yu_cy0619's Profile

星期六收工食個lunch,今次第二次食，係呢頭黎講算好食又唔太貴，份量足食得飽，叫咗個常餐B，包熱飲，好快有得食。上次叫咗叉燒意粉，覺得都唔錯，都幾香，叉燒份量剛好，今次想試下另一款，個人覺得雖然茶餐廳常餐黎講真係比較貴，但味道份量比我平時食既好，蕃茄湯底唔係淡茂茂，而且蕃茄雜菜都大大粒，真係扚到黎食，不過通粉稍淋，都係叉燒意粉好食d,午餐時分都見到好多人幫襯，簡簡單單一個人休息一下食少少野都好方便，雖然舖面好細，但坐耐d都唔會趕你走。…Read More

星期六逛完電腦展係附近食晚餐，喺門口望落似落價錢一個飯50幾蚊都ok,行到好攰，隔離左右既餐廳仲貴，咁就入去啦，舖頭細細坐滿人，應該都幾好食。叫咗最平既飯，冇乜花巧野，但味道唔，雞腿大過我拳頭，大件夾抵食，芝士奶蓋綠茶先搖勻，然後先插飲管再搞勻，等芝士溶落綠茶，綠茶淡味加芝士鹹香味好夾，呢個價錢物有所值。因為地方細，座位唔多，張張細枱，都會幾嘈，悶悶地想食好少少，三五知己黎食個便飯就剛好👍🏻👍🏻…Read More

約咗人係附近傾野，早上做完野就搭車趕過黎係附近搵野食，咁啱行到呢度，餐廳裝修colourful,家庭餐廳感覺，見到門口價錢牌都唔太貴，就入去試下，1點幾餐廳近乎爆滿，得bar枱位坐，我諗真係太忙，想拎個餐牌睇下都等咗幾分鐘先有人睬我😶，唔明點解唔印多d放係每個位。本身見唔到有lunch set,好彩侍應提一提，差d叫貴咗lunch set包熱飲，有少少沙律，味道正常，蛋包飯有得㨂加咩汁，我後悔望咗隔離個人揀錯汁，黑椒汁較重口味，蓋過咗蛋包飯未身既味道，應該㨂茄汁好d,抄蛋整得實，唔會水，但係飯有d淋，有部分變咗漿狀，硬身d會好食d，炸蝦較多粉，龍利柳好少少。成個飯長形碟望落好似好多，不過食份量唔係想像既咁多，但仍然係正常份量，食得幾飽，整體黎計味道份量價錢都合理，食得過。餐廳位排得好密，張枱放得好近收銀枱添，路較窄，行出行入要小心，客人流量多，不過都唔會話趕你走，幾個朋友坐卡位食個飯傾下計既好選擇…Read More

趕緊assignment deadline 既午餐，同樣係諗緊今餐想食乜然後覺得似乎都唔錯就入去試試啦，望落環境好新好乾淨，唔知係咪新舖黎呢🤔❔12點幾都唔多人，任我坐任我hea😂諗咗好耐最終叫咗招牌菜，呢個份量相比價錢有d貴，飲品要另外加錢，牛肉金菇味道係唔錯，但份量真係較少，烏冬同平時係其他旺角既日本餐廳唔同，較扁身，都幾彈牙有咬口幾好食，但份量都係少，呢餐食完總括黎講真係貴夾唔飽🙈，但係我幾鐘音佢主打既烏冬，真係幾好食餐廳冇乜大枱，一大班人黎食就要分開坐，不過三五知己黎食下野似唔錯。…Read More

放AL但又被assignment 淹沒既頹廢日子，食個lunch然後繼續努力，印象中間野都幾出名，就入去試下。環境唔錯，2點餐廳d客人好少，坐得舒服。呢個超普通，下午茶餐包熱飲。唔係難食，但亦唔見得好食，有d失望，令我更頹，個湯真係冇味，簡單填飽個肚。唔知其他野越南菜式會唔會好d呢🙈❔…Read More

呢間韓國野係旺角本身有兩間，應該有一間執咗，係朋友以前帶過我黎食過幾次，佢誇到明明係九龍灣返學都放咗學特登走過黎食咁變態😂🙈，雖然我都覺得佢地既野係幾好食，不過都不致於咁吸引既。今日見好耐冇食，又去食下。之前多數叫豆腐鍋烏冬，因為鐘意食粉麵類同飲辣湯。今次試下第二d，10幾分鐘就上到餐，我唔記得係撈之前影相，個飯既配料唔多，雞肉普通，呢個價錢都正常係雪藏雞，本身醬汁唔多，撈半匙辣醬辣度啱啱好。跟set有粟米蛋花湯同熱飲，例湯清清地配個飯剛剛好，整體價錢味道同份量都合理。店舖裝修黑色為主，燈光較暗，佢冇大枱，一大班人較難圍埋一齊食，但總算係幾個休閒午餐之選。…Read More

星期六晚總會同一大班朋友食晚飯，朋友預先留咗12位，所以即刻有位，夜晚落大雨，reception 店員都好好咁俾哂傘袋我地。呢間係樓上舖黎，環境幾靚，可能係新開，唔會爆哂位咁，衛生都唔錯。整體食物飲品係旺區食晚飯黎講都算平，飯/麵$50幾左右，台式飲品有奶蓋、水果茶等，平均$20。晚餐時間冇set跟飲品，要另外加錢。蝦餅$38，點酸梅醬味道好，足料，真係見到有蝦，唔係成舊麵粉咁，所以呢個價錢得4塊仍算合理。嘉義雞肉飯$50，賣相幾靚，但味道一般，個人覺得個汁偏淡，雞肉唔會「鞋」，份量合理，但成碗飯都細，我食唔飽🙈。另外，食咗朋友一啖麵，會彈牙，湯汁味道👌🏻，早知食麵啦😌。佢d主菜size 比茶木、鐵牛台灣牛肉麵既主菜細，但價錢平少少。 最尾有好多人黎，需要張大枱，店員都好有禮貌同我地講，人地始終都要做生意，所以我地都冇法坐得耐，旺區餐廳正常。餐廳位置多，凳有軟墊，坐得舒服，不過人多傾計就難d,適合一班人短聚食個便飯👍🏻…Read More

迫不得已要係荔景呢個荒蕪之地食晚餐，試過荔景既野食，覺得太少選擇，只係一心諗住唔想食頹飯，於是把心一橫上山搵野食，本來想去間港式茶餐廳，點知下午5、6點呢個時間都竟然冇開門，又唔想行返轉頭，最後就黎咗呢度。我不嬲都想窮食，點知入到黎打間餐牌係咁貴，平均都70、80蚊，心諗中伏了最後叫咗個最平又食得飽既，都預咗佢其實只係普通公仔麵，不過真係整得好食，軟硬口感好，咖哩好味好香，唔會辣好耐，唔食得辣既人應該都食到，但係呢個價錢既羊肉就較少，但不致於唔合理。其實佢有好多其他炒飯、薄餅、沙律，今次一個人冇機會試，我諗應該會唔錯，屋邨地方冇乜街客，一班人叫唔同野食一齊share,唔會有人阻到你，係傾計好地方…Read More

星期日午餐本來想去一間同朋友食開既女人街韓國野，途經呢間野又見到d午餐又幾抵，於是就轉啦😅，1200入去都好多人，心諗大概唔伏得去邊啦掛🤣堅係大件夾食，自覺都算大食，朝早冇食早餐🙈，但食哂真係覺得幾飽，雖然小店壽司質素始終不能同出名店舖比，但真算唔錯，芝士同沙律醬夾埋係幾好食，話係細卷但我覺得都幾大舊吓😂。呢個價錢有6件咁多，都幾有良心，不過佢拉麵係冇其他餸既～個人覺得麵較重麵粉味，但唔算好難食，份量比我食既同區日本野食店都多，而且仲送汽水，仲係樽裝即開添‼️不嬲都唔飲汽水既我都覺得幾吸引，呢個lunch set整體都好抵食👍🏻店舖衛生睇落都👌🏻，只係裝修殘舊，我食果份睇落係乾乾淨淨🤣，舖面唔大，一大班人一齊食應該要分開坐。…Read More

又想試下未食過既地方，午餐價錢望落都係$40-50，就行入去試下。人就係犯賤大熱天時都硬係鐘意叫d湯鍋跟飯😅其實呢個價錢望落有咁多野，感覺幾抵食，個人覺得辣咗少少，蓋過哂其他野，但係食咗就發覺一d都唔抵，佢個湯冇乜料，所謂既海鮮碎到夾唔到，只係見到蜆殻見唔到蜆肉，兩粒得個圈咁樣既魷魚，然後大部分係菜頭果類食物，後面個配菜係午餐包埋既，多款又好食既～如果冇佢睇怕送唔哂碗飯🙈🙈，呢餐唯一合格既只係個碟配菜同杯熱柚子蜜不過，望見其他食客食石頭鍋飯、湯麵類既好似又ok喎🙈我唯有說服自己揀錯野。舖面望落乾淨，銀餐具衛生ok，都坐得幾舒服，係橫街裡面既舖頭黎講算係咁。…Read More

又係諗唔到食咩，最終食返呢間食咗n次既一休，平時一大班人食晚餐可以坐入角落圍住吹水，幾唔錯。另外星期日晏就有時自己一個都會黎呢度食晏，因為1300前埋單有85折。晚餐時間，我地多數叫角切魚生飯同鍋類加飯/烏冬，味道幾好，人均$60-80，10幾人一齊可以坐埋人齊吹水確係抵，不過而家個份量同以前比明顯少咗，肥仔朋友食完角切魚生飯完全唔飽，魚生飯拎出黎未食之前完整見到d野都未及個碗既一半🙈，已經唔以前咁抵。今次第二次食呢個，魚肉好食，個人覺得其實唔點豉油都已經夠味，我鐘意將蘿蔔蓉搽係魚面，再狂加檸檬汁，食落感覺清新d,但唔會酸，味道幾夾，白飯少咗，得平碗一碗，不過條魚夠大，我覺得都夠食。麵豉湯較鹹，仍可接受，有昆布蘿蔔，尚算足料，例湯黎姐～唔好太高要求仲有85折埋單唔洗$40，有得用支付寶順便儲印花換coupon …Read More

星期六晚不小心被放飛機，頹頹地又醒起朗豪坊food Court有間Korea House,係第二d地方都食過覺得唔錯又好耐冇食過，所以就去啦。我通常玩食雞/豬/牛肉便當，大約＄50 ,肉好多，有泡菜芽菜等配料，有白飯有炒粉絲，好有份量，真心食得飽飽😛今次見到新野就試吓啦，韓風飯配粉絲定食，跟湯或者飲品，其實即係兩送飯加例湯😅🙈，整體都依然好有份量，雖然唔算得上好好味，但係我食得好滿足🤤，泡菜豬肉飯唔算得上好好食，不過合格有餘，普遍韓國菜嘅泡菜豬肉整得難食，應該執咗笠😅；雜菇粉絲湯個湯清清地幾好味，我個人鍾意食菇類，但係呢個啲菇太少喇，數埋都唔知有冇10粒😑；昆布湯好多昆布，但係浸到淋晒，似濕水紫菜多啲😓。food court人多，唔好諗住可以坐得耐，快餐韓國菜，食物質素唔算低，其實已經好好…Read More

星期六返半日然後食lunch 既熱選，我個人其實都幾愛好食米線，因為味道唔會差，價錢都唔貴得去邊🙈，無論午餐晚餐會食得飽。我呢d究極窮人想食豪dd就會黎呢度😂，食$40🙈🤣呢個餐我其實食過食過好多次，反而較少叫米線，包熱飲，手撕雞係熟雞肉，比較鞋，但都👌🏻既，而且份量足，食極都仲有咁🤣👍🏻，大件夾抵食，而我其實最鐘意佢既酸菜，酸味同鹹味好夾，水晶粉連少少湯一齊食就好好味👍🏻👍🏻。水晶粉好似米線咁上下粗，白色唔透，通常食親都煮得比較硬身，我諗煮淋d可能好食d，自問偏向大食，粉夠多，斯文細食既人應該會食唔哂。熱檸水太甜，唔叫少甜走甜應該會糖尿😑⋯⋯舖面好細，通常d人都要等位，環境衛生差d，不過餐具望落都唔污糟，呢類舖頭係咁上下，不能要求太高。…Read More

平日夜晚5點幾6點周不時都係度食晚餐，工廈地區收工時間已經冇乜人幫襯，大把卡位俾你坐。佢地個下午茶餐豬骨湯粉同撈粉套餐係呢個商場黎計都算抵食，$36包熱飲。之前一直淨係食過結果試咗個今次食到悶悶地想試下個冬蔭功湯底，可惜賣哂，結果試咗個喇沙湯底，不致於難食，但唔好食🙈，後悔試咗，好淡味，得個色。不過佢地個豬頸肉同香茅雞翼都唔錯，可惜份量少。有時硬係好似叫果樣冇果樣咁😌不過環境睇落幾乾淨，又坐得舒服，所以都算好，要食個平快飯係唔錯既選擇。…Read More

星期日1430都坐滿，咁啱有客走唔洗等，就入去食下啦，都係一般米線舖咁，但整體價錢偏貴，平時叫開$40以內，不過呢度唔得。配菜多過主菜，粗身薯粉，但份量好少，豬頸肉都偏少，極快食完，先前食咗件細蛋糕仔，但食完呢個都唔係好飽，不過鐘意佢薯粉煮得夠淋，芽菜好多，我鐘意食，酸菜大大塊，食起上黎有d唔方便，但味道唔錯，個湯底都好味。環境餐具望落乾淨衛生，服務普通，小店唔好期望可以有咩服務，地點就腳，簡簡單單口淡淡之選，但舖面位置唔多，3-4人坐低吹下水is ok.…Read More