Chan4's Profile

因為食過一次，突然記得呢間嘢，想食返，所以今日突登走過去，唔係住附近，行過去要差唔多20分鐘手打牛肉漢堡🍔，真係食到有肉汁同埋有筋，非常有咬口，同埋係好大舊牛，醬汁落得夠，突出牛味。跟住薯條🍟炸得非常脆口，雖然賣相睇落就嘛嘛地，但最緊要好食，我選咗個蜂蜜芥末醬，唔知道佢哋自家調定買返黎，反正喺好食嘅🤯星期六日一個set88蚊，配埋嘢飲，呢個質素算喺咁，自覺比外國嗰兩間貴價連鎖漢堡包店好食😆😆有機會會去幫襯第三次🤗…Read More

見到食評好多都話唔錯，午飯時間決定去試下，點咗個78蚊椒鹽豬扒炒飯，食落去同一般椒鹽豬扒飯無分別，但比一般椒鹽豬扒做得差，塊豬扒無味，又淋，食炒飯好似食白飯咁，成個飯同豬扒靠d椒鹽料調味，飯同豬扒都唔入味。。。成個飯感覺配料係獨立，炒飯又係獨立，連d豬扒感覺都無提前醃製，得配料係有味，所以食法就係一大啖配料送無味炒飯+無味豬扒。成程等咗半個鐘頭有多先食得。唯一可以贊係賣相幾靚同大大份，但無用，食到一半就無食見到隔離台一樣食剩好多。我唔會再入去食，呢個價錢，呢個味道，好劣！其他茶記普通椒鹽豬扒飯絕對好食好多！都係唔明d好評點黎。。。…Read More

趁有openrice自取優惠，點咗杯紫薯鮮奶半糖，紫薯同鮮奶味道拿捏得好好，味道平均，22蚊買算抵啦，不過就屬於偏細杯少少，由於冰度固定，所以冰可以再少dd會更好，因為飲完之後都剩翻幾多冰粒。openrice落咗單之後，行到去，佢未接單，可能去咗廁所，但接單之後，都好快整到出黎，服務唔錯人少，唔使排隊係最好，如果旺區排隊就好麻煩，所以唔怕話會等好耐，基本上如果佢人喺度，一落單，3分鐘左右就拿到整體黎講，係高質，會再去幫襯....…Read More

山長水遠走去(大三巴嗰邊行過去算遠)，但結果大為失望，味道好一般，香港隨便一間正常茶記都好食過佢，嗰個價錢可以有更多更好選擇點咗雲吞面，米通鯪魚球，同沙爹濕炒河，全部味道普普通通，唔係話好食又唔係難食，但絕對唔係抵食!所以唔會再去，無下次隔離台喺內地人，似外省，佢地d野一黎到其中一個人話，“我以為是醬炒”我一睇佢哋點咗豬肝生菜，係完全白烚，佢地食咗都無3份之1就埋單走咗.......所以決定唔值得專登走去食唔明白點解咁多人俾好評話好食，或者係我唔識欣賞…Read More

見到好多好評，價錢合理，特登搭地鐵走去試下本身係因為見到佢openrice度寫個蛋蓋飯有3種汁選，同埋其他食評都有咁寫。結果去到門口睇menu係發現唔多似樣，入到去坐低發現只有咖喱汁，咁就算，一於都試下啦入到去環境都幾好，好光明，仲有漫畫掛畫，呢個好贊，服務態度都ok叫咗兩個蛋包飯1碟安格斯牛漢堡蛋蓋飯88蚊同1碟吉列芝士雞扒蛋蓋飯68蚊。試第一啖咖喱飯覺得無特別，普通茶記30幾蚊都整到。咬埋落塊炸雞扒，無可否認炸得鬆脆，但都好細塊，咁唔緊要，話明係芝士，咁我食到差唔多食完塊雞扒先得一pat仔芝士係裏面，即係其實成塊都係雞扒都係普通炸雞扒，唯獨驚喜少少就係裏面有塊普通火腿。另外，咖喱裏面d雞片好有問題，無味都唔緊要，我估係拿落熱水白烚熟，跟住放埋落咖喱裏面，又硬又鞋，好彩佢切得薄，如果係大舊的話，我睇咬到全部牙都痴唒d鞋雞肉。個咖喱之後我睇翻其他食評話咖喱裏面有薯仔同紅蘿蔔，但我今晚點咗兩個都係無以上提及嘅薯仔同紅蘿蔔！我屋企人就係食安格斯牛漢堡蛋蓋飯，我無試過，但佢都話唔好食，佢話大家樂咖喱仲好食，最重要係佢話塊漢堡扒有少少膻味如果係40幾蚊左右，呢個水準可以接受，但講緊係68同88蚊，我覺得相同價位比佢好食得多嘅地方有好多真係買教訓，d好評只能作參考並唔係所講嘅55蚊唔覺好評講嘅好食，真係好失望！又貴又唔好食…Read More

是咁的，見到openrice做緊外賣優惠，睇咗好多間餐廳覺得呢間唔錯，價錢好抵，睇落去啲野好正真係不出所料，拿到黎打開，好香，見到又多汁，D汁唔會好酸，酸度啱啱好，有新鮮蘆筍，最重要係鴨胸份量好足夠，大大塊，又好厚好厚肉，非常有咬口，好有鴨味，意粉份量亦裝滿成個膠盒，食完非常飽絕對係色香味俱全，48蚊有得食絕對係抵到爛！！另外我都點咗款忌廉黑松露扇貝意粉俾屋企人，呢款個汁仲好味，好甘香，好濃，扇貝烤過，好用心製造，份量都係裝滿成個盒，但個人覺得鴨胸比較抵食，因為多肉！最後拿餐就推薦加茶+9蚊，叫咗杯健肺茶，普普通通，無特別…Read More

話說夜晚唔想食飯，又好耐無食甜品，打算買個甜入心個椰皇嘆下，openrice落單有優惠，於是外賣自取個（戀上椰皇子），翻到屋企見到包裝得唔錯，食欲大開跟住打開咗即刻拿起餐具動餐結果大為失望，個燉奶無乜椰子味，仲要好似糊咁，好難食，丸子同湯圓正常味道！唯一值得欣賞係都幾香下，但食落去係兩回事！我睇下次都唔會再買呢種雖然佢相比其他同地方甜品店平，但味道真係有待改善～未試過其他野，可能其他野會好食～～～～…Read More

已經喺百芳買咗好多次野飲，成日飲開奶綠，平靚正，openrice落單仲可以用cash dollars十幾蚊就飲到雖然唔知道佢係用奶精定鮮奶，但飲到好鮮奶味，同綠茶味混合，50/50，係真好平均，飲到綠茶味同奶味，好甘鮮味道，最重要係超級大杯，十幾蚊係巨大杯，依家就算去mainland都未必飲到呢個價錢呢個質素，我指奶綠（其他試過例如蜂蜜奶茶覺得一般般，正常味道咁+黑糖珍珠鮮奶，都係OK唔錯），但最抵都係奶綠，所以係極力推薦環境簡約風，夠光服務正常睇落去都幾衛生，廚房唔知道，無入過去，睇唔到當乾淨…Read More

有啲失望嘅芒果糯米飯，糯米飯水準好高，椰漿都好好味，但個芒果好大件事，真係酸到懷疑食緊酸梅，連整爛佢再放落椰漿路食，都依然酸到流眼淚希望可以注意一下食材都想下次試下其他野食(123456789101112131415161718)有啲失望嘅芒果糯米飯，糯米飯水準好高，椰漿都好好味，但個芒果好大件事，真係酸到懷疑食緊酸梅，連整爛佢再放落椰漿路食，都依然酸到流眼淚希望可以注意一下食材都想下次試下其他野食…Read More

好正個招牌雞脾配雞翼加白飯！啊媽叫咗猪肚雞米線，啊哥就叫咗個番茄魚腩薯仔米線，全部都好好食！米線湯底好正，佢地兩個食完都唔口渴，證明無落味精！全部大大碟同大大碗，正常一般人食完都覺得好飽！仲叫咗鹹檸7，裏面鹹檸檬同普通黃檸檬，夾埋一齊督爛佢，味道好夾!真係好好飲，真係一試難忘，會再去！而且間店裝修得好有舊時香港風格，燈光好夠，坐得舒服！出餐好快，米線大概5—8分鐘就有得食，碟頭飯（非要炒），即叫，轉頭就有！如果可以再平d就好，晚市野飲半價都係覺得有少少貴…Read More

外賣大大盒，多送多飯，食到好飽，只需要36左右有70蚊價錢的水準！！間店外表雖然有d殘，但店不可貌相！我夜晚去試過食兩次，兩次d味道都幾好！我會繼續幫親(●✿∀✿●)，最想試下佢地的招牌，生炸脾！！希望同預期的一樣好食P.S.如果覺得間野外表唔好的，睇落去好似唔衛生的就唔好食外賣大大盒，多送多飯，食到好飽，只需要36左右有70蚊價錢的水準！！間店外表雖然有d殘，但店不可貌相！我夜晚去試過食兩次，兩次d味道都幾好！我會繼續幫親(●✿∀✿●)，最想試下佢地的招牌，生炸脾！！希望同預期的一樣好食P.S.如果覺得間野外表唔好的，睇落去好似唔衛生的就唔好食…Read More