rosie1118's Profile

九龍城既泰菜真係冇得輸! 今晚食呢間係門口已經見到好多明星合照，味道有保證!泰式生菜包必點既開胃菜，肉碎酸酸辣辣，味道岩岩好。包埋生菜食更加清爽。鐘意佢既肉碎真係粒粒分明，每粒調味都一樣!青咖喱海鮮金邊粉青咖喱微辣，就算唔太食得辣既我都完全接受到，海鮮分量好多，有青口, 蝦，魷魚等等。整體香氣濃郁，椰奶味道香，口感食落更溫順。金邊粉索曬青咖哩汁，好惹味。黃咖喱雞大圓法包絕對係今晚既MVP!! 法包頂烘過，所以好脆口，另外包底吸曬黃咖喱味，好惹味。黃咖喱雞好香口，帶椰奶味、微甜且唔太辣，雞肉夠嫩滑。個汁好食到想配埋白飯食!青檸梳打酸酸甜，清爽解渴，而且夠曬大杯! 椰汁冰甜度岩岩好，椰香濃郁。…Read More

鐘意食牛既我想食呢間好耐了! 今次去左K11分店~慢煮極上日本豚(並盛)配蒜片珍珠白米飯女仔叫並盛，份量都幾足!上枱已經覺得好吸引，豚肉片經慢煮後，肉質細膩，咬落去好軟嫩。我仲加左個即食級既生蛋黃，配埋飯整體口感更滑順。呢個飯我簡左配沙嗲汁，好濃郁。蒜片提升左層次! 口感酥脆，食落更加香，可以增添料理層次。配上佢地自家製既鮮奶油，令到雖然係飯底，但唔會乾! 慢煮熟成美國優質牛肉 配 拉絲芝士蕃茄醬意粉牛肉外邊少少焦香，內裡肉質嫩，咬落去仲有肉汁的，牛肉香氣濃郁。芝士份量比得一D都唔手軟，配埋意粉咸咸香香! 紅酒照燒汁配牛肉好夾~日式炸雞外皮薄又酥脆，雞肉都幾juicy，我都好鐘意佢個醬，辣辣地好開胃!…Read More

位於南豐紗廠1樓既呢間café，好岩帶埋狗狗一齊黎，因為佢有提供dog food! 晚市時間黎到叫左個dinner set，前菜係雞肉華多夫小法包配黑松露蘑菇湯。蘑菇湯好濃郁!法包好脆，配上多樣口感既雞肉餡料，十分開胃。鮮茄蝦汁蟹肉天使面份量比想像中多! 鮮茄蝦汁味道清新，而且每啖意粉都掛汁! 海鮮份量都好多，食到尾都仲有，足夠拌勻每一啖既天使麵。日式五重芝士薄餅餅底好煙韌，因為集合左幾種芝士，所以特別濃芝士味。小食炸雞薯條上枱時熱辣辣，薯條係粗薯，好食!飲品叫左一款係冬日限定，黑糖薑母latte，入口溫和，帶少少微辛，岩曬女仔! 另外仲叫左呢期限定既雲朵咖啡，十分打卡able，雲朵係棉花糖，中和左咖啡原有既苦味，岩岩好。…Read More

銅鑼灣分店位置方面，夠大，坐得好舒適! 芝士明太子玉子燒蛋好嫩滑，明太子既份量好多，每啖玉子都會食到明太子咸咸辣辣既味道，加埋木魚碎同埋紫菜，口感更加豐富!香辣蕃茄大蝦波浪意粉我都幾鐘意呢款意粉，而且平時好少食到，呢款意粉比較有咬口，而且都好掛汁。醬汁酸酸辣辣，好開胃。大蝦彈牙夠新鮮!柚子蜜烤春雞最貼心既位係佢分好同切好左隻雞，同朋友share好方便! 雞肉好juicy，配上柚子蜜，感覺好清新唔會膩。雞皮位燒得好靚，有脆皮位置。仲有薯角，惹味又香口。Matcha lemonade 呢款不含咖啡因，就算晚餐時間飲都唔怕訓唔著! 第一啖令我諗起香港既凍檸茶! 但茶底轉左係抹茶，感覺好清新，而且都幾夾!Young man鐘意飲咖啡既朋友都話呢杯好飲，有種果香。Hot n cold fudge cupBrownie 好濃，中和左甜甜地既雪糕，食落仲有一片片既海鹽。…Read More

粉嶺都開左雞少雞飯，位置好近地鐵站。位於都好闊落，坐得舒適！新加坡去骨海南雞飯呢個係必點，海南雞好滑，雞皮食落唔會油膩。無骨好方便食用。黃油飯好香，而且係粒粒分明，夠香口。跟餐簡左無味精嘅住家湯，原來係椰子雞湯，鮮甜潤口，椰子味夠清甜。加$7 有蝦湯浸時菜，都幾抵食，菜心沾曬蝦籽，好香口。芽龍粉絲春卷炸得香脆！雞肉串燒比較重孜然粉味，好惹味。老街碳燒燒豬頸肉好重碳燒味，每塊都好juicy。星馬班蘭咖映多士要襯熱食，熱辣辣嘅面包配埋鮮油，好食！恐龍美綠係新加坡餐廳特飲，每次都叫，配埋脆脆，濃郁可口。…Read More

今日去左中環街市，地下個層有相當出名既竹麓拉麵! 一定要叫佢最出名個款和牛肉鹽拉面! 湯底係慢火熬煮牛筋為主，出黎個湯清澈見底，飲落比較清爽，但同時會食到濃郁既牛脂味道! 牛肉就用左低溫慢煮既日本鹿兒島A5和牛肉肋肉，牛肉味好濃郁!海老味噌拉面鐘意海鮮既一定要叫呢款，湯底好濃郁，不過唔會過咸，帶有濃厚既蝦味同埋味噌既鹹香。呢款有3隻大蝦，蝦肉彈牙，面條係幼身面，亦都好掛汁!免治雞肉棒入面有雞軟骨粒，增加口感，醬汁調味都係岩岩好。黑豚肉餃子外皮香脆，好惹味!…Read More

第一次係香港食京都勝牛，最特別係佢主打用190度高溫快炸60秒，將牛肉麵衣炸至酥脆金黃，肉質就維持大約3分既熟度! 四品牛魔御膳想試多款肉類，可以簡呢款，一定滿足到你。如果想牛肉再熟D，可以叫店員比個鐵板你，上面仲有牛脂，再燒下D牛。不過個人覺得3分熟度係肉質最嫩! 我最鐘意係翼板牛，牛味特別濃，肉質細嫩且有豐富既肉汁，筋位唔會太多! 呢個set 仲有提供多款醬汁，咖哩汁同埋味噌醬係我既首選，食完會冇咁膩。勝牛喜燒鍋膳壽喜燒湯底甜甜地，仲有無菌雞蛋，口感更加滑順! 牛肉食落好新鮮! 時計柑橘呢個好消暑，飲落好清新。甜蜜乳酸酸酸甜甜好開胃，又唔會太甜! 一定要留肚食甜品，特濃抹茶小豆流心蛋糕 好有誠意，抹茶味濃但唔會過苦，中間係流心，更有層次! 沖繩黑糖雞蛋布丁好滑順，雞蛋味好重!…Read More

今日晚餐去左旺角間丼燃食堂，晚餐時間去都幾滿座! 呢到有好多款日式丼飯，唔岩心水既仲可以自選! 乜蟹都有丼好鐘意食蟹既我就簡左呢款，入面有蟹棒, 蟹肉 ,蟹膏 ,蟹鉗 ,蟹籽同埋打卡able既蟹蓋。個飯撈埋一絲絲既蟹肉碎，配料份量比得好多，每啖都好滿足。蟹膏味道好鮮甜，另外醬汁簡左蜜糖芥末，甜甜辣辣，好開胃。激突三文魚丼鐘意食魚生丼可以簡呢個，入面有三文魚 ,三文魚腩 ,三文魚籽 ,甜蝦 同埋帶子。刺身好新鮮，三文魚係厚切，甜蝦肉質鮮甜! 蟹籽沙律清新爽脆，青瓜絲夠清甜，好開胃。芝士年糕好重奶香，呢款入面係鹹芝士，好好食!…Read More

Airside foodmuse 原來都幾多選擇，最近門口有間台灣野，都幾唔錯!呢到款式選擇好多，飯面，小食，台式飲品都有!鹽酥魷魚鬚肉燥飯魷魚鬚外酥內韌，好香口! 肉燥份量都幾多，醬油同埋紅葱頭味都好突出，好岩撈飯食。而且仲有隻滷蛋，整體好飽肚。台南爌肉湯面平時比較少見到有爌肉食，估唔到呢到有! 滷汁味道好香濃，食落好入味，而且肉片係好軟淋! 湯面係用左台灣面，比較有咬口，湯頭濃郁又唔會咸! 百頁豆腐外皮帶有少少炸既感覺，好香口惹味! 炸彭湖花枝丸外皮酥脆、內面Q彈。小食價錢好抵!大甲芋泥鮮奶芋頭香氣濃郁，整體口感綿密香甜，個底仲有D芋頭粒! 芝芝芒芒夠曬冰凍，夏天飲好岩! 有椰果粒又有芒果肉。…Read More

想食地道泰國菜，一定係去九龍城，我多數去九龍城都會去泰象館! 呢到價錢相宜，同埋店員服務都好好!芒果蟹肉炒飯要飽肚，多數都會叫炒飯! 炒飯整體鮮甜，芒果帶少少酸味，食落好醒胃! 蟹肉份量都好多，成個炒飯好滿足!馬拉盞炒通菜調味好惹味，夠香口同帶微辣! 通菜炒得岩岩好，口感爽脆，味道濃郁，好岩配飯食。燒豬頸肉份量好多! 豬頸肉彈牙爽口、帶有少少炭香。個人好鐘意配搭泰式酸辣蘸汁，食落更加香口惹味。蒜蓉包就算我地擺左陣先食，佢都仲係好脆口，蒜蓉味道濃郁，仲有香草既清香!…Read More

初初得知叠記咖哩，除左知道佢係來自澳門，出名食咖哩，最近仲因為佢$19.9 下午茶推廣而得知! 今日晚市時間黎到，叫左個叠記咖哩三寶飯，有牛腩、雞扒、豬扒。份量好多，價錢抵食!一上台已聞到好香， 咖哩味道初時入口辛辣，之後就會有陣甘甜，原來佢既咖哩用左過百種香料熬製，難怪味道有層次。另外跟餐加$12就有杯大大杯檸檬茶，原來有成一公升，呢個價錢真係良心價!小食叫左生炸鮮蝦雲吞，呢個好有誠意，真係原隻雲吞拎去炸，入面餡料好多，有曬蝦同豬肉，炸到外皮好脆酥! 沙丹豬扒我都係第一次食，佢個醬汁唔係單單蕃茄味，佢偏向濃稠，甜中帶酸，配豬扒食感覺冇咁油膩感! 今日晚市黎，所以試唔到佢超抵既$19.9 特價下午茶，今個月係柱侯牛腩麵，下個月一定要黎再食!…Read More

朋友推介我食呢間以豆製品為主打既餐廳，環境乾淨企理，店員都好nice!魚肉煎豆腐呢款好香口，魚肉煎得香脆，但唔會油，係必試既小食! 肉鬆蛋餅 蛋餅皮煎得酥脆，肉鬆份量多，整體味道鹹甜鹹甜，口感豐富。老乾媽炒麵第一次食老乾媽醬，香辣可口，同埋豆豉味都幾突出，呢個辣度岩岩好! 餐蛋刈包呢到食物種類好多，連刈包都有，用既係香港特色餐蛋餡，但又幾夾! 刈包好軟熟，餐蛋夠曬咸香! 台灣土雞絲菜飯內面有好多料，雞絲，酸菜，炸蒜粒等等，再加上佢地自家製既蔥油，好香口，而且價錢上黎講真係唔貴，好抵食! 呢到豆腐花種類多到好似糖水鋪咁，鐘意泰奶既我試食佢呢款創新口味，泰式奶茶麥芽桃膠豆腐花，口感好豐富，泰式奶茶唔會好甜! 因為佢豆腐花個base好食，好香豆味，所以配咩料都好唔錯! 推介黑芝麻豆漿!! 2樣都係我鐘意既野，配搭埋一齊又幾好飲!…Read More

呢間自家製韓國刀削麵係香港第一間韓國刀削麵,之前食過已經覺得好地道，所以間唔中想食韓國面都會諗起佢。花蛤刀削面每次都一定會叫呢個，湯頭鮮甜，仲帶D蒜味，好開胃。另外必提係佢既花蛤份量好多，每個殼都有蜆肉，唔係個D得個殼，蜆肉唔見曬! 刀削麵係粗身款，口感Q彈，有咬口，好吸湯汁。烤豬肉拌飯第一次係呢到叫拌面，都幾有驚喜，配料充足，每款蔬菜都好甜，豬肉都好入味，再加埋甜辣既拌飯醬，開胃之餘亦感覺好健康! 五花肉泡菜煎餅味道酸辣，外皮酥脆，食落夠曬香口，每塊都有五花肉，好足料!…Read More

Airside B1層有間新式既日式餐廳好受歡迎，經親都好多人。主食有除左日式，都仲有洋式意粉選擇! 柚子胡椒豚肉烏冬湯底清新，配埋胡椒既微辣感，層次豐富。豚肉軟嫩多汁，而且佢既烏冬係好彈牙個種! 嫩雞肉明太子茶漬飯嫩雞肉有驚喜，真係做到完全唔乾柴。茶漬飯配上咸辣既明太子，味道岩岩好! 而且配料都好多，有鹽海帶等等，令到味道好有層次。凍抹茶牛奶白玉紅豆抹茶味道濃郁，唔會有卡粉既感覺，配上煙韌既白肉同埋夠曬甜既紅豆蓉，飲呢杯都好滿足! 凍焙茶牛奶忌廉朱古力焙茶味道突出，加上甜甜既朱古力，中和左焙茶既苦! 佢既芭菲外觀已令人好有食慾! 焙茶芭菲配生朱古力最頂層係雪糕，中間有D脆片，底層有焙茶果凍，味道好濃郁! 整體茶味濃，又唔會死甜。黑芝麻芭菲配白玉鐘意黑芝麻既人唔好錯過呢款, 黑芝麻雪糕超濃厚。…Read More

小胖同其他台式餐廳最大既分別係佢比較創新，除左保留傳統便當既款式，仲加左D流行元素，令到味道同選擇都冇咁單一，有全新既感覺! 今日去我仲join佢會員app，有迎新優惠亦都有升級優惠。如果係常客，食得多，積分都獎得愈多!士林鹽酥大雞腿便當大雞腿分上，見到都炸得好香口，好吸引，外皮脆口，入面肉質仍然係好juicy! 另外係一上菜已經覺得好有食慾，因為加左好多時令蔬 菜，仲有粉絲，滷蛋等等好豐富，感覺係出街食可以好健康! 台灣鐵路大排骨滷肉便當份量好足! 滷肉好入味，而且有肥有瘦，好香口，送飯一流! 鹽酥雞髀菇好惹味，入面好juicy!!!估唔到呢到有胚芽奶茶! 平時已經比較少見，但係其中一款我好鐘意既台式飲品! 寒天金橘檸檬岩曬夏天飲，消暑解渴。小胖原來推出左全新全日蛋餅系列，上次黎食佢既蛋餅已經覺得爆餡之餘外皮夠酥脆，而家仲多左幾款口味!係附近返工既，都可以留意下佢既PARTY外賣團餐優惠，便當套餐$65起，幾抵食。…Read More