couponbag's Profile

去和順記一定要食炸髀？好出名炸髀醃得入味冇雪味夠脆大件，是的！其實佢有個龍脷柳午飯，一樣出色。兼善里呢間呢，就喺後巷。環境就一般啦，都叫光猛整潔。之前食過生炸雞髀，真係名不虛傳。鹵水雞髀都非常好味。…Read More

牛極係近年擴充得好快的石板燒食肆。以前石板燒唔平，不過而家 under $100 就食到。價錢真係好親民。午餐去食，唔係咁多人。唔可以話大把位，不過呢間分店中午唔使等位。環境舒服也算清潔，疫情可能加了換氣機，沒有燒肉店個種燒烤味。午餐有鰻魚、雞等等，只需 $55，不過「牛極」喎，梗係食牛啦！門口有售票機，你可以隨便點你想食的。有唔同份量可以選擇，夠貼心。我食最抵食的亂切，200g 連 $100 都唔使，不用加一。可以用現金俾錢，Alipay 支付寶俾錢都可以。跟住部機會印張收據， 張收據俾姐姐就可以。呢度最抵的是，他是半自助餐形式。沙律、牛肉湯、靚的粒粒白飯 － 都係任食！沙律有番茄仔，有生菜，正！牛肉湯夠味，內面有d蕃茄、椰菜、牛肉粒。冬天飲牛肉湯正係好正，任飲，每次來都飲起碼兩碗。已經冇曬湯。酸酸地好開胃，內面有d蕃茄、椰菜、牛肉粒。飲左碗湯再先再食肉。好正。亂切可能賣相無咁好，不過其實相當抵食。因為亂切已經切開咗，石板都夠熱煮熟所有肉。如果塊板唔夠熱，可以要求換板。石板夠熱，曾經有女同事石板太熱彈油彈親塊面。所以女士小心唔好哄咁埋。…Read More

中午在太子附近，在弼街，搵到間店叫味皇。似乎也整潔衛生，入去叫咗一個海南雞飯套餐。上菜，都幾好。份量都大，價錢略貴。不過個餐有湯飲，有菜食。可能唔使要餐都夠食。…Read More

不是去吃晚飯 (沒有晚飯堂食 Anyway)。去買米線，有豬扒米線，怕唔夠食加埋墨丸。睇店名，睇唔出，豬扒原來好出色。外賣豬扒會放在紙袋，所以返到辦公室 Office 都唔會淋咗，抵讚👍🏻。豬扒米線好食，仲有加埋墨丸，抵食值得推介。價錢親民合理，服務員態度唔錯。…Read More

好多人話在吉祥食坊食兩餸飯，會嫌「頹」又點咁。不過你係買飯盒喎，幾廿蚊咋，幾廿萬咩？其實我覺得佢每個餸都好好味，起碼，對得住個價錢先啦，街坊生意價錢夠貼地，CP 值係好高嘅。唔好睇店細細，老闆宣稱都有成30個餸揀，重要每日有少少唔同。所以都非常推薦俾同事食。我揀 蟲草花蒸雞、麻婆豆腐、節瓜粉絲，非常好食。因為呢間舖流量高，相信餸菜都非常新鮮。老闆同店員都好好人，打招呼熱情親切。比完錢會同你講「聽日見」、「下星期見」，令你真係會想明天／下星期再來。做生意的朋友，要學嘢喇。…Read More

我自己就食蔥油豬扒拌面。豬扒份量夠，大食的朋友都應該會滿足。味道不錯。豬扒係有醃製過，外面炸得非常金黃香脆；裡面卻又柔軟多汁，口感非常之好，好吃，非常推薦。當然，你唔似我咁鍾意食麵多過食飯，叫蔥油豬扒飯都係好多人的熱門之選。同事就食鴨血鍋，聽過非常唔錯。鍾意食辣的朋友唔好錯過。…Read More