大力dog的个人专页

年輕時成日唱校長, 克勤的歌, 兩個都係我偶像, 當得知左麟右李開食肆, 便以FANS身份去捧場一入門口已經聽到校長的愛在深秋...HELP! 個口已經唔受控咁跟住唱!, 仲有大會堂演奏廳... 聽到我好開心希望大家唔會覺得我偏坦, 以下係食物的評價:帶子腸, 腸粉皮滑, 唔厚, 好食 聽住歌仲好食, 不過帶子縮水, 蒸太耐, 但可接受楊州炒飯, 好食聽住歌仲好食, 飯炒得乾身, 有鑊氣, 調味適中雲吞麵, 好好食聽住歌仲好食, 麵好彈牙, 雲吞有豬肉味, 唔係大粒, 但咁先正宗再加碟油菜, 菜心, 如果話碟菜都好好食就真係偏坦, 一般啦得閒再到此一遊…查看更多

在筲箕灣東大街找吃的, 行到街尾都無邊間覺得想食, 最後在這道北工房停下道北工房 Japan 88個名就好日本了, 不過原來供應的食物係FUSION 的, 既有日本的魚生, 更有歐洲式的生蠔, CANBONARA, 牛扒等, 餐廳係走高檔路線的 (以價錢計), 不過裝修則不見得豪華雖然係咁, 地方勝在闊落, 坐位唔會迫夾, 而枱的SIZE很大, 足以放齊應用的餐具而唔覺得無位掃瞄完餐牌之後, 同女友人點了秋刀魚 + 三文魚刺身, CARBONARA, 牛小排同北菇煲仔飯, 只係看我叫的東西就已經FUSION到極了秋刀魚刺身+ 三文魚刺身極度新鮮, 秋刀魚最初以為係好腥既魚, 不過食落係有很香的魚脂, 加埋甜美的肉質, 三文魚很肥美, 刺身是不用擔心了, 下次要食海膽UNI先CARBONARA,麵條硬一D, CHEESE汁過得去, 係一份合格的PASTA, 但不算一個驚喜北菇雞煲仔飯, 用上一個價值$6XX的歐洲某牌子煲做, 優點係火力平均, 痴底的情況較少, 不過最緊要係味道好特別, 飯入面放入一D好似KIM池的泡菜碎煮, 好好味牛小排係切粒上, 有濃郁的牛脂香味, 不過切得太大粒, 切細粒會比較好價錢係唔低, 不過要食優質料理, 無可厚非 …查看更多

早幾日上過the one的Wooloomooloo, 試試新餐廳之餘順便欣賞靚景誰不知打開餐牌之後, 可以選擇的食物不算多, 沒有pasta, pizza, 但既然已經來到, 又不想掉頭走, 就隨便的叫一份蟹肉餅食這個蟹肉餅, 印象中在中環蘭桂芳食過一次, 另一次在銅鑼灣某西餐廳食過, 可以講係一樣幾common 的菜色, wooloomooloo 的蟹肉餅比較大件, 味道跟以前在別處食到的差不多, 但今次的少了一份香味, 可能係因為煎得唔夠香吧, 擠一點檸檬汁食, 又幾開胃, 但價錢都幾高的景是美, 但下次又未必會再來, unless 有新的菜色啦…查看更多

我不是第一次食吉列的食物, 只係自從香港人突然愛上日式吉列, 令日式吉列成為最近的飲食潮流之後, 第一次接觸它目的地係the one上的丼吉日本吉列專門店, 聽朋友講呢間易d搵位, 人氣無咁高, 可能同個商場唔係太好行有關啦, 要上去, 轉立都轉到傻個人對天婦羅有幾好的印象, 因而選擇一客吉列大蝦豬柳來吃 第一個印象係雖然係炸物, 但完全無油膩的感覺, 日式吉列優勝之處莫過於此, 炸蝦好大隻, 蝦肉有彈性, 其實口感是不錯的, 不過面層的炸粉稍為硬身, 如可處理得鬆化點效果就更好豬柳好軟熟, 入口時有股熱氣逼出來, 但不燙口, 點一些自己磨碎的芝麻醬油味道又唔錯主菜食完, 仲有一客西瓜送, 清一清熱氣, 想得都幾周到, 唔怪得咁多人要食…查看更多

大排檔係香港的一大特色, 但現在香港的大排檔數目已經大不如前, 真懷念以前坐街邊的風味其中一間大排檔, 而家已經搬入舖經營, 地方光猛, 衛生環境當然好好多, 但就係無當年的"風味", 所說, 就係今次的主角: "萬發"見到牆上紅色底, 白色粉筆字的水牌, 有好開心的感覺, 畢竟會想起以前跟老豆打躉街邊, 一齊食"啫啫雞煲"的歲月, 兩個人撐枱腳, 就來兩三碟小炒吃 薯仔牛柳粒, 平民化的牛柳粒, 不要奢望有絕靚牛柳食, 但用黑椒炒起來, 送白飯係最佳拍擋, 薯仔粒打了個獻, 唔知係唔係浸糖水, 好甜, 當然大受我兩歡迎, 呢次都係我第一次食哂薯仔的菜色西蘭花炒帶子, 味道是可以, 上碟時仲冒煙, 證明鑊氣十足, 正宗大排檔風味蒸水蛋, 哇, 上枱時嚇左嚇, 使唔使咁大碟呀, 一個字, 抵!無以前大排檔食得咁過癮, 但都係一餐經濟實惠的街坊小菜…查看更多

友人說大班樓值得一去, 友人的TASTE向來不錯, 便決定跟老伴前往一試去可能因為早的關係, 店內只有一枱食客, 很容易地便得到了座位, 侍者遞上簡單而沒太多花巧的餐牌給我細閱, 期間更花上很多時間講解推介菜色, 雖然感覺上有少少HARD SELL, 但其實內容都很資料性, 得到"詳細"的講解後, 對點菜更有信心!友人說過必試是陳村粉, 但沒提及是那一款的, 於是便揀了大虎蝦川椒的那一款, 四隻大大的蝦, 如果在街市自己買, 價錢相信絕對不便宜, 所以$2XX的售價, 依然覺得很超值 蝦肉鮮甜, 爽口, 材料本身已經無懈可擊了, 廚藝更是令我十分欣賞, 陳村粉配帶點麻辣的川椒醬, 很開胃, 兩個人食, 但一人兩隻完全唔覺太多的金不換炒蜆同樣用上很新鮮的材料, 味道是很出眾的, 蜆肉很甜, 隻隻連殼上, 吃到這裡會令人覺得這餐廳是沒有欺場的可能雞蛋白蟹子炒飯雖然不是特別出眾, 不過已算是令人滿意之作品, 這樣說是因為如果鑊氣強一點會令味覺更享受呢吃罷令我印象深刻, 急不及待相約家人再訂枱去…查看更多

幫襯左好旺角最少已經廿年了, 原因不是因為粥店特別好食, 而係因為就腳而已, 舊店在新之城對面開, 一星期差不多會經過最少五次的行完家樂, 發現在好景側邊開左間新的好旺角粥麵專家, 見餐牌, 介紹都同舊店一樣, 就走左入去食!一個人食, 只係叫一碗皮蛋牛肉粥同一碟芥蘭, 說真的, 食左咁多年, 今次其實味道同之前分別唔大, 但唔知係唔係心理作用, 總係覺得少了一份風味, 個碗都係新的, 但覺得好似隻碗都會影響到碗粥的味道地方乾淨了, 枱又乾淨, 連個碗都乾淨左, 但總係懷念那種"舊"的感覺!但要食好旺角, 現在又多了一個就腳的地方了…查看更多

天氣極度炎熱的一個星期日, 行到差不多要中暑之際, 同太座兩個"鼠"左入toast box X 三巡雞飯店食少少野同飲野我地唔係好肚餓, 兩個人share 一份海南雞飯餐, 加錢有個鹵水拚, 另外仲叫一件加央多食, 餐跟檸茶走甜海南雞飯的水準很普通, 飯沒有雞油味, 只有些少咸咸地的椰油, 唔算好香, 雞肉雖然起了骨, 奈何雞味欠奉, 點雞的醬汁就可以, 不過薑茸都唔夠香鹵水拚盆就災難了.. 豆腐好硬, 而且淡而無味, 怎可以稱得上鹵水? 吃了一舊便放棄, 鹵蛋都係硬的, 仲乾爭爭.. 成碟鹵水都唔掂反而多士有水準, 麵包的口感好好, 中間的加央就夠香椰子味, 正!好想俾喊佢, 但係今次真係個多士save左佢…查看更多

標題以一個字-- :抵! 來形容去南記食後感係好貼切, 因為叫一個二人餐, 其實四個人都夠食試想想, 兩個人食, 有半隻雞, 一碟薑蔥沙鯭魚( 十二,三條左右), 一大碗咸菜豬肚湯, 再加一碟炒菜, 咁又點會係二人份量呢, 好彩三個人食, 原先仲想二人餐再加野, 結果唔駛加味道以咸雞同沙鯭魚最好食, 咸雞雖然隻雞唔肥, 但好黃油, 雞的味道好香濃, 連骨都有味, 正! 半隻雞食到一件都無得剩! 沙鯭的魚肉鮮甜, 仲要十多條, 只係份量已經值回票價, 何況仲好好味咸菜豬肚湯比較一般, 味太淡, 沒有胡椒, 唔夠辣, 食得唔夠痛快!下次如果六個人食, 要叫四人餐, 費時要打包…查看更多

又一新的甜品店開張, 唔通做甜品舖真係好好賺? 呵呵, 我都想開一間, 特別係去完呢間位於九龍城的"金寶甜品", 骨子的裝修, 氣氛舒服, 如果間舖係我開都幾正餐牌比較簡陋, 相都唔係好吸引, 款式係多, 但係有點混亂, 都唔知邊款先係主打, 整體感覺就係一堆的芭菲甜品的相, 所以我覺得似芭菲店多的!試了朱古力mosse芒果雪糕芭菲, 一杯$34, 杯仔細細, 份量唔算多, 朱古力味的mosse唔會太甜, 有淡淡的黑朱古力味, 芒果雪糕過得去, 似某某gelato的雪冰, 特別愛吃mosse加粟米片的配搭, 只係粟米片脆一點會更好庭位幾好坐, 仲有柔和音樂聽, 個人一邊食一邊relax, 爽…查看更多

曾經介紹過南華的咖哩魚旦, 覺得佢係食過的同類食店之中最好食的, 今次去食多次, 發現多左好多野食我上次嚟只係得一個男人喺度賣咖哩魚旦, 今次事隔一年再臨, 多左腊味糯米飯, 煎薄餅, 辣牛柏葉同由魚等等, 由兩個女人睇舖, 唔知會唔會轉左手呢? 買左一串辣魚旦食, 味道都ok, 但無上次咁正, 辣度比上次食更辣, 但反而少左一d 甜味, 仲有係好似多左層油喺魚旦既表面, 口感無咁好咁始終懷念之前食過的味道, 而家有少少唔夠好了..…查看更多

逛開旺角一帶, 在砵蘭街的佳記餐廳食左個茶餐!肥牛公仔麵, 牛油多士加奄列, 連凍檸茶一杯, 三十二蚊, 價錢唔平, 不過味道唔錯, 牛肉公仔麵的牛肉幾嫩同幾好味, 茶餐廳通常只食到一些用梳打粉乸過的雪牛, 用到咁好的牛肉都係少見, 加上仲有兩片西生菜墊底, 幾有心思同誠意了牛油多士嚟到先知係一個英式的鬆餅, 又係落本錢之作, 當然比起方包好食好多, 收得三十幾蚊, 但質素提升了, 所以值得介紹!…查看更多

今晚落左去黃大仙中心隔離冬菇亭食宵夜, 即係有間七十一嗰邊呢個大排檔環境都算ok, 有冷氣, 又有電視, 雖然只係播無線, 但大排檔有如此設備都算係咁食物方面, 叫左碟鹵水拚盆同一碟菜心炒帶子, 鹵水拚盆都幾豐富, 有墨魚, 鵝腸, 紅腸, 大腸, 豆干同大豆芽菜, 份量勁多, 不過味道只係一般, 鹵水汁的味道不香, 真正好味的鹵水汁應該有少少甜味, 就好似李錦記的鹵水汁都好味過佢, 鵝腸好粗身的, 但又幾爽, 不過都係嗰句, 唔夠味菜心炒帶子就好食好多, 夠鑊氣, 帶子雖然係雪的, 但大大隻, 點少少蠔油食, 鮮甜爽口, 叫左碗白粥嚟送, wonderful呢間大排檔的水準, 算是中規中距, ok啦!…查看更多

在海港城 shopping 之際, 見有人排隊買野食, 仲要排完攞出露台一邊坐低睇海景, 一邊食, 於是埋去八吓原來係賣薯條的 new york fries, 見咁多人食, 一於埋去睇睇, menu 有 poutine, veggie 同 the works 三種薯條, 仲有 hot dog 添, 坦白講, 我食薯條唔會要求好脆, 炸到金黃先係好食, 反而好注重薯仔本身的質素, new york fries 的薯條絕對唔係脆的, 想食脆野你會好失望我買一盒 veggie works 食, 有芝士同酸忌廉味的醬汁做襯托, 加上蔥, 蕃茄粒, 配角唔算味道好重, 令我可以品嘗薯條本身的味, 這方面做得合格有餘了本想給一個笑瞼, 但覺得一盒細的要三十幾, 大的要四十幾, 價錢好像高了一點, 又好想俾ok, 不過佢又好食過什麼ireland 之類.. 希望會把價錢調低吧, 唔係我都唔會成日買了…查看更多

看過了openrice的餐廳推介一欄之後, 發現這間叫定食 doraya的日式餐廳, 於是就約了好友到他們的店食!很多定食的價錢都係一百至百五蚊左右, 我好想食三文魚子拚海膽井, 不過一百五十蚊但又唔知好唔好食, 今次就改為叫左一客吞拿魚銀魚仔定食! 除左碗飯之外, 定食仲包括了麵豉湯同日式煎蛋, 仲有一小碟醃茄子的前菜!先食個煎蛋, 呀! 味道係十分之好, 小甜的味道, 雞蛋又不會一夾即散, 但又唔會硬, 而係好軟熟, 兩件蛋差點不夠食! 然後到個湯, 有豆腐粒, 紫菜的麵豉湯, 味道不算差, 但溫度就不夠熱!到了主角了, 銀魚仔同未食之前的估計有出入, 以為係好似食韓國餐的咸甜味魚仔, 原來唔係, 而係無醃過的魚仔, 味道清淡所以沒有搶去主角的味道, 吞拿魚係粒狀的, 魚脂豐富, 夠新鮮, 唯一美中不足係壽司飯的味道不夠濃, 不夠香!加埋一百一蚊, 雖然唔平, 但質素好好! openrice 無介紹錯播…查看更多