青檸汁，花生碎同辣椒粉，好夾。 值得再試！…Read More

一直好想試食璣燒放題上OpenRice見呢間咁多好評,相中食物質素又唔錯,加上有生日優惠晚餐每人唔過＄250食晚餐,於是就試吓入到黎送一個海鮮拼盤我哋先叫咗放題食物邊食邊燒第一道菜已經令我哋感到失望首先係刺身，睇落色澤都幾好, 事實上都唔新鮮...帶子食落冇味,魚生非常薄,玉子更有小小怪味...只有鮑魚片比較正常再試埋壽司鰻魚壽司比較滿意, 帶子壽司上面有一層黑松露醬, 但係冇黑松露味..接著係每次放題必點的天婦羅(今次冇影到相)但客觀來說個D唔係天婦羅, 只能說係一堆炸物, 佢D皮厚到食2件都飽, 十分之失望開始食璣燒食物, 選擇得好少, 但如果好食都冇所謂....蝦就幾好食, 而帆立貝冇味, 我平時好中意食菇, 但覺得呢度ge好難食....蟹子沙律材料只有蟹子西生菜同埋沙律醬，有點單調燒菠蘿係今次放題最好食嘅菜式，鮮甜多汁由於放題食物同璣燒食物都不太吸引,結果叫左平時都唔會叫嘅粥填飽肚呢個蟹粥要反而味道OK至於甜品同飲品都有大量選擇,酒精飲品,汽水,解茶,果汁等都係任飲甜品, 更有10幾款雪糕雪條選擇,有好多都係未見過未食過嘅所以呢度並唔係食璣燒放題ge好地方,反而你飲下酒,食下甜品,填飽個肚仲好過食佢嘅主打食物我依然感到好憤怒, 因為始終對呢度有D期望海鮮最緊要係新鮮, 但呢度做5到, 除非改善食物質素, 否則5推薦大家食呢度…Read More

平日係灣仔/銅鑼灣午餐平均都要7/80, 俾得呢個價錢要求自然高D呢間新開的日式餐廳, 不例外地價錢都5平但勝在份量大,如無最低消費, 細食的可以只叫一份定食再加小食試多D 5同的款式今次同朋友一齊,叫左肥牛雜菇,煎餃子和吉列豬排 3份魚湯讚歧烏冬定食3份的份量都好大,仲有沙律配菜肥牛雜菇最好食煎餃子就正正常常而最貴的吉列豬排就不太好食了, 好大陣不知係咪雪藏的味, 亦好乾身一咬,炸粉和肉就分開了魚湯烏冬就好夾好好味…Read More

雖然網上負評比正評多, 但見套餐幾抵食, 不用排隊, 就膽粗粗試下..結果質素都不太差, 由於客人少, 上菜速度快, 份量亦剛好冬蔭公偏酸, 咖哩牛腩同薯仔都入味, 海南雞也不錯飲品叫左少甜,味道一般甜品冇影到,係2件小小的泰式千層糕,都係一般不用加一, 呢個價錢黎講算中等,可以試下只收現金, 如果可以俾卡就更好…Read More

呢日好想食泰國菜,又想試新餐廳,又咁岩路過力生廣場,一於試下先。呢間泰國菜餐廳開左好耐,但一直都冇留意,反面去親都係旁邊個間浦和,可惜浦和ge質素每況愈下....上到去已經2點幾,冇咩人,清靜舒服,係撐枱腳/聚會好地方仲有份芝士丸拼恐龍蛋,唔記得左影,芝士丸好正,外脆內軟,恐龍蛋係魚肉包皮蛋,個人不太喜歡皮蛋所所以覺得一般…Read More

和民,和亭一向係我最中意的日本餐廳之一,上兩星期食左葵涌和民覺得質素降低左少少,而且貴左,,,但和亭就相反, 好食左, 價錢冇咁費呢間位於新城市中央廣場, 下午六點左右唔洗等位, 食完仲有時間行下IKEA, 歎杯雪糕, 入下零食貨, 週末就應係咁悠閒!今次叫左個店長推薦二人餐, 5道菜份量適中價錢合理,食得舒適…Read More

今天本計劃塔門一天遊,打算從馬料水塔8:30船, 海邊行下食完午餐後,下午再上山, 下午四時左右回程,,,可惜到中午已經落大雨, 要提早中午回程...出發前先係中大Canteen食早餐, 再行去碼頭塔船,到達後天色陰暗, 不過正因為咁,成程都唔晒, 幾舒服附近行左一轉, 冇上山, 好快又番番碼頭, 附近有3,4間餐廳, 菜式都差唔多, 想食海膽炒飯, 於是試下呢間~先叫一杯無冰凍奶茶同姜汁無冰凍奶茶, 奶茶同出面茶餐廳差唔多, 姜汁味奶茶比較好飲海膽炒飯份量夠2人食, 好香口唔錯, 但我未食過海膽, 唔係好食得出海膽係咩味XD仲有叫左個姜汁豆腐花, 姜汁味濃, 豆腐花夠滑, 十分推介…Read More

母親節前夕, 食媽媽最愛的三文魚生, 呢間專食刺身, 價錢又抵食雖則我唔食刺身,都有其他選擇ge不過, 一入到去,未落單職員就話一個鐘就要交枱, 語氣嚴肅, 令人有D吃不消, 媽媽一聽到已經5中意, 一路點菜一路話洗5洗咁呀..其實當時客人都好少, 一半枱都係空的, 我地又唔係食放題, 覺得唔洗做得咁盡吧--如果好多人等位, 我地都唔好意思坐太耐的不過食物又真係唔錯ge, 三文魚厚身大件, 媽媽好中意, 額外叫多左2份唔食剌身ge我, 叫左個魚餅魷魚串飯, 份量多, 幾好食 …Read More

網上見到呢間甜品店好有特色, 貴貴地都想試下3點半開店, 3點左右已經有客人拎籌等位,我地3點3去到,已經要等下一輪...結果等左45分鐘唔緊要都係下午茶,唔係好肚餓, 店員做野都好快手好快就上左第一道甜品--炸豬扒, 外熱內冷, 配搭得好好, 生果好酸><鐵板牛扒 -- 第一次當然要食招牌菜, 香蕉, 朱古力雪糕 同多士, 都係好完美ge配搭整體好滿意, 今日大飽口福~…Read More