朋友東北人,過嚟香港讀書，成日話想試下啲地道粵菜，今個禮拜就帶佢嚟老字號試一試。叫咗個叉燒併切雞打頭陣，個叉燒半肥瘦勁juicy，切雞又夠滑，基本功冇得輸。跟住個XO醬滑蛋炒蝦仁，啲蛋好嫩滑，蝦仁又爽口，簡單得黎見到師傅火候控制唔錯。個銀棯醬雞煲我都係第一次試，酸酸甜甜勁開胃，朋友話之前未食過銀棯醬嘅味道，相當特別。加多個脆春卷同上湯白菜苗，清清哋但同樣好味。成餐飯佢都食到lam lam脷，仲影咗勁多相。其實香港真係仲有好多餐廳好有心機咁經營，味道同服務都絕對唔比深圳差，明白北上消費有吸引之處，但留喺度飲飲食食一樣有選擇。…Read More
