really yum yum 's Profile

難得系第四波前慶祝朋友既生日，小編同朋友就去左朗豪坊既nene chicken 食生日飯。尼到韓式餐廳，炸雞同泡菜炒飯一定無放過。除左依d要比錢既美食，免費既醃蘿蔔更加不能放過。講番食物，首先系雙拼炸雞，有初雪味同甜辣味。初雪其實系落好多芝士粉系炸雞既上面，每啖食落去就好似食緊薯片d味精粉，味道有少少普通。而韓式甜辣味就正常少少，但食多幾舊好似食緊菠蘿咕嚕肉咁。輕盈蒜蜜脆炸雞反而勁好食，個醬汁調得勁好食，相比起雙拼，蜜脆炸雞真系好食幾倍。但其實本身系因為薯條先叫佢。泡菜炒飯就有滿滿既芝士，食落好滿足，泡菜再多少少會更好。而個pizza實在系勁邪惡，全部都系芝士，唔知系咪批底問題，食左幾啖就開始濟，唔想再掂佢。整體所有食物都正常，有得任食蘿蔔勁開心，但pizza 中左伏。…Read More

平時經過葵廣，都會記得三樓有間小店，專系賣一些香港既特色小食，例如炸鮮奶同燒賣。系番屋企食大餐之前，小編就去左葵廣食d小食幫肚仔熱下身。大概落左單後一兩分鐘就已經有得食了！燒賣既味道無咩太特岀，而質感比較淋身，唔會話會食食下食到肉粒，口感單一左d。不過佢既甜醬又幾好食，將粒燒賣升華左，如果可以加d辣醬一定好食好多。不過幫襯潮食閣都系為左支持小店，下次更想想食飽d會去試試佢其他既小食，好似佢既炸鮮奶。…Read More

近排開始入冬，每日溫度既變化一日大過一日，可以由二三十度跌到落十幾度。不過天氣凍左都阻止唔到小編食凍冰冰既甜品既慾望，因為Shari Shari 被小編標記左好耐先有動力去食！小編叫左宇治金時味同草苺 special 味刨冰。宇治金時味其實系綠茶紅豆，下面有濃濃既綠茶刨冰，上面就有香甜紅豆醬。每啖冰都可以食到綠茶味，擺入口之後，就會溶化成綠茶。個草莓味味道比想像中真，食落好清爽～冰既質地好軟，入口即溶。雖然系冬天不過越食越過癮！…Read More

近排成日困係屋企，小編成日都好掛住台灣既風水人情。所以尼到觀塘都突當搵左間由台灣人經營既餐廳，搵一搵好耐無試過既台灣味。餐廳既裝修都好有味道，牆身都畫左台灣唔同既名勝景點。食物方面，小編就叫左台灣五寶拼盤肉燥飯。五寶即系台式香腸，雞翼，豆腐，貢丸同花枝丸。花技丸同台灣腸味道不錯，有台灣既味道。佢哋既丸都好有質感同彈牙，系真材實料既味道。肉燥味道唔鹹，份量都啱啱好，配飯食既時候，一啖一啖就食好快清曬。飲品叫左杯檸檬梅子qq，味道同柑桔汁無乜特別，不過有得食下珍珠同椰果，都唔錯。…Read More

荳子真系一間非常多人支持同排隊既餐廳，但系排隊排咁耐真系超級值得！小編系星期六一點半到達，都等左差唔多一個小時。不過入到餐廳，餐廳環境超級舒適。小編同朋友就叫左一個意粉同甜品再加黑松露薯條。黑松露軟殼蟹意粉，每條意粉都撈匀左黑松露醬汁，依個汁幾惹味，每啖黑松露既特色味道都系個口爆岀尼。軟殼蟹脆脆地亦有足夠既蟹味，而意粉撈埋野菌令到口感好豐富。甜品系焦糖香蕉配蜜糖窩夫。條蕉配上焦糖，系升華左香蕉原有既味道。個蜜糖窩夫既口感完美，鬆發而且蜜蜂味好岀。不過有個吉士忌廉，唔知系咩尼。佢哋都好好食，不過嫌佢地加埋一齊太甜！叫左一杯維也納朱古力同忌廉鮮奶伯爵茶，靚得尼味道都唔錯，不過太多忌廉可能會濟。…Read More

The butchers club 系小編心目中佔有一個好重既地位。成日經過k11 或者上唔同既網站，好多人都勁推佢地既burger! 咁啱有機會就一於去試試佢！餐牌有唔少素食漢堡，亦有幾多特別或都經典既漢堡，例如佢個龍蝦包。小編叫左 the classic 再加一個黑松露薯條。佢既經典漢堡，望落有一個黃金比例，包同肉既比例啱啱好1:1:1 。The butchers club 既麵包質感非常軟熟，有彈性。個漢堡仲系即叫即整，牛肉漢堡扒可以烤得剛剛好，當食既時候超多肉汁爆岀尼。佢最驚喜系佢塊蜜糖煙肉，燒到脆卜卜既個種質感令到每一啖個口感都升華左！食過黑松露薯條，真系令小編難忘。黑松露完美分布系所有薯條上面，勁均勻！每一條都好重黑松露未呀，瘋狂了！…Read More

跟朋友食完晚餐，緊系要搵下場，食番個甜品，延續番吹水既時光。尼到廣華街，一定會搵到好多甜品舖，小編就揀左粒粒果！有唔同既甜品選擇，榴槤、刨冰、小丸子依d好食既選擇。最後就揀左食龍珠星球，比佢既星球甜品吸引到！龍珠星球唔同普通既水果星球，佢粒星球其實系紅色既，裏面有紅火龍果同紅提子做核心，質感就好似啫喱咁，有少少彈性，但就無乜味。除左佢既龍珠，其實佢既芒汁涼粉底都幾好食。同其他糖水舖既芒汁差唔多，裏面亦有d椰果同小丸子，q彈好食。唔會話食左龍珠就無咩配料！…Read More

小編尼到貓咪cafe, 就系為左可以同得意既貓咪尼一場speed dating。不過小編今次被安排坐左系一個結界，就系門口隔離既第一張枱。因為門口隔離系貓貓既訓教地方，而且小編系角落又無咩特別，所以主子們真系得好小機會會尼寵幸小編。雖然主子唔尼寵幸奴才們，奴才都會自己走埋去搵主子的！關於urban cafe 既食物，佢地都無得挑剔。意大利飯系平均線上，每粒飯都粒粒分明同沾滿左醬汁，好香芝士味，但食多幾多可能會有飽滿感。個pizza 質感好紥實，批邊比較脆卜卜，上面既醬汁都幾香，有滿滿既芝士香，但嫌太少辣肉腸。卡邦尼意粉超好食，意粉煮得啱啱好，醬汁份量都好足夠，每條意粉掛滿曬醬汁，超惹味！…Read More

小編尼到上水，真係唔太知道有乜野好食，事前又無做過咩資料搜集，所以一頭霧水。不過小編咁啱經過Mee lemongrass, 望落唔錯，就同友人一齊入咗去食番個午餐。小編本身打算叫撈檬或者喇沙，不過食飯真系比較實在，同埋想食下蜜汁豬扒，就叫左豬扒菜飯。餐點到左之後，小編就發現豬扒菜飯有附加秘制辣汁。當食第一啖豬扒，豬扒加葱油加辣汁系一個唔錯既組合，但系食左幾啖之後，小編發現佢既豬扒有層好厚既炸粉，好多都唔係肉系炸粉，少失望！仲以為咁厚全部都系肉，原來唔系！…Read More

髒髒芋泥鹹蛋黃蛋餅 屬於鹹點的蛋餅，在香甜的芋泥和金黃的鹹蛋黃撞在一起，他們發揮岀與別不同的化學作用，將台灣特色的蛋餅，展現出另一番風味。小編沉淪了！ 招牌牛肉麵依碗麵雖然睇落普普通通，但系佢其實內有乾坤。由佢上高既蟲草花到牛肉到底底既刀削麵，佢地配埋熬製左好多既牛肉湯底，佢既殺傷力一啲都唔惹少。蟲草花口感鬆脆，味道方面似細個食既媽咪麵😂。牛展煮得軟淋，但夾起戈一刻唔會好易散，食得好濃味。麵可以揀刀削麵或者寬粉絲，小編我揀左刀削麵，佢口感q 彈而且唔難消化。而湯頭好清，睇得岀煮左好耐。佢有得加佢地既秘制辣牛油，但我就喜歡原味多d喇！而且佢隻蛋一尼到已經走左樣🙃，味道就一般。而佢既豆腐都系普通，不過不失。…Read More

小編超鍾意食芋圓，差不多一個星期有一兩餐會食到芋圓。最鍾意台灣既芋圓有一種Q彈煙韌既感覺，咬落去唔易散，仲會散發岀陣陣芋頭香。荃灣難得開左間鮮芋仙，小編就覺得一定要去踩踩場，試試佢地既芋圓。當日大約七點到場，排左五至十分鐘隊就可以落單同入坐。天氣轉涼，當然要食一碗熱辣辣既既芋圓4號啦！芋圓4號系有紅豆湯，珍珠同芋圓，佢仲會加兩舊大芋頭落去添。味道方面，小編覺得芋圓略為失色。唔知系咪熱食，感覺芋圓煮耐左，所以口感唔煙韌而系偏淋身，細細力咬一啖就爛，無想像中既口感，少失望。不過佢既紅豆底同芋頭都好食，芋頭甜甜地同好粉，贊！…Read More

生活於又壓抑又節奏快既香港，無時無刻都比壓力影響。有時真系要避一避世，系618上海街既天台享受一下80分鐘既寧靜！可惜咁啱室外無位無得坐岀面。小編對蟲二既認知，除左系開系天台上面，就系佢地既一汁三菜便當🍱，有小食、湯、飯同主菜。主食方面加左十蚊尼食佢地既鰻魚。整個便當非常精美，由擺盤到食物既外觀都可以增加食慾。小編覺得真系無叫錯鰻魚，佢超級肥美吸引！而且紅米飯上高會加d飯素，成個感覺當堂唔同曬。一個便當，餐廳會比張紙仔教你點樣食佢。小編就跟足紙上面既食法了。食佢戈兩個冷盤先，蓮藕清甜，木耳麻辣，開胃十足。緊接着將一半既茶漬湯倒入米飯裏，混合埋既湯飯別具一格，米飯帶有少量茶味。條鰻魚肉質厚實，口感一流，配上鰻魚汁，真系令人念念不忘啊！咁大條真係好易餸飯，我就加多左一碗飽食佢既第三種食法，青瓜同慢煮蛋倒進湯飯中，別有一番風味！除左一汁三菜便當，飲品都真系頂瓜瓜。佢杯朱古力非常濃厚，每一啖都充滿住極濃烈既巧克力味道小編超like ！☺️…Read More

小編長期都鍾意食泰國菜，系一個不折不扣既泰菜愛好者，所以都關注左依間有特色既東南亞餐廳好耐👀。咁啱有朋友好即興咁約小編，小編就即刻講食青花了。個餐牌有好多選擇，樣樣都好心動，好難作岀選擇。最後就揀左豬腩生菜包同青咖喱烤雞再加一份手抓薄餅。飲品方面，我就選擇左蝶豆花椰子奶蓋，而同行友人就揀左蝶豆花青檸茶。睇得又飲得！關於味道方面，豬腩生菜包超級好食，五花腩煎得香口，每舊既大小都差不多。而且調味啱啱好，唔會重口味得尼又有少少甜！小編既生菜包一定要有兩舊肉系裏面，咁正一定最正！小編就認為班蘭青咖喱好辣，佢既辣味蓋過左佢真實既味道，本身都系叫手抓餅尼配咖喱，點知佢辣到要加碗白飯尼送飯。咖喱入面有秋葵，薯仔同花生碎。而燒雞幾好食，肉質食落幾嫩幾滑！Overall 尼講，生菜包最好食！如果一大班朋友一齊尼飯聚，叫唔同食物一定好開心，試到唔同既特式野！…Read More

近排秋風起，大家都會諗起食火鍋，同屋企人朋友一齊圍埋個爐食野傾計。而講起火鍋，大家亦會聯想起近期很夯的牛大人台灣火鍋！工作得咁辛苦，一定要帶家企去食下啦，慰勞下佢地！小編就叫左鳳梨雞鍋做湯底，裏面會有d奇奇怪怪既菠蘿同苦瓜同半隻腳系入面。食落就清清地，當淥熟其他材料既時候，都會有種清新既口味。（不過如果全口味既人就可以試試其他湯底，依個湯底真系好清）可能家中兩老十年唔食一次火鍋，所以佢哋系自助bar拎左勁多丸同丸。但係牛大人可以電話落單，攪到我都系未知既情況下落左好多丸同魚滑😾。全部都系丸！食左咁多丸，我就認為墨魚滑系最正，爽口彈牙有魚味！肉方便就正正常常，牛肉要雪花有雪花；豬肉要爽口有爽口；羊肉要羶味有羶味！就小食方面，脆薯十分推介，上面既梅粉配上厚實既質感，食完一舊再一舊！牛大人另一特色就系佢地既飲品，有台灣先有既涼粉汁，或者自家制既茶類，如菊花普洱、桂花烏龍同洛神花茶。我最鍾意就系洛神花茶，系打邊爐口渴飽肚既時候，飲一啖去胃氣，再食下一輪😳…Read More

近排荃灣開左好多新野，小編自己一個真好好難試得曬所以餐廳。所以小編就揀左間想食好耐既蝦麵店，佢系馬來西亞菜，主要有四種唔同特色既湯底揀。當日小編可能早左去，所以裏面無乜人，坐耐左間舖都滿得七七八八。有四種湯底揀，咁啱戈日我想食下辣野，就諗都唔諗叫左辣味蝦湯底配蝦肉肉片。麵底就揀左摻摻，系兩種唔同既麵組合而成，有油麵同米粉。仲額外加左四串沙爹雞串！碗麵到左，小編就即刻可以聞到蝦既香料味，而貌相就比較普通，不過香味真系超惹味。但係聞落去同食落肚真系有好大岀入，一飲佢啖湯，只系感受到蝦味，就無其他味道了，有一刻懷疑我既味覺！雖然味道方面欠佳少少，佢既配料都做得唔錯，蝦肉有少少爽口，而豬肉都唔會太乾太硬。面既方面就無太大問題，口感不錯。令到小編崩潰既系佢依四串雞串。尼到既時候，佢既外觀同香氣都令我期待左好耐，不過食落去好乾同無味。加左青檸汁同沙爹醬，佢都起生回生唔到無味呀～…Read More