Siu Kwun's Profile

晚上七點幾到而達，已經無雞蛋仔同糖水，叫咗個薑汁撞奶，相當失望，薑汁味夠嘅，不過完全做唔到撞奶嘅效果，好似飲奶水咁，因為無標示那種食品已售完，多問幾句，感覺上職員無乜耐性回答，咁嘅服務同食物質素，不會想再幫襯了。…Read More

趁阪神銅鑼灣店做半價優惠，訂咗枱食午餐，味道可以，座位安排到有玻璃窗的八人房間，環境及職員服務不錯，不過食物份量頗少，尤其薄燒牛肉，只得一塊分兩件，厚燒亦只有幾粒細嘅，另外無免費熱茶或水提供，需要另外付費係drink list order，未試過食日式鐵板燒連普通熱茶都唔提供，整體上有啲失望…Read More

今晚食咗擔仔新竹米粉、番茄牛肉新竹米粉及肉鬆蛋餅，味道不錯，擔仔米粉都幾好餸，菜式飲品選擇都幾多，分量很足夠，價錢不貴，店內企理，職員服務幾好，性價比高，值得推介之小店…Read More

大約八點多到達，等咗一輪先有人接待(開頭以為滿座，入到去發現有多張枱)，坐低後發現枱面無抹乾淨，之後落單職員先告知幾項食物已售完。最後叫咗黑毛豬紫蘇拌飯，分量足夠味道可以，仲叫咗個迷你餐，但食物質素就遜色很多，年糕、餃子同薯條又硬又唔熱，唯一可取之處係有1/4份鮮果窩夫。另外服務實在需要提升，食完主菜無執好枱面，就立即上甜品，又無提供新嘅碟同叉，叫職員提供轉頭又唔記得咗。…Read More

今日午飯時間路經，見到好多人排隊，望入店舖企理整齊，見人氣高就諗住試下，點知返到屋企即食，超級失望，無論係肉鬆定朱古力麻糬波波，都又硬又乾，完全唔鬆軟，屋企人都話好似食緊隔夜麵包，新鮮出爐無理由咁樣……Read More

餐廳環境不錯，地方寬敞適合聚會，不過食物質素一般，雞肉意大利飯之粉量極少，只有幾塊好薄嘅雞肉，跟餐牌上之相片有明顯出入，職員服務還好，不過入座時俾錯套餐餐牌，到落單時先話無套餐，只可以散叫，價錢相對貴一截，整體用餐感覺很普通…Read More

跟朋友於八月花食晚飯，餐廳人手不足，服務需要改善，點菜、加水及食物分配都要等好耐，要多次舉手搵待應先有人接待。食物價錢偏貴，餐牌上菜式選擇有限，八點左右花雕雞同香酥鴨已經售罄。另外食物質素欠佳，幾道菜都好鹹，當中以紅炆牛肋條最差，收費超過$200，但煮得太耐，啲牛肉好硬又乾，完全無肉汁，而且有牛筋而非全牛肋肉。多年前曾經到過其他八月花分店，印象中食物不錯的，但今次無論食物及服務方面，都實在令人大失所望。…Read More

訂咗枱同朋友食lunch，坐低後已經要求要暖水，結果提出三次後餐廳職員先提供到，另外朋友叫的All Day Breakfast漏單，等咗好耐追問餐廳職員先知忘記落單，由於趕時間，所以我哋無補單，朋友無奈地空著肚子離開餐廳。食物亦只係普普通通，所order嘅Egg Benedict嘅麵包同菠菜都好乾，質素實在令人失望。座位亦比較擠迫，坐得唔舒服，而當日餐廳洗手間亦有問題用唔到，需要往附近商場，整體服務唔符合期望。…Read More

年初二訂了枱食晚飯，當時人流不多，但接待員多番叫我哋等候仍未安排入坐，白白呆等一輪。入座後餐具仍未擺好，一大盤筷子放係枱上，等了一段時間先派筷子，又見到侍應多番用手接觸筷子前端，我們要重新清洗先安心。座位安排方面亦不妥當，枱與枱之間好狹窄，待應及傳菜不斷行過都踢到座椅，全餐飯都坐得不舒服，而上菜時待應更撞倒茶杯，茶弄濕了枱面及親友，待應竟視若無暏，無道歉亦無安排餐巾處理弄濕的枱布，服務態度極差，親友要自行用紙巾清理枱面及衣物。食物質素比幾年前差了很多，餸菜亦要多番催促先齊，無論服務及食品都令人失望。…Read More