avawahaha's Profile

公司附近開咗專門食黑松露味嘅麵包店，見裝修幾靚，所以去試吓，買咗最出名嘅黑松露朱古力味牛角包，同埋黑咖啡。黑咖啡冇咩特別，開頭以為有黑松露味，原來我誤會咗…😅加上杯咖啡喺個水龍頭度斟出嚟，感覺不太良好，可以唔使試…另外黑松露朱古力味牛角包，一向鍾意食牛角包嘅我覺得還好，其實佢幾特別，朱古力味係甜，同時黑松露係鹹，不過佢另外仲放咗啲鹽，所以鹹多過甜，如果甜同鹹個比例Balance返會更好😛店入面仲有好多款麵包，會想繼續試食🤗…Read More

大哥茶餐廳喺我公司附近，食物好多元化，有焗飯、有即炒粉炒麵炒飯、有常餐等等，基本上都滿足到同事們嘅喜好。而且上餐快，所以如果我哋工作好忙要快食，就直接唔使諗，落雨近近哋又會去食，好快已經成為咗我哋經常去嘅「飯堂」…Read More

今次嚟到銅鑼灣希慎，想搵間坐得好啲嘅餐廳，上咗三樓見呢間台灣野有人排隊，拎咗飛等咗一陣，好快就有位。叫咗三杯雞套餐，有驚喜：鍋底有個火熱住😛食到最尾都仲係熱辣辣👍🏻推介…Read More

同事介紹話好好食 當然要去試吓～提前訂位有九折，即係免加一！我叫咗個五花腩紅米飯，唔錯喎！啲肉唔會全部係肥膏 （啱晒想keep fit但又想食好西嘅人😂）不過啲飯有啲硬，唔知係咪落唔夠水😅不過都接受到。同行嘅同事叫咗鮑魚炒飯，味道唔錯，仲有隻大鮑魚，啲飯粒粒分明，不過一樣係好硬。另外嗰位同事叫咗清湯牛腩，清清地唔錯。值得欣賞係個老火湯，嗰日係飲西洋菜湯，唔會係味精湯，大大碗咁幾好飲。美中不足係個「前菜兩款」…簡直係失望，建議不如唔使寫喺個Menu度，冇期待就冇失望😊 另外如果包一杯免費飲品就會係完美嘅句號😊整體嚟講都係值得一試嘅好餐廳😋…Read More

有次行完利園shopping後好肚餓，經過呢間餐廳，試咗個signature嘅TB打扁漢堡包，塊牛肉都幾juicy! 薯條好味😋值得欣賞嘅係漢堡包下面張紙，用咗風琴式設計，可以好似口罩咁笠住個包，食起上嚟無咁lea hea🤣…Read More

今次嚟咗食呢間銅鑼灣希慎日式西餐廳QUE，地鐵站一出就係呢層，夠晒方便。我叫咗個吞拿魚蓉角切魚生飯，觀感唔錯，顏色鮮艷，味道不過不失，份量啱啱好，套餐包埋前菜沙律同飲品，刺身嚟講都算抵食👍🏻同行嘅朋友叫咗個貴少少嘅套餐 - 火炙左口魚裙邊海苔甜蝦丼，個餐一嚟到佢話擺碟上有啲hea，因為白色嘅左口魚擺喺飯上面，顏色好似樣，退晒地咁🤣但係味道係唔錯的，都可以一試。可能因為地點太方便，舖位租金唔平，相對食物嘅價錢冇咁親民。但我見到餐牌上仲有好多其他選擇，下次有機會會去試吓食其他西式套餐😋…Read More

今次偶然經過銅鑼灣希慎三樓新開張的泰國菜餐廳，入咗去試吓。點咗個馬拉盞豬頸肉炒卷心粉，味道不過不失，熱辣辣幾好食，豬頸肉都算爽口，不過豬頸肉份量可以多返少少飲品方面，試咗個熱唂咕茶，即係朱古力味嘅茶。由於佢係用茶包沖，所以無奶同糖嘅成份，好似幾健康，味道幾特別，唔錯唔錯。同行嘅朋友叫咗燒豬頸肉扎肉檬粉，佢話豬頸肉都燒得幾好食餐廳嘅裝潢都幾靚，地方大有好多位，商場入面嘅餐廳嚟講，價錢算係相宜，值得去試試…Read More

如題目一樣，lunch set 有頭盤、前菜、主菜、飲品、甜品：我今次叫咗handmade burger，有沙律同薯條伴菜。個Burger 大大份，有芝士、菜、蕃茄，塊肉好juicy，薯條好脆！甜品係tiramisu，雖然size只係一口，但酒味好夠，所以食一口都覺得好滿足，為今日嘅午餐畫上完美句號😋同行嘅同事叫咗另外兩個餐，軟殼蟹咖喱蛋包飯（真係有成隻蟹！），同芝士牛肉餡餅，佢哋都話好好食，份量好有誠意！可惜我唔記得影相，推介大家親自去試試😊…Read More

平日lunch time嚟要排隊，不過都好快有位。叫咗個全日早餐All Day Breakfast，有他他醬配炸魚柳，黑松露炒蛋 等等（見圖），食物大大份好有誠意，最鍾意食佢個菠蘿包😋同行嘅同事食蔥油豬扒飯都係大大份（唔記得影相）。侍應哥哥都好風趣，送餐嘅時候同我講：「阿妹你食唔晒留返俾我」🤣🤣🤣咩料 好鬼搞笑～…Read More

灣仔修頓球場附近一向都多咖啡店，無意中發現呢間窮X咖啡，俾個名吸引咗，咁啱開業期間$25一杯，即刻試試佢。同朋友一人叫咗一杯flat white ，味道唔錯，不過size有啲細杯，可能係開業優惠嘅size。小店嘅佈置好有誠意，裝飾品都離不開「窮」字或者招財貓，夠貼地 我鍾意😂推介各位經過去望吓試飲吓～…Read More

呢期做緊Cares Bear 好可愛，台灣食物一向都係香港人至愛，呢間位於銅鑼灣中心，好方便。食物唔錯，lunch套餐可跟兩個小食一杯嘢飲，台灣食物嚟講雖然偏貴，但環境唔錯，服務員Nice，有誠意。…Read More

今次搭8am機，去到機場禁區內唔想入lounge同人迫，肚餓之際無意中發現呢間餐廳，有少少隱蔽不過又好易搵到，喺24號gate隔離扶手電梯上2樓。入到去感覺好舒服，侍應們都好Nice，坐咗喺窗邊位置望飛機，雖然得三個餐揀，食咗個all day breakfast都唔錯，好足料（見圖），chill住開啟旅行的第一天✨…Read More

今日坐喺吧枱對住廚房望住廚師們有種莫名的療癒☺有人整頭盤有人煮意粉有人整飲品有人搓手工意粉等等。手工意粉一如既往的好食🤤。Tiramisu 比以前細杯咗對怕肥的人來講是剛剛好🤭水準還是keep到的…Read More