skfoodtravelhk's Profile

紅咗好耐嘅壽司店🍣 每日都有新鮮日本空運食材，選擇好多，食材新鮮，性價比高，美食地觀塘街坊大推，裕民坊高質壽司店～ 環境 餐牌 池魚王薄切及鯖魚醬油漬刺身（新鮮日本空運) 新鮮日本空運食材可係主打，包括池魚王薄切，脂香不膩。另一款鯖魚醬油漬刺身，口感滑順，帶有魚油香氣。 冷盤三文魚刺身(5片) $69、火炙帆立貝壽司(2件) $45、蔥拖羅茸卷 $100。三文魚刺身好厚切，火炙帆立貝壽司口感略帶彈性。蔥拖羅茸卷，拖羅茸與青蔥比例平衡，滿滿拖羅茸好滿足😌 德美海膽魚生丼 $178德美海膽魚生丼好足料，有海膽、三文魚、油甘魚、玉子、帆立貝、蟹籽、飛魚籽。飯粒略微溫暖，突顯魚生的鮮甜感，配埋豉油，爽！ 粟米天婦羅 $50好似第一次點淨粟米天婦羅，炸衣輕薄酥脆，粟米甜味明顯。 蜂蜜柚子茶 $24、甘草鹹柑橘 $24…Read More

米芝蓮必比登推介‼️泰國餐廳 Restoran SAYA姐妹餐廳主打泰國華僑菜式，呢間分店就由由泰籍主廚 MaMa Jan 主理，窗口位對海景🙈重點係價錢合理～環境餐牌 魚露金不換浸花甲（熟） $98魚露金不換浸花甲選用花甲王比一般花甲大，廚師會將熟花甲浸喺天然香料魚露一日，夠哂入味👍🏻 花甲鮮味濃郁。 沙嗲雞串配烤多士 $48沙嗲雞串雞肉嫩滑，沙嗲醬花生香濃厚，偏甜口。 金柚子芒果沙律 $88金柚子芒果沙律🥗用料新鮮，芒果香甜、柚子清香微酸，帶一點泰式辣汁風味，清爽開胃。 粉絲蝦煲 $168粉絲蝦煲熱氣騰騰上桌，喺用大頭蝦🦐蝦肉彈牙，粉絲吸滿蝦湯與蒜香油的精華，好惹味。 冬蔭清湯魚蛋粉 $88冬蔭清湯魚蛋粉同平時食嘅冬蔭湯底完全唔同🙈，喺白湯唔係紅辣底，湯底較重味。略為過鹹，魚蛋彈性不錯，配捲捲型河粉，粉條順滑，若湯頭能再添香茅與辣度，泰味更突出。 紅咖喱檸檬葉燒封門柳 $168紅咖喱檸檬葉燒封門柳，封門柳燒得香口，肉質鬆化，預設五成熟剛好，性價比高！ 新鮮椰青 $48、凍泰式奶茶 $28配埋新鮮椰青、凍泰式奶茶，夠哂「泰」😎…Read More

東京銀座本店Ginza lwa 「銀座いわ」喺米芝蓮一星🌟，壽司大師Hisayoshilwa喺师尖沙咀插旗Sushi Hisayoshi（鮨央泰） ，主打江戶前風格，刺身魚鮮都喺日本直送‼️
 環境 全部吧枱，全場滿座！ 皇 OMAKASE $1780/ppl - 先付 三點- 刺身 兩點- 燒物- 壽司八貫- 玉子燒- 椀物- 甜品 先付 三點 先付三點，第一碟有水雲藻、白飯魚及里芋黃身燒。水雲藻凍食；白飯魚一炸一生椒煮軟，一啖食有兩款口感；里芋黃身燒芋頭仔，煮完最後炸 ，微暖口感，好有驚喜，表面紫菜粉畫龍點睛。第二碟當造北海道鱈魚白子配蘿蔔蓉，蔥粒蒜汁，好滑及creamy。第三碟招牌北海道水活八爪魚🐙，師傅會到你打卡影相先😆 浸一晚嘅水八爪魚，同平時食好唔同，唔係只得煙韌，因為浸咗一晚，好似食魷魚絲咁有絲絲嘅質感😳先食原味，再試沾wasabi ，最後沾柚子胡椒。 刺身兩點刺身兩點有天然深海池魚，脂肪結實、肉質肥嫩，不失魚油脂香；活帆立貝，抹上竹炭鹽就咁食。 燒物燒物有傳統關西立鱗燒金鯛，以慢燒方式處理，外脆內軟。 壽司八貫壽司前上伴碟醬油漬蘿蔔牛蒡及子薑。壽司八貫為水八爪魚，好有彈性；大分院池魚，肉質紮實富有彈性；太刀魚大愛🥹清甜帶炙燒香氣，魚蓉質感；北海道海膽濃味；鹿兒島車海老超多膏；長崎赤鯥魚，日本最高級的白身魚之一，軟滑油脂感豐富；大間拖羅及大間大拖羅喺14日熟成處理，同平時食嘅味道好唔同，熟成過嘅拖羅令魚肉味道更加凜烈和濃厚，亦可將魚肉嘅筋軟化，食起上來軟滑，仲帶啲野性味！ 玉子燒江户前玉子燒好特別，個樣好似古早味蛋糕🤣，但係完全無加麵粉，只有雞蛋、蛋白、蜂蜜、白身蝦、白身魚，濕潤口感有鮮味！但又做到回彈，好厲害👍🏻 椀物椀物顏色呈深色，因為係赤味噌，用上大黃蜆，加紫菜蔥花，好鮮甜，一啲都唔鹹。 甜品甜品就有清甜靜岡蜜瓜🍈…Read More

180度望住維港海景食Brunch buffet🥹 無敵開揚景觀，夜晚8點仲可以對正即席欣賞「幻彩詠香江」！ 環境 Harbour View Brunch $588 + 10% 海鮮塔 每枱會上一份海鮮塔及迷你鴨肝漢堡，海鮮種類多，有鮑魚、龍蝦、青口、海螺、海蝦、蟹腳、蟹鉗及飛魚籽造型嘅爆珠粒，質素都唔錯。迷你鴨肝漢堡亦唔會太膩。 主菜而主菜就4選1 ：海鮮意大利飯、意大利雲吞釀蘑菇、焗比目魚及慢煮牛面頰肉，我哋揀咗意大利雲吞釀蘑菇及焗比目魚。Tortellini好煙韌，入面釀蘑菇、蘆筍再配黑松露忌廉汁，creamy味道濃而不過重。焗比目魚就配上炒蜆肉，以龍蝦汁烹煮，魚肉厚實不嚡口，鍾意佢伴碟嘅蔣菜都有細選過。飲品方面，每位包一杯，鍾意嘆返杯可以另加Free flow package～ 自助區食完海鮮同漢堡包，等緊主菜嘅時候我就出去自助區拎嘢食，種類都唔少，由意大利Coldcut、芝士麵包、各款沙律菜到即煮意粉、即席黑松露炒蛋、即切烤加拿大豬胺配杏桃醬、蔬菜千層麵、意式牛肉丸配蕃茄辣汁，仲有多款意大利精選甜品、 Häagen-Dazs 雪糕、水果及即席特色火焰甜品站！一定夠飽😆…Read More

牛油果漢堡扒🫣🤫 愈開愈多分店，成日比人洗版，每日都要排隊等飛，究竟呢間平民版漢堡扒專門店食唔食得過？環境 2件漢堡排套餐（牛油果＋原味） $110呢到無限死一定要食3件，可以自選配搭，仲要有三款口味揀，今期期間限定係牛油果，我唔想食三塊，但又想試埋芝士，於是就叫咗原味、牛油果再另外加芝士，兩件漢堡扒都試到三款口味🤣門口先落單，再入座，餐廳動作好快，一坐低就會上漢堡扒，上枱係5成熟，鍾意熟啲就等佢係鐵板上燒多陣，和牛選用九州產的黑毛和牛，將「霜降」油花部分混合肉味突出嘅美國穀飼上半身牛肉。肉汁豐富，因為係2款牛混合，所以肥瘦比例剛好，和牛令口感柔軟，帶些少油脂又不至太膩，美國牛肉令肉味更濃又中和油膩感。可以配生蛋食，又或者沾枱面上有8種醬汁及調味料。而牛油果🥑口味又幾盞鬼，他他醬+牛油果再淋上特調照燒汁，濃味之選，我另外加嘅芝士仲有可以沾嚟食～欣賞佢西蘭花🥦無限添，仲要店員係三不五時就開你要唔要加，連螺肉味噌湯都無限添，唔少得白飯，係日本虹煌米。…Read More

折後$4️⃣XX任食威靈頓牛柳😍 第一次見打破健力士世界紀錄咁濟嘅超超超長烏龍茶千層酥😂 仲有原個巴馬臣芝士意粉🧀 芝士鍋等埋，多款自助餐少見菜式～環境 海鮮市集自助晚宴 (65折)$479.7+原價加一官網有優惠，原價$738有65折，折咗$479.7，原價加一後五百中有交易～今期做海鮮主題，必然係重頭戲，唔多酒店自助餐供應嘅阿拉斯加蟹，切好哂，又大隻又鮮甜，我不停encore 😆 仲有龍蝦、龍蝦鉗、鱈場蟹腳、鮑魚、青口等等。冷盤沙律、刺身、壽司、麵包🥖芝士就必不可少。熱葷最易食到回本嘅有西餐廳單點都$400起跳嘅威靈頓牛柳🫣我都食過唔少酒店自助餐呢個價位做到威靈頓牛柳真係第一間，另外即切肉類都好有誠意有成五款以上，食肉獸一定勁開心。熱身除咗中式例如蒸魚、炆花膠之外，唔少得好多人都鍾意嘅即切片皮鴨、中式燉湯、粉麵等等（可以自己夾，唔鍾意食麵可以淨係夾菜/餸！）好特別嘅有原個巴馬臣芝士黑松露意粉，又係第一次喺自助餐見到，仲有黑松露芝士火鍋🫕 唔少得印度區嘅印度烤雞、咖喱魚、咖喱燴雜菜等等～甜品有任食任拎Häagen-Dazs、pancake機、各款cake仔等等。至於飲品比較特別，佢係吧台，有專人沖俾你飲！…Read More

最平$10串燒😱 仲有$15區/$20區，超親民價串燒店，加上多款特色惹味小食🥹 串燒店居然有咖喱牛舌菠蘿包😍 仲有墨魚滑紫菜炸大蝦、炸淮山等等，平日晚上都Full house！環境餐牌最平真係$10就有！ 咖喱牛舌菠蘿包 $58 絕對係比串燒耽誤咗嘅咖喱牛舌菠蘿包😭 咖哩牛舌超入味，牛舌煮到好焾，配上太陽蛋及甜口菠蘿包超夾，一定要叫！ 墨魚滑＋紫菜＋大蝦 $68$68好大碟，紫菜炸到脆卜卜，加上彈牙嘅墨魚滑及大蝦，再配埋個明太子醬，香口惹味。 日式淮山(配世一蛋黃醬) $48 而日式淮山都係用炸嘅方式，脆皮配淮山嘅蓉蓉口感勁好食，點埋店家嘅世一蛋黃醬，邪惡至極😈 蒜蓉燒蠔（2隻） $48 / 蒜蓉菜脯燒元貝（2隻） $48 / 蒜蓉欖角燒蟶子 $38/隻 / 有限杯之忌廉煮蜆 $68 / 山椒鰻魚汁燒白鱔 $48 海鮮都係勁抵食，$48有2隻蒜蓉燒蠔、2隻蒜蓉菜脯燒元貝，燒蟶子$38位隻，海鮮嘅調味都剛好唔會太鹹，品質唔錯，鮮甜爽口。山椒鰻魚汁燒白鱔，魚皮焦脆，魚肉彈牙。$68食到煮蜆，店家用忌廉，個人覺得濃味咗少少，有啲蓋咗本身蜆嘅甜味，可以改為清酒/白酒煮蜆更吸引。 鹽燒芥蘭頭 $10/串 / 泰式燒墨魚鬚 $15串 / 鹽燒雞腿肉 $20/串 / 汁燒雞隔膜 $20/串 到串燒，分$10/$15/$20區，真係勁抵，全部2串起叫，鹽燒芥蘭頭好爽口，燒墨魚鬚十分彈牙🩷 鹽燒雞腿肉仲帶雞油，汁燒雞隔膜一定要叫，因為橫隔膜位於雞頸椎後側包覆雞隻胸腹腔嘅薄肉膜，每隻雞大約只能取出兩片0.5公分厚，十分稀有性，食落去肉質緊實得來帶有嚼勁，有啲似雞腎嘅口感咁，超好食🤤 Sapporo生啤買一送一 $48 叫埋Sapporo生啤買一送一，$48有2杯，抵食串燒店～…Read More

花甲粉都興咗一段時間，愈嚟愈多地方有得食，food court 就食到🙈，呢間幾多人食！環境原來6月1日先新開張，但全場food court我諗真係有4成人都係食佢lol餐牌 香辣羊肉片花甲粉 $59(下午茶)下午茶幾抵食，咩肉類都有，連羊肉都有，中辣夠過癮，花甲都有半打以上，唔想食粉絲都可以轉菜底/米線，或者+$8轉日本稻庭烏冬，唔夠食或者一磅2份分都可以加底。 招牌沙嗲粉絲配無骨魚片 $58 另一碗試咗特別少少嘅沙嗲湯，都幾有港式風味。連飲品都有鴨屎香檸檬茶沙冰。…Read More

週末限定Buffet😍 即席熱溶芝士🧀即開生蠔🦪龍蝦🦞蟹腳、Buffet少見嘅龍蝦包，即製意粉🍝高質切肉，仲有海景，唔想同人逼酒店，呢到係Grand西餐廳格局嘆Brunch Buffet 🫶🏻 環境 Bookmark 咗呢間好耐，由低層搬到上高層，景觀開揚仲睇到海景🌊 海鮮早午自助餐 $529/位+10% 沙律、Coldcut、芝士麵包 自助區集中，麻雀雖小 五臟俱全，前菜沙律有10款左右，鍾意佢調味過嘅南瓜。唔少得Coldcut、芝士、麵包🥖 海鮮冷盤重頭戲當然係海鮮區，不但有即開生蠔緣緣不絕，龍蝦、蟹腳、螺、蝦、蟹鉗同埋熟青口。最特別係有龍蝦包，如果店家將麵包一路挫熱住，有客人拎先即席加龍蝦沙律入去，相信冰火交融會更好食！ 亞洲熱葷熟食估唔到都照顧返「亞洲胃」需要🤪有5款亞洲食物，有蒸魚、鹹蛋黃炸雞、雞肉炒麵、港式肉醬千層麵同埋碗仔翅～ 即席烹調嘅意粉 重頭戲必定係即席烹調嘅意粉，有白汁/蕃茄汁，意粉/粗管麵/蝴蝶粉，配料都有得揀例如蘑菇🍄‍🟫煙肉🥓洋蔥🧅等等，望住師傅煮，手法正宗，尤其Classic Carbonara必點，好濃味掛汁，仲要加埋熱溶芝士無得彈，薯條都可以加熱溶芝士。 即席切烤肉區 而即席切烤肉區好高質，供應4款肉：烤羊架、烤和牛肉、烤脆皮豬腩肉及烤雞。羊架肉偏瘦但羊味濃而不膻，肉質實但不紫。和牛肉贏好多酒店Buffet🥹 約五成熟，十分Juicy完全無渣，我食咗2大塊！烤脆皮豬腩肉同樣出色，唔係果種勁乾勁韌，至於烤雞就相對上失色，比較嚡口。 甜品 最後甜品有5-6款，居然有薄荷朱古力Mousse cake 🧡呢個好食，仲有芒果Mousse cake 酸甜度都剛好，其他如Tiramisu 、Crème brulee 、cheesecake 等相對上就較一般。仲有生果同雪糕~~…Read More

本地品牌dadino gelato任食😱 自家製茶酒、Hoegaarden生啤、多款啤酒🍻任飲，加埋日本黑毛和牛A4+🥩、極上安格斯牛小排、鮑魚等等，計埋自助區接近8️⃣0️⃣款食物，最平$298就食到‼️環境 餐牌 (D餐)日本黑毛和牛A4+ $298起 有12款湯底，叫左少見嘅「蝦米瑤柱冬瓜鍋」，原個冬瓜盅好足料，飲完湯再打邊爐。自助區自助區有凍盤：凍蝦、凍青口、涼皮等等；前菜：麻油波菜、涼拌木耳、麻辣雞腎、麻辣豬耳等等。火鍋配料基本嘅蔬菜、丸類、麵食、魚皮響玲，應有嘅都有。D餐係最貴，但非繁忙時間都係$298+10%，已經食到日本黑毛和牛A4+🥩、極上安格斯牛小排、澳洲M6和牛牛腹肉、南非和牛三花腱、、鮮牛肉丸、鮑魚、海蝦、桶蠔等等，連羊肉都有2款紐西蘭羊卷肉及腐乳醬羊柳。飲品甜品有驚喜，有出面絕對唔到嘅港式原味道自家製花茶、茶酒❗️好特別，例如鴨屎香檸檬茶酒，用Vodka, Rum加落鴨屎香檸檬茶，有成7%酒精，飲落微酸帶甜好飲，完全唔似飲酒，好易醉🙈 仲有生啤、啤酒、多款無酒精飲品等等。甜品居然有本地Gelato品牌da dino任食😱😱😱 …Read More

全日指定清酒免費任飲😱🍶 食Lunch定食夜晚都可以任Sake黐咗線，晚餐Omakase仲買一送一，人均$6xx食16道菜‼️近期食過最抵嘅日本餐廳！ 環境 餐廳仲有天燈許願大屏幕🖥️，有需要問職員拎iPad可以將寫嘅說話投放喺天燈，攞嚟同朋友慶祝生日或者氹另一半一流🤣同埋有鐵板燒房可以book～ 鮑魚鐵板燒（二人前）- 包括：沙律、蒸蛋、南非鮑魚、清酒煮蜆、汁煮白鱈魚或鵝肝多士、日本 A5 和牛薄燒或厚燒 或 日本黑豚肉、櫻花蝦炒飯、漬物、吸物及甜品適逢「清酒祭」，餐廳推出鐵板燒及Omakase多重優惠，1️⃣全日指定清酒免費任飲 （晚餐可享用120分鐘）；2️⃣凡惠顧任何鐵板燒晚餐，每人再另送磯煮鮑魚乙隻（每日限量供應，送完即止）；3️⃣Omakase十六品套餐（原價$1380/位或$1880/位），推出優惠「二人同行，一人免費」，全日供應！ 沙律、蒸蛋 我今晚就食鐵板燒，再以有120分鐘清酒免費任飲，再加每人送磯煮鮑魚乙隻😍沙律以胡麻醬拌好，蒸蛋非常嫩滑，配魚子醬更提鮮。 南非鮑魚 南非鮑魚有手掌咁大隻，鮑魚上係海苔汁配黑松露醬，就咁食其實已經好爽口彈牙，配海苔汁層次更豐富。 清酒煮蜆 清酒煮蜆係水準之作，好多餐廳都煮到清酒揮發晒，一啲都唔清香。呢度一聞已經好香清酒味，唔單止保留到清酒嘅味道，更加係保留咗其清甜配搭蜆肉鮮甜，啲湯真係飲晒！ 汁煮白鱈魚 我揀咗汁煮白鱈魚，幾特別係用洋蔥湯，湯底十分足料濃味，白鱈魚油份平均，肉質厚實又細緻，配洋蒽湯無咁單調。 日本 A5 和牛 日本 A5 和牛就唔洗多介紹，油脂豐腴，配Wasabi沙律汁/蒜片中和油膩，而side dish嘅豆腐都唔馬虎，係煎到外硬內極嫩😭 櫻花蝦炒飯、漬物、吸物及甜品 櫻花蝦炒飯以為平時鐵板燒咁好普通，點知配隻蘭王燶邊蛋！不得了🥲🥲，仲有漬物、吸物及甜品：開心果雪糕。…Read More

13年老字號名店都出任食醬油蟹🦀🤤，本身單點都$400/2隻，食2隻再食其他餐點已經輕鬆回本‼️ 仲要係質素保證，老闆每日6am就親自返餐廳做準備，全部係自家醃制醬油蟹😆環境 90分鐘無限任食醬油蟹A $468 包括：醬油蟹、小花蟹湯、紫菜飯、辣醬蟹、泡菜餅、炒年糕、炒粉絲*此任食套餐+$30就可以食埋醬油蝦 前菜、小花蟹湯 前菜小碟無限追加係基本，全部菜式會先上一次，小花蟹湯熱辣辣，上枱仲起滾緊泡，好足料味道亦清甜。 醬油蟹/辣醬蟹 主角醬油蟹勁靚仔😻 醬油蟹都係以花蟹作醃製，第一碟全部都係蟹乸，蟹黃好靚😭，真係蛋黃咁，好順滑，店家嘅醬油味微味又帶甘香，好清涼，蟹膏豐腴，蟹肉軟嫩，就咁食/撈紫菜飯一流！鍾意食辣嘅仲有辣醬蟹，即係辣味醬油蟹，係醃泡菜嘅醃料，十分惹味！之後encore嘅就無橙黃嘅蟹黃，屬蟹公，主要食蟹膏，同樣咁鮮🥹 泡菜餅、炒年糕、炒粉絲 怕唔飽，絕對唔會，因為泡菜餅、炒年糕、炒粉絲都係任食😆另外，酒精飲料買一送一，如果想一班人嚟，餐廳仲設有⁠獨立房間。…Read More

任食前菜嘅高質Dry Aged牛肉🐂 更花費超過六位數添置店內熟成櫃，長期保持住攝氏2度同86%嘅濕度，咁有誠意，難怪小店平日晚上都full house‼️環境 餐牌 Dinner Set 晚市叫任何套餐都係任食前菜，而每晚嘅沙律、薯條醬汁、餐湯都唔同，是日係蟹肉南瓜忌廉湯、Parma Ham 沙律。我哋都encore 咗沙律🥗頭盤焦糖鵝肝燉蛋及蟹肉牛油果多士配魚子醬，有驚喜！鵝肝超smooth，食落好似食緊雪糕咁滑，平時怕腥嘅朋友食呢一個一定唔會覺得有呢個感覺，加上焦糖面香十足，鹹甜同時充滿口腔，又食到鵝肝鮮味，推！ 30日乾式熟成澳洲黑牌M9和牛肉眼 $580/200g 到重頭戲牛扒🥩熟成櫃穩定嘅溫度同濕度唔單止自然風乾牛肉，同時激發出酵素，招牌30日乾式熟成澳洲黑牌M9和牛肉眼，一切落去勁鬆軟已經知一定高質😍 我本身唔係肥膏fans ，但係呢塊燒得勁香，油脂入口有融化般口感，肉質Juicy嫩滑，十分高質👍🏻 美國頂級荷斯坦365日穀飼牛封門柳 $458 鍾意食牛味濃郁嘅一定要揀美國頂級荷斯坦365日穀飼牛封門柳 ，眾所周知封門柳脂肪低肉味濃厚，但好容易會有渣，呢塊完全冇呢個問題，而且都rest得好夠。包無酒精飲品，以冷泡茶做base嘅薄荷檸檬冷泡伯爵紅茶、蜂蜜柚子冷泡茉莉綠茶，鍾意佢有誠意唔係就咁比杯淨茶，而係加足料～…Read More

係高級日本餐廳任食正宗日本嘢🇯🇵 拖羅、月見雞肉棒等高級食材都任食，每次上一份份量都好夠食，質素絕對高階過港式日本放題一大截‼️環境 Weekend Brunch $620/person每位送北海道蟹肉拌海膽，而每2-3位可以送平目魚菜式3選1，有平目魚沙律/薄切平目魚刺身/炙燒平自魚、辣三文魚天婦羅壽司🍣，我哋揀咗刺身，肉質結實帶甘香。 前菜 前菜有石蝦天婦羅/招牌吞拿魚/蟹肉菠菜沙律、香辣吞拿魚他他、薄切三文魚/油甘魚配柚子醋，必點招牌香辣吞拿魚他他及超清新蟹肉菠菜沙律🥗，前者辣就一啲都唔辣，但吞拿魚蓉做得好開胃，重點係油脂剛好！鍾意醋漬類嘅要試下薄切三文魚/油甘魚。 刺身、壽司卷 刺身8款任食，連拖羅都任食，超易回本😆壽司卷有成11款咁多，而且每次會上6-8件！所以照理正常2個人食量都試唔哂咁多款😂 我哋已經好勁，食咗3款：香辣三文魚天婦羅吞拿魚、元祖軟殼蟹牛油果卷及素菜天婦羅牛油果卷。影片可見，每款都好精緻，同平時居酒屋食嘅質素一樣，壽司飯有溫度係基本，醋飯同配料比例相得益彰，唔會有一邊搶風頭，加上都係可以一口放哂嘅size(可大少少)，唔覺唔覺食得好快！我哋叫嘅呢3款都係炸/天婦羅🍤嘅脆口口感，大推！呢啲真係唔好用港式價錢嘅放題去做比較🙈 燒物 燒物🍢素葷都有共8款：日本雞翼、雞腎、牛舌、日本青椒仔、免治雞肉棒、焗雜菇 、雞腿肉及雞軟骨，可以一串一串嗌，share試多幾款。 炸物炸物即天婦羅，有平目魚、茄子、蕃薯、海蝦及南瓜，有驚喜！放題/酒店嘅天婦羅🍤好多時都又凍又厚粉甩皮甩骨好難食⋯⋯呢到熱辣辣，連個天婦羅汁都熱到出煙，炸皮好薄好香脆，甩油甩得好，超推👍🏻👍🏻 主菜每人仲送一客主菜，叫咗招牌龍蝦湯海鮮拉麵🍜略嫌麵質軟咗少少，但龍蝦湯夠濃亦唔係死鹹🦞。唔食和牛反而叫咗牛柳厚燒，有鐵板燒嘅水平，5成成熟控制得啱啱好，外微焦脆，牛肉味濃而柔軟，無揀錯😽 甜品仲包雪糕/雪葩/水果任食，我哋食得太豐富，所以只係叫咗個雪葩解下膩，是日供應檸檬雪葩 🍋，好fresh😻…Read More

高質正宗印度菜推薦🇮🇳，Naan都係即叫即製‼️有無人同我一樣好鍾意食印度菜😆 呢間環境靚食物高質～ 環境 就算係工廈，裝修都走高級路線好靚！對街景都唔差～ 餐前小食 脆餅仲包3款sauce。 Butter Makhani Chicken 招牌Butter Makhani Chicken，以酸甜的番茄泥為基底，加上茴香、蒜頭、薑黃等等多種香料，甜度剛好，夠creamy，沾埋Naan食好正。 Saag PortobelloSaag Portobello係香料菠菜苗煮雙孢蘑菇，一上枱已經好香，菠菜苗完全無澀味仲好順滑，配埋雙孢蘑菇🍄‍🟫好正！ Andhra Tenderloin 炭火燒都係招牌，Tenderloin 要5成熟，有少許血水，肉質柔軟，純瘦肉但唔會有渣/韌。 Truffle Cheese Naan 必點即叫即製嘅Naan，好大份好抵食！Truffle Cheese Naan無得頂，黑松露份量多又香，沾埋咖喱食😋…Read More