cicil_leung's Profile

早排去開火炭工廠大廈嗰頭, 求其去左間餐廳食, 估唔到啲海南雞飯又唔錯喎😁星叻去骨走地海南雞套餐啲雞肉都嫩滑, 而且都幾香口, 去左骨食落非常之方便😀 同埋個套餐嘅份量啱啱好, 夠送哂碗油飯!個飯有得揀要白飯定油飯, 但食海南雞就梗係揀油飯啦😆 油飯油香好正, 味道好正, 飯質唔會太濕潤, 一碗真係有啲唔夠喉啊跟餐仲有小食, 例湯同飲品, 個例湯飲落唔係味精湯嚟, 有驚喜星叻海南雞飯 (火炭)火炭山尾街15-17號峰山工業大廈1樓B室…Read More

將軍澳開左新Donki之後, 附近都多左好多新餐廳, 今次入黎試試呢間花楽日本料理, 出面睇裝修好日式, 入面仲有好多掛畫同擺設, 好似真係去左日本咁前菜叫左雞泡魚乾, 焗得香脆, 用筷子夾都會好易斷, 送酒好夾, 仲叫左胡麻波菜油揚沙律, 胡麻醬加波菜絕配👍🏻刺身五點, 分別有赤身、赤貝、真鯛、金目鯛以及黑鯥, 擺盤好精緻, 每個位擺盤都十分有心思, 好似日本園景咁赤貝加左d柚子皮, 一入口有新鮮赤貝的爽, 同埋好清新既柚子香, 真鯛、金目鯛肉質結實, 彈牙有口感, 赤身比起之前食既白身魚, 魚味濃郁好多, 油脂少，但勝在肉質鮮嫩, 食得出魚本身既鮮味和牛炒飯有鑊氣, 配上炸蒜片同埋粒粒分明既和牛, 食落香口又有層次, 正啊見到好多人都叫串燒, 於是我都叫左四色雞肉串, 分別配上唔同配料, 包括紫蘇梅、黑松露、明太子同埋蜜糖芥末, 雞肉厚實又嫩, 燒得香口之餘又有本身雞肉甜味，配上唔同醬汁, 好有風味特別一提係呢到服務都好好, 係一間高級日本料理應該提供既服務, 成間餐廳氣氛環境都好舒服, 唔錯😬…Read More

食得多放題, 有時都會想去吓啲單點嘅餐廳, 尚膳就提供左唔錯既選擇, 呢到最勁係落完單之後, 野食好快就到湯底揀左酸菜白肉, 除左入面已有既酸菜、白肉、寬粉外, 另外仲俾多碟酸菜白肉你, 越煲越出味手切牛肉好靚, 呢到係細碟, 2人share都夠食, 我地仲叫左牛胸爽, 佢係軟骨黎, 咬落爽口又香牛味四色餃子個皮厚薄中等, 味道正常唔會特別有驚喜咁, 另外仲試左蝦丸同蟹籽墨丸鵝腸爽口彈口, 少少肥多多彈雜菜籃咩都有少少, 2人食剛剛好蟹棒響鈴即叫即炸, 入面個蟹棒唔係cheap cheap急凍蟹柳, 食落有層次Like/follow 社交媒體仲會送杞子圓肉菊花露/寧神洛神花茶一杯, 我地飲個菊花露, 清甜解渴, 好岩打邊爐飲…Read More

區區都有小店，經朋友推介下黎到土瓜灣嘅Libra House。小店氣氛，入到去有好多公仔裝飾，有種自然在家嘅溫馨感。店主打內西餐以及手工麵包，全部自家製。於是叫了一份All Day Breakfast以及辣肉腸薄餅，仲加點左兩個湯。先講下份All Day先，由於全部即刻整所以全部熱辣辣，炒蛋香滑，腸同煙肉都正常水平，菇炒得好香，加左三蚊要了蒜蓉多士，勁多濃，多士都好好味！湯係有驚喜，忌廉濃湯而且料都打溶哂，好足料，味道調配得十分好，建議大家都加點一份試試。辣肉腸薄餅都係自家製，所以餅底都好特別，同平時出面食既好唔同，軟身少少而且味道較為食得出麵包既香味，上面既配料就正常，但芝士真係落到好足，塊塊都可以拉絲～飲品方便選擇不是好多，但咖啡、熱茶、凍茶都有，成餐都食得好舒服，因為出品都幾驚喜，製作好認真。如果下次再黎可以試下！…Read More

每星期五收工都會同朋友去聚集下,happy hour單身係咁嫁啦~琴晚如常,但今次朋友介紹左間德國Bar & restaurant ,聽佢講好似好合適男人去咁, 同埋話D野好食,重點係有晒我地要既德國啤~咁就去左試下.去到都好闊落既,環境好有德國feel ,睇波都幾正,現場男士多D.我地每人一啤,再叫下野食吹下水,咁就迎接嚟緊星期六日既假期啦.我地叫左幾個小食食既,有一樣我地特別中意食既一味小食, Chicken Salad都好健康,又唔會好似無味甘,因為係我想像中係無味道 ,仲要冷制,而呢個就唔會,幾好食,D雞唔會鞋口,好食!…Read More

近排出少左好多街, 但係成日屈係屋企都唔係辦法, 而我對日本菜既熱愛真係從來都無少過, 所以終於出左去食日本野!而間餐廳真係叫日本野食日本菜一定要叫盤刺身先, 7款唔同既刺身滿足哂我想過口癮既感覺, 仲要款款刺身都厚厚既, 十分新鮮, 不錯不錯叫了dinner set既壽喜燒, 和牛加甜鼓油既配搭相當唔錯, 隨餐附送既烏冬都好好食!剩係呢啲點會夠, 所以我同友人仲叫左兩款燒物: 燒牛舌同埋燒茄子! 牛舌調味差少少, 但係肉質算嫩, 而且唔會好難咬. 燒茄子係好貼心咁樣去左皮架! 燒出黎熱辣辣仲出煙, 相當好食!跟住仲試下佢既壽司, 火炙帆立貝同埋三文魚子壽司. 三文魚子壽司紫菜仲脆, 食落口好滿足!最後因為唔係好夠, 叫左個鰻魚炒飯, 好高質!! 鰻魚無散, 而且落既汁都好夠, 好濃味既炒飯! 勁正!最後埋單每位$500, 我覺得都可以試下既! 環境都舒服, 仲有酒飲, 可以同朋友係到吹水都唔怕!…Read More

銅鑼灣cubus有唔少美食，今次嚟呢到嘅日本餐廳食lunch。刺身ランチ $330 有8款刺身，配白飯，白身魚、蝦、貝類、赤身魚一應俱全，最正係有齊哂赤身、中拖羅、大拖羅，中拖、大拖夠肥美，不過有筋，有啲美中不足。特上ちらし $360 呢個好誇張，成碗鋪滿唔同嘅魚生，有大量三文魚籽，又有鮮甜海膽，各種魚都好新鮮，但吞拿魚都係有筋🙈，跟餐仲有茶碗蒸食。Lunch set仲配有咖啡或甜品，當日甜品係士多啤梨奶凍，奶味出，帶有微甜，好食。…Read More

平時同朋友食西餐都係揀去尖沙咀 銅鑼灣個啲地方～～但係我同朋友本身都係住土瓜灣呢頭見到近近地有得食下西餐梗係唔好放過啦 中價價位 比尖沙咀平少少如果住附近既話真係相當唔錯本身諗住呢類街坊西餐店都係食下卡邦尼 鋸下扒唔會有D好特色既食物所以同朋友就係落單既時候問左店員有D咩推介最後黎既食物都好滿意首先前菜有份沙律沙律入面係有蝦醬 有少少fusion感覺食落幾夾 都幾驚喜～之後叫左份我鍾意食既大啡菇除左有芝士之外仲有蟹肉係入面好juicy同埋成個口感好豐富然後主菜係黑松露鵝肝意粉黑松露味好濃郁 鵝肝亦唔會太漏 幾岩我心水另一份係燒豬髀伴甜梨食落幾fresh同埋下面個薯蓉都好好食唔係就咁求其當伴碟而整 幾有誠意食物方面唔錯 不過我覺得最驚喜反而係飲品鍾意飲黑糖飲品既我當然係叫左沖繩黑糖奶茶好香好滑 鍾意黑糖既人一定會鍾意飲!!而我朋友叫個杯係香水烏龍所謂香水係間餐廳自己調教既食用香水會噴落去杯烏龍到 甜甜地好特別～總括黎講下次同朋友想出去食西餐既時候都一定會再返黎encore…Read More

唔知大家有無去過彩園廣場呢? 我每次去都只會幫襯歐意餐廳,話佢係全商場質素最穩陣又最多選擇都當之無愧!呢個乾燒雞扒炒公仔麵擺盤已經有別於一般茶記嗰啲, 望落去都靚啲, 公仔麵炒得夠乾身又惹味, 雞扒唔柴蒲燒鰻魚叻沙湯烏冬個配搭好特別, 又日式又東南亞咁, 個鰻魚嘅size好大條, 完全唔覺得係商場仔入面食嘅嘢咁, 叻沙湯好濃味, 夾埋鰻魚個味又唔會奇怪喎, 都幾特別Menu上面我仲試過好多唔同款式, 基本上樣樣都好食, 大家都不妨試吓…Read More

一直以為觀塘工廠區得cafe嗰啲, 原來嗰到都有又抵又好食嘅泰國菜架, 同媽咪去食, 介紹下其中幾款先好鍾意食粉絲, 所以叫左海鮮粉絲沙律, 夠酸夠開胃, 份量2個人share嚟食就啱啱好, 鍾意食泰式沙律不妨考慮呢個小食拼盤, 雖然比較熱氣, 但次次食泰國嘢我都忍唔住會嗌! 雞翼同埋蝦餅係我最愛!! 有少少油膩, 不過炸嘢一定會係咁, 拼盤咩都有得試吓, 抵叫炸軟殼蟹原隻咁上, 睇到都流哂口水, 咬落好脆啊! 同埋個size都好大隻!!…Read More

好耐無食魚蛋粉嗰啲啦! 今日行過雅苑小廚見到都唔少食客, 一於試吓先, 呢到潮式麵單拼$43-46, 我叫咗牛腩魚蛋麵, 雙拼要加$10, 共$56, 叫完好快就有得食, 趕時間都唔驚先試咗個湯頭先, 飲落又幾清甜喎, 唔會一味得味精咁, 牛腩肥瘦中等, 唔會話有筋又好難咬開咁, 唔錯唔錯, 魚蛋食落又夠哂彈牙, 夠足料, 最緊要係叫完雙拼之後, 每樣餸嘅份量都唔會得返好少, 食得滿足又開心呢到仲有好多其他種類嘅食物, 下次經過我都會試吓其他…Read More

上星期去咗屯門探朋友, 朋友帶我去喜咖喱食個便飯, 佢話自己成日都去呢間食, 仲叫我試吓呢到嘅蕃茄湯豬頸肉拉麵添, 話係佢嘅Favourite我就叫呢個蕃茄湯豬頸肉拉麵嚟試下, $54 蕃茄湯好香濃, 酸酸地好開胃! 豬頸肉另上, 睇見都知煮得好香口, 食落果然好惹味! 連埋個蕃茄湯食, 鮮甜又食到肉香, 個麵仲有隻溏心蛋添, 切開咗之後好吸引, 可惜唔記我影相😂幾十蚊又抵又好食, 唔怪之得我朋友成日嚟食啦, 如果下次再嚟屯門一定encore…Read More

尖沙咀好多黃店,其中一間我最鍾意嘅係 #小黑糖 ,佢喺正 #光榮冰室 附近,可以嚟個懲罰combo 💛嚟到小黑糖一定要飲黑糖珍珠厚鮮奶, 佢嘅珍珠煮到好香甜,軟硬程度次次飲都啱啱好,甜度建議大家少甜,咁樣嘅話杯飲品就唔會太過甜,感覺上會無咁肥,另外記得要揀厚鮮奶版本,飲落會多一份層次㗎朋友揀咗宇治抹茶歐蕾,顏色嘅漸層望落好靚,飲落有好香濃嘅奶香同抹茶嘅甘香,鍾意飲抹茶系列嘅話一定唔可以錯過#黃店 #黃色經濟圈…Read More

今次特登過嚟東大街 試吓呢個朋友介紹嘅居酒屋聽講呢間居酒屋最出名嘅係烏冬當然要試一試 叫咗呢一個黑松露忌廉海鮮烏冬忌廉黑松露味道好濃烈海鮮入面有帆立貝 味道鮮甜烏冬彈牙 而且個麵身可以掛得住個湯 除咗呢一個烏冬之外梗係要試埋另外一個啦 清酒雞肉竹笙烏冬 呢個烏冬好重料 酒味香濃而且並埋雞肉好滑溜配搭埋竹笙好有咬口 再另外叫多一個小食牛油金菇包 份量好足 兩個人食剛剛好 嗰日天氣有啲轉涼 叫咗一杯熱嘅棉花糖朱古力完美既結尾 Perfect …Read More

成日都食好西今次就貼地啲食返啲茶餐廳 雖然依間叫樓下冰室不過並唔係喺我樓下嘅佢朋友收工去咗佢樓下度食一坐低都好多選擇下花多眼亂朋友就叫咗一隻滷水雞腿配茄湯麵滷水腿 滷到好淋一咬就散開茄湯面蕃茄味濃郁仲有粒粒嘅蕃茄碎配依個菠蘿冰 味道啱啱好 我就叫左呢度推介嘅滑蛋叉燒飯滑蛋好似流心咁好滑叉燒味濃配少少豉油汁啱晒 我飲埋依個忌廉紅豆冰今次呢個朋友好大食焗芝士肉醬薯角 由於係即整嘅所以要等耐少少肉醬好濃味 薯角好熱要睇住食 …Read More