imcindyho的个人专页

ᴛʜᴇ ᴍᴏᴄʜɪꜰꜰᴏɴ ᴄᴀᴋᴇ 最近推出咗聖誕限定蛋糕系列ᴄʜʀɪꜱᴛᴍᴀꜱ ᴄᴏʟʟᴇᴄᴛɪᴏɴ🎄三款蛋糕都充滿聖誕氣氛，慶祝節日一流💕🎂烏龍茶脆脆可可 Chocolate Oolong▪️4-inch mini cake $460蛋糕賣相趣致又可愛，切開後層次超豐富，共有六層：濃郁可可忌廉、濃郁烏龍茶忌廉、烏龍茶脆脆、鬆軟可可戚風蛋糕、招牌煙靭麻糬、濃郁煙韌可可布朗尼！招牌戚風蛋糕濕潤又鬆軟，夾雜住烏龍茶味同可可味，中間仲有脆脆同煙靭麻糬，蛋糕底層有濃郁布朗尼，整體食落好有層次感～真係又靚又好食😋…查看更多

去咗港威商場嘅姚姚酸菜魚食飯，推出左幾款套餐都有酸菜魚同北京烤鴨，依個主題幾特別，而且份量都算多▪️滋味共享套餐 $438套餐包括酸菜魚、半隻北京烤鴨、川味鴨架同酸辣土豆絲，份量都足夠2-3人分享▫️姚姚酸菜魚可以自選辣度酸度同油量，鱸魚片份量都好多，魚肉口感嫩滑彈牙，酸菜青嫩爽脆，整體湯底酸辣適中帶麻辣香氣，酸酸地越食越開胃，如果有得配埋薯粉食一定仲正▫️北京烤鴨烤鴨有半隻，鴨肉切成薄片方便食，鴨皮帶油香，餅皮蒸到好熱，一籠都有10塊，餅皮包裹住青瓜蔥絲及甜麵醬，夾埋一齊食口感豐富又惹味▫️酸辣土豆絲土豆絲切成條狀，清脆又爽口，酸辣味道配上蒜蓉同醋汁味道非常惹味，仲帶點麻香味，也很不錯▫️川味鴨架一鴨二食，以川味製作香辣惹味，肉量雖然唔多但整得入味…查看更多

肉肉大米不時都會推出期間限定口味漢堡，今期推出咗忌廉菇菌漢堡! 今次點咗3件漢堡扒，一件原味、一件芝士同一件忌廉菇菌！坐低後店員就立即遞上湯、白飯、一隻生雞蛋，湯係菇菌麵豉湯，配合返期間限定嘅忌廉菇菌漢堡，幾足料有好多菇係入面，仲有魚蛋！枱上備有多款醬汁及調味料，可按照自己口味加落碟上！用餐期間西蘭花、湯同白飯都可以任食，食得好滿足第一件漢堡送上時已預先煎至半熟，再係自己面前嘅鐵板加熱，漢堡肉味香濃又多汁！接住第二件係芝士漢堡，加入即刨芝士，同埋一片車打芝士，芝味十足又邪惡！最後第三件係期間限定嘅忌廉菇菌漢堡，忌廉醬汁好惹味，上面再加上大量炒香左嘅雜菇，感覺好豐富又香口！…查看更多

到訪又一城美式意大利餐廳Amaroni's，臨近聖誕節，餐廳佈置得好有氣氛，坐低後店員隨即遞上暖笠笠餐包，蒜蓉包鬆軟，口感不錯，refill咗多1次▪️鮮釀海鮮牛油果海鮮他他混入蟹肉、蝦同魚塊，食落感覺清新，配搭牛油果食口感軟嫩鮮美，底層還有凍蕃茄醬點綴，味道酸酸地更開胃▪️經典紐約薄餅薄餅份量都幾多，切成9件，適合2-4人分享～配料豐富，有意大利肉腸、蘑菇、青紅椒、洋蔥、馬蘇里拉芝士，可以揀配蕃茄醬或千島醬！薄餅既軟熱又香脆，滿滿配料令口感更豐富▪️焗鮮蝦雞肉長通粉長通粉配上烤蝦、雞肉同巴馬臣芝士，味道好夾，並加入意大利火腿增添咸香味，蒜香忌廉汁滋味又香口…查看更多

去咗銅鑼灣喫茶ちょうぼ 食飯，餐廳裝修得有格調，座位舒適，適合同朋友傾計用餐▪️白雪椿芝士蛋包飯用上廣島白蛋，半熟蛋口感滑溜，配上濃厚芝士汁非常惹味，下層仲有一件好厚嘅漢堡扒同炒飯，份量十足▪️和洋酸忌廉辣肉腸‧大蜆鍋配香草薯條酸忌廉汁醬好濃郁，每隻蜆肉都沾滿醬汁，大大隻而且份量好多，配上嘅香草薯條炸得好脆，點埋酸忌廉汁又幾夾▪️喫茶特製・白雪の椿小食盛四款小食各有特色，最愛芝士年糕，咬入口充滿芝士香氣，口感煙靭，蟹肉忌廉可樂餅炸得香脆，仲有芝士竹輪同蘑菇薯蓉，非常豐富▪️暖洋芝士燒竹輪卷竹輪卷燒得乾身，灑上紫菜碎份外滋味▪️原個濃厚西瓜汁成大個西瓜上台好浮誇，加左個接駁口飲得好方便，清甜又解渴…查看更多

自己人係沙田開左新分店，餐廳主打食新派潮州菜，多款精緻又有創意既點心，玩味十足，餐點送上時個個忍唔住相機食先，造型滿分，食物味道都有驚喜！▪️鳳梨雀仔賣相非常靚，小鳥放在鳥籠內非常趣致，食落似鳳梨酥，酥皮入面包住鳳梨餡，香味又好味▪️金魚戲水游水金魚湯蝦餃賣相100分，以高湯浸住嘅蝦餃，啖啖蝦肉好足料▪️仲有多款特色點心包括黑蒜蝦燒賣、蟹粉芙蓉餃、粉紅佳人（龍蝦肉餃）賣相都係好精緻，值得一試▪️潮汕滷水炸乳鴿乳鴿外皮香脆，肉質嫩滑多汁，帶點滷水香氣， 整得夠入味▪️潮汕炸蠔餅蠔餅炸得香酥可口，蠔仔份量俾到足，炸粉夠薄食起上來更有口感，點上辣椒醬食味道更惹味▪️百花紫菜酥紫菜酥食落好有驚喜，面層紫菜酥脆，底層蝦膠混合墨魚膠彈牙，雙重口感滋味，並加入粟米粒增添甜味▪️豆漿蟹肉番薯葉苗用上豆漿湯底襯托番薯葉，味道濃郁，蟹肉份量都算多 ，夾埋一齊食口感層次分明▪️蟲草花紅棗燉烏雞燉湯係以單碗位上，熱辣辣既湯最好飲，滋補又暖胃▪️潮汕落湯錢糯米粉團口感軟糯，煙韌口感非常正，沾上糯米粉&五仁粉香甜又好味…查看更多

PHI Coffee & Pancake係啟德體育園北園開咗分店，店內佈置得好舒適寫意，給人放鬆心情感覺，最近更新左餐牌，推出幾款充滿節日氣氛嘅餐點，即刻要嚟試吓！🎅🏻楓糖烤南瓜沙律 $92南瓜有烤過，加埋楓糖好香甜，配料仲有水牛芝士、果仁碎、燕麥、同新鮮沙律菜，口感豐富有層次🎄地中海式蕃茄海鮮配吐司 $218好豐富嘅海鮮雜燴，有大蝦、青口、魷魚圈、魚柳同海蝦，配搭嘅蕃茄醬汁味道好香濃，再用烤過嘅厚吐司點醬汁非常好食又惹味！🪵香烤牛肝菌栗子貓耳朵粉 $126醬汁菇味濃厚，好多舞茸菇，肉厚嫩口，貓耳朵充滿住醬汁同蛋漿，少少煙韌口感，整體好惹味香口💎焦糖紅寶石玉桂梳乎厘 $138梳乎厘空氣感十足，蛋香味濃，焦糖蘋果酸酸甜甜，蘋果蓉仲混入apple cumble令口感更豐富，充滿節日氣氛嘅甜品☕️朱古力泡泡 $56 開心果咖啡 $68飲品賣相精緻，朱古力泡泡上佈滿聖誕造型嘅朱古力碎碎，氣味濃厚！開心果咖啡加入奶泡同開心果碎，口感層次豐富，甜度恰到好處…查看更多

天氣涼左又係時候打邊爐，今期牛大人又推出期間限定湯底，試咗「養生菇菌燉雞鍋」好香菇菌味，亦好足料！而且最近至12/2晚市點選「日本黑毛和牛A4+ 套餐」仲有得送江蘇太湖大閘蟹🦀一隻，大滿足！日本黑毛和牛A4+ 套餐會送澳洲M9和牛牛丸2粒同海鮮拼盤！仲會有日本黑毛和牛A4+、伊比利亞黑毛豬梅肉、鮮甜鮑魚任食，真係好豐富！和牛滿滿油花，肉質軟腍，入口即化，令人回味！另外都試咗幾款幾特別嘅小食，蝦蝦霸霸脆多士非常脆口惹味、日本和牛橘梨伴豆腐清新開胃、阿嬷豆乾魚蓉麵，仲有夜市類小食：烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗，開始打邊爐前食下小食都唔錯啊！用餐期間仲有店員拎道具過嚟玩東南西北🎲遊戲，凡惠顧極上和牛、純種全血和牛或以上套餐顧客均可參與遊戲，每檯一次，有機會獲得童年玩具/牛大人小禮品…查看更多

慶祝節日多數鍾意揀西餐，去咗有多年歷史嘅美式西餐廳 Dan Ryan's Chicago Grill! 餐廳燈光微暗有情調，浪漫有氣氛！今次點了一人餐可以自選前菜、主菜同甜品，彈性度高，點餐過後就送上一籃餐包，有四款唔同口味嘅包點！▪️周打蜆肉湯忌廉味道香濃，湯內好多料同蜆肉▪️凱撒沙律份量都幾大碟，灑上滿滿巴馬臣芝士碎同沙律醬，沙律菜好爽脆，配有麵包粒同蕃茄粒▪️蕃茄肉眼牛柳寬麵醬汁充滿濃郁蕃茄香味，寬麵彈牙又掛汁，啖啖都沾滿醬汁，肉眼牛柳粒煮得入味，份量都幾多▪️慢烤美國進口BB豬排骨估唔到半份份量都咁多，豬排骨肉質非常軟嫩，輕輕一切就食到，醬汁濃郁又惹味，仲配有薯條同椰菜沙律，非常豐富▪️自家製布朗尼蛋糕朱古力士多啤梨朱古力味道濃厚，蛋糕食落有質感，加埋朱古力醬勁邪惡，整體甜度偏高▪️紐約芝士蛋糕Cheese cake重芝士味，口感滑順濃郁…查看更多

「玥」位於元朗Yoho Plus, 主打食台灣菜!! 今次食咗佢哋嘅二人餐，味道同份量都不錯，食得好滿足～▪️黑蒜雞湯二人餐每人有一盅湯，味道濃厚而且好足料，有雞腳、菌類仲食到粒粒黑蒜，熱辣好飲▪️塔香鮮蚵煎蛋蚵仔份量都幾多而且幾厚肉，伴上蔥花同醬汁 味道香口惹味▪️鳳梨咕嚕肉色彩繽紛嘅一道菜，咕嚕肉整得入味，配料相當豐富，加入三色椒同幾款水果入去炒，令醬汁更香甜▪️樹子香菇炒水蓮水蓮口感爽脆，加入香菇、樹子同蒜頭一齊炒得香口惹味▪️手工安格斯滷牛肉飯滷牛肉煮得軟腍又入味，而且牛肉大大粒食落有口感，用上安格斯牛肉肉味更濃郁，簡直係白飯小偷▪️芋泥芋圓鮮牛奶將鮮奶加入配料之中，非常美味，份量足夠二人食，芋圓煙韌Q彈，仲有桃膠、紅豆、珍珠、芋泥等配料，非常豐富…查看更多

燒肉控又出發食燒肉🤤 和牛燒肉‧純位於尖東希爾頓大廈，今次點咗<特選和牛燒肉二人餐> 套餐好豐富，和牛亦非常高質，賣相靚又好味! 💥時令沙律雞絲沙律卷伴入芝麻醬感覺清新，沙律菜包裹住雞絲口感爽脆💥是日刺身章紅魚&呑拿魚兩款刺身都好厚切，肉質緊緻，富有彈性💥前菜三點▪️松葉蟹肉：配濃郁醬汁，絲絲蟹肉鮮味十足▪️牛肉茶碗蒸：非常滑溜，高湯與牛肉粒味道香濃▪️和牛刺身：牛肉上搭配馬糞海膽同柚子啫喱，感覺奢華，味道亦非常豐富💥和牛壽司兩件火炙牛肉壽司輕輕炙燒過更能感受和牛油脂香氣，碎牛肉壽司伴上蔥絲增添口感💥和牛拼盤▪️特選和牛西冷▪️特選和牛牛排肉▪️和牛上等牛排肉▪️日式壺漬和牛牛排肉▪️蔥燒長條牛舌▪️辛辣厚切豬腩肉拼盤上枱時好震撼！靚牛全放在長型石板上，牛肉色澤鮮艷，油脂均勻，仲有超靚雪花！店員推薦由長條牛舌開始燒，質感爽口彈牙！牛排肉油脂較多，入口油香更突出！但講到最邪惡嘅一定係和牛西冷，燒嘅時候火光熊熊，超惹火，口腔滿滿牛油香氣！💥海鮮釜飯配料有虎蝦、魷魚、紫菜，蔥等，店員隨即以醬油拌勻，釜飯熱辣辣，鮮味可口，底部仲有少少飯焦，好香口💥牛肉清湯有青蔥同好多牛肉碎，蘿蔔煮得軟腍又入味💥甜品最後嘅甜品有柚子雪葩拼蜜瓜，清暑解膩…查看更多

Airside 呢間Terrace in seaside環境幾chill! 位於天台花園採光度十足，非常適合同三五知己嚟，坐戶外位置更加可以同主子一齊用餐！▪️韓式豬手(半份)豬手上枱時已預先切成件，整得入味，豬皮Q彈，伴上辣醬同蒜頭食更添韓式風味，佢隻辣醬幾惹味幾好食，另外仲有附上紫蘇葉、生菜等，可以包住食▪️韓式烤牛肉奶油意粉湯汁較濃味，帶點甜甜地嘅味道，意粉掛滿醬汁，牛肉份量都好多，整體嚟講幾飽肚▪️雞蛋多過飯的蛋飯卷飯卷如其名真係雞蛋多過飯，好足料，有牛蒡、青瓜、黃瓜同蘿蔔絲，入口非常飽滿而且份量好足，伴碟還有沙律▪️開唔開心試咗先知嘅開心果蜜糖窩夫窩夫切成4件，碟邊灑上滿滿杏仁、開心果味嘅脆脆同焦糖脆餅，仲有忌廉同埋開心果醬點綴，配料非常豐富，窩夫本體香脆並食得出蛋香味▪️飲完唔會手指指餅咖啡咖啡味道香醇，口感滑順，以手指餅點落面頭鮮奶油食增添香甜味道▪️帶點驚喜的香印提子奶蓋綠茶奶蓋綠茶混入香印提子，味道清新又香甜…查看更多

去咗銅鑼灣嘅九運來粉麵世家諗住食崩沙腩，可惜今日去到已經沽清～～認真受歡迎!! 下次要去再試過，今次點咗八寶同四寶河，都大大碗非常足料▪️招牌八寶魚麵超級豐富嘅配料，有牛腩、牛柏葉、牛筋、牛丸、貢丸、魚皮餃、墨魚丸同魚蛋！腩汁湯底非常惹味好濃厚，另外升級做魚麵，非常推薦，魚麵質感彈牙，充滿魚肉香氣，食起來非常飽肚▪️紫菜四寶河四寶包括有白魚蛋、魚皮餃、貢丸同墨丸，湯底清清地但搭配咗炸蒜同蔥花食也不錯，河粉份量超多，大大碗！▪️炸魚片頭香口彈牙而且熱辣辣，配有泰式酸辣醬…查看更多

段純貞主打台式麵食，每次去都要點手工麵食，闊條麵食更有口感！除咗麵食，佢哋嘅台式飲品-日出茶太 都有好多款選擇同好吸引！▪️麻辣鴨血冬粉食台灣野必食鴨血冬粉，鴨血質感嫩滑而多汁，麻辣湯底都幾夠辣度，冬粉索哂湯汁越食越辣，非常過癮▪️鹽酥雞新鮮熱辣辣，啖啖肉口感外脆內嫩，香口惹味▪️招牌紅燒腱心牛肉麵可以自選幼麵或者手工麵，手工麵又闊又長，質感彈牙更有口感，牛肉整得軟腍入味，配上濃郁湯底味道好惹味▪️燉濃湯雞麵雞髀肉質滑嫩，濃湯鮮美而且唔油膩，同樣配上手工麵，口感彈牙及索盡湯汁好滋味▪️蒜醬油麥菜油麥菜口感爽脆，份量大大兜▪️紫香芋泥特調非常濃厚嘅芋泥香氣，質感濃厚，點咗熱飲味道更突出▪️日出粉粿烤奶入面粉粿嘅口感好Q彈，俾足料，烤奶點了少甜味道剛剛好…查看更多

永年主打食港式車仔麵，每次去到例牌必點佢哋嘅車仔麵，充滿港式風味好有特色！🔅永年大碗麵選擇困難症朋友建議揀大碗麵，有超級多配料：豬腸、魚蛋、蘿蔔、豬紅、豬皮、雞翼、雞翼尖、咖喱魷魚、紅腸、時菜！餸菜鋪滿碗面勁豐富，咖喱魷魚原來係沙田獨有㗎！點咗永年招牌辣醬，辣度都好足，食落好惹味！揀咗油麵，粗粗地彈牙有口感！🔅鐵板雜扒雜扒有西冷牛扒、雞扒、火腿扒同腸仔，肉量十足！可以揀白飯、意粉或薯菜，醬汁揀咗黑椒汁，味道偏濃味，撈意粉食都可以，份量十足食到勁飽🔅永年三寶小食有三款～魚蛋、豬肉同蘿蔔！醬汁超惹味，帶少少辣度，蘿蔔煮得好腍又入味，超級正另外仲點咗油菜、紅豆冰同柚子檸水！紅豆冰超正，消暑又解膩…查看更多