tszming95的個人專頁

今日特登入青衣去搵個好耐冇見嘅朋友，跟住我哋就順便一齊食埋晚飯。我哋喺青衣城行咗一陣，就揀咗食韓式燒肉，去咗食炑八韓燒。依間炑八地方好闊落，位置坐得都好舒服。而且仲有準備埋圍裙，咁就可以放心食嘢啦。我哋叫咗慶州豚肉神話套餐，首爾就去過啦，不過慶州就冇去過，唔知d豬肉好唔好食呢！我哋仲每人加咗杯荔枝梳打嚟飲。呢度有齊基本韓燒嘅配菜，不過我最鍾意嘅係個芝士粟米，芝士味道好濃郁，加埋啲粟米，味道甜甜地，好開胃。終於個主菜嚟到啦，中間嘅係大八爪魚，顏色鮮紅啲嘅係牛肉，就係霜降牛小排、蔥蒜牛五花同埋薄切牛舌，仲有特製五花肉同埋梨汁雞肉，仲有啲冬菇同埋南瓜嘅配菜，顏色就好吸引啦。另外我最期待呢個慶州五花肉，佢仲有埋認證書，保證係慶州入口顏色比較偏粉紅色，燒起嚟脂肪比較多，所以好香。而且肉汁豐富，肉味仲可以留喺個口入邊好耐另外，店員好細心咁幫我哋剪開左咗啲五花肉，咁我哋就好似易啲燒，同埋易啲熟啦。呢杯係荔枝梳打，味道酸酸甜甜咁，好香荔枝味。…查看更多

最近天氣有啲凍，又係到咗打邊爐嘅季節。所以我又約咗朋友去咗打邊爐，我哋總共四個人去咗荃灣嘅一間日式火鍋放題，去咗食晚飯。價錢都好易明一睇就明白，仲可以任食兩個鐘頭。我哋約咗7:30pm。首先揀咗湯底先，我哋揀咗豬骨湯底同埋壽喜燒湯底，豬骨湯底味道比較濃，而壽喜燒湯底就比較甜啲。呢度叫嘢食多數都係網上面落單，所以好方便。另外出面仲有好多嘢食可以自己拎，又有熟食又有魚生，仲有好多打邊爐嘅配料。出面仲可以見到師傅喺度切緊一條好大條嘅吞拿魚，真係好新鮮。呢啲都係可以喺出邊拎嘅，好似有壽司咁，就唔使驚肚餓啦。呢個就係肥牛，牛肉肉質好滑，唔使點咬就可以吞落肚…查看更多

前幾日約咗個朋友去食生日飯，佢本身好大食嘅，所以我就提議我哋一齊去食日式放題，我已經預先book咗銅鑼灣嘅滿屋，所以我哋就一齊去。呢度嘅嘢食選擇好多，除咗刺身同壽司之外，仲有串燒熟食等等...而且係等嘅期間之外出邊仲有啲熟食可以自己拎，唔使怕餓住你等。呢個係炸蝦天婦羅，天婦羅炸得好鬆脆，粉漿好薄好鬆化，蝦肉好爽口同彈牙。我哋仲叫咗啲刺身，帶子刺身好鮮甜，而且唔會切到好薄好細片，好有口感，螺肉就好爽口，味道都好鮮。我哋仲叫咗啲炸物同埋熟食，呢個係汁燒牛舌，牛舌好爽口而且味道好入味。…查看更多

最近天氣凍咗啲，我見到屋企附近開咗間新嘅四川菜，就諗住同屋企人去試吓食，唔知會唔會好辣呢。嗰度地方都幾大，而且係新裝修所以俾到人好乾淨嘅感覺，坐得都好舒服。呢度叫嘢食係scan個QR code, 跟住自己點菜嘅。我哋叫咗個水煮牛肉同埋川式口水雞。呢個就係水煮牛肉，估唔到份量都幾大，未食已經聞到一陣辣味，入面仲有好多辣椒，牛肉都有幾多，最低仲有好多木薯粉，吸收晒啲辣味，所以食完個身都熱辣辣。呢個就係口水雞，辣嘅程度比水煮牛肉少，容易接受多啲，但都係有啲辣，雞肉佢整得好軟熟，好入味。…查看更多

呢排見天氣凍凍地又係打邊爐嘅好時間，朋友約咗我地去尖東一間火鍋海鮮酒家度打邊爐，佢話呢度又抵食又冇計時間，咁我哋就可以一路食嘢一路傾計啦。我哋揀咗個海底椰豬筒骨煲，成個煲入面都好多材料，真係有成條豬骨係入面，味道好香。出面仲有啲嘢食可以拎，咁你就唔駛等可以直接食啦。佢基本上好多嘢食都可以叫，雖然選擇唔算好多，但係都夠你食嘅。呢個係牛胸油，即係牛橫膈膜入邊嘅一層，味道好爽口，而且又有牛肉味。呢個就係串海蝦，蝦好生猛，而且味道好爽口彈牙，絕對好值得食。而且呢度地方好大，所以容納到好多人比較熱鬧，所以大家氣氛都好高漲。…查看更多

前幾日見到荃灣開咗呢間新嘅冰室，我就約咗朋友一齊去食晚飯，依家好流行冰室，所以我哋都去湊下熱鬧。見到呢個十大必食嘅餐牌，所以我哋都叫咗呢啲嘢食。呢個係瑞士雞翼，賣相都好吸引，而且顏色仲整得好夠色水，味道非常入味，不過佢個瑞士雞翼係偏鹹啲嘅，而且連入面嘅肉都有味。呢個係焗豬扒飯，份量真係非常之大，而且塊豬扒差唔多有我兩隻手板咁大，焗得好香，而且豬扒整得好軟熟，蕃茄汁味道酸酸甜甜，加埋個炒底嘅飯，好開胃。我哋仲叫咗個炸雞比薯條，炸雞髀都係好大隻，熱辣辣咁，每啖都啖啖肉，又香又脆。…查看更多

前幾日，又係我地一班朋友嘅每月聚會，我哋揀咗去食養生雞煲，我哋揀咗依間尖沙咀嘅尚上下夏雞煲火鍋店，個名都好得意又好記。我哋叫咗個雞髀拼雞胸嘅雞鍋，另外仲叫咗一啲打邊爐嘅材料，所以我哋而家淨係等食就得啦。個雞煲終於到啦，免頭仲有好多芫荽同埋蔥，所以好香，搞到我地全部都好肚餓添。再焗多陣就可以食得啦，要搞下個鍋如果唔係就會癡底。入面有雞胸同埋雞髀，所以會食到啲肉質有啲會好實，有啲又會好嫩，各有特色。食完雞煲之後我哋就加湯打邊爐，呢個係手切頂級安格斯，睇得出脂肪嘅含量係好少，所以肉質比較結實，而且仲好重肉味添。我哋仲叫咗烏冬，烏冬吸收湯底嘅精華，所以好入味。…查看更多

今個月係我嘅生日月，所以朋友約咗我去食飯，一諗到新嘅餐廳我就想食新開嘅美滋鍋，因為聽講入面全部都係粉紅色，啱晒我嘅口味。而且啱啱一入到去，我見到隻好大隻嘅粉紅色啤啤熊，好可愛。我哋叫咗個鴛鴦鍋，左邊嘅係膠原蛋白養顏美容鍋，右邊嘅係藥膳養生醉雞鍋，淨係聽個名都知道美顏兼養生。首先我哋每人都飲咗一碗湯，味道真係好濃郁，而且味道好鮮。我哋叫咗個老虎蝦，一共有五隻。而且佢哋仲好細心咁幫我地滅埋蝦殼，每隻虎蝦都差唔多有成15 cm長，而且味道爽口，仲好新鮮添。我們叫咗本地手切肥牛，牛肉顏色好鮮紅，而且唔係好多脂肪，肉味好濃，肉質仲好鮮嫩添。我哋仲叫咗響鈴，蟹棒同埋烏冬，佢哋吸收晒湯底嘅精華，所以食落好入味。而且出面仲有生果可以拎，所以打邊爐都唔使怕熱氣啦。…查看更多

我好耐冇去食燒肉放題，最近心思思又想去食，所以就約咗幾個朋友一齊去食。我哋約咗喺旺角嗰間平昌食韓式放題，我哋約咗7:30鐘。啱啱去到嗰度已經好香燒肉味喇，所以我哋都急不及待咁叫嘢食。呢度有得揀我最鍾意食嘅海鮮，好似有帆立貝，蝦同鰻魚等等...仲有最重要嘅燒肉，所以依度除咗牛肉之外仲有豬肉同埋雞肉。我最欣賞呢度係用環保卡落單嘅，咁就唔會浪費好多紙，比較環保啲。大約等左10分鐘啲嘢食就好快嚟到喇，海蝦好大隻，仲好新鮮添。唔知點解出到去食嘢好鍾意食蝦，可能係因為要去買下好麻煩所以就比較鍾意食蝦。之後仲有韓式炒粉絲可以叫，佢炒得好入味，不過就凍啲，如果有埋牛肉係入邊就更加好啦。…查看更多

前幾日，同朋友一齊去咗食重慶火鍋，因為冇食過，所以一直都好期待，呢度環境好好，坐得都好舒服。首先仲嚟咗個糖水俾我哋潤下喉，好貼心！我哋叫咗個鴛鴦鍋，一邊係大骨滋補鍋而另一邊係蕃茄湯底，賣相都好靚啊，依家就係等佢滾姐。我哋叫咗個串鮮蝦，買相整得好靚，而且每隻蝦都差唔多有成10 cm咁長，大概3分鐘左右，就可以食得，味道鮮甜而且爽口。跟住呢個就係黑豚腩肉，睇得出脂肪同肉汁嘅比例分布得好好，豬肉比較爽口而且甘香。甜品方面我哋叫咗個南瓜餅，佢焗得好香脆，而且入邊嘅南瓜煙煙韌韌，味道柔軟又甜。而且另外由八月開始午市火鍋湯底免費，咁真係好抵食喎，可以下晝嚟同朋友一齊食。我哋仲叫咗個洛神花茶，喺呢度自家製嘅，味道酸酸甜甜咁好開胃。…查看更多

上個禮拜，約咗一個好耐冇見嘅朋友出去食飯，我哋約咗去旺角行街跟住一齊食埋晚飯。我哋行行吓就見到呢間餐廳，又有燒肉又有日本野可以食，所以我哋就揀咗呢間餐廳嚟食晚飯。我比佢呢一個每日限定嘅日出富士丼吸引，所以我哋就叫左一個，另外我叫咗啲小食同埋甜品。首先嚟咗嘅係燒鵝肝，鵝肝好大塊同埋肥美，咬落去啲油流晒出嚟，入口即溶，仲充滿鵝肝嘅香味。跟住呢個就係極上牛柳三文治，而且佢個牛柳仲係厚切嘅，差唔多有兩片麵包咁厚，牛肉味好重，而且好嫩滑。終於嚟咗個日出富士丼，賣相真係好吸引，雞蛋黃就好似熔岩咁流出嚟，加埋啲牛肉，口感好豐富，而且呢個差唔多有成10 cm高。最後我哋仲叫咗個牛奶雪糕，味道充滿牛奶香味，為我哋呢一餐晚飯畫上咗一個好完美嘅句號。…查看更多

前幾日同朋友一齊去咗呢間Cafe度食嘢，原來呢間Cafe係一間韓式嘅Cafe，我哋都係第一次去嘅咋，所以好有新鮮感。原來除咗嘢飲之外，呢度都仲有好多嘢食可以揀，估唔到仲有意粉、包同埋甜品可以食。我叫咗個韓式熱狗，呢個熱狗差唔多有成15 cm咁長，所以食完都應該好飽啦。熱狗包焗得好脆，入面條腸仔就好Juicy, 免頭啲醬就有啲辣辣地，整體好配合。呢個係焗肉醬意粉，仲有好多芝士係上面添，意粉覺得好煙韌，加埋啲肉醬，好開胃。我哋仲叫咗一個朱古力鬆餅，入面仲有好香濃嘅流心朱古力，焗得好香脆。…查看更多

琴日我哋一家人又出去荃灣食飯，上次我嚟食過呢間醉潮館，覺得味道唔錯，所以今次再嚟試過。今次我決定叫啲新嘅嘢食，試吓其他唔同嘅嘢食。我哋叫咗個花膠金湯翅，幾個小菜。呢個係鐵板跳跳豆腐，顧名思義即係係鐵板上面跳舞咁，所以一嚟到就已經聽到鐵板上面嘅吱吱聲，味道好香，雖然係咁高溫下，但係豆腐仍然保持到鮮嫩。呢個就係豉油王蝦，佢炒得好香，而且蝦亦好新鮮，肉質好爽口彈牙，好夠獲氣。呢個就係花膠金湯翅，係有成個鍋咁多嘅，底下仲有個火爐坐熱住，入面仲有雞喺度，所以好濃郁嘅雞湯味，飲咗之後成身暖曬。…查看更多

前幾日朋友約咗我去食葵芳呢一間丸十日本食堂，因為識我嘅朋友都知道我好鍾意食日本嘢，所以佢特登帶我嚟試下呢間。睇呢度嘅餐牌睇到我花多眼亂，幾乎你講得出嘅日本嘢食都依度有得食，真係唔怕你冇得揀，最怕你揀唔到。我哋就每樣都揀咗啲黎食。首先我哋叫咗個刺身盛合，有三種唔同嘅刺身，包括有三文魚、池魚同埋帶子，整得好靚，而且啲刺身亦都好新鮮。呢個係燒雞泡魚干，送到黎嘅時候已經聞到好香嘅味道，魚干燒得煙煙韌韌，沙律醬上面仲有啲七味粉，味道酸酸甜甜得來又有啲辣辣地，好開胃。呢個就係和牛厚燒，賣相都整得好靚，我哋揀咗五成熟，所以入面仲有好鮮嫩嘅粉紅色肉質，肉質好鮮嫩加埋啲炸好嘅蒜片，更加香。而呢個就係丸十嘅鐵板和牛炒飯，份量都有一大碗，而且炒得好香，飯粒粒粒分明，加埋和牛洋蔥蔥等等去炒，味道好豐富。…查看更多

幾個禮拜前經過荃灣廣場，知道咗會開翠華冰廳，所以我都好期待想去試吓，前幾日我終於同朋友去咗試吓食呢間冰廳。由於係啱啱新開嘅關係，所以環境都好企理好乾淨，而且亦都唔係有太多人，所以我哋坐得好舒服。由門口行入嚟，已經見到有好多麵包同埋蛋撻。由於賣相好吸引，所以我哋都忍唔住叫咗兩隻蛋撻嚟食。佢哋嘅蛋撻嘅皮係酥皮嚟嘅，我係比較鍾意食酥皮多個曲奇皮，因為比較鬆化，佢呢個蛋撻都整得好鬆化，而且蛋香味好濃，又夠滑。我仲叫咗個火腿啖啖滑蛋治，已經幫我地切開咗做4份，分量亦都好足料，滑蛋好滑加埋啲火腿味道鹹鹹地，味道好配合。…查看更多