Laurie Lau's Profile

可能最近天氣好焗，諗食乜時只係想唔食啲太滯，所以決定左食刺身同生蠔。 雖然見到餐牌所寫嘅生蠔種類唔多，但正正Namibian 同Gillardeau都係我好鍾意嘅，唔怕有選擇困難症所以ok.我地點左啲Namibian, Eire,同Gillardeau,各3隻。活赤貝2隻，翡翠螺2隻 仲有一板馬糞海膽。生蠔非常新鮮，篤一篤裙邊就知啦！非常creamy同爽甜，我最愛都係Gillardeau.馬糞海膽好甘香，after taste長過加膽。活赤貝又係好新鮮好爽好鮮食完咁多生野，最後點左個北海道反卷。咁就滿足晒啦！…Read More

今日一大班為食鬼帶隊食雞煲火鍋~雞煲~好有講究，要每2分鐘扒一次，一共扒3次，最後一次加油炸鬼。好香!好多洋蔥芹菜做配料。原來咁樣煮啲雞滑好多，而且都好入味!海鮮配料~海鮮配料超誇張，有大蟶子，大蝦，龍躉肉，新鮮鮑魚，帶子同蠔等等。。。全部都超新鮮，隻刀貝好大隻，而且好厚肉，my favorite!花甲蟹湯底好Fresh! 襯海鮮清清地幾好，但都好足料。手切牛肩脊好正，最好係7成熟。又鮮又juicy.成班人咁食法幾好，因為個個鍾意食乜就食乜。…Read More

今日任務係去長沙灣上堂，上完堂餓死我啦~拉埋啲同學仔去食野先!佢地帶我到哩間店，裝修ok喎，但人多有啲嘈囉!我點左菠蘿海鮮炒飯，原個菠蘿上，好正!而且配料都多，勁出菠蘿味。仲有蔥花一口牛，牛肉好滑，有咬口，味道都香，但係就少左右啲囉！薄餅，配料同芝士都足，厚批，但係外脆內軟。飲品方面係自助飲品吧，選擇種類都係大路果幾款啦！哩度坐得幾舒服，係嘈左少少，三個人都坐左好耐先走呀 …Read More

十年前有朋友介紹我食哩間店，不過係旺角分店，仲記得當時一個麵都只係十幾蚊~十年過去，再光顧，價錢雖然上調了，但依然好抵。一個麵加豆漿都係32蚊蕃茄蛋牛肉手攪麵是我的最愛，每次只點這一款，蕃茄味濃郁，湯味帶酸甜，手攪麵有咬口，最愛湯裡的洋蔥，帶出牛肉的鮮甜。味道十年如一日!回味♡…Read More

跟朋友二人吃飯聊天,在這裡坐得很舒服,環境也不錯~小時候的最愛~燒帆立貝:好味多汁而且好大粒~燒雞泡魚干:這個貨一看就知道不是平價貨,肉厚而且肉質一絲絲很有口感,味道也不錯!牛肉壽喜鍋:配料非常豐富,湯底味道ok,平時牛肉鍋有好多油浮面,這個口感倒不太油。女人的私密閒聊空間還是很重要的…Read More

今天幫朋友做搬運工,之後朋友請我到這裡食放題,本來都叫佢唔好咁破費,但佢話哩度唔貴咁我就唔客氣啦！帆立貝好惹味,而且口感爽滑~壽司竟然同單點壽司店的一樣大量~而且很新鮮,說明這店不小家~刺身,牛油魚口感和味道都很特別,蝦就好大隻好新鮮同好鮮甜~小食也沒有絲毫馬虎~燒物也不錯,但有點普通我就不放照片了！總之見朋友埋單都係每人佰幾又真係幾抵喎！…Read More

星期日早上諗左好耐唔知食咩好，老公話想去試下哩間啲海南雞喎~我其實就唔係太肚餓，本來想叫早餐點知過左早餐時間啦，咁我問侍應係咪即係無餐叫啦，佢就叫我散叫，點知叫完先見到另一個阿姐擺緊午餐餐牌喎~我真係嬲嬲地囉，我話想轉佢又話個豬手切左啦喎無得轉~咁無計啦焗住食就一定唔好食得去邊嫁啦！個海南雞飯啲雞好少，而且仲要係雞胸，好諧~chopstick:豬手飯我見到都比心情攪到無左胃口啦，味道ok啦，係態度唔好囉；最後個泰式炒椰菜苗係我唯一食晒嘅野囉，唔夠泰式，因為唔夠辣~老公見我咁，都唔再繼續食啦，寧願同我去第二度食過，浪費左啲食物添，所以一間餐廳嘅侍應對答同埋態度真係好影響個客嘅心情嫁！…Read More

今日懶惰唔煮野又唔想出街食，所以叫左Pizza食，一打去就話要等個半鐘，咁都無所謂，諗住叫個新批試下嫁嘛，點知足足等左兩個鐘，之後我打去催佢地，佢地話已經出左車啦。最後Pizza到啦，我比完錢(應該有4蚊要找嘅)轉身擺低個Pizza，點知轉個頭個速遞員就連錢都無找比我就咁走左啦，之後我一打開個Pizza成個蓋都痴住晒啲芝士同餡，簡直見到都唔吸引啦，味道其實同超級夏威夷無咩分別，反而超級夏威夷個茄汁好味過用新哩隻汁配囉，我覺得只係個外型唔同左啲啫！我事後打返比何文田分店同佢講返，佢地本來話會mark低我個電話咁等我下次再order果陣就會送返客小食比我，但係事隔兩個月我再打去order問啲接線生我個電話有無mark低個經理話會有野送呀？佢話無囉~ 所以我覺得咁樣對待客人嘅投訴唔係咁好囉，而且言而無信！希望佢地可以明白顧客嘅感受多啲啦！…Read More

中午同老公撐枱腳食lunch，去左山林道嘅老趙，平時知道佢晚市好full，我又係啲師奶仔心態費事同人爭呀嘛，所以通常等lunch hour完晒坐都坐得舒服啲！我地一人叫左一個午市套餐，好豐富~有個粉，有小食同飲品！老公點左生牛肉湯河，睇個樣就好唔錯啦，但係唔想食親都係哩個咁,所以我今次點左個"檳更"─豬手蟹肉濃湯檬。個湯好濃好正呀，好重蕃茄味，我食下食下好味到啲餸都差啲唔記得加落個粉度食呀，不過好快就見飽囉，因為個份量都幾多嫁；小食我叫左春卷，我鍾意佢有塊生菜可以包住食呀，因為無咁膩~而且個皮好薄好脆；我仲叫左個酸辣無骨雞爪，好鍾意食哩啲酸酸辣辣味，不過我覺得佢啲汁唔夠多囉，所以想食埋啲菜但係食到尾又無味囉！我老公最欣賞嘅就係佢地嘅滴滴咖啡啦，因為佢地個杯除左加左煉奶之外，仲自家加左啲靚淡奶，所以我老公特別鍾意飲佢地個咖啡就係咁嘅原因啦！…Read More

同老公行過見到哩間韓國食店好似新開咁，就走入去試下啦，裡面裝修簡單，而且坐位好少，招呼我地嘅係一個11歲高個子嘅韓國男仔，原來煮緊野嘅就係佢媽咪，即係店主，成個感覺都好Homey呀！我們點了一個二人餐，雖然不太清楚是怎麼樣的菜，就抱著一點期待的等著…我們另外點了知泡菜辣椒，結果一看果然跟想像中的不一樣，泡菜味道濃反而顯得辣椒沒什麼味道只是個襯托；餐前有韓國料理例牌的幾款前菜，不那麼特別；店裡的飲品都是直接從韓國入口的果汁飲品，原來在店外的一家韓國超市也是他們家的，小男孩就幫媽媽去拿了，這果汁很不錯哦，裡面都有果肉的，也不太甜我喜歡，可就是小了一點；主菜是鐵板韓燒牛肉，一看！怎麼都沒有我們平時吃的深顏色哦，反而拌的菜多了有點像在家裡吃的家常小菜，但味道是挺不錯的，說明家裡做的菜就是調味可以清一點吃得健康一點。韓式炒年糕是我愛吃的韓國菜之一，但這裡的味道太偏甜了，也是跟我想像中的味道有出入哦，所以吃不到幾口就很快吃膩了；最後上的這個海鮮煎餅我只吃得了一小口，因為實在太飽了，味道？我都吃不出來了…這一頓飯除了吃得很飽以外，更讓我感到很有家庭的感覺，就好像我到了一個韓國家庭裡作客似的，而且食物的味道也跟平時我們吃到的港化韓國料理有不一樣哦，不是說特別好吃，但是吃出了異國的風味，還有濃濃的人情味！…Read More

今日lunch放晏左，攪到過左食飯時間好似有啲唔知餓咁，所以想食清啲，同同事兩個人去左哩間我地去開嘅日本料理。哩個時間無咁多人，仲有lunch set，同一啲下午嘅特價小食，好似仲抵過我平時早放lunch咁，又唔洗迫人！不過抵還抵，之不過個餐真係太多野啦，所以我同同事一人散叫左一啲壽司，同埋叫左一個七味燒雞亦小食同埋燒青花魚小食就算啦！我叫左一件加拿大海膽壽司、8吋三文魚壽司、同無頭甜蝦壽司及北寄貝壽司各兩件。七味雞亦我覺得淡左啲，可能因為我食得辣啦，不過肉質好嫩，無燒得太乾唔錯；燒青花魚都燒得幾好嫁，不過我地哩份剛好係腩位，我都係鍾意啖啖肉多啲，其次係鍾意個燒魚汁，教得好好味；加拿大海膽係我嘅至愛，而且唔係成日有，所以我就點黎試下囉，個海膽好新鮮，不過啲飯就硬左啲囉！無頭甜蝦壽司同北寄貝壽司就無乜太特別所以唔多介紹啦，我都係鍾意食有頭果隻甜蝦，得我下次晚市再幫襯過先得！…Read More