bube_foodie's Profile

#喜愛炸物後援會骨幹成員 報道👩🏻‍🚀裝修左好耐，終於開張既天丼！Menu 有好多配搭，天婦羅配飯、素麵、烏冬、蕎麥麵等，除左天婦羅，仲有唐揚炸雞或者鰻魚飯可以揀添！🤤🍽天婦羅蕎麥麵（冷麵）（$82）天婦羅有虎蝦2隻、蟹柳、茄子、蓮藕、四季豆。四季豆有驚喜😆 冇諗過平時炒開黎食既四季豆，原來原條炸都好好食！💚蕎麥麵夠晒凍，加分！整體黎講，雖然係炸物，但用料新鮮，好有誠意😋😋下次要試埋個炸青森蘋果雪糕先！😚…Read More

聽同事們講呢間餃子店既餃子餡款式好多，湯餃唔錯，於是點左2款湯餃試試佢！🍽 湯餃子10隻（香芹芫荽豬肉餃+ 韭菜豬肉餃配番茄薯仔魚湯）（$47）水餃既size比平時既再大隻啲，餡料非常豐，肉同菜既比例啱啱好，啱會話好膩。湯方面係番茄薯仔魚湯，雖然魚味唔算好出，不過呢個湯頭配餃子又真係幾夾，加埋佢地既辣菜脯食真係冇得彈！提提大家，呢家餃子店不論堂食定外賣都超多人排隊，記得喺office諗定食邊款餃子，一放lunch就衝過去落單喇😆…Read More

開心食炸物，唔開心食炸物，今日工作順利完成左，輕輕獎勵一下自己💞🍽海鮮天丼（$58）呢碗海鮮天丼真係包羅萬有，有虎蝦、魷魚、茄子、蟹柳、蓮藕、菜心仲有舊炸流心蛋，咁親民既價錢有咁多款野食，真係好高興🤩🤩天婦羅好好新鮮，唔會好厚粉，我覺得唔洗點天婦羅汁都好夠味🤤重點：炸流心蛋撈飯真係一絕！餐廳服務好好，雖然第一次黎食，但就有種好親切既感覺，可能係因為呢間餐廳會播70/80年代廣東歌？🤔（bube 是90後的🤣下次要試下其他款先！ 🤤🤤…Read More

以前食吉XX嗌親牛肉飯都一定要加牛汁，而Sukiya既牛丼就比較多醬汁，上次嗌個就咁牛肉丼就覺得略嫌有啲膩🙈所以今次就嗌左呢個👇🏻🍽香蔥溫泉蛋燒肉丼（$48）加左溫泉蛋既食物真係好味 level 🆙，有醬汁燒牛肉、減膩既蔥粒，仲有日本米既彈牙彈牙既口感，呢個配搭真係食L size 都唔覺膩😂(雖然今餐我只係食左M size)🤣順帶一提，lunch hour 既堂食經常排長龍，如果公司喺附近既位，就嗌外賣返office 慢慢食，快好多！🤩🥢…Read More

餐廳既裝修同整個環境都幾舒服🪴，座位相隔好闊落，員工服務態度唔錯👍🏻講返野食先，餐廳以新派東南亞菜做賣點，於是點左2個主餐同配左杯招牌泰國奶茶🧋🍽泰式船家湯脆炸花腩肉金邊粉（$68）花腩肉肥瘦均勻，四邊炸過保留少少香口，金邊粉滑，唔會煮到碎晒夾唔起👍🏻🍽招牌泰國奶茶（跟餐）（+$12）奶味較濃，偏甜，茶味再出啲就更好喇！😝🍽藍蝶花菠蘿蟹肉炒飯（$138）賣相好特別，平時食菠蘿炒飯都係用黃姜粉煮嘅黃色飯，今次佢用上蝶豆花煮飯令飯粒變成藍色🧞‍♂️蟹肉份量十足，配上菠蘿，肉鬆、腰果，口感都幾豐富，不過呢個炒飯嘅味道就比較偏甜，炒蛋同提子乾令個飯都變得甜左，如果少啲提子乾就應該會更加好喇😆😆😆…Read More

加了菠蘿的東西都是好東西🥰🍍TGIF!!! 🤩 忙左一星期，終於可以抖返下，食啲高熱量既野食慰勞下自己😝😝經過齊柏林，當然要揀返件熱狗🌭️同嗌個薯條🍟外賣返屋企食，黎返個me time😋🍽芝士煙肉薯條🍟（$26）兩個字—「邪惡」，有薯味既薯條，加埋芝士同煙肉碎，雖然外賣拎到返屋企，薯條已經淋左少少，但都無損佢既味道同成為comfort food之選☺️🍽澳式風情熱狗🌭️（$38）aka芝士煙肉菠蘿千島醬熱狗，加左菠蘿即刻減少左芝士同頭先薯條嗰種油膩感🍍🍍🍍不過如果有多一個人同我share個薯條就好了，或者我嗌返跟餐既細薯條🤗一個人食實在太飽🤰🏻🤣🤣…Read More

🍽燒醬油黑毛豬白切肉配大醬生菜 （$162）豬肉醃得入味，係甜甜地既醬油味，肉質好淋，配埋生菜同紫蘇葉，加埋醬料大醬、蒜頭，辣椒夾住豬肉，減低個油膩感，真係食幾碟都冇問題🤤🤤🐖🍽蜜糖炸雞 無骨（$108）試埋另一款推薦菜式，炸雞咬落香脆，入面juicy。炸薯條同炸年糕都幾出色，撈埋炸雞外層甜甜既蜜糖一齊食都好夾🍯餐廳真係好啱約埋一班閨蜜過sweet sweet 既一日！👧🏻👧🏻👧🏻🧡…Read More

心思思想食魚生，但又唔想食壽司，所以黎左呢間日式餐廳！🏯🇯🇵🍽海宝丼【上】（$115）呢個定食有一碗魚生丼飯，味噌湯，同一舊凍番茄。魚生丼材料非常豐富，有赤身、白身、章魚、穴子、蜆肉、小扇貝、真雪蟹、三文魚籽同埋青瓜，新鮮得黎，每款材料都令每一啖飯既口感變得更加豐富！🤩除左平時既wasabi豉油，呢度仲奉上壽司醋啫喱，俾你可以撈入飯，酸酸地咁，好特別😋🍽醬汁吞拿魚（生）配蛋 （$58）見丼飯咁新鮮，所以點多個魚生黎試試，吞拿魚調味適中唔過鹹，撈埋蛋黃之後口感更加滑身，好好食！🐟…Read More

若果約朋友去尖沙咀食飯，就一定要預留食甜品既胃俾鮮芋仙！🥣🍽招牌仙草冰沙+紅豆（$45+3）芋圓同番薯圓大粒，數量幾多，至於口感，學台灣人話齋：「真的很Q唷！」😋仙草入口順滑，加配既紅豆紅豆軟硬適中，質感似紅豆沙，唔會太甜搶左成碗冰沙既味道。而底層仲有仙草冰沙，食一啖真係人都醒一醒❄️😆成碗冰沙再加埋淡奶實在係冇得輸！✨成碗糖水既份量都超大，建議當飯後甜品既朋友仔，晚飯唔好食太飽🤣 仲有仲有尖沙咀呢間分店，無論平日或週末，任何時候都好多人排隊，今晚8:30pm就截左飛喇，所以大家記得早啲去拎飛喇！🙌🏻(⁎⁍̴̛ᴗ⁍̴̛⁎) 推介指數：⭐️⭐️⭐️⭐️⭐️…Read More

呢幾日開始涼返啲，收工凍凍地就想食返啲熱辣辣既晚餐暖一暖身，經過生記，見到門口張貼左好多篇報導仲有老闆同蔡瀾先生既合照，先知道係上環老字號粥店既分店，諗都冇諗就入左去舖頭一試佢既水準！🥣入到餐廳點左一碗鮮鯇魚腩粥（$47）粥底好綿滑仲有啲白果添，魚腩有厚度得黎口感好實在而唔係平時一般粥店食到薄到一夾就好易散開既魚肉。用料非常新鮮，冇魚腥味，再配上薑蔥豉油，簡直係為呢碗粥再提鮮一點，將呢碗粥既層次再昇華🤩今餐真係好滿意下次試試佢既及第粥同豬腸粉先😍…Read More