cantstopeating_852's Profile

芝加哥串燒酒場終於衝出新界開到出黎港島區咁啱呢晚約左friend 去維園行年宵市場所以就黎試下黎得酒場當然唔少得飲返杯啤酒飲得多都悶所以就一人嗌左支果味酒酒精濃度唔算高甜甜地都幾易入口最特別係隻杯底有條立體錦鯉好得意～串燒方面我哋除左燒牛、豬肉串、茄子、雞軟骨、雞泡魚等等外仲嗌左燒饅頭，大啡菇同黑松露炸薯條最特別係個炸湯圓雖然賣相一般但食落口有驚喜黑松露炸薯條亦炸得甘香酥脆值得一讚餐廳開喺蘭桂芳附近放工Happy Hour想搵個地方都朋友chill下呢度都算係個唔錯嘅選擇…Read More

聽間荔枝角有間高質嘅居酒屋趁住週末下晝有時間就拉埋朋友一齊去試交通方面都非常便利荔枝角站D1出口轉返落長沙灣道向美孚方向行幾分鐘就到偌大嘅落地玻璃門面非常引人注目，地下擺放住一個個清酒盒，加上帶有日式風格嘅燈籠同酒埕，連平時唔太鍾意打卡嘅朋友都忍唔住喺度影左幾張相。餐廳裡面嘅面積唔算大，裝修簡單舒適，一目了然。我同朋友都各自點左份午市套餐，我點嘅係銀丼，即係月見生牛肉三文魚籽飯加稻亭烏冬；而朋友因為食唔慣生嘢所以選擇左咖喱豬扒飯。我食嘅銀丼食材非常新鮮，雖然係生牛肉但一啲腥味都冇，三文魚籽亦都非常鮮味。最令我驚喜嘅係配菜嘅沙律，一啲生蔬菜嘅臭青味都冇，食落非常清甜。至於麵豉湯同烏冬就可以話係中規中矩，不過不失。今次呢餐埋單人均$200+，以食物質素同環境裝修黎計，性價比都算高，下次再經開荔枝角，都會再返黎幫襯。…Read More

位於旺角豉油街呢間Chiba吃扒裝修環境同食物質素都相當唔錯碗羅宋湯好足料餐包夠香口鬆軟軟殼蟹牛油果蟹籽忌廉扁意粉同焗日式咖哩豬扒飯都好食(朋友話飯太硬但我接受到，可能因為比起硬飯我更唔鍾意腍/濕飯)招牌熱溶芝士紐西蘭牛柳簡直犯曬規芝士極邪惡牛柳味道同口感都恰到好處飯後我地每人各嗌左杯雪糕紅豆冰好重奶味都幾好飲食完每人仲有一杯隨機味嘅雪糕但呢個其實冇乜特別可有可無3個人，食咁多嘢都係人均$185都幾抵但有限時90分鐘我個人黎講就夠嘅但如果介意或者想坐耐d慢慢傾嘅朋友就要慎重考慮喇😉…Read More

上星期跟朋友去了尖沙咀厚福街一間樓上居酒屋晚飯店舖雖面積不大但十分寬敞舒適裝修雅緻很有日式風味在店員的推介下我們點了燒牛舌,牛肉他他燒, 三文魚刺身,左口魚壽司,燒羊架及一方堂奈良卷幾款食物其中一方堂奈良卷賣相類似廣式點心燒賣上層鋪上當日時令魚生, 十分精緻可愛 加上混入芝士的飯團,味道及口感都相當不錯。燒羊架及燒牛舌味道調較得恰到好處配上柚子鹽可說是錦上添花三文魚刺身及左口魚壽司是正常日式餐廳水準,中規中矩溫馨提示:  由於牛肉他他燒是下單後即場製作(即是由解凍牛肉開始)所以製作需時 如趕時間的話, 建議認真考慮是否選擇最後, 我們點了一份水信玄餅作甜品就完成了這頓豐富的晚餐P.S 當晚鄰座不認識的日藉客人, 很客氣地邀請我和友人一起喝酒, 為平凡的一頓飯增添一種溫馨的感覺…Read More

一次失望嘅用餐體驗，足以令我特登黎寫返個食評話說我7月3就打黎book7月中12pm當時聽電話果位回應「唔好意思，我地晏晝冇得book,夜晚先有得book」由於唔係話full booking,所以我理解係佢日頭淨係做walk-in客，夜晚先俾人book位，因為總有餐廳真係咁樣嘅。Anyway,咁book唔到唔緊要，我同friends咪早少少黎等位，我地11:32分黎到，當時見到有d枱上面有個牌寫住reserved,都覺得奇怪。但冇特別在意，然後照留名先，我地排第二個，諗住好快有位啦。點知突然殺出兩個人，話自己book左位，我地就一頭霧水嘞，唔係話「晏晝冇得book」咩？跟住差不多成個鐘頭，入極都係booking客，成條walk-in隊就咁企左喺度等，重點係近門口果張reserved枱，寧願吉左喺度40幾分鐘都唔安排walk-in客入座。唔知係台客遲到定點啦，如果係只能夠講間嘢真係好尊重book枱嘅客人🙂最後我地差不多12點半先有得入座，因為排隊果陣已經諗定食咩，所以一坐低就即刻嗌嘢食。韓國炸午餐肉條，其實就係食緊午餐肉，雖然話係炸，但完全唔脆。甜辣炸雞同韓式拌飯不過不失，但其實都好難整得唔好食。招牌Tiramisu窩夫，味道係唔錯嘅，一試無妨。值得一提嘅係杯特飲雪嶽山賣相夠靚，打卡一流但淡而冇味。講真呢間餐廳裝修方面係花左心思嘅，主題亦都特別，而且見到好多foodie都推介呢度，吸引到人黎都係正常。但真心建議要改善一下經營手法，如果唔係應該未必會有太多回頭客。booking客優先係合理，但都可以兼顧下排隊嘅客人。最後補充返：呢度嘅食物質素，絕對未至於值得要排隊等成個鐘。我地純粹係見既然都等左咁耐，唔食又唔甘心，總括黎講係自己攞黎嘅🙂強烈建議各位唔好好似我地咁～…Read More

黎到黃金海岸星小宴本來打算吹住海風歎串燒別有一番風味點知天公不造美落大雨所以一行4人唯有移師室內轉食小菜由於我地都懶得諗食咩就由侍應姐姐拍板決定我地呢晚嘅菜單雖然食唔到串燒有d可惜但慶幸呢度嘅小菜水準都唔錯極品叉燒皇肥瘦適中，入口鬆化招牌酸菜滑魚片用料十足胡辣口味刺激味蕾，加埋薯粉夠曬飽肚黃金蝦球炸得酥酥脆脆趁熱食夠曬鹹香味值得推介冰鎮菠蘿咕嚕肉打卡必嗌而且味道酸酸甜甜咁可以話係色香味俱全最後食埋個比較清淡嘅竹笙紅茄泡勝瓜就完成左滿足又美味嘅一餐之後等冇落雨果陣一定要再黎試下呢度嘅串燒同埋炭火雞煲…Read More

之前喺網上睇到有人推介呢間餐廳趁住近排放寬左堂食同社交距離都急不及待約朋友黎試下因為不設訂座所以特登揀閒日夜晚諗住會冇咁多人點知去到都有10幾人排隊我同朋友兩個傾下計等左大約15分鐘左右, 就被安排入座坐低後即刻研究食乜睇過d食評好多人都推介蛋包飯所以我地嗌左客泡菜燉五花肉蛋包飯黎試果然係名不虛傳, 蛋炒得超香滑意外驚喜係泡菜包住嘅五花肉賣相吸引, 充滿層次嘅口感,可以話係色香味俱全另外, 炸雞水準亦非常高, 我地嗌左濟州柑橘炸雞醬汁酸酸甜甜, 十分醒胃紫菜飯卷用料豐富一啖食落去口感十足, 不妒一試。除此之外, 我地仲嗌左部隊鍋拉麵朋友第一次食部隊鍋, 佢都覺得好有新鮮感。最後, 當然唔少得嗌呢度最出名嘅水果三文治同濟洲柑橘乳酩啦水果三文治用麵包夾住士多啤梨, 濟州柑橘同奇異果, 再配上特製嘅忌廉味道好似食緊蛋糕咁, 但又有食麵包嘅口感, 都幾特別。濟州柑橘乳酪味道清爽食到飽飽地用黎中和下啱啱好而且賣相亦相當可愛, 用黎打卡簡直一流。…Read More

作為一個視韓國為第二家鄉嘅骨灰級韓飯因為疫情關係已經有兩年時間冇得返鄉下思鄉之情日益嚴重食韓燒係其中一個解決方法香港嘅韓燒餐廳多不勝數但係質素就非常參差位於尖沙咀嘅喜來稀肉係難得地每次都可以保持水準嘅地道韓燒呢個亦係佢雖然地理位置唔算方便但我仍然堅持選擇幫襯嘅原因閒日夜晚都需要排隊等位就知佢有幾受歡迎好彩我同朋友有事先book定位我地點左一份喜來烤肉通常用得餐廳名命名都係招牌菜, 果然冇令人失望另外仲點左一份牛護心肉,一份辣五花肉同一客薯仔餅肉類醃得入味但唔會過咸最驚喜係薯仔餅用料同份量十足好食得黎又夠曬飽肚埋單人均$350同區黎計，食物質素同環境又唔差性價比都唔算低以後我都會繼續幫襯…Read More

家住灣仔的朋友, 一直向我極力推介這家位於告士打道的意大利餐廳這次剛好有事要到該區處理, 完成後又剛好是晚飯時間就決定前往一探究竟餐廳位處人流不太多的地段, 所以晚市時間也只是等了大概5分鐘便可入座裝潢很有風格之餘又不會過於誇張雖然面積不算大卻不會讓人感到狹窄焗促柔和的燈光讓人感到舒適絕對是一個和三五知己, 邊用餐邊聊天的好地方餐廳的環境不錯, 食物亦沒有令人失望Salmon and Pome Salad,用料非常新鮮醬汁味道爽口, 非常開胃Scallop Bacon Wrap賣相十分吸睛味道亦很有層次, 真正色、香、味俱全。這家餐廳的其中一個特色是讓客人自行選擇配搭薄餅上的topping,再用炭爐烤焗。酥脆的薄餅加上熱辣辣能拉絲的芝士, 真是讓人食指大動最後, 甜品方面, 我們選擇了Apple Tart Tatin酸甜的蘋果批餡料配上香草冰淇淋加巧克力醬口感及味道都十分豐富, 愛好甜品的朋友絕對值得一試人均大約$200就可以在灣仔區享用到一頓味道, 環境及服務都不錯的晚餐性價比真的很高, 絕對值得給予好評! …Read More

平時約朋友食飯, 多數都係揀日式、西式或韓式今次搞搞新意思特別選擇左潮州菜估唔到又有意外驚喜可能因為係平日嘅關係晚市唔使訂枱,好快就有位裝修黎講, 舒適簡潔衛生坐低無耐, 職員就行過黎, 親切咁同我地介紹佢地個summer menu環境同服務方面都已經夠曬加分天時暑熱, 我地點左個特色海鮮冬瓜盅味道鮮甜, 用料十足,解暑一流講到潮州嘢, 又點少得烏魚?金不換檸檬蒸烏魚肉質彈牙, 醬汁亦非常入味潮州老香櫞(佛手柑果實醃制而成嘅醬料)炆骨, 味道略甜, 配搭半肥瘦嘅豬肉, 口感及味道都非常突出伴水芹香炒田園蔬, 色香味俱全, 就連平時唔鍾意食菜嘅朋友, 試下完都讚不絕口最後, 重點係反沙芋頭, 亦係我最期待、最滿意嘅一道菜式炸得酥脆嘅外層包裹住入口溶化嘅芋頭新鮮熱辣,加上甜度恰到好處, 完全冇令我失望, 食多幾條都唔會覺得膩👍👍👍…Read More

適逢SUPER JUNIOR嘅83line生日有E.L.F.喺好茶養生準備左應援作為藍家人當然要支持下放工特登衝落旺角可惜已經派曬😢證明藍人還是很有吸引力💙未嘗唔係一件好事雖然無應援攞但一場黎到，又行到攰攰地就決定坐低飲杯嘢，食件cake休息下Order左一杯皇牌氣血茶叫得「皇牌」應該係鎮店之寶果然用料十足飲落味道偏甜易入口功效如何暫時未知但起碼味道算不錯👍👍👍另外我仲order左件Tiramisu Cheesecake味道比坊間嘅tiramisu清淡食完唔會太過飽滯感覺好健康有機會要試埋其他甜品😋😋😋…Read More

住青衣區嘅朋友最近生日話想食韓燒雖然我近排食完無耐但壽星嘅願望點都要滿足下嘅地點就約左喺青衣城嘅炑八韓烤為避免要等位我地早就預約左晚餐時段可能因為客人眾多即使book左枱都要企喺門口度等左陣先有人帶位入到去侍應首先奉上泡菜、醃蘿蔔等韓式前菜面對住餐牌上琳琅滿目嘅菜式有選擇困難症嘅我地難得果斷地選擇價值$498嘅「慶州豚肉的神話」套餐套餐包括霜降牛小排, 蔥蒜牛五花, 薄切牛舌,特製護心肉, 慶州五花肉 , 梨汁雞肉以及大八爪魚。牛、豬、雞甚至海鮮都有，可以滿足唔同人嘅要求。主角慶州五花肉獲得韓國豬肉認定證，具有黄金比例的口感，而且肉汁豐富，肉質亦相當有彈性。飲品方面，我同朋友一人嗌左一杯梳打味道不過不失，但可以中和返食完韓燒嘅油膩感同熱氣，都算係一個不錯嘅選擇…Read More

作為一個超級韓迷我每年都會至少去一次韓國旅行可惜呢兩年因為疫情關係無奈要將行程擱置於是我就約埋另一位同樣係韓迷嘅朋友黎到呢間位於尖沙咀金巴利道嘅喜來稀肉用餐一解思鄉之情餐廳一共有兩層地下係等候區, 俾客人坐低等位唔使企喺條街出面而一樓就係用餐區域由於我同朋友事先有預約所以一去到就可以直接入座餐廳環境寬敞每張枱都相隔適當嘅距離十分安全我同朋友點左份喜來五花肉同一份牛護心肉。肉味濃郁配上特製醬汁，非常惹味。另外我地仲嗌左客海鮮葱餅同嫩豆腐湯，海鮮葱餅份量十足夠曬飽肚。而嫩豆腐用料十足，亦係個不錯的選擇👍👍👍美味嘅食物配上自調嘅소맥（燒酒配啤酒)，呢餐真係令我非常滿足😋😋😋…Read More

同朋友慶祝一週年紀念日🎉揀左呢間位於尖沙咀FHP商場，位置較隱秘嘅Chum Chum味，食正宗韓國料理🇰🇷(溫馨提示：網上講嘅港匯廣場其實即係FHP商場。初頭唔知，令到我同朋友都搵左好一段時間先搵到）餐廳面積唔算大但裝修得幾有特色，職員大部分只會說韓語或英語。幫襯嘅客人亦都有好多韓國人，由此可見，呢度嘅食物應該幾正宗，幾啱韓國人嘅口味。秋天係食蟹嘅季節，所以我地都嗌左客蟹料理。蟹肉鮮嫩多汁，加上多到幾乎爆出黎嘅蟹膏，簡直令人食指大動👍👍👍👍菜包肉肥肉偏多，但配上蘿蔔泡菜又中和左肥膩嘅感覺👍👍👍牛肉紫菜包飯水準上乘，牛肉醃得又甜又入味，加上其他配菜，層次豐富，不妨一試👍👍👍人蔘雞湯鮮甜味美，如果再多少少湯汁會更加好👍👍👍炸醬麵的炸醬味道調較得相當出色，唔會太濃，亦唔會太淡，恰到好處，我朋友都食到讚不絕口👍👍👍👍👍綜合黎講，呢間Chum Chum味水準不錯，值得推介👍👍👍👍重點係去到聽到韓文多過廣東話，真係當堂一解我今年因疫情去唔到韓國嘅思念之情嫁😆…Read More

疫情肆虐, 最近大家也選擇留在家中, 減少聚會但友人生日還是要慶祝的。這次來到位於旺角花園街的Amplifier Restaurant, 經過一層燈光樓梯後到達餐廳門口, 一塊掛滿酒樽的特色牆瞬間映入眼簾。侍應為我們量度體溫後便安排我們入座, 餐廳環境寬敞舒適, 裝潢以音樂及酒吧作主題, 紅磚牆上掛滿舊唱片封套及黑膠碟, 充滿特色。另外, 場中央設有一個live band表演舞台, 逢星期四至六會有歌手或樂隊駐唱演唱, 讓客人可以一邊欣賞音樂, 一邊享受美食。我們點了一客洋蔥圈配蜜糖芥茉醬及秘製醬炖豬肋骨作前菜,。洋蔥圈外層炸得金黃酥脆, 蘸上蜜糖芥茉醬, 美味又醒胃!而豬助骨的秘製醬汁惹味十足,值得一讚。雖然是小食, 但份量十足, 本人當晚的心水推介。主食方面, 我們叫了一客黑松露野菌意大利飯及一款四式芝士pizza, 黑松露香味撲鼻而來, 配上香濃的野菌汁, 教人食指大動。相較其他幾款食物, 四式芝士pizza則不太附合本人口味。pizza底偏硬, 四式芝士及餡料味道偏鹹。可能對芝士發燒友來說剛剛好, 但我卻要邊喝水邊吃, 沖淡鹹味。而pizza以四式芝士為名, 卻做不到拉絲效果, 也有一點可惜。除此之下, pizza只有一個尺寸(12寸), 對於想吃pizza,但用餐人數不多或胃口較小的人士來說實在有點過大。建議可多設幾個尺寸以配合不同需求。由於這頓飯是為了慶祝友人生日, 因此我事先安排餐廳於甜品碟上寫上生日祝福字句。甜品是焗蘋果酥配雪糕。酸酸甜甜的味道剛好用來中和四式芝士pizza的鹹味, 賣相及味道又也錯, 甜而不膩, 不妨一試。最後我們各自點了杯Ladies Talk Smoothie  ,以一杯清新可口的士多啤梨乳酪沙冰來為這餐飯劃上一個句號。P.S 餐廳的價格偏高但食物也相對地有水準, 服務質素亦也不錯, 是值得一再光顧的餐廳。下次一定要挑週四至週六前往, 這樣就可以欣賞的精彩的live band演出了!…Read More