conconcly's Profile

酸辣湯都幾足料，荀、肉絲、硬豆腐同木耳都有，仲有蛋花。可美中不足：1、加太多胡椒粉，加胡椒粉個湯係會香啲但過量變左有苦味。2、雲吞有兩粒，入面係豬肉。同湯入面既肉絲有同一個問題，豬肉煮之前處理得麻麻，有豬臊味，唔係少少臊，係好大味下。3、麵煮唔夠，呢隻闊麵唔太會吸湯，而家食落偏硬，可以煮淋少少。未加一$46下午茶有杯珍奶不過不失。雖然食碗野都旨在啲雲吞（本人中意食酸辣麵多啲），但個雲吞個餡真係搞唔掂，希望可以搞搞佢。同埋唔好咁重手加白胡椒粉，可惜囉，其實個湯幾好。…Read More

講真唔係第一次食 之前係正正常常 最嬲係煎雙蛋 不嬲唔會全熟 仲要有兩三啖就有蛋殼 魚柳就一次比一次細 一上枱我以為佢比得半舊我 焗豆比到好似乞衣咁 如果呢度係30零蚊都算 岩岩開張個時係幾好 嚟過幾次一直以來覺得中規中矩唔錯 個早餐都唔差 但今次真心嬲左 （雙蛋好重要）大概老細覺得假日早市唔係最賺錢 就不停cutcutcut 又或者好多客都唔理食物質素 倒咗落肚就算 咁我都真係祝你生意興隆 至少我諗有啲人都會睇食物質素 因為今次黎 見到個場都幾吉 比之前人流少左幾多下 不過之後應該都唔會再留意到…Read More

係巷仔入面，有少少難搵，之前上網睇過所以試試佢（想喺銅鑼灣搵啲麻辣湯麵食）夜晚有啲冷清，有大半空枱。碗麵賣相幾好，湯麵轉左麻辣湯小辣，小辣冇咩辣，想食辣可能要大辣。湯太咸，配菜仲有鹹菜，加埋一齊仲咸。如果唔係咁咸嘅話可能會好食少少。豬仔骨好食嘅，煮得都夠琳。之前睇過食評話咸，冇諗過真係咸到咁，有d失望。環境、乾淨程度同服務態度唔錯，現金有88折，不過以本身要加一同麵碗嘅好食程度黎講，折左都係覺得偏貴。…Read More

3點令左右搵下午茶食，見到menu價錢都ok就入去試下。正門口企左兩個職員係度傾野，基本上擋住晒個門口，3、4個侍應企係入面望住我冇人出黎，我行入少少先有個著便服既行埋黎問我幾多位。坐低枱面冇menu，冇人理，要你叫佢比，叫佢仲打算叫我自己去櫃檯拎...生牛河可能唔係佢哋招牌，好食d正宗d就貴少少錦麗或者平少少就越棧，如果要食到呢碗野嘅水準就街邊求其一間廿令卅雞嘅肥牛河。總括來講就係性價比好低、冇服務但要收加一嘅一間鋪，完。…Read More