3000GT's Profile

內地朋友嚟香港玩幾日，唉，咁即係要上山頂睇夜景啦。起碼超過廿年未嚟過，早咗上嚟，入商場行吓先，（纜車好纜貴呢！！！）商場十室九空，唉～～～！無盡寒冬！！！！行過阿參，出面四眼姐姐好熱情招呼，咁入去食少少啦，橫掂得嗰六點幾。3個人，叫咗個雞飯同喇沙，間舖似新開，好光猛乾淨，入座舒服，伙記招呼有笑容，有介紹，以宜家飲食業嚟講，叫少見嚕。雞飯上先，雞算係滑，但開心位係Juice ，好耐冇試過$100樓下食到唔錯嘅雞，飯ok香啦，湯好味，有菇菇喺入面。喇沙，湯俾我想像中厚身，飲落入面都多香料，有蝦有蛋有豆卜有菜，都叫足料嘅。招呼開心嘅，伙記埋親枱都有笑容嘅。埋單兩舊多dd，杯拉茶都好飲㗎，因為冇影相就唔講喇，佢好飲在，佢係泰茶但未算勁甜囉，（冇Greyhound 咁死甜囉），第二時搵返呢個品牌食吓先，d嘢都真係幾唔錯，我想試豬手。…Read More

同老婆行完利時,想搵地方坐坐,等夜d做節,（原本想去甜ｘｘ，ｂｕｔ有不快經歷）見有新甜品店,（我估）未試過,膽粗粗入去試吓,竟然有驚喜！裝修十分簡潔,but好鍾意張紅色櫈,有一種好舒服及暖暖的感覺,總之好warm咁啦！老婆試咗朱古力堡壘鎮店之選!（我覺得）軟雪糕是自家製的,屬頂級之作,（自家係行內人，知部軟雪糕機唔平，間嘢都肯落本，好感＋１）中間一層是朱古力奶凍,奶凍選用55%Valrhona朱古力整（佢\\\話！）,ｂｕｔ朱古力味又真係幾濃（睇返價錢，係都唔奇！），朱古力甘多甜少！我老婆最鍾意個底ｄ朱古力ｃｈｉｐ，口感十足我試咗Q版朱古力香蕉窩夫窩夫切得細細粒,買相好得意,配雲尼拿雪糕同ｃｈｉｐ,好咬口，有小小冰火位，唔錯！抵讚位：有水飲！一般甜品店都唔會俾水，局你叫嘢飲，呢間唔錯，會俾水，好感＋２班年青人服務好ｎｉｃｅ，有笑容，（甜ｘｘ學吓啦，串串咁！玩高姿態！全尖沙咀得你一間甜品店呀！最憎ｄ鋪唔憂做咁！討厭！！！）好感＋３一定會再試！！！尤其係有個甜品佢\\\話用意大利米做，（唔記得叫咩名！）極想試！！睇吓你玩乜！唔好眼高手低就得嘞＾＿＾有得俾分嘅話，我會俾９５＋，如果出貨再快ｄ就更好嘞！俾心機，好想你做得住！…Read More

十年有多,好味道!真係實至名歸嘅!但經過今晚,我覺得有d嘢應該要出聲喇!始終有d嘢係唔可以俾人情分嘅!首先,侍應服務態度方面:冇笑容!問乜都唔知!目無表情!黑口黑面!喺客後面鬧客!(你哋當其他客死架?)自己幾個喺度玩同嘻嘻哈哈!落單經常有失誤!有問題時只會黑面同拋底一句唔知就行咗去!極度廢話!(試過一個人去食,叫位時問我人齊未,人齊先入得!(???)),又試過幾個人去食,人齊都唔入得(冇位)(我哋四個,但唔緊要),不過後尾叫我哋不如搵兩個入去先,(食住等?)咁我問陣間有冇得坐返埋一齊,又係嗰句~唔知!盡量安排!再加多句,咁你坐唔坐呀?(好似我問多句都阻住佢做嘢咁!)相比以前嗰班侍應,起碼有笑容,有d仲會認得你,有時仲叻到記得你食開d乜,有新嘢又會叫你試吓,見你點煙,會自動攞個煙灰缸埋嚟,我諗呢d先至係叫做侍應,仲只係好基本嘅基本功,依家呢班,炒哂我都唔會覺得可惜,因為我覺得,冇咗佢哋,我自己招呼我自己會仲食得開心d!!第二,水準開始唔穩定,清水喺度,當然絕對冇問題,但清水唔喺度呢,的確有時會失準,希望情況唔會再惡劣落去啦,因為舊時嗰幾個師父仔都唔會有呢d情況出現,但新呢幾個呢………..就…………呀!!……..一句講哂~~~差咗d啦!不過,仍然係可接受,可包容嘅!極度期待你哋嘅進步!!…Read More

尋晚同老婆週年紀念,上咗呢度食飯,貪個老婆鍾意食佢個雞沙律同甜品,點知..........叫咗 普普通通嘅 沙律,pizza 同意粉,食物方面冇大問題,不過份量好明顯係細過以前,不過,ok啦!但當我清咗碟意粉時,隻吉碟落枱唔洗一秒,已經唔見咗!!!!!!!!有黑洞?心諗!咁趕?好旺咩?(當時大約有六,七成滿)唔覺呀~~~~~以為係幻覺,繼續!到清埋碟意粉,又係咁!!!!到我老婆finish, 隻叉一放低,連刀,碟,用緊嘅紙巾,一次過唔見哂,淨返隻杯!!(開始起火!)(額頭有十字!)到我finish,連墊杯張紙巾都冇埋!(但我係有叫甜品噃!)(用手食?)到上甜品, 攞咗埋枱又攞返走,(因為乜都冇!)再上,個雪糕已經溶咗三份一,...................(咁點呀!'_'!!)到埋單,十五分鐘!整整十五分鐘!!!!!!!!食物上,真!絕對冇問題,ok嘅,甚致其實係可以讚,不過,咁嘅服務concept,食完識飛都冇用啦............一句講哂"好失望!!!"會唔會再去?depants on 啦,絕唔會係first choice !!!!!!!!!…Read More