菠蘿醬's Profile

因為工作太忙, 所以現在才有時間寫返之前的食評.今年母親節沒有大型慶祝活動, 媽咪唔想食中菜, 不如食泰國菜! 我在曼谷食過mango tree, 是一間又平又好味的餐廳. 這過江龍在香港開分店, 價錢一定冇曼谷咁抵食, 但母親節呢D大時大節又訂到位又冇要1個鐘後還枱, 所以諗都冇諗就決定去呢到!大約6:30PM 到, 得3-4張枱有人, 我地被安排坐入面window seat. 環境十分舒服寧靜. 每位母親送一杯特飲, 係荔枝+椰果, 我試左味, 幾清新好啱夏天飲!炸魚餅 - 很正宗泰式煮法, 有很濃的紅咖喱和香茅味, 不沾醬汁也很不錯.冬陰功 - 冬陰功係原煲上, 可分4-5碗. 店員主動幫我地分左直接碗上. 味道比較淡, 酸辣度不夠. 不過材料很豐富, 大蝦多肉多膏, 好多草菇同香茅, 基本上係料多過湯!青咖哩牛 - 青咖哩好rich 同creamy, 牛肉份量幾多, 好腍, 送飯不錯. 但我覺得冇乜辣味, 可能過多椰奶.大蝦炒金邊粉 - 我鐘意食pad thai, 所以去親泰國餐廳係必叫的! 呢間賣相不錯, 金邊粉幾幼幾滑, 炒得幾乾身, 配料豐富, 好多蝦!! 不過都係同樣酸辣度不夠, 我比較掛住曼谷的pad thai …串燒沙爹 - 我地叫左半打豬牛雞, 燒得香口又keep 到D肉質唔鞋, 加上充滿花生味的沙爹汁, 十分惹味. 另外的醬汁應該係醋但我沒有試.我地5人埋單大約$900. 這裡環境坐得舒服, 可以靜靜地傾計, 加上食物質數不錯. 講真我又唔覺得好貴. 咁當然冇得同曼谷本店比較吧.…Read More

這日式小店係新開張, 朋友推介所以去食個lunch.lunch menu 都幾多選擇, 價錢大約40-50, 在大角咀係屬於中價. 主要係日式定食, 拉麵烏冬和飯都有. 餐廳大約可坐20人, lunch都幾多人. 定食包括主菜, 前菜, 甜品OR汽水.照燒雞扒烏冬定食-- 選了豬骨濃湯, 湯底幾香濃又不油, 幾好味. 烏冬煮得幾好, 硬度適中. 湯烏冬有幾多配菜, 冬菇, 四季豆, 紅蘿蔔等. 雞扒份量幾多, 有8小件, 雞肉不會煎到乾哂, 仲幾腍, 味道不錯. 我覺得可以煎得乾脆D會可口D. 前菜係腌矮瓜, 做得很好, 唔係响街買D八爪魚中華沙津嗰D冇誠意小食.豬軟骨烏冬定食-- 同樣選了豬骨濃湯, 豬軟骨有3-4件, 十分入味和腍. 朋友話豬軟骨汁加豬骨濃湯令個湯更好味, 我都有同感! 另外甜品係芒果布甸都幾好味, 唔係水汪汪嗰D!!lunch set 冇加一每位$42, 真係好味又抵食!…Read More

假期十分難揾位食lunch.見呢間餐廳有位, 所以入去, 無諗過會一肚氣出來.首先, 門口係冇人帶位, 咁我同阿媽是但坐一張枱 (係方型4人枱, 唔係坐10人枱). 有個態度惡劣女侍應走過來話我地唔可以坐呢張, 我地係要等人帶位. 有個男侍應就帶我地逼在一張巳坐2人的4人枱. 成間野有一半空枱, 實在唔明點解要坐咁逼.我地叫左焗椰菜沙津和燒牛肉卷.焗椰菜沙津 - 我點的是'焗', menu上的相也是焗, 但上枱的是一碗煮熟椰菜加醋, 完全沒有相中賣相精美, 而且'焗' 應該係乾身的, 但碗野係用醋浸住. 另外, 份量是十分少, 係餐湯碗size, D椰菜有一半係燶的. 這連跟餐前菜都不如的沙津竟然要$68+10% service charge = $74.8, 真係去mcdonald食沙津好過. 我也不服氣叫侍應理論. 又係個位態度惡劣女侍應, 我話我叫焗椰菜沙津, 呢碗係咪? 佢話係咁架啦, 焗完倒落碗就係咁. 我都未講完就走人. 極冇禮貌.燒牛肉卷 - 呢六舊野應該放左十年, 我同阿媽一齊用筷子拉也分唔開. 如果係新鮮做冇可能黏得咁實. 成舊野係凍的, 十分難食.呢間餐廳服務態度極差, 難食和貨不對辦. 我會强烈叫朋友不要光顧.…Read More

假期早上行完山, 下午一行5人去試All-you-can-eat Brunch, 以補充失去的體力.雖然我有訂位, 但其實個日都有好多空枱, walk-in 都不用擔心冇得食.個brunch有2個時段, 我地食2-4pm. 由於同行朋友都好食得, 基本上餐單上的食物差不多叫晒 (除cereal 同麵包).湯- 有白松露野菌湯和龍蝦湯. 其實2個湯都好好味. 我就鍾意野菌湯多D, 十分香濃creamy, 很多野菌粒, 真材實料! 龍蝦湯沒有蝦肉, 味道都OK. 以這價錢任飲, 我覺得不錯.沙津- 有Caesar , habitu 精選和青蘋火箭菜合桃. 3個沙津份量很少 (1-2啖), 蔬菜很新鮮. 我喜歡這裡沙津沒有落很多沙津醬, 簡單配料可食到蔬菜的鮮味. 青蘋火箭菜合桃比較特別, 我地encore!蛋類 - 我地係挑戰人類一日食蛋的限量!! 除了水煮蛋, 我地叫晒所有種類. 推介以下煮法:Egg Benedict - 自選 benedict 可以任加配料, 我當然係全部都要! (除了焗豆). 上菜時看見benedict叠得好高, 真係將所有料放在蛋下. 蛋煮得剛好, 切開後蛋汁馬上流出. 荷蘭汁也十分好味, 不會太過鹹. 配料份量足, 煙肉煎得很好脆, 三文魚很大件, 大滿足! 朋友encore但我就留肚食其他野.蘇格蘭蛋 - 其實係炸蛋! 裡面有香腸肉和溏心蛋. 新鮮炸起熱上, 但沒有油膩感覺, 好好味!蘑菇炒蛋 - 又係新鮮炒起, 蛋炒得很滑很creamy, 加上很足料的蘑菇, 好好味! 朋友覺得唔夠鹹, 自行加黑椒粉, 又另一番風味.DIY 意粉 - 我地叫左7碟, 基本上食過晒所有combinations. 醬汁方面, 煙肉忌廉汁和野菌忌廉汁味道係一樣味. 很普通很淡. 拿破崙汁係OK, 有點酸. 我比較鍾意香辣茄汁和三文魚刁草汁. 香辣茄汁十分好味, 很濃番茄味加少少辣, 好特別. 三文魚刁草汁好香濃好creamy.三文魚肉很多. 我地encore 2 次! 意粉我鍾意天使麵. 這裡DIY意粉份量係一人前, 客人可以試多幾種味又不會浪費食物, 不錯!甜點 - 有焦糖香蕉布甸, 班戟同麵包布甸.焦糖香蕉布甸 - 賣相不是好吸引, 所以我地叫2件一齊食. 微暖的布甸出奇地好味. 很重香蕉同肉桂味, 蛋糕很鬆軟.麵包布甸 - 熱辣辣上枱, 但幾乾. 可以不食.班戟 - 份量很大, 我沒有食但朋友話普通.Sides- 叫了牛角包, scone, 新鮮水果.牛角包 - 十分大個!! 食時微暖但不是太鬆軟, 可以不食.Scone - 食時微暖, 十分鬆軟, 配自家制玫瑰士多啤梨jam, 十分好味.新鮮水果 - 有西瓜哈蜜瓜香蕉士多啤梨. 由於份量少, 我地前後encore 左十次.另外每人有一杯飲品 (檸檬特飲或橙汁). 橙汁是正常的. 朋友話檸檬特飲好似飲檸檬洗潔精. 呢D個人喜好, 沒有特別comment.至於服務, 我覺得OK. 我地叫左20+次order 都無出現漏單. 食物質素又不會因為叫得多而變差,或越叫越少. 店員態度不錯, 叫左N次都沒有黑面, 仲幫我地加水.呢個brunch 真係好抵, 每位連加一$150. 以食物質素份量而言 , 性價比很高! 推介!…Read More

放工約朋友來這間目標拉麵食店. 雖然係平日8:30pm, 但我地要等30分鐘先有位!店員一早就俾張點麵紙我地. 和其他日式拉麵店一樣, 可以選拉麵硬度, 配菜(蔥,蒜) 等等. 我叫了櫻蝦油拉麵(湯麵), 朋友叫櫻蝦沾麵+ $20日式芝士粥飯.櫻蝦油拉麵 - 拉麵賣相好好, 碗麵滿滿的櫻蝦. 未開始食已聞到很香很濃的蝦乾味. 湯底係豬骨濃湯, 再靠大量櫻蝦乾令成碗麵充滿蝦香. 拉麵的'魂' 是湯底, 這裡做得很好, 我好鍾意!麵身係幼麵 (也不是很幼, 唔係博多幼麵咁幼), 硬度適中, 有彈力又吸湯.味付蛋有半隻, 很入味, 有流心, 好味!叉燒有2件, 係半肥瘦, 容易入口又不鞋, 可以食多2件. =P櫻蝦沾麵 + 日式芝士粥飯 (唔記得影相, 因為太好味!) - 沾麵濃湯比拉麵更濃! 通常沾麵湯食到一半就會變凍, 這店在枱上有迷你電爐可將沾麵湯加熱, 令大家可食到碗由頭到尾都熱的沾麵.食完拉麵可叫店員上日式芝士粥飯. 店員會將剩餘的沾麵湯加芝士飯再加熱變成一碗粥. 可能碗麵太好味, 相比之下芝士飯就不是太特別. 加上好飽, 完食不能.香港日式拉麵開了很多間, 但這裡的櫻蝦拉麵是最好味最特別. 强烈推介! (我沒有收搞費=P)…Read More

剛從首爾回來, 因為太多目標食店要去所以沒有試當地炸雞店. 有點後悔又掛住首爾美食, 所以約朋友去試下香港韓式炸雞店. TST 有很多韓式餐廳, 本想去李家, 但見條人龍我地估要排2個鐘, 所以去fairyland. 大約等45分鐘便可入座.我地3人叫左個SET, 有原味炸雞+生啤x2. 另外加泡菜薄餅和薯仔沙津.見很多食評話有前菜醃蘿蔔送, 但我地就沒有. 反正我也不是太喜歡食, 沒所謂吧.生啤好快來, 我地覺得似加士伯. 一定無韓啤Hite咁match 炸雞.薯仔沙津 - 好大的份量! 有多種蔬菜, 新鮮蔬菜再加雞肉,大量芝士和薯仔沙津. 我地好快就食完,因為好好味!原味炸雞 - 好大的份量! 個set 大約有8 件炸雞, 有雞翼,雞上脾,雞胸等. 炸雞完全沒有好油的感覺, 炸粉也不是很多, 表皮炸得十分香脆,雞肉雖然不是十級滑, 但有肉汁不會又鞋又乾. 大家都很欣賞. 另外配菜薯片, 我地叫左芝士味, 很普通, 同首爾街頭的薯片串無得比, 可以不吃. 炸雞有2種醬汁, 比較喜歡紅色甜甜地的.泡菜薄餅 - 表面煎得香脆, 不會太油. 但配料很少, 好似冇乜泡菜咁, 一點也不辣. 可能這裡主力sell 炸雞吧. 下次可以不叫.這裡環境和食物份量很適合一班朋友gathering. 餐廳電視不停播星星MV同情節, 韓粉大愛!…Read More

傳統中式圍村菜一向不是我杯茶. 成班friends山長水遠入元朗, 大家都想食D地道食物. 第一時間諗起大榮華. 雖然九龍灣有分店, 始終都係想試總店, 食一定要去老字號!6PM到大榮華, 等大約30分鐘入座. 我地十分buy time, 在等位時已search下有乜推介點定餸! 主菜大部份$80一碟, 價錢簡單清楚寫明, 不錯!5人叫了7餸+豬油撈飯. 以招牌菜為主.奶皇馬拉糕 - 一籠有八件. 新鮮蒸起, 很熱很香很鬆軟! 平時食的馬拉糕中間沒有料.這馬拉糕中間夾著奶皇, 幾好味! 奶皇比較淡, 可以再甜點會更好味.圍頭五味雞 - 同其他食家意見一致, 外表和味道基本上同豉油雞一樣. 食唔到'五味'. 應該係雪雞沒有雞味, 加上上菜時又唔熱, 沒有驚喜.註: 我地最後打包了半碟, 不是因為好味, 只是不想浪費.金沙蟹粉扖西蘭花 - 大路野, 不過不失. 可以多點蛋皇同蟹粉.雞蛋焗魚腸 - 新鮮蒸起, 外面焗得很香脆, 很多魚腸, 朋友十分欣賞. 我只食左一小口, 魚腸不是我杯茶.鳳凰蟹肉炒長遠 - 炒長遠即是炒粉絲. 炒得都乾身, 有蛋, 韭菜, 粉絲, 很少蟹肉. 講真很普通, 沒有驚喜, 談不上招牌菜.陳皮豆豉蝦- 很香很濃陳皮豆豉味! 蝦是基圍蝦size, 不是很大隻但新鮮. D蝦都好入味, 份量很多, 不錯.南乳香脆骨- 很濃南乳味, 排骨幾腍入味. 都係個句, 大路野, 一般酒樓貨色.豬油撈飯 - 名菜一定要食. 份量是一人前. 上菜時有支頭抽同豬油, 用來撈白飯. 大家都唔想食咁肥, 所以我地跟指示只落半匙豬油+1匙頭抽. 唔知係咪唔夠熱, D飯都幾硬, 有一陣臘鴨味, 真係唔識欣賞, 我只係食左一啖, 已經唔想再食.其實這裡服務不錯, 飯後有免費紅豆沙, 價錢實惠. 但菜色十分普通又油又肥, 很多酒樓做得比較出色. 下次入元朗可以食其他好味有特色的餐廳.…Read More

一早已聽聞 Via Tokyo 的抺茶很受歡迎. 但實在不想weekend等一個鐘去試,所以平日晚飯後8:30PM去排隊. 好彩等2-3個就到我地, 大約15分鐘.我是抺茶迷, 當然係叫抺茶甜品. 朋友不太好抺茶, 最後叫了脆米白玉抺茶雪糕和 Affogato.脆米白玉抺茶雪糕 - 甜品跟一小杯糖漿. 先試一口雪糕, 是很濃很滑的抺茶雪糕. 茶味很香濃而沒有苦澀味, 很有日本餐廳自家雪糕風味. 分量都幾足, 食完真係好飽. 另外配角丸子和脆米都OK, 不會太甜. 反而糖漿比較甜, 我認為可以不落, 直接食雪糕好味D.Affogato - 咖啡牛奶雪糕. 牛奶雪糕和濃縮咖啡係分開上, 客人可因個人喜好落咖啡分量. 咖啡是暖的, 所以一加上雪糕要好快食, 否則好快溶. 因我不好咖啡, 所以試一口牛奶雪糕, 十分香濃牛奶味! 朋友話咖啡都不錯, 佢已是第二次食了, 咖啡FANS應該會鍾意食!下次一定會再來食其他甜品.…Read More

今日去開筲箕灣, 做完正經野後大約一點. 心思思走去呢間聞名而久的小食店. 門口個牌寫1:15pm 開店, 所以排隊試試.1:30pm 正式開店, 已經有1X人排隊. 雖然好想食雞蛋仔同格仔餅, 但我一個真係食唔晒所以只叫了雞蛋仔.新鮮即叫即做的雞蛋仔表面十分香脆, 每粒雞蛋仔很容易搣出來, 外脆內軟, 熱辣辣, 好好味!下次會來食格仔餅! …Read More

每年同家人食圑年飯中菜係指定菜式. 大時大節酒樓通常很早就滿座,所以我早兩星期訂座,令家人不用擔心去邊到食飯! 今年想選一間好酒樓,見這間comment不錯,又係米芝蓮一星食店,一於同家人開開心心慶圑年!大約7PM到酒樓,差不多已滿座, 我們被安排坐入一個邊廳, 枱旁放了老細同陳方安生和曾特首的合照,看來有不少名人曾是座上客!很想試這裡的臭豆腐,但家人興趣不大,自己冇理由一個人食成碟,所以叫D大家都鍾意食的菜式. 最後選了糯米蓮藕, 醬鴨, 富貴雙方, 蒓菜魚丸湯,鍋貼,杭椒炒鱔糊和亁荀時菜.糯米蓮藕 – 這招牌菜差不多每一枱都叫! 其實係蓮藕釀了糯米再加上糖醬, 糯米和蓮藕都煮得好入味,食起來煙煙韌韌, 又不是很甜,是很特別的菜式.醬鴨 – 唔肯定是否涼菜, 上菜時不是太熱. 至於味道是不錯的. 不會過喊,鴨件都幾多肉,只是我對鴨不是太大興趣.富貴雙方 – 很有名的湘菜, 用中式麵皮包著蜜汁火腿和炸豆腐皮來食, 一定要加大量蜜汁(隨蜜汁火腿附送)! 這店做得好好味, 火腿是厚切的,完全零肥膏. 炸豆腐皮炸得很鬆脆, 將這又甜又鹹的東西一起放入口只係覺得好夾好味, 非常過癮!蒓菜魚丸湯 – 另一招牌菜! 這魚丸可選三鮮燴或作蒓菜湯, 我地選了湯上. 阿姐幫我地分好了才上枱. 魚丸完全同魚旦不同, 質感係好似豆腐, 又有魚的鮮香. 不是彈牙而是滑溜軟綿綿的. 另外蒓菜是水上植物, 好似海草但和魚丸一樣滑溜的, 湯底很清甜, 可中和濃味的湘菜.鍋貼 – 很大隻和足料! 應該係剛剛煎起, 入口很熱很脆,十分香口!杭椒炒鱔糊 – 有杭椒, 亁荀同鱔糊. 阿姐點菜時話這菜式不辣, 但其實都好辣下, 由其係D杭椒. 我爸係好辣之人也要叫蒸饅頭來送辣! 我只係食左一條鱔, 所以沒有評語可言.亁荀時菜 – 個菜係點菜阿姐推介, 但我問左佢2次都唔記得呢個係乜菜. (如有朋友知道請轉告之!) 我只想講好入味,好新鮮同好快清晒! 簡單的煮法, 沒有濃湯醬汁也能帶出食物鮮味.最後埋單約$1000. 這價錢食到這特式米芝蓮小菜, 加上環境不錯, 一定有下次!…Read More

同阿媽去左西灣河辦事後開飯，阿媽想飲茶，因為不熟識呢頭，所以沿筲箕灣道一路行一路揾，這間好似比較有規模（其他酒樓睇落好舊好污穢阿媽應該唔鍾意），所以就決定試試這間．大約３ＰＭ下午茶時段，如搭枱係立即有位，咁阿媽唔想搭所以等大約１５分鐘，其實不是等太耐，仲有卡位坐，也不錯吧．下午茶時段特價點心種類不是太多，大路野都有的．另外仲有燒味和炒粉麵飯．我地點了燒乳鴿，馬拉榚，蝦餃同魚香茄子伊麵．燒乳鴿－乳鴿幾細隻，皮不是很脆，應該不是即燒而是反熱的．肉質不鞋，普通可以接受．馬拉榚－比較實不是很鬆軟．份量很少．蝦餃－蝦餃皮幾厚，蝦肉都足料．留意一籠得三隻．魚香茄子伊麵－約＄３０但好大碟份量足，炒得乾身，幾多豬肉和茄子．我地打包在半碟．服務都ＯＫ，食物上得好快沒有走單，阿姐沖茶都幾快．食物用具反而有Ｄ殘舊污穢，要洗下先可以用．呢餐幾抵食，計埋茶錢加一＄１１０有找，街坊飲茶也是不錯的選擇．…Read More

約了前老細向北角富臨酒家打邊爐，＄１２８全包任２小時．因老細住附近，所以約７ＰＭ就過來攞位，是一個在窗旁的梳化卡座，不是太嘈，環境不錯．大約７：３０ＰＭ就滿座．湯底不是太多選擇，有沙爹，清湯和芫茜皮蛋等等．加錢可轉豬骨或辣雞煲．另外火鍋配料係大路野，唔好expect有名貴野，但一定食得你飽．任食打邊爐係包任飲啤酒汽水，有百事，七喜同不知名啤酒．全部罐裝都放在雪櫃，好夠凍．我地叫左芫茜皮蛋鍋+２０碟配料．鍋都好快上，反而配料約１０鐘後先有．食物方面，係一般任食打邊爐質素，唔係最靚最新鮮，我只可以話好抵食．滑牛肥牛不斷供應．想讚反而係唐蒿同油麥菜，幾新鮮同冇乜爛．另外包心丸同芝士魚丸很醬爆，不錯．我地食左２小時都冇人吹我地走，不過阿姐就叫我地埋單先，方便入數．冇問題啦，我地都唔想難為阿姐．其實佢地Ｄ服務不錯的．幾次漏單都幫我地追．又專登跟炸魚皮單幾次．＄１２８全包打邊爐，坐得舒服，質素不差，食得你飽，勝價比很高，你仲想點？…Read More

相約一班超食得既friend星期六食晚飯, 有人提意打邊爐, 正當找沙田有乜好火鍋店時, 朋友話不如去和亭打邊爐啦. 吓? 和亭份量係大過和民, 但食物都係細細碟細細煲邊夠大家食架.... 哈哈唔夠之後再宵夜吧!大約等了30分鐘才入座. 朋友立即叫了2個火鍋- 壽喜燒(大)和海鮮相撲火鍋(大) . 壽喜燒set跟2客肥牛和2個蔬菜盛. 海鮮相撲火鍋入面有三文魚 , 雞同蔬菜. 這個份量對於正常人都好夠. 但對於我D friend完全係無料到. 好戲在後頭, 朋友拿了火鍋配料追加紙, 另加了5客肥牛, 2個蔬菜盛, 2個大烏東, 雜菌盛 , 南瓜, 豆腐 , 等等. 大家傻的嗎? 和亭港式打邊爐! 之後再加滑蛋炸蠔鍋, 大蟹子沙律, 石鍋黑椒牛肉飯.滑蛋炸蠔鍋 - 蠔鍋有4隻炸蠔, 豆腐和滑蛋. 味道幾好, 蠔都ok大隻係炸粉多左D .蟹子沙律 - 青瓜幾清新, 這小食可以降降火.石鍋黑椒牛肉飯 - 其實同pepper lunch差不多, 鐡鍋飯入面有牛肉, 葱, 粟米和黑椒汁. 我就鍾意pepper lunch, 佢D飯乾身冇咁油, 多D餸同平D!壽喜燒 - 餐枱上有介紹客人如何食壽喜燒. 首先將sukiyaki汁煮熱, 之後加入肥牛, 最後將煮熟的牛點上生蛋食. 個sukiyaki汁好好味, 甜甜地易入口, 係壽喜燒靈魂所在, 肥牛蔬菜烏東點了個汁就變得好味! 火鍋配料大致ok, 蔬菜幾新鮮乾淨, 唔會好似嗰D連鎖酒樓俾D爛菜你食. 要彈只係D肥牛太肥啦.海鮮相撲火鍋 - 材料好豐富, 三文魚幾鮮味, 湯底係清湯, 其實唔係好確定, 因為個sukiyaki汁太好味令這湯好似冇乜味咁. =P至於服務, 我係想讚的. 眼見全場好full D staff 個個係冇停手咁做. 我地不停加單加茶追食物佢地都冇黑面. 仲好好咁跟進. 如果係响連鎖酒樓 , 一定俾D staff 黑面或叫10次都冇人理.雖然食左好多野, 但每人HKD120, 真係冇諗過咁平! 我覺得以食物質素衛生環境同服務, 真係抵食過嗰D主打火鍋的大牌檔和酒樓. 大家都好飽好滿意, 和亭將會係我地其中一個飯堂.…Read More

其實我都幾鍾意去天后揾食, 响銅鑼灣真係好難即興揾位食飯. 相比之下, 天后大坑較多地道有特色小餐廳 . 至於甜品店也有很多選擇 , 中西日, 各形各色. 因為晚餐食得很飽很飽, 所以想食中式甜品/ 糖水. 點解殿糖級 ? 因為不是太長龍同埋被佢個menu D相吸引入去食!這店都有很多甜品款式選擇, 有似五代同堂的雞蛋布甸, 有似糖百府的雪花冰等等 原來menu靚相對生意真係好重要, 本身我地諗住叫中式糖水好似冇咁飽, 但睇完menu D靚相. 5個人各自選了5個唔飽唔叫的重分量甜品!芒果雪花卷- 外面係糯米粉皮, 中間係新鮮芒果肉 , 糯米粉皮上面再加上椰絲. 芒果肉幾甜, 糯米粉皮煙靭, 食落口感不錯.鐡板雪糕蛋糕 (唔記得個名) - 好過癮!一件蛋糕一球雪糕, 鐡板熱上加朱古力槳時, 現場咋咋聲好似係好熱咁. 當然食落去係凍的! 至於味道, 其實係十分普通, 冇乜驚喜.香芒雪香 - 其實係芒果雪花冰. 有芒果肉 , 椰果同柚子. 花冰做得幾滑, 分量幾大, 配料芒果肉等可以多D, 唔駛淨食冰咁悶.雪糕紅豆黑白涼粉- 我冇食因為我唔食紅豆和涼粉. 朋友話紅豆有D硬, 味道普通, 最後係食唔晒.士多啤梨疏乎里- 這個需時20分鐘, 係即叫即做. 因為張相好靚, 所以都有期望. 但今次真係俾張相呃左. 個疏乎里好似發唔起咁, 但個面又焦左. 另外疏乎里入面好濕 , 冇乜士多啤梨肉, 基本上唔可以話係士多啤梨疏乎里! 失敗之作!!總括來說, 這甜品店款式很多, 門面和menu做得好好, 所以好容易招攬生意. 食物水準參差, 有待改善.…Read More

這店開業不久已經光顧, 是朋友介紹的, 也是我第一次食日本正宗的つけ麺. 之後食過無數的日本拉麵, 但每次去西九都會心思思掛住隠家的つけ麺. 今次食完想為這初心食店寫食評.平日放工去到已經有人龍, 我地都算早所以好快有位. 個staff很耐心介紹不同味道 (其實我食過晒!), 好快就選了白伝和黑伝.餐廳環境幾日式, 好以小型士多咁. 另外客人係坐汽水箱食麺, 都幾特別. 每枱都有介紹如何食つけ麺. 係有圖step-by-step咁教仲有教邊隻口味落邊種調味料, 等大家唔好亂落破壞碗麺的味道.約10分鐘上麺. 賣相不相. 個麺係幼麺, 硬度適中, 不會太腍. 雖然係直身幼麺, 但掛湯能力都OK. 兩碗湯都有味付糖心蛋,荀, 半肥瘦叉燒, 和印有' 隠家 '的紫菜. 糖心蛋十分流心, 好好味! 叉燒分量足夠, 幾腍不太肥.白伝- 即係原味豬骨湯底. 未食麺先飲湯, 都幾濃豬骨味. 我覺得可以再濃D令麺更容易掛湯. 另外個湯不是太油, 食完冇咁飽咁滯 .黑伝- 即係豬骨湯底加黑蒜油. 一樣係濃豬骨味底 但我覺得黑蒜味可以再濃D. 本身自己係好鍾意黑蒜的, 所以要扣分!!總括來說分量係一人前, 唔會唔夠飽. 價錢合理. 下次我想買佢個外賣SET返屋企都可以食!…Read More