Pleplev3v's Profile

生活好忙碌，都唔記得咗幾耐冇去試新店😩 好彩苦中總有一點甜，就係同兩位foodie朋友黎到試新開嘅泰國過江龍doughnut店「Drop By Dough🍩」❣️餐廳距離地鐵站好近👍🏻 店面裝潢主調係優雅嘅寶藍色，室外有少量座位方便打卡；室外空間感大，裝修擺設有風格，尤其係埋邊嘅鏡面大冬甩🍩冬甩口味眾多，而且賣相色彩繽紛，睇見都流晒口水，一行人試咗四款口味，真係各有千秋😍 《 Mango Kati 》 $48 4.5 / 5食落味道似食緊椰汁芒果糯米飯，入面仲要係爆漿，真係好refreshing😍 《 Salted Egg Custard 》 $48 4.5 / 5鹹香十足，再加埋面頭嘅脆脆粒口感更加豐富👍🏻 《 Crème Brûlée 》 $48 4.5 / 5經典口味，表面嘅焦糖好有焦香，入面嘅醬都係多到漏晒出黎🤤《 Kyoto Matcha & Red Bean 》 $46 4.5 / 5抹茶控都會喜歡嘅口味，甘甘甜甜👍🏻 唯一不足係紅豆集中晒喺中間想一次過食晒抹茶同紅豆有啲難度😝總括而言，冬甩嘅質感鬆軟，唔會太甜食完都冇飽滯感，口味好多同有新意👍🏻 …Read More

暫時食過性價比最高嘅高質壽司店🍣高峰時期一個星期都會食一次「合點壽司」，雖然每次基本上都要排隊至少半個鐘，但佢地不定期即劏魚生壽司真係好令人期待！🥹😍每次嚟幫襯都一定會點佢嘅《厚切三文魚壽司🍣》魚生嘅厚度同壽司飯真係差唔多一比一，完全對得住「厚切」呢兩個字！厚實嘅魚肉咬落去油脂好足，而且冇筋口感好順滑～😍 另外呢度都有多種罕有魚生，例如「喜知次」、「小肌」同鯛魚等，食材好新鮮👍🏻 另外必食推介係《會跳舞的鮑魚》，將檸檬汁唧喺鮑魚上面，鮑魚仍然會伸縮，就好似跳緊舞咁，入口係超爽脆，好特別嘅體驗🤤除咗魚生，佢哋熟食都好出色！即叫即整嘅磯邊炸竹輪烏冬尤其值得一試😋炸竹輪浸落湯度竟然仲保持到脆口，而且烏冬口感爽滑，熱辣辣好暖胃！自家製厚燒玉子更加係誠意之作！好似金磚咁嘅玉子燒，食得出內裏一層一層好似千層蛋糕咁，蛋卷保持到挺身香甜又唔嚡口，一定要試！😋———————————————🏠環境舒適度：💛💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛💛———————————————…Read More

嚟到灣仔駱克道「Forkers」，一間低調但內有乾坤嘅西餐廳，除咗單點套餐外，最方便嘅一定係嗌2人Dinner Set🥂 價錢實惠又可以試晒啲招牌菜😎👍🏻前菜係由48個月後腿肉而製成嘅火腿片，入口有淡淡鹹香，唔會太Over，單食咬完再飲啖sparkling wine成個口腔都好香！而另一食法配搭Bakehouse香脆意包又有唔同感受，作為一個Starter真係好唔錯🤤嚟到餐湯時間🥣加錢可以upgrade法式龍蝦濃湯🦞湯底鮮味無比，仲掛咗原隻蝦肉喺杯邊，賣相吸引，蝦肉爽彈，忌廉都令到湯汁順滑可口😋品嚐完前菜同餐湯，見侍應都上前斟滿紅酒🍷就知道今晚嘅重頭戲馬上登場🤩 45日風乾熟成肉眼扒🥩揀咗五成熟，一件件切開粉嫩嘅肉眼望落就知肉質嫩滑，汁水飽滿，風乾熟成制法令到肉汁充分鎖住，一咬落去油脂同肉香瞬間係口內充斥🥺 青龍蝦尾意粉🍝龍蝦肉飽滿爽彈，鮮味無窮，意粉每一條都裹滿鮮茄醬汁，零舍醒胃🤤飯飽酒足，仲有餐後甜品滿足埋第二個胃🥰 竟然係朱古力心太軟配雲呢拿雪糕🍨心太軟一筆落去熱辣辣會出煙，濃郁嘅流心朱古力餡配上冰凍嘅香甜雲呢拿雪糕，為今晚嘅豐盛晚餐畫上完美句號😎———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛💛———————————————…Read More

講起新派港式茶記入面，「老荔冰室」一直都相當具人氣，知道佢地間唔中會轉Menu即刻黎二刷一下先😎 再次到訪晚市依然人山人海，好彩都唔算等得耐👍🏻 新Menu中竟然有Gym L大愛嘅「蒟蒻麵」，質素有驚喜😍 重點係價錢都仲係咁親民，抵讚😎👍🏻《 🍜增肌減脂手撕雞蒟蒻麵 》 $55 5 / 5 🌟🌟🌟🌟🌟想出街食飯但食得健康，蒟蒻麵真係好選擇！👍🏻哩款蒟蒻麵口感滑溜，食落又唔會有化學味或者鹼水味，麵條質感好清爽，仲要吸收左湯底嘅清甜，好開胃🤤 而手撕雞份量好足，足足有成65 g蛋白質😍 哩個價錢好抵叫！《 🍜 花膠雞阿媽足料雞湯米線 》 $72 4.5 / 5竟然係茶記食到咁厚咁大片花膠實屬難得！🤩重點在於足料雞湯精華，有蟲草花、杞子等，養生之選😋《 🦀 滑蛋粒粒蟹肉飯 》 $72 4 / 5滑捋捋嘅滑蛋完美包裹住粒粒蟹肉，蟹肉實淨有鮮味，加埋特製豉油，好提鮮👍🏻飲品叫左《 阿華田脆脆 》 同 《 奶茶紅豆冰 》，都係經典之作👍🏻————————————🏠環境舒適度：💛💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛 ————————————…Read More

從大阪道頓堀遠洋來🇭🇰插旗嘅人氣排隊拉麵店「花丸軒」進駐中環！傳說中嘅25 cm原條豬軟骨濃厚湯底拉麵終於喺香港都食到🥳 店舖位於中環荷李活道地舖，店面風格承集日本總店，樸實無華嘅門面內藏關西濃厚好滋味😋入到店舖即刻聞到豬骨湯嘅濃厚香味～而且店舖光猛企理，舒適感同氛圍感比起日本有過之而無不及😏《 🐷招牌原條慢煮豬軟骨拉麵配溏心蛋 》 $148 4.5 / 5招牌名物原條上嘅豬軟骨真係好衝擊視覺🤩 慢煮八個鐘非常入味，筋骨位都入口即溶，肥美甜糯嘅口感真係一試難忘😝 湯底係濃厚醬油豬骨湯，配搭爽口拉麵真係滿嘴精華～ 溏心蛋亦都香軟滑溜🥚《 🍜 幸福拉麵二重奏配溏心蛋》 $128 4 / 5豬軟骨同肥美叉燒配搭嘅幸福二重奏一樣咁精彩！肥美叉燒切成薄片，膏位脂香滿溢😋 加兩蚊嗌咗辣味噌湯底，湯底濃郁之餘更加有層次感😈越食越過癮～《 天婦羅豬軟骨 》 $52 4 / 5香港店獨家小食，連日本店都冇㗎 ！脆皮粉漿包住厚肉豬軟骨，炸到金黃鬆脆，豬軟骨同樣咁鮮嫩入味！😋總括嚟講，香港店都大致保留到日本嘅濃厚風味，喺餐點上更加別出心裁，尤其是原創嘅天婦羅豬軟骨都幾有創意，值得一試😜…Read More

銅鑼灣嘅登龍街經常係搵食嘅好地方，咩菜式都應有盡有😎 今次嚟到開業冇耐嘅樓上大排檔「囍筷大排檔」，原本以為樓上舖應該冇乜氣氛啦，點知一入到去其實都係好喧鬧，店員又好親切，真係有種大家都係老街坊嘅熱鬧感覺😝 呢度主打都係食海鮮為主，有啲好有特色嘅招牌海鮮仲要提早一至兩日預留，今次冇預留到，所以食唔到鱔真係好可惜！🥲《 椒鹽鮑魚 》 $90 4 / 5金黃嘅椒鹽外皮鋪滿喺爽彈嘅鮑魚肉上，咬落酥脆內裏Q彈，口感同味道都好有層次😙《 蒜蓉粉絲蒸蟶子 》 $115 4 / 5呢個經典組合相信大家食唔少，但係坪洲直送嘅肥美蟶子確係令到菜式錦上添花😋肥美雪白嘅聖子肉足足有手掌咁長，重點記得食埋朔晒精華嘅爽滑粉絲😝《 清蒸虎杉 》 $398 4 / 5「清蒸海上鮮」簡單清蒸後淋上熱油已經非常可口，海魚嘅肉質滑口又爽彈，連面珠墩都有大大嚿肉，魚汁更加係白飯殺手🍚🤤《 脆皮炸豬手 》 $178 5 / 5 🌟🌟🌟🌟🌟海鮮以外都有好多正嘢！脆皮炸豬手好夠肉地🐷炸到金黃嘅豬皮表層脆口，中間嘅筋位膠原滿滿，豬肉質感實淨充滿肉香，伴碟沙律醬解膩又開胃～稱得上係今餐嘅MVP🤩《 南乳芝麻餅 》 $10 5 / 5 🌟🌟🌟🌟🌟今餐嘅另一個焦點竟然係呢款小點心🤩 同樣係坪洲特產，佢哋嘅芝麻餅純人手製造，滿滿嘅芝麻濃郁香口，餅底有南乳醬香，而且拎上手都唔油淋淋，好食到停唔到口！🤤👍🏻———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛💛———————————————…Read More

好耐冇食韓國菜，今次嚟到尖沙咀藍馬大廈樓上好受歡迎嘅「hoo韓國包車」，啱啱一到晚市已經座無虛席🤩 呢度氣氛勁好，裝潢好似韓國嘅路邊攤，好熱鬧👍🏻食物選擇都幾多，主菜鍋物等，應有盡有👍🏻 上菜都好快，而且份量足，岩晒成班朋友黎一邊飲一邊食😎《 🍢 街頭魚糕串串 》 $146/半鍋 4 / 5韓國其中一樣最掛住嘅街頭小食，湯底出奇地好似喺明洞食過嘅一樣，清甜得來又帶點胡椒香！😍 如果份量好多，除咗魚糕片亦都有魚糕塊🍥每一片都有厚又闊，所以啖啖都好滿足🤤 《 🧀 芝士泡菜煎蛋卷 》 $112 4.5 / 5韓國菜點少得煎蛋卷！最值得讚嘅係卷蛋質感厚實，不過食落就好嫩👍🏻 芝士同泡菜越食越開胃🤤《 🍗 黑松露Mayo炸雞 》 4.5 / 5黑松露多到成個小山丘咁，加埋mayo令到本身已經有少少調味嘅炸雞更加香口😋 雞肉入邊亦係好Juice🍗👍🏻《 🐷卜卜脆炒豬軟骨拼拳頭飯 》 $142 4 / 5甜辣醬炒椰菜豬軟骨脆片真係好惹味，爽脆嘅口感後勁強勁嘅韓式甜辣醬🌶️好食到停唔到口！拳頭飯本身已經充滿海苔芝麻香，索埋辣汁味道更加有層次👍🏻 整體食物有水準，係好適合聚餐嘅地方🍴———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛🙇🏻‍♀️服務滿意度：💛💛💛💛———————————————…Read More

最近又搵到一間高質嘅日本刺身丼飯專門店🥰位於灣仔廈門街嘅「丼盛日本料理」，地鐵站行過嚟唔使3分鐘就到，非常就腳👣醒目嘅招牌大大隻字寫住店名好易認👁️《 牛肉他他 》 $88 4 / 5埋位冇耐已經上咗前菜「半熟牛肉他他」🐂 全生嘅食得多，估唔到半熟嘅牛肉他他肉味更濃，而且咬落去仲好有筋道，越嚼越香😝夾塊生洋蔥片，點埋店家嘅秘製醬汁，微辛又爽脆令到味道同質感更有層次～《 茶碗蒸 》 $78 4.5 / 5跟住就嚟一份豪華版「茶碗蒸」，上湯蒸雞蛋滑捋捋，海鮮配料有鮮甜嘅海膽、大大隻爽彈海蝦同肉質厚身嘅帶子🐟 雞蛋吸收晒海鮮嘅精華，仲暖笠笠添～《 廚師發辦丼 》 $268 4.5 / 5前菜已經咁高質，估唔到主食更精彩！廚師發辦丼嘅新鮮刺身鋪滿飯上邊好似聚寶盆咁滿🤩新鮮大拖羅油光滿滿，魚香冇得頂！太刀魚經炙燒煥發出炭火嘅香味；赤背裙邊用海苔同青瓜包住手工一流，入口清爽😋 海膽拌青瓜更加係鮮甜滑溜，珍珠米飯索晒魚油香，成個丼飯真係好滿足！🤤《 壽喜燒 》 $118 4 / 5濃味醬油湯底滾吓滾吓肉香四散🐮牛肉肉質飽滿，醬油嘅香甜滲晒落肉入面，鍋入面仲有粉絲、野菜同豆腐等越食越開胃👍🏻總括嚟講佢哋嘅食材真係捨得用靚料，尤其是魚生真係食得出新鮮冇雪藏味，師傅嘅手工亦都好好！😎👍🏻 主打嘅丼飯仲有好多唔同嘅款式，期待下一次再試佢哋嘅靚丼飯！———————————————🏠環境舒適度：💛💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛————————————————…Read More

嚟到長假期嘅尾聲😮‍💨點都要食返餐好嘅日本餐為假期後嘅工作天注入能量💪🏻今次就嚟到太古站AEON地下商舖拜候呢間由日本埼玉縣遠道而來嘅「合點壽司」 🍣 佢地以新鮮廉價見稱嘅迴轉壽司見稱！聽聞都係排隊店之一，但好在長假期大部份人都去晒旅行所以今日嚟到都唔見有人龍，只係等咗5分鐘左右就已經安排入座😄店員安排咗喺吧枱用餐，未坐定已經聽到全體店員洪亮齊整嘅日文歡迎語‼️果然日本餐廳都係好注重禮節🥰同大部份迴轉壽司店一樣，佢哋除咗可以喺迴轉帶拎壽司之外，仲可以用平板點餐，夠晒方便～《 本鮪中拖羅 》 $50 5 / 5🌟🌟🌟🌟🌟肌紅色嘅中拖羅刺身外表色澤佈滿油光，靚到好似display咁😍入口口感嫩滑柔軟，完全冇筋，可以話成件刺身都係精華所在🤤 魚肉嘅清甜同飯入面嘅芥末味道好夾，而醋飯亦都粒粒飽滿，係今餐嘅焦點所在🥰《 油甘魚 》 $35 4 / 5油甘魚肉質厚實彈牙，有咬感之餘魚肉味道濃郁，唔使點豉油都好美味～《 喜知次魚 》 $65 4.5 / 5見壽司師傅熱情地推介呢款壽司，咁就一定要試啦！😍估唔到真係冇介紹錯，呢款魚嘅肉質爽脆冰涼，活力十足，魚肉味道較淡，點少少豉油提鮮風味十足，真心推介！💯《 三文魚腩 》 $30 4 / 5經典款三文魚腩又點少得呢！肥美光滑嘅三文魚腩咬落口脂香豐滿😋果然冇失望！《 長鰭吞拿魚拖羅 》 $30 4 / 5上等嘅吞拿魚腩位，肉身紋理分布得好靚，好似生牛肉片咁🐂 魚肉香勁度十足！係略嫌多筋咗少少影響口感🤏🏻《 本鮪大拖羅 》 $60 4.5 / 5頭先試完中拖又試吓大拖！雪白嘅魚肉刺身望落晶瑩剔透，味道方面偏向清淡，魚香慢慢喺舌根滲出，比較慢熱😌《 炙燒鰻魚 》 $30 4.5 / 5個人私心推介第二位！厚疊疊嘅鰻魚肉好似彈床咁鋪喺壽司飯上面，吸引之處係鰻魚入口竟然有炭火香味🫢整體而言壽司單品質素好高，價錢講唔上係平，但絕對物有所值！💯個人鍾意佢哋將Wasabi放喺醋飯入面呢一種握壽司嘅手法，完全係承襲自日本正宗🇯🇵———————————————🏠環境舒適度：💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛————————————————…Read More

天氣乍暖還寒咁，出門真係唔知要點着衫😮‍💨不過講到食，打邊爐就一年四季都咁啱心水😝今次要介紹嘅呢間「大西洋海鮮火鍋」位於北角英皇道，距離北角站2分鐘腳程就到，主打自助海鮮任撈任𢳂🦞🦀配搭多款足料湯底，仲有新鮮即開椰青，價錢仲要好親民夠貼地！「晚市放題火鍋套餐$268一位🍲」首先湯底就揀咗花膠雞湯🐔鍋配大骨湯鍋🐷雙拼湯底鮮香濃郁，面層仲有紅棗椰肉等新鮮底料，美味又養生🥰自助放題區有各款前菜、滷味、炸物等熟食，未淥得都可以醫住肚先～手機落單後，唔使幾分鐘各項生鮮配料就上齊啦🤩 除咗傳統火鍋配料同丸類，佢哋仲有好多獨特嘅內臟部位，例如腰花、黃喉片、毛肚，每樣配料都咁新鮮爽彈～ 尤其鍾意用花膠雞鍋去淥唔同嘅肉類，濃郁嘅鮮雞精華令到肉片更有肉味😝嚟到今餐嘅重頭戲就係自助海鮮放題！大大隻生猛游水蝦蟹，仲有鮑魚俾你任夾，小編就夾咗滿滿一桶嘅鮑魚！實現鮑魚自由🤤 浸落膠原滿滿嘅湯底煮一陣就食得，游水海鮮嘅肉質爽彈之餘仲有獨特鮮甜，掛滿湯底精華，一試難忘！食到咁上下，推介大家一定要試吓用個湯底嚟淥寬粉食！煙靭嘅寬粉朔晒海鮮同肉類精華嘅湯汁，好味到停唔到口🤤 甜品就有烤榴槤吃到飽🤤 整體而言，哩度真係一次過可以滿足到好多個願望🥰 仲要咁抵食，地方都好寬闊，約埋成班同事嚟聚餐仲好好氣氛添啊！😎👍🏻🏠環境舒適度：💛💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度：💛💛💛💛———————————————…Read More

一講到香港街頭小食，最先諗起嘅一定係雞蛋仔！而喺最多街頭小食嘅旺角，就搵到呢間創意雞蛋仔「蛋仔記雞蛋仔」😎 見到佢喺網上都好多好評，即刻叫返兩底試吓先😋最有創意都莫過於佢哋新推出嘅《 章魚燒雞蛋仔 》 $42 🐙 估唔到可以將日本小食同香港小食結合，味道又真係幾夾！😍 最抵讚嘅佢哋每粒雞蛋仔入邊都真係有一粒章魚燒，冇揸流攤㗎😎 加上木魚紫菜等餡料，充滿鹹香，有驚喜😋食完鹹嘅雞蛋仔，都係想食返甜嘅，叫咗款《 Oreo麻糬雞蛋仔 》，麻糬份量都多，同埋好煙靭，整體口感唔錯🤤 全部新鮮，即叫即整，做到外脆內軟👍🏻 而口味選擇都好多元化，下次有機會一定要試埋佢哋嘅格仔餅🧇 你哋又鍾意食鹹定甜嘅雞蛋仔啊？———————————————👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛———————————————…Read More

又到左發掘隱世美食嘅時候😎 今次黎到佐敦文英街嘅西日Fusion餐廳「JA KITCHEN」🍶 環境恬雅，座位寬闊，可以放鬆番一日緊張嘅情緒😌 而佢地嘅主廚更係擁有多於20年omakase經驗嘅師傅，期望值好高！😍先黎前菜《 🐟鱈魚白子配莼菜酸汁》，之前喺日本都試過食白子，嗰種又腥又奇怪嘅口感真係好難忘🤣 不過好驚喜地哩度嘅白子係真係一·啲·都·唔·腥！😍 可能因為配搭左蒓菜酸汁，冰冰涼涼好醒胃👍🏻 再黎到北海道海膽同生蠔 🦪兩款都鮮味突出😋 柚子醬令生蠔提鮮不少👍🏻而貝類代表就係日本空運北寄貝，同樣咁鮮甜爽口😋食完淡口嘅海鮮，就輪到濃味料理嘅出場😍第一味《澳洲鮑魚清酒昆布蒸配鮑魚肝醬》鮑魚肉彈牙仲有淡淡酒香，鮑魚肝醬加持令到味道更濃郁😋《西班牙鴨肝配北海道牛乳麵包小熊最中餅》造型的色，鴨肝嘅脂香同最中餅嘅脆口互相輝映🤩嚟到今晚嘅重頭戲，呢兩款王牌菜式👑《煙燻吞拿魚下巴幽麾燒🐟》用醬油同味醂醃製嘅吞拿魚下巴醬香濃郁，油脂豐潤，殺手鐧係用蘋果木煙燻製法增加風味，係全晚最鍾意嘅菜式😍另一味係《鐵板嚴選A5黑毛和牛厚燒🐂》和牛肉香爆滿入口即溶🤤山葵漬，岩鹽，炸蒜片各種佐料迸發出和牛嘅獨特鮮香！主食仲有《大閘蟹粉蟹肉伴三輪冷素麵🦀》鮮橙色嘅蟹粉望落已經好開胃🤭冷素面掛住蟹粉同蟹肉滑捋捋又惹味～食飽飽臨尾嚟返個精緻自家製甜品《金箔抹茶蕨餅🍡》收尾，相當圓滿嘅一餐😌整體而言環境舒適，服務態度好好，食材新鮮菜式又創新👍🏻 有機會一定要試吓！———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛💛————————————————…Read More

新年新正頭梗係介紹新餐廳啦！🎊最近週末一有時間就會入啟德搵食，皆因呢度嘅新商場都幾多嘢逛可以慢慢開發😎 就例如「The Pantry Club」都係零售館3插旗👍🏻 新分店裝潢同其他分店大致雷同，座位寬敞舒適👍🏻《 🍔 Chicken Mexicana 》 $128 4.5 / 5香煎雞扒嫩滑Juicy,中間夾住酸忌廉芝士醬🧀同埋牛油果醬🥑口感豐潤有層次，仲有微酸解膩🤤配菜有金黃脆炸薯條同羽衣甘藍🍟滋味可口～《 🦞Lobster Fettuccine 》 $238 4.5/5原隻爆膚龍蝦開邊，一睇見就相當有食慾😋龍蝦除咗充滿紅橙色蝦膏，入面蝦肉都係厚疊疊啖啖肉😝煮食係茄醬爆炒闊條麵🍝酸尾尾開胃茄醬滲入每一條彈牙麵條，啖啖都咁惹味醒胃！《 🥞 Banoffee Cream Brûlée 》 $122 5 / 5 🌟🌟🌟🌟🌟今餐嘅MVP一定係香噴噴又鬆軟嘅梳乎厘班戟🥞🤤 面層鋪滿金黃色焦糖脆脆，外表已經相當吸引📸切落去層次分明，蛋香撲鼻，每啖都食到雲呢拿吉士醬嘅香甜味道🥰伴碟仲有香甜軟滑嘅香蕉🍌基本上搵唔到扣分位！《 🥛Super Oreo Milkshake》 $72 4 / 5將Oreo曲奇打碎混入濃厚奶昔入邊，淡淡都有濃郁嘅朱古力同曲奇香，面層仲有原塊Oreo朱古力曲奇🍪 係Oreo控必試嘅奶昔飲品！《 🍅Pink Guava Neon Fruit Sodas》 $38 4/5冰涼嘅梳打水同酸中大甜嘅紅肉石榴汁混合而成，酸爽嘅氣泡質感配合紅石榴嘅清香消滯一流！———————————————🏠環境舒適度：💛💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛💛———————————————…Read More

一個月冇去旅行，已經開始掛住家鄉嘅味道🇯🇵🤤 不過其實香港都有好多高質居酒屋都唔會比日本嘅輸蝕😎 而今次介紹嘅呢間居酒屋更係小編心目中嘅Top5👑 唔單止款式有創意，價錢仲超值添！😋講緊嘅係位於荔枝角嘅「金酒屋」，因為坐落喺街尾，地點都有少少隱蔽，不過就好受歡迎，尤其係晚市記得一定要訂位！😎《 🍣金龍珠海膽吞拿魚蓉卷 》 $158 5 / 5 🌟🌟🌟🌟🌟第一眼望到隔離檯食已經急住嗌哩一碟卷物！🤩用新鮮靚料堆砌而成嘅豪華卷物，賣相精緻打卡一流📸尤其係粒「龍珠」溏心蛋黃更係晶瑩通透😍 咬落去漿口又綿密，清甜嘅海膽同吞拿魚蓉都瞬間變咗陪襯😌《 🍱金丼 》 $ 5 / 5 🌟🌟🌟🌟🌟繼續喺海膽同月見嘅組合，不過今次就加多咗脂香濃郁嘅拖羅蓉😎 丼飯睇落細細個其實好有「深」度！一層海膽一層拖羅蓉互相交疊，入口即溶～ 海膽新鮮冇腥味🤤 加上脹卜卜嘅魚籽口感更豐富😋 最正係呢度嘅流心蛋黃特別香甜！令到飯嘅味道生色不少😋《 🦀金糖盒 》 $128 4 / 5造型夠晒別緻又有排場😍 一定要俾相機食先📸夢幻嘅配搭分別由底層棉花糖，到盒子上面鋪滿豆腐三文魚子同蟹肉！🦀 一口咬落去口感好豐富，食材交融喺口腔內鮮香美味！《 🍲戰神鍋 》 $680 4.5 / 5用料上盛嘅戰神鍋係用左內自日本兵庫縣嘅生蠔🦪 好肉鮮甜乾淨，可以就咁點豉油生食，或者灼落湯度十秒，同樣有鮮味👍🏻 跟手加咗份鹿兒島A4和牛，入口即化！🤤《 🍢串燒 》 4 / 5居酒屋點少得串燒？！特別推介「松板豬」同「牛肋肉」！火候控制得好好，咬落仲係好多汁🤤😋整體而言除咗多花款之外，每一款都好有驚喜，有賣相有品質💯 唔知佢哋嘅蛋黃係點樣秘製，真係好食得黎又唔會漏或者腥！而且魚生海膽樣樣都咁鮮甜，一定會再訪👍🏻👍🏻👍🏻——————————————————…Read More

《 極品叉燒拉麵 》 $158 5 / 5 🌟🌟🌟🌟🌟加咗牛油嘅濃厚湯底香氣四溢，配合埋粗身爽口嘅太面一啖一啖食到上湯嘅精華😝配料都係叉燒、糖心蛋、筍乾呢類經典款配料，喺濃厚上湯配襯底下格外出色👍🏻比較有特色嘅係入邊有菠菜同鵪鶉蛋，令到成碗麵更加豐富同有層次🍜《 辣味增拉麵 》 $98 4.5 / 5辣味噌湯底入面有大量香辣肉碎，配搭嫩滑幼細嘅幼身拉麵，食落感覺有啲似擔擔面🍜香辣惹味得來，粒粒肉碎咬感豐富，加$15配搭五粒鵪鶉蛋的色又滋味🐣《 章魚小丸子 》 $48 3.5 / 5章魚燒不過不失，餡料有彈牙八爪魚🐙 蛋漿熱辣辣好開胃！《 唐揚炸雞 》 $58 / 5pcs 4 / 5炸雞球咬落鬆脆，而且雞肉仲嫩滑Juicy，炸皮唔會太乾太硬，點埋沙律醬仲開胃🤤…Read More