kitkit1022的個人專頁

琴晚收工自己一個食飯，近近地美孚地鐵站隔離食。叫咗個炸豬扒菜飯。好失敗，啲菜黃琳琳啲飯又濕完全冇咬口，好似食緊啲粥仔咁。豆漿冇豆味又唔甜仲好多沉澱物，飲咗一半就唔飲。 …查看更多

今日自己一個黎左西灣河呢邊做野,因為太忙,搞到LUNCH都冇時間食,3點先可以放飯。行到筲箕灣道見到阿爺燒鵝餐室,終於可以試到呢間人氣燒味店。我叫左一個一人餐,燒鵝乳豬飯配上湯油菜一碟包飲品。呢到既燒鵝都係用先燻後烤既方式,所以燒鵝做到皮簿又脆,肉質嫩滑,又保存到肉汁嘅口感。煙燻味唔會搶去鵝本身既味道,鵝肉既香味都保存到,非常高水準。乳豬亦非常唔錯,皮脆肉嫩,層次分明。上湯油菜,上湯清清地唔錯。除左蠔油之外仲有少許炸蒜調味。最後叫左杯凍奶茶,都幾滑有茶味。…查看更多

旺角一間樓上火鍋店好有香港特色風味,環境似港式大排檔。好有懷舊feel。坐底之後,侍應會先拎醬油配料俾我哋。我地點左花膠豬骨煲湯底,有幾隻花膠仔係湯底入面, 入面仲有好多大大舊既豬骨,蘿蔔,粟米等。湯底好清甜。蜂巢豆腐白牛帕葉，十分爽口彈牙水魷,好抵食,夠新鮮 淥一陣就夠，因為好快會縮,燙熟後爽口易咬，口感同魷魚好大分別。蟹籽蝦滑,口感爽滑,灼完都好彈牙好爽滑海螺串,灼完都食得出鮮味,好有咬口。合時蔬菜,蔬菜好新鮮,好大份。…查看更多

返左成日工已經好攰好餓，放工返到長沙灣地鐵站比唐記既點心香味吸引住。咁我地2公婆買左幾款點心蒸飯就可以返屋企醫肚啦，真係方便又快捷。山竹牛肉:味道唔錯.,同酒樓質素差唔多,無得彈有3粒,大大粒燒賣有4粒好抵食 燒賣上面有鮮蝦，啖啖豬肉味道超好味。鳳爪排骨飯排骨份量夠多夠軟腍,鳳爪濃味,粒粒米飯有咬口。足料糯米雞食一個飽到上心口,而且餡多,入味嘅雞翼,半肥瘦嘅叉燒,鹹蛋黃,冬菇等。糯米軟糯唔糊口,好有水準。…查看更多

位於荃灣行人天橋底既Olive Cafe,餐廳分別有室外及室內設計。我地選擇室內用餐,餐廳內環境舒適寧靜。凱撒沙律,份量都幾多,沙律菜夠新鮮,麵包粒幾有咬口。火山石燒A4和牛漢堡,最新推介既MENU。和牛好重牛味 和牛叫左7成熟,肉唔會肥夠彈牙。薯條炸得夠脆。香煎美國下肩舺翼板牛扒配青胡椒汁帶有少少血水嘅牛扒。牛扒上枱時已經切好,肌肉部分既牛扒果然比較結實而且牛味好重。叫左7成熟,肉質比較實但幾有咬口。凍朱古力咖啡…查看更多

位於深水埗既六本木居酒屋,餐廳裝潢以木為主,包圍住整間餐廳。店內四周都放滿燈籠,海報同吧台既清酒令店內充滿日式風格。香芒軟殻蟹卷賣相好靚,一共有6件,一片片既芒果係面軟殼蟹炸得香脆不油膩,整體非常好吃。京蔥雞肉串,配上燒汁。清酒煮蜆蜆肉夠多,少少清酒既味,而且唔會有沙。叫左幾串串燒。冬菇串燒得夠香夠乾身,唔錯。羊架唔會騷,夠香口。雞翼切開左黎燒,外脆肉嫩。鰻魚飯鰻魚肥美入味,有兩大片,下面鋪有燒汁既珍珠飯,燒汁甜度適中。火候岩岩好,鰻魚肉質非常嫩滑,配上燒汁簡直一流。…查看更多

今日黎到九龍城舊區,但唔係黎食泰國野既。專程黎搵呢間日本居酒屋。有一間日本居酒屋,由日本廚師主理,餐廳設計已經好日本feel,有置身於日本居酒屋內既感覺。近江牛沙律,沙律菜夠新鮮,都有唔少牛肉粒,醬汁酸酸甜甜,幾開胃。石燒鰻魚飯 鰻魚燒得脆脆地,鰻魚份量都好多。燒汁平均掃係鰻魚同飯粒上，仲配有栗米及紫菜碎,非常好味。水餃子,餃子內仲保存到肉汁,配上淡淡既燒汁,很清新的配搭。北海道半熟帆立貝,帆立貝肉質好嫩滑同鮮甜,可以連湯汁都飲埋。凍柚子梳打。杯底有好多柚子蜜,好飲又解渴。…查看更多

位於深水埗近期大熱自助燒牛扒店。一入到門口先用自動售票機選心水牛肉類型同重量，分別有牛肩肉眼、牛肋骨排、西冷等。買左飛後交比店員就會安排位置,同埋可以先去自助吧。自助吧有沙律、麵豉湯、白飯同檸檬水，都係任食任飲沙律菜好新鮮,椰菜絲切得好幼細。麵豉湯好濃郁,而且好足料有海帶豆腐蘿白。牛肋骨扒係帶骨嘅,因為本身厚切上,所以有骨份量都足夠,而且骨附近既肉更重牛味。用火山石燒熟表面，不但有口感，牛肉味好突出。肉眼扒,用火山石燒熟表面,自己切開燒熟其他肉面,可以自己控制熟度。切開再輕輕燒一燒入面,肉質好嫩唔會韌，加上小小海鹽更加帶出牛味。！！！…查看更多

位於旺角中心地帶既樓上Cafe,Cafe入面都係梳化位,環境舒適。岩晒我地呢D行完街既人,想坐幾耐都可以,慢慢品嚐美食。八寶美顏花茶甜味適中，可以品嚐到花既香味，從玻璃裡可以睇到唔同既花同其他材料凍莫卡朱古力咖啡。咖啡味濃,幾有水準。炸蟹餅配泰式辣醬蟹餅新鮮炸起,外脆內軟,而且無好油膩既感覺,非常唔錯。烤雞蘑菇薄餅, 好足料,Pizza餅底非常香脆,熱烘烘新鮮上碟,非常好味。煙三文魚意粉,三文魚份量都好多。意粉煮得乾身岩岩好，味道都唔錯,重忌廉白汁味。…查看更多

別天神拉麵分店終於開到旺角,門口係自助落單機,買完飛交比店員就可以。我就叫咗一份別天神套餐小龍蝦蟹子沙律,用紫菜包住小龍蝦蟹子醬食,口感好清新,非常好味。豚骨湯拉麵都做得幾出色,湯底唔會好喊,拉麵軟硬適中,配有糖心蛋,豚肉,木耳同蔥我老婆就叫左蝦味噌豚骨拉麵。湯底比較濃郁,櫻花蝦香味非常突出。配有糖心蛋,櫻花蝦,豚肉,粟米,蔥。差唔多食完拉麵,餃子先上,可能煎既時間較耐。表面煎得非常香脆，餃子內仲可以充滿肉汁,好有水準。…查看更多

位於長沙灣喜薈商場既日式餐廳，餐廳環境優美，仲會不停播放柔和既音樂。我地點左三文魚，三文魚腩，鰻魚同魷魚壽司。全部都好新鮮靚仔，鰻魚好厚好大塊。串燒等左好耐下，但好值得，燒得好有質素。蒲燒鰻魚: 鰻魚好厚,燒得外脆內滑。安格斯牛肉串: 入口鮮嫩,少少鹹鹹地既口感,重牛肉味。雞腎串: 不過不失。雞中翼串: 外皮燒得香脆可口。牛肉壽喜鍋:銅入面有雜菜,香菇,豆腐,粉絲和半生熟牛肉片。再附上一個生雞蛋。配上搞亂既蛋漿吃用，蛋漿令牛肉口感更香滑。…查看更多

位於朗豪坊隔離朗晴坊5樓既dream cafe，餐廳環境優美，梳化位夠舒服。我地叫左個A+B二人套餐。二人套餐非常抵食， $308仲送兩杯飲品。是日沙律:沙律菜夠新鮮，加上酸酸既醬汁，幾開胃。香辣蒜片炒海鮮意大利麵:意大利麵好爽滑同彈牙，蒜片炒得出味，海鮮有青口，大蝦同帶子，整體炒得香口。香煎紐西蘭鮮肉眼扒配什菌燒汁:配有薯角同蔬菜，我地叫左七成熟，煮得岩岩好，原全唔會韌。肉眼扒切開仲有肉汁，保留到肉味，非常唔錯。…查看更多

幾個月前食過呢間西餐,已經非常唔錯,今次再品嚐一次。座位好舒服,感覺好悠閒。我地叫左一個二人餐,先叫左2杯飲品,cafe一定要試ice mocha。好重咖啡香味。香辣雞翼:雞翼炸得好香脆,醬汁酸酸辣辣咁,幾特別既配搭。龍蝦汁大蝦露筍意大利飯:大蝦算大隻，啖啖肉，正。意大利飯口感好軟熟。炭燒美國安格斯西冷牛扒:牛扒厚身又大塊，又唔會韌 仲保留到牛味,同埋有肉汁。 KEEP住高水準。 朱古力焦糖蛋糕伴意大利雪糕: 朱古力焦糖蛋糕有好濃朱古力味，中間有一層cream配搭雪糕一齊食,一流既享受。…查看更多

奧海城三期既西班牙餐廳,環境同氣氛一流。餐廳有細枱,有大枱,而最後仲有酒吧枱坐底後,已經有職員送上墨西哥脆片小食,香脆又可口,可以邊食邊睇餐牌。公司沙律,份量好多,沙律菜好新鮮,加上鴨胸,幾開胃。墨西哥雞肉卷,係餐牌見到係新出既小食,墨西哥皮好香脆,中間有雞件同瓜菜配上醬汁,好野味。伴碟既炸薯角好香脆。職員推介既美國黑毛安格斯肉眼12安士可以見到牛扒都好大塊,我地叫左7成熟,肥而不膩,都唔會太老,牛扒以網燒熟,所以有燒烤既香味肉眼扒脂肪較多,口感嫩滑同唔會韌。…查看更多

位於黃大仙現崇山既一間西餐廳,餐廳有室內外比客人選擇,室內環境好優美,好岩情侶一齊去,舒適又有浪漫feel。同老婆每人叫左一個dinner set,包括有餐包,餐湯同前菜。我地升級叫左凱撒沙律同龍蝦濃湯,沙律好新鮮,幾開胃。龍蝦湯味道好濃郁,裹面仲有幾粒大蝦。香辣新鮮蟹肉扁意粉,小小辣味,扁意粉比較滑溜,蟹肉都有唔少。香煎美國下肩舺翼板牛扒配青胡椒汁,伴碟薯條同沙律菜餐廳好細心牛扒切好上碟,叫左7成熟,肉仲係粉紅既,質感比西冷硬身,但肉味好濃,配埋個醬汁食,非常唔錯。餐飲叫左凍朱古力咖啡同凍明治牛乳朱古力…查看更多